ⴰⵙⵉⵔⴻⵎ ⵏ ⵜⴻⵙⵏⵉⴳⵏⴻⵡⵜ ⵏ ⵓⵡⴰⵏⴰⴽ (ONM) ⵉⵄⴻⴳⴳⴻⵏ-ⴷ ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ, ⴰⵙⵙ-ⴰ ⵏ ⵜⵜⵍⴰⵜⴰ, ⵖⴻⴼ ⵓⵖⴻⵍⵍⵉ ⵏ ⵓⴳⴻⴼⴼⵓⵔ ⴷ ⵔⵔⴻⵄⴷ ⴷ ⵡⴰⴹⵓ ⵉⵊⴻⵀⴷⴻⵏ ⴷ ⵢⵉⵣⴰⴱⵓⵏ ⵏ ⵔⵔⵎⴻⵍ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.
ⴷⴻⴳ ⵢⵉⵡⴻⵜ ⵏ ⵓⵏⵉⵀ ⵏ ⵓⵙⵡⵉⵔ ⴰⵎⴻⵏⵣⵓ, ⴰⵙⵉⵔⴻⵎ ⵢⴻⵏⵏⴰ-ⴷ ⴱⴻⵍⵍⵉ ⴰⴳⴻⴼⴼⵓⵔ ⴰⴷ ⵢⴻⴱⴷⵓ ⵙⴻⴳ ⵜⵉⵣⴻⴽⵏⵉⵏ ⵏ ⵡⴰⵙⵙ-ⴰ ⴰⵔⵎⵉ ⴷ ⵜⵏⴰⵚⴼⴰ ⵏ ⵍⵍⵉⴹ.
ⵉⵎⴻⵥⵍⴰ ⵏ ⵜⴻⵙⵏⵉⴳⵏⴻⵡⵜ ⵏⵏⴰⵏ-ⴷ ⴱⴻⵍⵍⵉ ⵜⵉⵡⵉⵍⴰⵢⵉⵏ ⵢⴻⵄⵏⴰ ⵓⵙⵉⵡⴹ-ⴰⴳⵉ ⴷ: ⵓⵎ ⴻⵍ ⴱⵓⵡⴰⵇⵉ, ⴱⴰⵜⵏⴰ, ⵜⴰⵎⵙⵉⵍⵜ, ⵍⴶⴻⵍⴼⴰ, ⵜⵢⴰⵔⴻⵜ, ⵍⴻⵖⵡⴰⵟ, ⵍⴱⴻⵢⴻⴹ, ⵡⴰⵔⴳⵍⴰ, ⵏⴰⵄⴰⵎⴰ, ⴱⴻⵛⵛⴰⵔ, ⴱⵏⵉ ⵄⴻⴱⴱⴰⵙ ⴷ ⵜⵉⵏⴷⵓⵓⴼ.
ⵙⴻⴳ ⵜⴰⵎⴰ ⵏ ⵏⵏⵉⴹⴻⵏ, ⴰⵙⵉⵔⴻⵎ ⵏ ⵜⴻⵙⵏⵉⴳⵏⴻⵡⵜ ⵉⵙⵙⴻⵎⵍⴰⵍ ⵖⴻⴼ ⵡⴰⴹⵓ ⵉⵊⴻⵀⴷⴻⵏ ⴷ ⵢⵉⵣⴰⴱⵓⵏ ⵏ ⵔⵔⵎⴻⵍ ⴷⴻⴳ ⵜⵡⵉⵍⴰⵢⵉⵏ ⵏ: ⵓⵎ ⴻⵍ ⴱⵓⵡⴰⵇⵉ, ⴱⵉⵙⴽⵔⴰ, ⴱⴰⵜⵏⴰ, ⵍⵡⴰⴷⵉ, ⵍⵎⴻⵖⵢⴻⵔ, ⵜⵓⴳⴳⵓⵔⵜ, ⵜⴰⵎⵙⵉⵍⵜ, ⵍⴶⴻⵍⴼⴰ, ⵜⵢⴰⵔⴻⵜ, ⵍⴻⵖⵡⴰⵟ, ⵍⵎⴻⵏⵏⵉⵄⴰ, ⵜⵉⵎⵉⵎⵓⵏ, ⵍⴱⴻⵢⴻⴹ, ⵏⴰⵄⴰⵎⴰ, ⴱⴻⵛⵛⴰⵔ, ⴱⵏⵉ ⵄⴻⴱⴱⴰⵙ, ⴰⴷⵔⴰⵔ ⴷ ⴱⵓⵔⴶ ⴱⴰⴶⵉ ⵎⵓⵅⵜⴰⵔ. ⴰⵢⴰⴳⵉ ⵙⴻⴳ ⵜⵉⵣⴻⴽⵏⵉⵏ ⵏ ⵡⴰⵙⵙ-ⴰ ⴰⵔⵎⵉ ⴷ ⵜⵙⴻⵜⵜⴰ ⵏ ⵢⵉⴹ.
ⴰⵔⵏⵓ ⵖⴻⵔ
