ⵉⵡⴻⵚⵚⴰ ⵓⴳⴻⵞⴷⵉ ⵏ ⵜⴷⵔⴰⵓⴽⵜ ⵜⴰⵖⴻⵍⵏⴰⵡⵜ (ⴳⴻⵏⴷⴰⵔⵎⴻⵔⵉⴻ) ⴷ ⵜⵏⴻⵎⵀⴰⵣⵜ ⵜⴰⵎⴰⵜⵓⵜ ⵏ ⵓⴼⵔⴰⴳ ⴰⵖⴻⵍⵏⴰⵡ (ⴷⴳⵙⵏ) ⵎⴳⴰⵍ ⵜⵉⴷⴷⴰⵙ ⵏ ⵜⵓⵛⵟⴰ (ⴰⵔⵏⴰⵇⵓⴻ/ⴻⵙⵛⵔⵓⵇⵓⴻⵔⵉⴻ) ⵏ ⵓⵙⴻⵍⴽⵓⵎ ⵙ ⵓⵙⴻⵎⵔⴻⵙ ⵏ ⵢⵉⵙⴻⵎ ⵏ ⵢⵉⵀⴻⵢⵢⵓⵍⴰ ⵏ ⵓⴼⵔⴰⴳ. ⵙⵙⵓⵜⵔⴻⵏ ⵉ ⵢⵉⵎⴻⴼⵔⴰⵏⴻⵏ ⴰⴷ ⵉⵍⵉⵏ ⵙ ⵍⴱⴰⵍ ⴰⵎⴻⵇⵇⵔⴰⵏ ⵢⴻⵔⵏⴰ ⵓⵔ ⴷ-ⵜⵜⴰⴽⴽⴻⵏ ⴰⵔⴰ ⵉⵙⴰⵍⵍⴻⵏ-ⵏⵙⴻⵏ ⵏ ⵡⴰⵢⵍⴰ ⵏⴻⵖ ⵏ ⵍⴱⴻⵏⴽ ⵉ ⵢⵉⵡⴻⵏ.
ⵢⵓⵔⴰ-ⴷ ⴷⴻⴳ ⵓⴷⵢⴰⵏ ⵢⴻⴷⴷⵓⴽⴽⵍⴻⵏ ⵡⴰⵙⵙ-ⴰ ⵏ ⵍⵀⴻⴷ: "ⴰⴳⴻⵞⴷⵉ ⵏ ⵜⴷⵔⴰⵓⴽⵜ ⴷ ⴷⴳⵙⵏ ⵙⵙⵉⵙⵉⵍⴻⵏ ⵉ ⵢⵉⵎⴻⵣⴷⴰⵞ ⴱⴻⵍⵍⵉ ⵍⵍⴰⵏ ⵡⵉⴷ ⵉⵅⴻⴷⴷⵎⴻⵏ ⵜⵉⴷⴷⴰⵙ ⵏ ⵜⵓⵛⵟⴰ ⵏ ⵓⵙⴻⵍⴽⵓⵎ, ⴷ ⵉⵎⴷⴰⵏⴻⵏ ⵓⵔ ⵏⴻⵜⵜⵡⴰⴻⵙⵙⴻⵏ ⴰⵔⴰ, ⵉ ⴷ-ⵢⴻⵙⵙⴰⵍⴰⵢⴻⵏ ⵉⵙⴻⵎ ⵏ ⵢⵉⵎⴻⵀⵍⴰⵏⴻⵏ ⵏ ⵓⴼⵔⴰⴳ. ⵜⵜⵙⴰⵡⴰⵍⴻⵏ ⵉ ⵢⵉⵎⴻⵣⴷⴰⵞ ⵙ ⵜⵉⵍⵉ ⴼⵓⵙⵜ ⵏⴻⵖ ⵙ ⵜⵉⴱⵔⴰⵜⵉⵏ ⵏ ⵜⵎⴰⵢⵍⵜ (ⵙⵎⵙ/ⵙⵓⵛⵉⴰⵍ ⵎⴻⴷⵉⴰ), ⵙⵙⵓⵜⵔⴻⵏ-ⴰⵙⴻⵏ ⵉⵙⴰⵍⵍⴻⵏ ⵏ ⵍⵍⵙⴰⵙ ⵏⴻⵖ ⵉⵙⴻⴼⴽⴰⵏ ⵏ ⵍⴽⴰⵕⴹⴰ ⵏ 'ⴻⴷⴰⵀⴰⴱⵉⴰ' ⴷ ⵢⵉⵎⵉⴹⴰⵏⴻⵏ ⵏ ⵍⴱⵓⵙⵜⴰ".
ⵓⴷⵢⴰⵏ-ⵏⵏⵉ ⵢⴻⵏⵏⴻⵔⵏⴰ-ⴷ ⴱⴻⵍⵍⵉ ⵜⴰⵔⵔⴰⵢⵜ-ⴰⴳⵉ ⵏ ⵜⵓⵛⵟⴰ ⵢⴻⵯⵯⴰⵏ ⴰⵟⴰⵙ ⵏ ⵢⵉⵎⴻⴼⵔⴰⵏⴻⵏ ⴰⴷ ⵉⵅⴻⵚⵚⴻⵏ ⵢⴻⴷⵔⵉⵎⴻⵏ-ⵏⵙⴻⵏ.
ⴷⴻⴳ ⵡⴰⵏⵏⴰⵔ-ⴰⴳⵉ, ⴰⴳⴻⵞⴷⵉ ⵏ ⵜⴷⵔⴰⵓⴽⵜ ⴷ ⴷⴳⵙⵏ ⵙⵙⴰⵏⵜⵎⴻⵏ ⴱⴻⵍⵍⵉ ⵉⵀⴻⵢⵢⵓⵍⴰ-ⵏⵙⴻⵏ ⵓⵔ ⴷ-ⵙⵙⵓⵜⵓⵔⴻⵏ ⴰⵔⴰ ⵎⴰⴹⵉ ⵉⵙⴻⴼⴽⴰⵏ ⵏ ⵍⴽⴰⵕⴹⴰ ⵏ 'ⴻⴷⴰⵀⴰⴱⵉⴰ' ⵏⴻⵖ ⵓⵟⵟⵓⵏ ⵏ ⵍⴱⴰ ⵏⴰ (ⵃⵉⵏ) ⵙ ⵢⴰⵍ ⴰⴱⵔⵉⴷ ⵏ ⵓⵏⵢⵓⴷⴷⵓ.
ⵙⵙⵓⵜⵔⴻⵏ ⵉ ⵢⵉⵎⴻⴼⵔⴰⵏⴻⵏ ⴰⴽⴽ ⴰⴷ ⵉⵍⵉⵏ ⴷⴻⴳ ⵓⴼⵔⴰⴳ ⴰⵎⴻⵇⵇⵔⴰⵏ, ⵢⴻⵔⵏⴰ ⴰⴷ ⴷ-ⴰⵣⵏⴻⵏ ⵉⵙⴰⵍⵉ ⵉⵎⵉⵔ-ⴰⴳⵉ ⵖⴻⵔ ⵢⵉⵎⴻⵥⵍⴰ ⵏ ⵜⴷⵔⴰⵓⴽⵜ ⵏⴻⵖ ⵓⴼⵔⴰⴳ ⴰⵖⴻⵍⵏⴰⵡ ⵎⴰ ⵢⴻⵍⵍⴰ ⵡⵉⵏ ⵉ ⴷ-ⵉⵄⴻⵔⴹⴻⵏ ⴰⴷ ⵉⵅⴷⴻⵎ ⵜⵓⵛⵟⴰ-ⴰⴳⵉ, ⵏⴻⵖ ⴰⴷ ⵙⴰⵡⵍⴻⵏ ⴷⴻⴳ ⵡⵓⵟⵟⵓⵏ ⴰⵣⴻⴳⵣⴰⵖ 1055 ⵏⴻⵖ 1548.
ⴰⴳⴻⵞⴷⵉ ⵏ ⵜⴷⵔⴰⵓⴽⵜ ⴷ ⴷⴳⵙⵏ ⵙⵙⴰⵏⵜⵎⴻⵏ ⵜⵉⵔⴰⵜ-ⵏⵙⴻⵏ ⵉ ⵓⴹⴼⴰⵔ ⵏ ⵓⵎⴻⵀⵍⴰⵏ ⵏ ⵓⵎⴻⵏⵏⵓⵖ ⵎⴳⴰⵍ ⵜⵓⵛⵟⴰ ⵏ ⵓⵙⴻⵍⴽⵓⵎ ⴷ ⵓⵃⵔⴰⵣ ⵏ ⵢⵉⵎⴻⴼⵔⴰⵏⴻⵏ ⴷ ⵡⴰⵢⵍⴰ-ⵏⵙⴻⵏ.
ⴰⵔⵏⵓ ⵖⴻⵔ
