ⵙⴱⴻⴷⴷⴻⵏ-ⴷ ⵢⵉⴹⵓⴱⴰ ⵉⴷⵉⴳⴰⵏⴻⵏ ⵖⴻⴼ ⵢⴰⴽⴽ ⵍⵡⵉⵍⴰⵢⴰⵜ ⵏ ⵜⵎⵓⵔⵜ ⵢⵉⵡⴻⵏ ⵏ ⵓⵎⴻⵛⵡⴰⵔ ⴰⵖⴻⵍⵏⴰⵡ ⴰⵎⴻⵇⵇⵔⴰⵏ ⵉ ⵓⵙⴻⴳⴳⴻⵎ ⵏ ⵜⵡⴻⵏⵏⴰⴹⵜ ⵜⴰⵖⴰⵔⵉⵎⵜ ⴷ ⵢⵉⵎⴹⵉⵇⴻⵏ ⵉⵣⴰⵢⴰⵣⴻⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ, ⴰⵙⵙ-ⴰ ⵏ ⵍⵃⴻⴷ, ⵢⵉⵡⴻⵏ ⵏ ⵡⴻⵍⵖⵓ ⵏ ⵓⵖⵍⵉⴼ ⵏ ⴷⴷⴰⵅⵉⵍⵉⵢⴰ, ⵜⵉⴳⵔⴰⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵙⵉⴽⴻⵍ.
ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓ-ⴰ, ⵍⴻⵇⴷⵉⵛ-ⴰ "ⵢⵓⵙⴰ-ⴷ ⵉⵡⴰⴽⴽⴻⵏ ⴰⴷ ⵙⵙⴻⵍⵃⵓⵏ ⵜⵉⵡⵙⵉⵡⵉⵏ ⵏ ⵡⴰⵏⴻⵖⵍⴰⴼ ⵏ ⴷⴷⴰⵅⵉⵍⵉⵢⴰ, ⵜⵉⴳⵔⴰⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵙⵉⴽⴻⵍ, ⵙⵙⴰⵄⵉⴷ ⵙⵄⴻⵢⵢⵓⴷ, ⵉ ⵢⴻⵙⵄⴰⵏ ⵉⵙⵡⵉ ⴰⴷ ⵙⵏⴻⵔⵏⵉⵏ ⵍⴵⴻⵡⴷⴰ ⵏ ⵡⴻⵎⴹⵉⵇ ⵏ ⵜⵎⴻⴷⴷⵓⵔⵜ ⴷ ⵓⵙⴻⴳⴳⴻⵎ ⵏ ⵜⵡⴻⵏⵏⴰⴹⵜ ⵜⴰⵖⴰⵔⵉⵎⵜ, ⵓⴳⴰⵔ ⵜⵉⵡⵙⵉⵡⵉⵏ-ⵏⵏⵉ ⵉ ⴷ-ⵢⴻⴼⴽⴰ ⴷⴻⴳ ⵜⴻⵎⵍⵉⵍⵉⵜ ⵜⴰⵏⴻⴳⴳⴰⵔⵓⵜ ⴰⴽⴽⴻⴷ ⵍⵡⴰⵍⵉⵢⴻⵏ ⵏ ⵜⴻⴳⴷⵓⴷⴰ, ⴰⵏⴷⴰ ⵢⴻⵙⵙⴻⴱⴳⴻⵏ-ⴷ ⴷ ⴰⴽⴽⴻⵏ ⵉⵍⴰⵇ ⴰⴷ ⵙⴻⴳⴳⵎⴻⵏ ⵜⵓⴳⵏⴰ ⵜⴰⵎⴰⵜⵓⵜ ⵏ ⵜⴻⵎⴷⵉⵏⵉⵏ ⴷ ⵡⴻⵙⵏⴻⵔⵏⵉ ⵏ ⵜⴻⴳⵏⴰⵜⵉⵏ ⵏ ⵜⵎⴻⴷⴷⵓⵔⵜ ⵏ ⵢⵉⵖⴻⵔⵎⴰⵏⴻⵏ".
ⴰⵎⴻⵛⵡⴰⵔ-ⴰ ⵢⴻⵙⵄⴰ ⴰⵣⴰⵍ ⴰⵎⴻⵇⵇⵔⴰⵏ ⵍⴰⴷⵖⴰ ⴰⴽⴽⴻⴷ ⵜⵉⵙⵉⵏ ⵏ ⵡⴰⴳⴳⵓⵔ ⵏ ⵔⴻⵎⴹⴰⵏ ⵍⵄⴰⵍⵉ, ⵉⵎⵉ ⵢⴻⵡⵡⵉ-ⴷ ⴰⵙⴰⵎⴰⵢ ⵏ ⵓⵙⴼⴰⵡ ⴰⵣⴰⵢⴻⵣ, ⵍⵡⴻⵍⵀⴰ ⵖⴻⵔ ⵜⵜⵊⵓⵕ ⴷ ⵢⵉⵎⴹⵉⵇⴻⵏ ⵉⵣⴻⴳⵣⴰⵡⴻⵏ, ⴰⵅⴻⴷⴷⵉⵎ ⵏ ⵛⵛⵖⴻⵍ ⵏ ⵙⴱⵉⵖⴰ ⴷ ⵓⵙⴻⴳⴳⴻⵎ ⴰⵖⴰⵔⵉⵎ, ⴰⴽⴽⴻⴷ ⵓⵙⴻⴵⵀⴻⴷ ⵏ ⵜⴻⴳⵏⴰⵜⵉⵏ ⵏ ⵜⴻⵣⴷⴻⴳ, ⴰⵢⴻⵏ ⴰⵔⴰ ⵢⴻⴼⴽⴻⵏ ⵢⵉⵡⴻⵜ ⵏ ⵜⵓⴳⵏⴰ ⵉⵣⴻⴷⴷⵉⴳⴻⵏ, ⵢⴻⵔⵏⴰ ⴰⴷ ⴷ-ⵢⴻⴼⴽ ⴰⵎⴹⵉⵇ ⵏ ⵜⵎⴻⴷⴷⵓⵔⵜ ⵢⴻⵍⵀⴰⵏ ⴰⵔⴰ ⵢⴻⴷⴷⵓⵏ ⴷ ⵍⵡⴻⵇⵜ ⵏ ⵜⴻⴳⵏⵉⵜ-ⴰ ⵢⴻⵍⵀⴰⵏ - ⵉ ⴷ-ⵢⴻⵔⵏⴰ ⵡⴻⵍⵖⵓ -.
ⴷⴰⵖⴻⵏ ⵜⵎⵓⵖⵍⵉ-ⴰ ⵜⴻⵙⵄⴰ ⵉⵙⵡⵉ ⴰⴷ ⵜⵙⵏⴻⵔⵏⵉ ⵛⴱⴰⵃⴰ ⵏ ⵜⴻⵎⴷⵉⵏⵉⵏ ⴷ ⵓⵙⴻⴳⴳⴻⵎ ⵏ ⵜⵓⴳⵏⴰ ⵜⴰⵖⴰⵔⵉⵎⵜ ⵜⴰⵎⴰⵜⵓⵜ, ⴷⴻⴳ ⵢⵉⵡⴻⵏ ⵏ ⵡⴰⵀⵉⵍ ⴰⵎⴰⵜⵓ ⵉ ⵢⴻⴱⵏⴰⵏ ⵖⴻⴼ ⵓⵙⵓⴷⴷⴻⵙ, ⴰⵃⴰⴷⴻⵔ ⴷ ⵓⵙⴻⴽⴽⵉ, ⴰⵔⴰ ⵉⵇⴻⴷⵙⴻⵏ ⵍⴻⵇⴷⵉⵛ ⵉ ⵓⵖⴻⵔⵎⴰⵏ ⴷ ⵓⵙⴻⴵⵀⴻⴷ ⵏ ⵜⴻⵏⵎⵉⵡⵜ ⵜⴰⴷⵉⴳⴰⵏⵜ ⵢⴻⵜⵜⴽⴻⵎⵎⵉⵍⴻⵏ.
ⴰⵔⵏⵓ ⵖⴻⵔ
