ⴰⵎⴰⵡⴰⵙ ⵏ ⵓⴼⵓⵙ, ⵄⴰⴱⴷⴻⵍⴽⵔⵉⵎ ⴱⵓⴰⵍⵣⴻⵔⴷ, ⵢⴻⴱⵔⴻⵏ-ⴷ ⴰⵙⵙ-ⴰ ⵏ ⵍⵃⴻⴷⴷ ⵍⵇⴰⵏⵓⵏ ⵏ ⵓⵙⴻⴳⴷⴻⵍ ⵏ ⵜⵎⴻⵙⵉⵡⵜ ⵉ ⵓⵙⴻⴳⴳⴰⵙ ⵏ 2023 ⵣⴷⴰⵜ ⵏ ⵢⵉⵄⴻⴳⴳⴰⵍⴻⵏ ⵏ ⵓⵙⴻⵇⴰⵎⵓ ⵏ ⵜⵎⵓⵔⵜ
ⴷⴻⴳ ⵢⵉⵡⴻⵏ ⵏ ⵓⴳⵔⴰⵡ ⵉ ⴷ-ⵢⴻⵙⵙⴻⴷⴷⴰ ⵓⵇⴻⵔⵔⵓ ⵏ ⵓⵙⴻⵇⴰⵎⵓ, ⵄⴰⵣⵣⵓⵣ ⵏⴰⵙⵔⵉ, ⵙ ⵜⵃⴰⴷⵔⵉⵜ ⵏ ⵜⵎⴰⵡⴰⵙⵜ ⵏ ⵡⴰⵙⵙⴰⵖⴻⵏ ⴰⴽⴽⴻⴷ ⵍⵒⴰⵔⵍⴰⵎⴰⵏ, ⵏⴻⵊⵉⴱⴰ ⵊⵉⵍⴰⵍⵉ, ⴱⵓⴰⵍⵣⴻⵔⴷ ⵢⴻⵙⵙⴻⴳⵣⴰ-ⴷ ⴱⴻⵍⵍⵉ ⵉⴷⵔⵉⵎⴻⵏ ⵉ ⴷ-ⵉⴽⴻⵛⵎⴻⵏ (recettes) ⴷⴻⴳ 2023 ⵏⵡⴰⵏ 9017 ⵏ ⵎⴻⵍⵢⴰⵔ ⵏ ⴷⴷⵉⵏⴰⵜ. ⴰⵢⴰⴳⵉ ⴷ ⴰⵙⵏⴻⵔⵏⵉ ⵏ 24% ⵖⴻⴼ ⵓⵙⴻⴳⴳⴰⵙ ⵏ 2022. ⵎⴰ ⴷ ⵉⴷⵔⵉⵎⴻⵏ ⵉ ⴷ-ⵢⴻⴼⴼⵖⴻⵏ (dépenses), ⵙⵙⴰⵡⴹⴻⵏ 10592 ⵏ ⵎⴻⵍⵢⴰⵔ ⵏ ⴷⴷⵉⵏⴰⵜ.
ⵉⴷⵔⵉⵎⴻⵏ ⵉ ⴷ-ⵉⴽⴻⵛⵎⴻⵏ ⴱⴹⴰⵏ ⴰⴽⴽⴰ:
- 7396 ⵏ ⵎⴻⵍⵢⴰⵔ ⵏ ⴷⴷⵉⵏⴰⵜ ⵏ ⵍⴱⴰⵟⴻⵍ (taxes), ⵉ ⴷⴻⴳ ⵍⵍⴰⵏ 3856 ⵏ ⵎⴻⵍⵢⴰⵔ ⵏ ⵍⴱⴰⵟⴻⵍ ⵏ ⵍⴱⴰⵜⵔⵓⵍ.
- 87 ⵏ ⵎⴻⵍⵢⴰⵔ ⵏ ⴷⴷⵉⵏⴰⵜ ⵙⴻⴳ ⵡⴰⵢⵍⴰ ⵏ ⴷⴷⵓⵍⴰ.
- 1342 ⵏ ⵎⴻⵍⵢⴰⵔ ⵏ ⴷⴷⵉⵏⴰⵜ ⵏ ⵍⴼⴰⵢⴷⴰ ⵏ ⴷⴷⵓⵍⴰ ⴷⴻⴳ ⵓⵃⵔⵉⵛ ⵏ ⵜⴷⴰⵎⵙⴰ.
ⵎⴰ ⴷ ⴰⵢⴻⵏ ⵉ ⴷ-ⵢⴻⴼⴼⵖⴻⵏ ⴰⴱⴹⵓ-ⵏⵙⴻⵏ ⵢⴻⵍⵍⴰ-ⴷ ⴰⴽⴽⴰ:
- 5339 ⵏ ⵎⴻⵍⵢⴰⵔ ⵉ ⵜⴰⵍⵍⴻⵍⵜ ⵏ ⵜⵎⴻⵜⵜⵉ (transfers).
- 3213 ⵏ ⵎⴻⵍⵢⴰⵔ ⵉ ⵍⴻⵅⵍⴰⵚ ⵏ ⵢⵉⵅⴻⴷⴷⴰⵎⴻⵏ
- 1188 ⵏ ⵎⴻⵍⵢⴰⵔ ⵉ ⵓⵙⴻⵏⵜⴻⵍ
- 354 ⵏ ⵎⴻⵍⵢⴰⵔ ⵉ ⵓⵙⴻⵍⵃⵓ ⵏ ⵜⵎⴻⵀⵍⵉⵡⵉⵏ.
ⴰⵎⴰⵡⴰⵙ ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⵙⵡⵉⵔ ⵏ ⵓⵏⴻⴳⵎⵓ ⵏ ⵜⴷⴰⵎⵙⴰ ⴷⴻⴳ ⵓⵙⴻⴳⴳⴰⵙ-ⴰⴳⵉ ⵢⴻⵙⵙⴰⵡⴻⵍ 4,1%.
ⴷⴻⴳ ⵜⴰⴳⴰⵔⴰ, ⵍⴽⵓⵎⵉⵙⵢⵓⵏ ⵏ ⵜⴷⴰⵎⵙⴰ ⵏ ⵓⵙⴻⵇⴰⵎⵓ ⵏ ⵜⵎⵓⵔⵜ ⵜⴻⵏⵏ-ⴰⴷ ⴱⴻⵍⵍⵉ ⵉⵙⴰⵍⵉⵢⴻⵏ-ⴰⴳⵉ ⵏⵡⴰⵏ ⵜⵉⴷⴻⵜ. ⵜⴻⵙⵙⵓⵜⴻⵔ ⴰⴷ ⵢⵉⵍⵉ ⵓⵇⴻⴷⴷⴻⵛ ⵓⴳⴰⵔ ⵉⵡⴰⴽⴽⴻⵏ ⴰⴷ ⵊⴻⵎⵄⴻⵏ ⵍⴱⴰⵟⴻⵍ ⵎⵍⵉⵃ ⵢⴻⵔⵏⴰ ⴰⴷ ⴽⴽⵙⴻⵏ ⴰⴽⵎⴰⵎⴻⵍ ⵖⴻⴼ ⵢⵉⵙⴻⵏⴼⴰⵔⴻⵏ ⵏ ⵍⴱⴰⵢⵍⴻⴽ ⵉ ⴷ-ⵢⴻⵜⵜⴰⵡⵉⵏ ⵍⴼⴰⵢⴷⴰ ⵉ ⵜⵓⴷⴻⵔⵜ ⵏ ⵍⵎⵓⵡⴰⵟⵉⵏ.
ⴰⵔⵏⵓ ⵖⴻⵔ
