ⵉⵡⴰⵍⴰ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴷⴷⵉⵏ ⴷ ⵍⴻⵡⵇⴰⴼ, ⵎⴰⵙⵙ ⵢⵓⵙⴻⴼ ⴱⴻⵍⵎⴰⵀⴷⵉ, ⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⴷ ⴰⴽⴽⴻⵏ ⴰⵀⵉⵍ ⵉ ⴷ-ⵢⴻⵜⵜⵡⴰⵀⴻⴳⴳⴰⵏ ⵉ ⵡⴰⵢⵢⵓⵔ ⵏ ⵔⴻⵎⴹⴰⵏ ⴰⴼⵓⵥⴰⵔ, ⴰⴷ ⵉⵙⵙⴻⴵⵀⴻⴷ ⴰⵣⴰⵍⴻⵏ ⵏ ⵜⵍⴻⵎⵎⴰⵙⵜ ⴷ ⵍⴻⵡⵇⴰⵎ ⴰⴽⴽⴻⴷ ⵓⵙⴻⵎⵔⴻⵙ ⵏ ⵔⵔⵓⵃ ⵏ ⵜⴻⴷⵓⴽⵍⵉ ⵜⴰⵏⵎⴻⵜⵜⵉⵜ.
ⴷⴻⴳ ⵓⵏⴻⴽⵛⵓⵎ-ⵉⵙ ⴷ ⵉⵏⴻⴱⴳⵉ ⴷⴻⴳ "ⴼⵓⵔⵓⵎ ⵏ ⵜⵎⴻⵣⵡⴰⵔⵓⵜ" ⵏ ⵔⵔⴰⴷⵢⵓ ⵜⴰⵣⵣⴰⵢⵔⵉⵜ, ⵉⵙⵙⴻⴼⵀⴻⵎ-ⴷ ⵎⴰⵙⵙ ⴱⴻⵍⵎⴰⵀⴷⵉ ⴷ ⴰⴽⴽⴻⵏ ⴰⵀⵉⵍ ⵉ ⴷ-ⵢⴻⵙⵙⴰⵡⴻⴹ ⵓⵃⵔⵉⵛ-ⴰ ⵉⵍⵎⴻⵏⴷ ⵏ ⵡⴰⵢⵢⵓⵔ ⵏ ⵔⴻⵎⴹⴰⵏ ⴰⴼⵓⵥⴰⵔ, ⵉⵙⴷⵓⴽⴽⴻⵍ ⴳⴰⵔ ⵢⵉⵙⵡⵉⵔⴻⵏ ⴰⵔⵔⵓⵃⴰⵏⵉ ⴷ ⵓⵏⵎⴻⵜⵜⵉ, "ⵉⵡⴰⴽⴽⴻⵏ ⴰⴷ ⵢⴻⵙⵙⴻⴵⵀⴻⴷ ⴰⵣⴰⵍⴻⵏ ⵉⵙⵍⴰⵎⵉⵢⴻⵏ ⵢⴻⴱⵏⴰⵏ ⵖⴻⴼ ⵜⵍⴻⵎⵎⴰⵙⵜ ⴷ ⵍⴻⵡⵇⴰⵎ ⴰⴽⴽⴻⴷ ⵓⵙⴻⴵⵀⴻⴷ ⵏ ⵔⵔⵓⵃ ⵏ ⵜⴻⴷⵓⴽⵍⵉ ⵜⴰⵏⵎⴻⵜⵜⵉⵜ".
ⴷⴻⴳ ⵓⵙⵡⵉⵔ-ⴰ, ⵜⴻⵙⵏⵓⴱⴳⵓ ⵢⵉⵎⵎⴰⵙⴻⵏ ⵉⴷⴻⵍⵙⴰⵏⴻⵏ ⵉⵙⵍⴰⵎⵉⵢⴻⵏ ⴷⵉ ⵜⵎⵓⵔⵜ ⴰⵟⴰⵙ ⵏ ⵍⴻⵇⴷⵉⵛⴰⵜ ⵉⴷⴻⵍⵙⴰⵏⴻⵏ ⵉ ⴷ-ⵢⴻⵜⵜⵡⴰⵀⴻⴳⴳⴰⵏ ⵉ ⵢⵉⵍⵎⴻⵥⵢⴻⵏ, ⴰⵎ "ⵇⵉⴹⵓⵏ ⵏ ⴷⴷⴻⴽⴻⵔ" ⴷⵉ ⵡⴻⵀⵔⴰⵏ, ⵉ ⵢⵓⵖⴰⵍⴻⵏ ⴷ ⴰⵏⴻⵊⵎⴰⵄ ⵏ ⵢⴰⵍ ⴰⵙⴻⴳⴳⴰⵙ ⵉ ⵓⴼⵙⴰⵔ ⵏ ⵢⵉⴷⵍⴻⵙ ⵏ ⴷⴷⵉⵏ, ⴰⴽⴽⴻⵏ ⵉ ⵜ-ⵉⴷ-ⵢⴻⵏⵏⴰ ⵓⵏⴻⵖⵍⴰⴼ.
ⵉⵎⴻⵙⵍⴰⵢ-ⴷ ⴷⴰⵖⴻⵏ, ⴷⴻⴳ ⵢⵉⵡⴻⵏ ⵏ ⵓⵙⵡⵉⵔ, ⵖⴻⴼ ⵜⴻⵎⵣⵉⵣⴻⵍⵜ ⵜⴰⵖⴻⵍⵏⴰⵡⵜ ⵏ ⵍⵇⵓⵔⴰⵏ ⴰⴼⵓⵥⴰⵔ, ⵉ ⴷ-ⵢⴻⵜⵜⵡⴰⵙⵓⴷⴷⵙⴻⵏ ⴷⴷⴰⵡ ⵏ ⵍⴻⵄⵏⴰⵢⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴵⵉⴷ ⵜⴻⴱⴱⵓⵏ, ⴰⵏⴷⴰ ⴰⵔⴰ ⴷ-ⴱⴻⵔⵔⵃⴻⵏ ⵙ ⵡⵉⴷ ⵉ ⴷ-ⵢⴻⵡⵡⵉⵏ ⴰⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵢⵉⴹ ⵏ ⵍⵇⴻⴷⴻⵔ, ⵔⵏⵓ ⵖⴻⵔ-ⵙ ⴰⵙⴻⵍⴽⴻⵎ ⵏ ⵍⵄⴰⴷⴷⴰ ⵏ ⵜⵖⵓⵔⵉ ⵏ ⵚⴰⵃⵉⵃ ⵍⴱⵓⵅⴰⵔⵉ ⴷ ⵍⵎⵓⵡⴰⵟⵟⴰ ⵏ ⵍⵉⵎⴰⵎ ⵎⴰⵍⵉⴽ, ⴷⴻⴳ ⵢⵉⴹ-ⵏⵏⵉ ⴽⴰⵏ, ⴷⴻⴳ ⵍⴵⴰⵎⴻⵄ ⵏ ⵍⴻⵣⵣⴰⵢⴻⵔ.
ⵔⵏⵓ ⵖⴻⴼ ⵡⴰⵢⴰ, ⴰⵢⴻⵏ ⵢⴻⵄⵏⴰⵏ ⵜⴰⵖⵓⵔⵉ ⴷ ⵓⵃⴼⴰⴹ ⵏ ⵡⴰⵡⴰⵍ ⵏ ⵔⴻⴱⴱⵉ, ⵉⵅⴻⴱⴱⴻⵔ-ⴷ ⵎⴰⵙⵙ ⴱⴻⵍⵎⴰⵀⴷⵉ ⴷ ⴰⴽⴽⴻⵏ ⴱⴷⴰⵏ ⴰⵙⵉⴳⴳⴻⵣ ⵏ "ⵓⵃⵔⵉⵛ ⵏ ⵢⴰⵙⵉⵏ" ⵉ ⵡⴰⵔⵔⴰⵛ ⴷ ⵉⵏⴻⵍⵎⴰⴷⴻⵏ ⵏ ⵢⵉⵖⴻⵔⴱⴰⵣⴻⵏ ⵏ ⵍⵇⵓⵔⴰⵏ, ⵢⴻⵔⵏⵓ ⴰⴷ ⴽⴻⵎⵎⵍⴻⵏ ⴰⵙⵉⴳⴳⴻⵣ ⵏ ⵡⴰⴳⵉⵎⴻⵏ ⵏ ⵢⵉⵏⵖⴰⵍⴻⵏ ⵏ ⵡⵓⵎⵓⵚⵃⴻⴼ ⵏ ⵍⵇⵓⵔⴰⵏ ⴰⴼⵓⵥⴰⵔ, ⵉⵡⴰⴽⴽⴻⵏ ⴰⴷ ⵜⴻⵏ-ⴼⴻⵔⵇⴻⵏ ⵖⴻⴼ ⵜⵎⴻⵙⴳⵉⴷⵉⵡⵉⵏ ⴷ ⵜⵉⵙⵓⴷⴷⵉⵡⵉⵏ ⵏ ⵓⵙⴻⵍⵎⴻⴷ ⵏ ⵍⵇⵓⵔⴰⵏ.
ⵎⴰ ⵖⴻⴼ ⵓⵙⴻⴼⵔⴻⴽ ⵏ ⴷⴷⵉⵏ, ⵉⵙⵙⴻⴼⵀⴻⵎ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⵙⴻⴳ ⵡⴰⵙⵎⵉ ⵉⴱⴷⴰ ⵡⴰⵢⵢⵓⵔ-ⴰ ⴰⴼⵓⵥⴰⵔ, ⵜⵜⵡⴰⵊⴻⵔⴷⴻⵏ "ⵓⴳⴰⵔ ⵏ 20 ⴰⵍⴻⴼ ⵏ ⵢⵉⵙⵜⴻⵇⵙⵉⵢⴻⵏ ⵖⴻⵔ ⵜⵓⴷⴷⵙⴰ ⵏ ⵍⴼⴻⵜⵡⴰ", ⵔⵏⵓ ⵖⴻⵔ-ⵙ ⴰⵙⴱⴻⴷⴷⵉ ⵏ ⵡⴻⵎⴽⴰⵏ ⵏ "ⵍⵉⵎⴰⵎ ⴰⵎⵓⴼⵜⵉ" ⴷⴻⴳ ⵢⴰⵍ ⵍⵡⵉⵍⴰⵢⴰ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵜⵉⵎⴻⵙⴳⵉⴷⵉⵡⵉⵏ, ⵉⵙⵙⴻⴼⵀⴻⵎ-ⴷ ⵎⴰⵙⵙ ⴱⴻⵍⵎⴰⵀⴷⵉ ⴷ ⴰⴽⴽⴻⵏ ⵜⵜⵡⴰⵡⴻⵚⵚⴰⵏ ⵢⵉⵎⴰⵎⴻⵏ ⵉⵡⴰⴽⴽⴻⵏ ⴰⴷ "ⵙⵅⴻⴷⵎⴻⵏ ⵉⵏⴰⵡ ⵏ ⴷⴷⵉⵏ ⵉⵡⵓⵍⵎⴻⵏ, ⵉ ⴷ-ⵢⴻⵜⵜⵎⵉⵙⴻⵏ ⵉⵖⴻⴱⵍⴰⵏ ⵏ ⵢⵉⵖⴻⵔⵎⴰⵏⴻⵏ ⴷ ⵜⴻⵎⵙⴰⵍ ⵢⴻⵄⵏⴰⵏ ⵜⵉⴽⵍⵉ ⵜⴰⵎⴰⵜⵓⵜ ⴷ ⵓⵎⴻⵏⵏⵓⵖ ⵎⴳⴰⵍ ⵏ ⵜⵉⵅⵏⴰⵏⴰⵙⵉⵏ ⵜⵉⵏⵎⴻⵜⵜⵉⵢⵉⵏ".
ⴷⴻⴳ ⵜⴻⴳⵏⵉⵜ-ⴰ, ⵜⵜⵡⴰⵛⴻⴳⴳⵄⴻⵏ 118 ⵏ ⵢⵉⵎⴰⵎⴻⵏ ⵉⵡⴰⴽⴽⴻⵏ ⴰⴷ ⵥⴰⵍⵍⴻⵏ ⵜⵜⵔⴰⵡⵉⵃ ⴷⴻⴳ ⵡⴰⵟⴰⵙ ⵏ ⵜⵎⵓⵔⴰ ⵏ ⵜⵓⵔⵓⴼⵜ ⴷ ⵜⴻⵎⵔⵉⴽⵜ, ⴷ ⵏⵓⵜⵏⵉ ⵉ ⴷ "ⵉⵎⵛⴻⴳⴳⵄⴻⵏ ⵏ ⵍⴻⵣⵣⴰⵢⴻⵔ ⵉ ⵢⴻⵜⵜⵎⴻⵜⵜⵉⵍⴻⵏ ⵜⴰⵖⴱⴰⵍⵓⵜ ⵏ ⴷⴷⵉⵏ ⵜⴰⵖⴻⵍⵏⴰⵡⵜ", ⴰⴽⴽⴻⵏ ⵉ ⵜ-ⵉⴷ-ⵢⴻⵏⵏⴰ ⵓⵏⴻⵖⵍⴰⴼ.
ⴰⵔⵏⵓ ⵖⴻⵔ
