ⵢⴻⵜⵜⵡⴰⴽⴻⵜⴱⴻⵏ ⵡⴰⴽⴽⴻⵏ ⴰⴷ ⵉⴽⵎⴻⵍ ⵓⵙⵓⴼⴼⴻⵖ ⵏ ⵓⴳⴻⴼⴼⵓⵔ ⴷⵉ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⴰⵙⵙ ⵏ ⵜⵜⵍⴰⵜⴰ ⴷ ⵍⴰⵔⴱⴻⵄⴰ, ⴰⵔⴰ ⴷ-ⵢⵉⵍⵉⵏ ⴷⵉ ⴽⵔⴰ ⵏ ⵜⴻⴳⵏⵉⵜⵉⵏ ⵙ ⵜⵉⵔⵙⴰⵙ ⴷ ⵓⴱⵔⵓⵔⵉ, ⴰⴽⴽⴻⵏ ⵉ ⴷ-ⵢⵓⵙⴰ ⴷⴻⴳ ⵓⵍⵖⵓ ⵓⴼⵔⵉⵔ ⵏ ⵓⵙⴻⵍⵙⵓ ⴰⵖⴻⵍⵏⴰⵡ ⵏ ⵜⴻⵙⵏⵉⴳⵏⴻⵡⵜ (ONM).
ⵓⵍⵖⵓ-ⴰⴳⵉ ⵉ ⵢⴻⵜⵜⵡⴰⵙⴻⵏⵜⵍⴻⵏ ⴷⴻⴳ ⵡⴻⵙⵡⵉⵔ ⵏ ⵜⵢⴻⵇⵥⴻⵜ "ⵜⴰⵛⵉⵏⵉⵅⵜ" (Orange), ⵢⴻⵄⵏⴰ ⵜⵉⵡⵉⵍⴰⵢⵉⵏ ⵏ: ⴰⴳⴰⴼⴰⵢ ⵏ ⵄⵉⵏ ⵚⴰⵍⴻⵃ, ⵉⵍⵍⵉⵣⵉ ⴷ ⵓⵏⵥⵓⵍ ⵏ ⵡⴻⵔⴳⵍⴰ. ⴰⴳⴻⴼⴼⵓⵔ ⴰⴷ ⵢⴻⵇⵇⵉⵎ ⴰⵔⵎⵉ ⴷ ⵜⵜⴻⵙⵄⴰ (21:00) ⵏ ⵢⵉⴹ ⵏ ⵡⴰⵙⵙⴰ ⵏ ⵜⵜⵍⴰⵜⴰ. ⴰⵎⴹⴰⵏ ⵏ ⵡⴰⵎⴰⵏ ⴰⴷ ⵢⵉⵍⵉ ⴳⴰⵔ 20 ⴷ 30 ⵎⵎⵍ, ⵢⴻⵣⵎⴻⵔ ⴰⴷ ⵢⴻⵄⴷⵉ 40 ⵎⵎⵍ ⴷⵉ ⵜⵡⵉⵍⴰⵢⵜ ⵏ ⵉⵍⵍⵉⵣⵉ.
ⴷⵉ ⵜⵡⵉⵍⴰⵢⵉⵏ ⵏ ⵜⵉⵣⵉ ⵡⴻⵣⵣⵓ, ⴱⴳⴰⵢⴻⵜ, ⵊⵉⵊⴻⵍ, ⵙⴽⵉⴽⴷⴰ, ⵄⴻⵏⵏⴰⴱⴰ, ⵍⵟⴰⵔⴻⴼ, ⵙⵟⵉⴼ, ⵎⵉⵍⴰ, ⴱⵓⵔⵊ ⴱⵓ ⵄⴻⵔⵉⵔⵉⵊ, ⵇⵙⴻⵏⵟⵉⵏⴰ, ⴳⴰⵍⵎⴰ ⴷ ⵙⵓⵇ ⴰⵀⵔⴰⵙ, ⴰⴳⴻⴼⴼⵓⵔ ⴰⴷ ⵢⴻⵇⵇⵉⵎ ⴰⵔⵎⵉ ⴷ ⵡⴰⵙⵙ ⵏ ⵍⴰⵔⴱⴻⵄⴰ ⴷⴻⴳ ⵜⵎⴻⵔⵡⵉⵏ ⴷ ⵚⴹⵉⵚ (18:00) ⵏ ⵜⵎⴻⴷⴷⵉⵜ. ⴰⵎⴹⴰⵏ ⵏ ⵡⴰⵎⴰⵏ ⴰⴷ ⵢⵉⵍⵉ ⴳⴰⵔ 20 ⴷ 40 ⵎⵎⵍ, ⵢⴻⵣⵎⴻⵔ ⴰⴷ ⵢⴻⵡⵡⴻⴹ 50 ⵎⵎⵍ ⴷⴻⴳ ⴽⵔⴰ ⵏ ⵢⵉⵎⵓⴽⴰⵏ.
ⵎⴰ ⴷ ⵜⵉⵡⵉⵍⴰⵢⵉⵏ ⵏ ⵜⵉⴱⴰⵣⴰ, ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴱⵓⵎⴻⵔⴷⴰⵙ, ⵜⵓⴱⵉⵔⴻⵜ, ⵍⵎⴷⵉⵢⴰ, ⵍⴱⵍⵉⴷⴰ ⴷ ⵄⵉⵏ ⴷⴷⴻⴼⵍⴰ, ⴰⵎⴹⴰⵏ ⵏ ⵡⴰⵎⴰⵏ ⴰⴷ ⵢⵉⵍⵉ ⴳⴰⵔ 20 ⴷ 30 ⵎⵎⵍ, ⵢⴻⵣⵎⴻⵔ ⴰⴷ ⵢⴻⵄⴷⵉ 40 ⵎⵎⵍ. ⵢⴻⵜⵜⵡⴰⴽⴻⵜⴱⴻⵏ ⴷⴰⵖⴻⵏ ⵡⴰⴽⴽⴻⵏ ⴰⴷ ⵢⵉⵍⵉ ⵡⴰⴹⵓ ⵉⵊⴻⵀⴷⴻⵏ ⴰⴽⴽⴻⴷ ⵜⵉⵔⵙⴰⵙ, ⴰⵙⵙ ⵏ ⵍⴰⵔⴱⴻⵄⴰ ⵙⴻⴳ ⵜⵍⴰⵜⴰ (03:00) ⵏ ⵚⵚⴱⴻⵃ ⴰⵔⵎⵉ ⴷ ⵜⵎⴻⵔⵡⵉⵏ ⴷ ⵚⴹⵉⵚ (18:00) ⵏ ⵜⵎⴻⴷⴷⵉⵜ.
ⴰⵔⵏⵓ ⵖⴻⵔ
