ⵜⵙⵙⴰⵡⴻⴹ ⵜⵎⴻⵀⵍⵉⵡⵜ ⵜⵉⵎⵙⵓⵍⵍⵉⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴷⴻⴳ ⵓⵎⴰⵍⴰⵙ ⵉⵄⴻⴷⴷⴰⵏ, ⴰⵔ ⵓⴼⵔⴰⵢ ⵏ ⵙⴹⵉⵙ (6) ⵏ ⵜⵣⴻⵖⵡⴰ ⵜⵉⵙⵏⵉⵜⴰⵏⵉⵏ ⵜⵉⵕⴻⵚⵚⴰⵢⵉⵏ ⵉ ⵅⴻⴷⴷⵎⴻⵏ ⴷⴻⴳ ⵓⵙⵙⴻⴼⵜⵉ ⵓⵔ ⵏⴰⵎⵉⵔ ⵏ ⴷⴷⵡⴰⵡⵉ ⴷ ⵍⴽⵉⴼ, ⵙ ⵓⵜⵜⴻⴱⴱⴻⵇ ⵏ ⵓⴳⴰⵔ ⵏ ⵓⵇⴻⵏⵟⴰⵔ ⵏ ⵍⴽⵉⴼ ⵢⴻⵜⵜⵡⴰⵙⵙⴻⴳⴳⵎⴻⵏ ⵉ ⴷ-ⵢⴻⴽⴽⴰⵏ ⵙⴻⴳ ⵍⵎⴻⵖⵔⵉⴱ, ⵙ ⵓⵏⵢⴰ ⵏ ⵓⵍⵖⵓ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ.
ⵉⵙⴻⴼⵔⴰ-ⴷ ⴷⴻⴳ ⵓⵍⵖⵓ-ⴰ ⴱⴻⵍⵍⵉ "ⴷⴻⴳ ⵓⴽⴰⵜⴰⵔ ⵏ ⵓⵇⴰⴱⴻⵍ ⵏ ⵜⴻⵙⵏⵉⵜ ⵜⵉⵕⴻⵚⵚⴰⵢⵜ, ⵜⵙⵙⴰⵡⴻⴹ ⵜⵎⴻⵀⵍⵉⵡⵜ ⵜⵉⵎⵙⵓⵍⵍⵉⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴷⴻⴳ ⵓⵎⴰⵍⴰⵙ ⵉⵄⴻⴷⴷⴰⵏ, ⴰⵔ ⵓⴼⵔⴰⵢ ⵏ ⵙⴹⵉⵙ ⵏ ⵜⵣⴻⵖⵡⴰ ⵜⵉⵙⵏⵉⵜⴰⵏⵉⵏ ⵜⵉⵕⴻⵚⵚⴰⵢⵉⵏ ⵉ ⵅⴻⴷⴷⵎⴻⵏ ⴷⴻⴳ ⵓⵙⵙⴻⴼⵜⵉ ⵓⵔ ⵏⴰⵎⵉⵔ ⵏ ⴷⴷⵡⴰⵡⵉ, ⵉ ⵅⴻⴷⴷⵎⴻⵏ ⴷⴻⴳ ⵓⵎⴰⵍⵓ, ⴰⵎⵎⴰⵙ ⴷ ⵓⵏⵣⵓⵍ ⵏ ⵜⵎⵓⵔⵜ, ⵙ ⵓⵜⵜⴻⴱⴱⴻⵇ ⵏ 1 ⵓⵇⴻⵏⵟⴰⵔ ⴷ 13 ⵏ ⵓⴽⵉⵍⵓⴳⵔⴰⵎ ⵏ ⵍⴽⵉⴼ ⵢⴻⵜⵜⵡⴰⵙⵙⴻⴳⴳⵎⴻⵏ ⵉ ⴷ-ⵢⴻⴽⴽⴰⵏ ⵙⴻⴳ ⵍⵎⴻⵖⵔⵉⴱ".
ⵉⵔⵎⴰⴷ-ⴰ ⵉ ⴷ-ⵢⴻⵜⵜⵡⴰⵙⵙⴻⴹⵔⴻⵏ ⴷⴻⴳ ⵜⴰⵎⵏⴰⴹⵜ ⵏ ⵜⵏⴻⵇⵇⵉⴹⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵙ ⵓⵙⵙⴻⴼⵇⴻⴷ ⵏ ⵜⵏⴻⴱⴱⴰⴹⵜ ⵜⴰⵎⵓⵙⵏⴰⵏ, ⴷⴻⴳ ⵡⴰⵀⵔⴻⵏ, ⵜⵍⴻⵎⵛⴻⵏ, ⴻⵍ ⵓⵓⴻⴷ ⴷ ⵜⵉⵒⴰⵣⴰ, ⴷ ⴰⵢⴻⵏ ⵉ ⴷ-ⵉⵡⵡⵉⵏ ⴰⵟⵟⴰⴼ ⵏ 21 ⵏ ⵢⵉⵎⴷⴰⵏⴻⵏ ⵉ ⵢⴻⴽⴰⵏ ⴰⵔ ⵜⵣⴻⵖⵡⴰ-ⴰ ⵜⵉⵙⵏⵉⵜⴰⵏⵉⵏ, ⵙ ⵓⵏⵢⴰ ⵏ ⵡⵓⵏⴰⵎⴻⴽ-ⴰ.
ⵜⵙⵙⴰⵡⴻⴹ ⵜⵎⴻⵀⵍⵉⵡⵜ-ⴰ ⴰⵔ ⵓⵜⵜⴻⴱⴱⴻⵇ ⴷ ⵓⵡⵡⴰⴹ ⵏ ⵢⵉⴷⵔⵉⵎⴻⵏ ⵙⴻⴳ ⵜⵎⴻⵙⴱⴰⵖⵓⵔ ⵜⴰⵖⴻⵍⵏⴰⵡⵜ ⵉ ⴷ-ⵉⵡⵡⵉ ⵓⵔⵎⴰⴷ ⴰⵙⵏⵉⵜⴰⵏ, ⵙ ⵜⵎⴻⵔⵏⴰ ⵏ ⵙⵏⴰⵜ ⵏ ⵜⴽⴰⵔⵔⵓⵙⵉⵏ ⵏ ⵜⵎⴻⵙ, ⵢⵉⵡⴻⵜ ⵏ ⵜⵛⴰⵏⵉⵢⵜ ⴷ ⵟⴰⵎ ⵏ ⵜⴽⴰⵔⵔⵓⵙⵉⵏ ⵏ ⵢⴰⵍ ⵓⵏⴰⴽ, ⵉ ⵢⴻⵜⵜⵡⴰⵙⵙⴻⴼⵜⴰⵢⴻⵏ ⴷⴻⴳ ⵓⵎⵓⵙⵙⵓ ⴷ ⵓⵙⵙⵉⵡⴻⴹ ⵏ ⵉⵎⵓⴷⴰ.
ⴽⵉⴼⴽⵉⴼ ⵉ ⴷ-ⵢⴻⵍⵍⴰ ⵓⵡⵡⴰⴹ ⵏ ⵓⵙⵉⵍⴰⴳ ⵏ ⵜⵎⴻⵙ ⵙⴻⴳ ⵓⵏⴰⴽ ⵡⵉⵙ ⵙⴻⵎⵎⵓⵙ ⴷ ⵢⵉⵙⵉⵍⴰⴳⴻⵏ ⵉⵎⴻⵍⵍⴰⵍⴻⵏ ⵉⵟⵟⵡⴰⵃⴻⵕⵕⵎⴻⵏ ⴷ ⵢⵉⵙⴰⴼⴰⵔⴻⵏ ⵏ ⵓⴷⴷⴻⵔ, ⵉ ⴷ-ⵢⴻⵔⵏⴰ ⵓⵍⵖⵓ ⵉ ⴷ-ⵉⵙⴱⴻⴳⴳⴻⵏⴻⵏ ⵓⵙⵙⵉⵙⵉ ⵏ ⵢⵉⵎⵙⴻⴽⵜⴰⵢⴻⵏ ⵣⴷⴰⵜ ⵏ ⵢⵉⵎⵛⵉⵞⴻⵏ ⵏ ⵜⴻⴳⴷⵓⴷⴰ ⴷⴻⴳ ⵜⴻⵙⴳⴰ ⵏ ⵓⵓⴻⴷ ⴰⵜⵀⵎⴰⵏⵉⴰ ⴷ ⴼⵍⴰⵓⵓⵙⵙⴻⵏ (ⵡⴰⵀⵔⴻⵏ), ⴻⵍ ⵓⵓⴻⴷ, ⴱⴰⴱ ⴻⵍ ⴰⵙⵙⴰ (ⵜⵍⴻⵎⵛⴻⵏ) ⴷ ⴽⵓⵍⴻⴰ (ⵜⵉⵒⴰⵣⴰ).
