ⴱⵓⵖⴰⵍⵉ ⵢⴻⵅⴷⴻⵎ ⵜⵉⵎⵍⵉⵍⵉⵜ ⵜⴰⵜⵓⵙⵏⴰⵏⵜ ⴰⴽⴽⴻⴷ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵙⴻⵏⵏⴻⴷ ⵏ ⵓⴱⵔⵉⴷ ⵏ ⵓⵙⴰⵍⵉ ⵏ ⵜⴻⴳⴷⵓⴷⴰ ⵏ ⵏⵉⵞⴻⵔ

ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⴰⵎⴰⴳⴷⴰⵢ (ⴰⵃⵏ), ⵎⴰⵙⵙ ⵉⴱⵔⴰⵀⵉⵎ ⴱⵓⵖⴰⵍⵉ, ⵢⴻⵅⴷⴻⵎ ⵜⵉⵎⵍⵉⵍⵉⵜ ⵜⴰⵜⵓⵙⵏⴰⵏⵜ ⴰⴽⴽⴻⴷ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵙⴻⵏⵏⴻⴷ ⵏ ⵓⴱⵔⵉⴷ ⵏ ⵓⵙⴰⵍⵉ ⵏ ⵜⴻⴳⴷⵓⴷⴰ ⵏ ⵏⵉⵞⴻⵔ, ⵎⴰⵙⵙ ⵎⴰⵎⵓⵓⴷⵓⵓ ⵀⴰⵔⵓⵓⵏⴰ ⴷⵊⵉⵏⴳⴰⵔⴻⵢ, ⴷⴻⴳ ⵔⵔⵉⴼ ⵏ ⵍⴻⵇⴷⵉⵛ ⵏ ⵜⴻⵞⵎⵓⵢⴰ ⵜⴰⵎⴰⵜⵓⵜ ⵜⵉⵙ 152 ⵏ ⵜⴷⵓⴽⵍⵉ ⵜⴰⴱⴰⵔⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⵉ ⴷ-ⵢⴻⵍⵍⴰⵏ ⴷⴻⴳ ⵜⵎⵓⵔⵜ ⵏ ⵜⵓⵔⴽⵢⵉⴰ.

ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵓⵙⵇⴰⵎⵓ (ⴰⵃⵏ) ⵡⴰⵙⵙ-ⴰ ⵏ ⵍⵃⴻⴷ, "ⴷⴻⴳ ⵜⴻⵎⵍⵉⵍⵉⵜ-ⴰⴳⵉ ⵙⵇⴻⵔⴷⵛⴻⵏ ⵜⴰⵔⵔⴰⵢⵉⵏ ⵏ ⵡⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⴻⴳⴷⵓⴷⴰ ⵏ ⵏⵉⵞⴻⵔ, ⴷ ⵡⴰⵎⴻⴽ ⴰⵔⴰ ⵜⴻⵏ-ⵙⵏⴻⵔⵏⵉⵏ ⵉⵡⴰⴽⴽⴻⵏ ⴰⴷ ⴰⵡⴹⴻⵏ ⵖⴻⵔ ⵢⵉⵙⵡⵉⵢⴻⵏ ⵉⵎⴻⵇⵇⵔⴰⵏⴻⵏ, ⴰⴽⴽⴻⴷ ⵓⵏⴰⴷⵉ ⵏ ⵓⴱⵔⵉⴷ ⵏ ⵓⵏⵢⵓⴷⴷⵓ ⴳⴰⵔ ⵙⵏⴰⵜ ⵏ ⵜⵎⵓⵔⴰ-ⴰⴳⵉ".

ⴷⴰⵖⴻⵏ ⵜⴰⴳⵏⵉⵜ-ⴰⴳⵉ ⵜⴻⵍⵍⴰ-ⴷ ⵉ ⵡⴰⴽⴽⴻⵏ ⴰⴷ ⴷ-ⵎⵎⴻⵙⵍⴰⵢⴻⵏ ⵖⴻⴼ ⵡⴰⵙⵙⴰⵖⴻⵏ ⴷⴻⴳ ⵡⴰⵏⵏⴰⵔ ⵏ ⵓⴱⴰⵔⵍⴰⵎⴰⵏ, ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⴰⵎⵢⴻⵣⵣⵡⴻⵔ ⵏ ⵔⵔⴰⵢ ⴷ ⵓⵏⵢⵓⴷⴷⵓ ⴳⴰⵔ ⵙⵏⴰⵜ ⵏ ⵜⵙⵓⴷⴰ ⵜⵓⵙⵙⵍⵉⴼⵉⵏ ⵏ ⵜⵎⵓⵔⴰ-ⴰⴳⵉ.

ⵉⵡⴰⴽⴽⴻⵏ ⴰⴷ ⴷ-ⵏⴻⵎⵎⴻⴽⵜⵉ, ⵍⵍⴰⵏ ⴷⴻⴳ ⵜⴻⵎⵍⵉⵍⵉⵜ-ⴰⴳⵉ: ⵎⴰⵙⵙⴰ ⴼⴰⵔⵉⴷⴰ ⵉⵍⵉⵎⵉ, ⵜⴰⵎⵓⵍⴰⵙ ⴷⴻⴳ ⴰⵃⵏ ⵢⴻⵔⵏⴰ ⴷ ⴰⵎⴰⵙⵍⴰⵢ ⵓⵎⴻⵖⵉ ⴷⴻⴳ ⵜⴷⵓⴽⵍⵉ ⵜⴰⴱⴰⵔⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ; ⵎⴰⵙⵙ ⴰⵎⵎⴰⵔ ⵓⵓⵍⵎⵉ, ⴰⵎⵓⵍⴰⵙ ⴷⴻⴳ ⴰⵃⵏ; ⴷ ⵎⴰⵙⵙ ⴽⴰⵎⴰⵍ ⵅⵀⴻⵍⵉⴼⴰⵜⵉ, ⴰⵎⴰⵙⵍⴰⵢ ⴷⴻⴳ ⵓⵙⵇⴰⵎⵓ ⵏ ⵍⵓⵎⵎⴰ ⵢⴻⵔⵏⴰ ⴷ ⴰⵎⴰⵙⵍⴰⵢ ⵓⵎⴻⵖⵉ ⴷⴻⴳ ⵜⴷⵓⴽⵍⵉ ⵜⴰⴱⴰⵔⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ.