ⵜⴰⵙⵔⵉⵜ ⵜⴰⵖⴻⵍⵏⵉⵜ ⵏ ⵜⴻⴳⵏⴻⵡⵜ (ONM) ⵜⴱⴻⵔⵔⴻⵒ-ⴷ ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵢⵉⵡⴻⵏ ⵏ ⵓⵙⵉⵡⴻⵍ, ⴱⴻⵍⵍⵉ ⴰⴷ ⴷ-ⵢⴻⵍⵉ ⵡⴰⴷⴼⴻⵍ ⵉⵊⴻⵒⴷⴻⵏ, ⴰⴳⴻⴼⴼⵓⵔ ⵙ ⵔⵔⴻⵄⴷ ⴷ ⵡⴰⴹⵓ ⴰⵇⵓⵔⴰⵏ ⴷⴻⴳ ⵡⴰⵟⴰⵙ ⵏ ⵍⵡⵉⵍⴰⵢⴰⵜ ⵏ ⵜⵎⵓⵔⵜ.
ⵜⴰⵙⵔⵉⵜ-ⴰⴳⵉ ⵜⴱⴻⵔⵔⴻⵒ-ⴷ ⵙ ⵓⵏⴻⵣⴳⵓⵎ ⵏ ⵓⵙⵡⵉⵔ ⵡⵉⵙ ⵙⵉⵏ ⴷⴻⴳ ⵜⴽⴰⵔⴹⴰ ⵏ ⵜⵉⵣⵣⵉⵜ, ⵉⵡⴻⴽⴽⴻⴷ-ⴷ ⴱⴻⵍⵍⵉ ⵜⵓⵢⴰⵜ ⵏ ⵡⴰⴷⴼⴻⵍ ⴰⴷ ⵢⵉⵍⵉ ⴳⴻⵔ 5 ⴷ 15 ⵏ ⵢⵉⵙⵓⵏⵜⵉⵎⵉⵜⵔⴻⵏ ⴷⴻⴳ ⵢⵉⵔⴰⵜⴻⵏ ⵉⵄⵍⴰⵢⴻⵏ ⵓⴳⴰⵔ ⵏ 1000 ⴷ 1100 ⵏ ⵍⵎⵉⵜⵔⴰⵜ. ⴰⵢⴰⴳⵉ ⴰⴷ ⴷ-ⵢⴻⴱⴷⵓ ⵙⴻⴳ ⵙⵙⴻⵜⵜⴰ ⵏ ⵜⵎⴻⴷⴷⵉⵜ (18:00) ⵏ ⵡⴰⵙⵙ-ⴰ ⴰⵍⴰⵎⵎⴰ ⴷ ⵜⴻⵍⵜ ⵏ ⵜⵎⴻⴷⴷⵉⵜ (15:00) ⵏ ⵓⵣⴻⴽⴽⴰ ⵏ ⵍⴰⵔⴻⴱⵄⴰ ⴷⴻⴳ ⵍⵡⵉⵍⴰⵢⴰⵜ ⵏ: ⴱⴻⵛⵒⴰⵔ, ⵙⴰⵄⵉⴷⴰ, ⵜⵉⴰⵔⴻⵜ, ⴻⵍ ⴱⴰⵢⴰⴹ, ⵜⵉⵙⵙⴻⵎⵙⵉⵍⵜ, ⴷ ⵍⴰⵖⵡⴰⵟ.
ⴰⵙⵉⵡⴻⵍ-ⵏⵏⵉ ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⴷ ⴷ-ⵢⴻⵍⵉ ⵡⴰⴷⴼⴻⵍ ⴷⴻⴳ ⵢⵉⵔⴰⵜⴻⵏ ⵉⵄⵍⴰⵢⴻⵏ ⵓⴳⴰⵔ ⵏ 1000 ⴷ 1100 ⵏ ⵍⵎⵉⵜⵔⴰⵜ ⴷⴻⴳ ⵍⵡⵉⵍⴰⵢⴰⵜ ⵏ: ⵜⵍⴻⵎⵙⴰⵏ, ⵏⴰⵄⴰⵎⴰ ⴷ ⵙⵉⴷⵉ ⴱⴻⵍⵄⴻⴱⴱⴰⵙ.
ⴷⴻⴳ ⵓⴱⵔⵉⴷ-ⴰⴳⵉ ⴷⴰⵖⴻⵏ, ⵜⴰⵙⵔⵉⵜ ⵏ ⵍⵎⴰⵏⴰⵅ ⵜⴻⵙⵙⴰⵔⴻⵎ-ⴷ ⵍⴻⵒⵡⴰ ⵙ ⵔⵔⴻⵄⴷ ⴷⴻⴳ ⵍⵡⵉⵍⴰⵢⴰⵜ ⵏ: ⵍⴻⵛⵍⴻⴼ, ⵜⵉⵒⴰⵣⴰ, ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴱⵓⵎⴻⵔⴷⴻⵙ, ⵜⵉⴰⵔⴻⵜ, ⵜⵉⵙⵙⴻⵎⵙⵉⵍⵜ, ⵄⵉⵏ ⴷⴻⴼⵍⴰ, ⵍⴻⵎⴷⵉⵢⵢⴰ ⴷ ⵍⴻⴱⵍⵉⴷⴰ. ⴰⵎⵓⵔ ⵏ ⵍⴻⵒⵡⴰ ⴰⴷ ⵢⵉⵍⵉ ⴳⴻⵔ 20 ⴷ 40 ⵏ ⵢⵉⵎⵉⵍⵍⵉⵎⵉⵜⵔⴻⵏ.
ⴷⴻⴳ ⵜⴰⴳⴳⴰⵔⴰ, ⵜⴰⵙⵔⵉⵜ ⵏ ⵍⵎⴰⵏⴰⵅ ⵜⵓⵙⵙⵔⵓ-ⴷ ⴰⵏⴻⵣⴳⵓⵎ ⵖⴻⴼ ⵡⴰⴹⵓ ⵉⵊⴻⵒⴷⴻⵏ ⴷⴻⴳ ⵍⵡⵉⵍⴰⵢⴰⵜ ⵏ ⴱⴻⵛⵒⴰⵔ ⴷ ⴱⴻⵏⵉ ⴰⴱⴱⴻⵙ.
ⴰⵔⵏⵓ ⵖⴻⵔ
