ⵍⵣⵣⴰⵢⴻⵔ ⵜⴰⵎⴰⵏⴻⵯⵜ – ⵢⴻⴼⴽⴰ ⵓⵎⴰⵙⵏⵉ ⵏ ⵜⵙⵏⵉⴳⵏⵓⵜ ⵢⵉⵡⴻⵏ ⵡⴰⵍⵯⵓ ⴰⵙⵙ-ⴰ ⵏ ⵜⵜⵍⴰⵜⴰ, ⵉ ⵡⴰⴽⴽⴻⵏ ⴰⴷ ⵢⴻⵙⵙⴻⴳⴳⵉⴷ ⵉⵎⴻⵣⴷⴰⵯ ⵯⴻⴼ ⵡⴰⴹⵓ ⵉⵊⴻⵀⴷⴻⵏ ⴰⵔⴰ ⵢⴻⵡⵜⴻⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.
ⴷⴻⴳ ⵢⵉⵡⴻⵏ ⵡⴰⵍⵯⵓ ⵏ ⵜⵙⴻⴷⴷⴰⵔⵜ ⵜⴰⵎⴻⵣⵡⴰⵔⵓⵜ (ⵉⵏⵉ ⴰⵡⵔⴰⵯ) ⴷⴻⴳ ⵜⴽⴰⵔⴹⴰ ⵏ ⵓⵃⴰⴷⴰⵔ, ⴰⵎⴰⵙⵏⵉ ⵢⴻⵏⵏⴰ-ⴷ ⴱⴻⵍⵍⵉ ⴰⴹⵓ ⴰⴷ ⵢⵉⵍⵉ ⴷⴻⴳ ⵜⵡⵉⵍⴰⵢⵉⵏ-ⴰⴳⵉ: ⵜⵉⵣⵉ ⵡⴻⵣⵣⵓ, ⴱⵓⵎⴻⵔⴷⴰⵙ, ⵍⵣⵣⴰⵢⴻⵔ ⵜⴰⵎⴰⵏⴻⵯⵜ, ⵍⴱⵍⵉⴷⴰ, ⵍⵎⴷⴻⵢⵢⴻⵜ, ⵎⵙⵉⵍⴰ, ⵍⵊⴻⵍⴼⴰ, ⴱⴰⵜⵏⴰ, ⴱⵙⴻⴽⵔⴰ, ⵍⵎⵖⴰⵢⴻⵔ, ⵍⵡⴰⴷ, ⵍⴰⵖⵡⴰⵟ, ⵖⴰⵔⴷⴰⵢⴰ, ⵍⴱⴰⵢⴻⴹ, ⵏⵏⵄⴰⵎⴰ, ⵍⵎⴻⵏⵉⵄⴰ, ⵜⵉⵎⵉⵎⵓⵏ, ⵄⵉⵏ ⵚⴰⵍⴻⵃ, ⴰⴷⵔⴰⵔ, ⵜⵉⵏⴷⵓⴼ, ⴱⵏⵉ ⵄⴻⴱⴱⴰⵙ ⴷ ⴱⴻⵛⵛⴰⵔ.
ⵢⴻⵔⵏⴰ-ⴷ ⵓⵙⴰⵍⵍⵓ-ⵏⵏⵉ ⴱⴻⵍⵍⵉ ⵍⵍⴰⵏⵜ ⵜⵡⵉⵍⴰⵢⵉⵏ ⴰⵔⴰ ⵢⴻⵣⴳⴻⵔ ⵓⴳⴼⴼⵓⵔ ⴷ ⵔⵔⴰⴷ ⴷ: ⵉⵍⵉⵣⵉ ⴷ ⵜⵎⴻⵏⵔⴰⵙⴻⵜ.
ⵖⴻⴼ ⵡⴰⵢⴻⵏ ⵢⴻⵔⵣⴰⵏ ⴰⴹⵓ ⵏ ⵜⵉⴷⴷⵉ (ⴰⵣⴰⵊⵏⵉ ⵏ ⵜⵎⴰⵍ), ⴰⵍⵯⵓ ⵢⴻⴼⴽⴰ ⵜⴰⵢⵏⵉⵜ ⵓⵥⵍⴰⵢ ⵉ ⵜⵡⵉⵍⴰⵢⵉⵏ-ⴰⴳⵉ: ⵎⵙⵉⵍⴰ, ⵍⵊⴻⵍⴼⴰ, ⴱⴰⵜⵏⴰ, ⴱⵙⴻⴽⵔⴰ, ⵍⵎⵖⴰⵢⴻⵔ, ⵍⵡⴰⴷ, ⵍⴰⵖⵡⴰⵟ, ⵖⴰⵔⴷⴰⵢⴰ, ⵍⴱⴰⵢⴻⴹ, ⵏⵏⵄⴰⵎⴰ, ⵍⵎⴻⵏⵉⵄⴰ, ⵜⵉⵎⵉⵎⵓⵏ, ⵄⵉⵏ ⵚⴰⵍⴻⵃ, ⴰⴷⵔⴰⵔ, ⵜⵉⵏⴷⵓⴼ, ⴱⵏⵉ ⵄⴻⴱⴱⴰⵙ ⴷ ⴱⴻⵛⵛⴰⵔ.
ⵢⴻⵍⵀⴰ ⴰⴷ ⵃⴰⴷⵔⴻⵏ ⵢⵉⵎⴻⵣⴷⴰⵯ ⵉⵎⴰⵏ-ⵏⵙⴻⵏ ⵍⴰⴷⵯⴰ ⴷⴻⴳ ⵡⵓⵏⵥⵓⵍ ⴷ ⵡⴰⵣⴰⵖⴻⵏ ⵓⵏⵏⵉⴳⴻⵏ, ⵉⵎⵉ ⴰⴹⵓ ⴷ ⵜⵉⴷⴷⵉ ⵏ ⵜⵎⴰⵍ ⵣⴻⵎⵔⴻⵏ ⴰⴷ ⵙⵏⴻⵇⵙⴻⵏ ⵜⴰⵎⵓⵖⵍⵉ ⵢⴻⵔⵏⴰ ⴰⴷ ⴳⴻⵏ ⵛⵛⵡⴰⵍ ⴷⴻⴳ ⵡⴰⵙⵙⴰⵢ ⵏ ⵜⴽⴰⵔⵔⵉⵙⵉⵏ.
ⴰⵔⵏⵓ ⵖⴻⵔ
