ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵉⵙⴻⵍⵍⴻⵎ ⵉ ⵓⵎⴰⵏⴰⵢ ⴰⵎⴰⵜⴰ ⵏ ⵓⵙⴰⵢⴻⵙ ⵏ ⵜⵎⵓⵔⴰ ⵉ ⴷ-ⵢⴻⵙⵙⵓⴼⵓⵖⴻⵏ ⵍⴳⴰⵣ
ⵉⵙⴻⵍⵍⴻⵎ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⵔⵉⴱ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵓⴼⵔⴰⴳ ⵏ ⵓⵏⴰⴱⴰⴹ, ⵉ ⵓⵎⴰⵏⴰⵢ ⴰⵎⴰⵜⴰ ⵏ ⵓⵙⴰⵢⴻⵙ ⵏ ⵜⵎⵓⵔⴰ ⵉ ⴷ-ⵢⴻⵙⵙⵓⴼⵓⵖⴻⵏ ⵍⴳⴰⵣ (GECF), ⵎⴰⵙⵙ ⴼⴻⵍⵉⵒⴻ ⵎⵓⵛⵀⵉⵍⴱⴻⵍⵍⴰ, ⴷ ⵜⴰⵔⴱⴰⵄⵜ ⵉ ⵜ-ⵉⴷ-ⵉⵎⵓⵏⵏⴻⵏ ⵉ ⴷ-ⵢⵓⵙⴰⵏ ⴷⴻⴳ ⵜⵉⵔⵣⵉ ⵏ ⵓⵎⴰⵀⵉⵍ ⵖⴻⵔ ⵍⴻⵣⵣⴰⵢⴻⵔ ⵙⴻⴳ 20 ⵖⴻⵔ 23 ⵢⵓⵏⵢⵓ 2026. ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⵙ ⵜⵉⵍⵉⵜ ⵏ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴰⵙⵉⵡⴹ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ "ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵇⴻⵔⴷⴻⵛ ⵏ ⵜⴰⵔⵔⴰⵢⵉⵏ ⵏ ⵓⵙⴻⵍⴽⴻⵎ ⵏ ⵢⵉⴳⴻⵎⵎⴰⴹ ⵏ ⵜⵇⴰⵛⵓⵛⵜ (sommet) ⵜⵉⵙ ⵙⴰ (7) ⵏ ⵢⵉⵙⴻⵍⵡⴰⵢⴻⵏ ⵏ ⵜⵎⵓⵔⴰ ⵉ ⴷ-ⵢⴻⵙⵙⵓⴼⵓⵖⴻⵏ ⵍⴳⴰⵣ ⵉ ⴷ-ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵎⴻⵖⵔⴻⵙ 2024. ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⴰⵙⴻⴷⴷⴻⵔ ⵏ ⵓⵎⴰⵄⵀⴻⴷ ⵏ ⵓⵏⴰⴷⵉ ⴷⴻⴳ ⵍⴳⴰⵣ ⵉ ⵉⵕⴻⵙⵙⴰⵏ ⴷⴻⴳ ⵍⴻⵣⵣⴰⵢⴻⵔ. ⵙⴻⵃⵔⴻⵙⴻⵏ ⴷⴻⴳ ⵓⵏⵏⴰⵔ-ⴰⴳⵉ ⵖⴻⴼ ⵡⴰⵣⴰⵍ ⵏ ⵓⵙⴻⴷⴳⴻⵔ ⵏ ⵓⵎⴰⵄⵀⴻⴷ ⵉⵡⴰⴽⴽⴻⵏ ⴰⴷ ⵢⵓⵔⴰⵔ ⴰⵎⴰⵀⵉⵍ-ⵉⵙ ⴰⵎ ⵡⴰⵎⵎⴰⵙ ⴰⴳⵔⴻⵖⵍⴰⵏ ⵏ ⵓⵏⴰⴷⵉ, ⴰⵙⴱⴻⴷⴷⵉ ⵏ ⵜⵣⴻⵎⵎⴰⵔ ⴷ ⵓⵎⵓⴱⴱⴰⴷⴷⴻⵍ ⵏ ⵢⵉⵔⵎⵉⵜⴻⵏ".
ⴷⴻⴳ ⵢⵉⵡⴻⵜ ⵏ ⵍⵡⴻⵇⵜ, ⴰⵙⵉⵡⴹ ⵉⵙⵙⴻⴽⵏⴻⴷ ⴱⴻⵍⵍⵉ "ⵎⵎⴻⵙⵍⴰⵢⴻⵏ ⴷⴰⵖⴻⵏ ⵖⴻⴼ ⵓⵙⴻⵏⴼⴰⵔ ⵏ ⵓⴱⴰⴷⵓ ⵏ ⵍⴳⴰⵣ ⵉⵣⴻⴳⵔⴻⵏ ⴰⵏⴻⵥⵔⵓⴼ , ⵉ ⵢⴻⴱⴷⴰⵏ ⵢⴰ ⴷⴻⴳ ⵓⵎⴰⴹⴰⵍ".
"ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵢⴻⵔⵏⴰ-ⴷ ⴱⴻⵍⵍⵉ ⴰⵙⴻⵍⴽⴻⵎ ⵏ ⵓⵙⴻⵏⴼⴰⵔ-ⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵜⵎⵓⵖⵍⵉ ⵜⴰⵙⵔⴰⵜⵉⴷⵊⵉⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵢⴻⴱⵖⴰⵏ ⴰⴷ ⴷ-ⵢⴻⵙⴱⴻⴷⴷ ⵢⵉⵡⴻⵜ ⵏ ⵜⴷⵓⴽⵍⵉ ⵏ ⵜⵎⴻⵔⵔⵉ ⴰⴼⵔⵉⴽⴰⵏ ⵉⵕⴻⵙⵙⴰⵏ ⵖⴻⴼ ⵓⵙⵉⴷⵔⴻⵡ (intégration) ⴷ ⵓⵎⴹⴰⵎⴰⵏ, ⵉ ⵓⵡⴻⵣⵣⵉ ⵏ ⵏⴼⴰⵄ ⵉⵎⴻⵣⴷⴰⵢ, ⵙ ⵓⴹⴼⵉⵔⵉ ⵏ ⵢⵉⵙⵡⵉⵢⴻⵏ ⵏ ⵡⴰⵀⵉⵍ ⵏ ⵜⴻⴼⵔⵉⵇⵜ 2063 ⴷ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ 'ⵓⵏⵥⵓⵍ-ⵓⵏⵥⵓⵍ'", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴰⵔⵏⵓ ⵖⴻⵔ
