ⵉⴼⴻⵍ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⵔⵉⴱ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⵜⴰⵎⴰⵏⴰⵖⵜ ⵏ ⵜⵛⴰⴷ, ⵏ'ⴷⵊⴰⵎⴻⵏⴰ, ⵙⴻⵍⴷ ⵜⵉⵔⵣⵉ ⵜⵓⵏⵚⵉⴱⵜ ⵉ ⴷ-ⵢⵉⵍⵍⴰⵏ ⴷⴻⴳ ⵓⴱⵔⵉⴷ ⵏ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ, ⴰⵎⵢⴻⵛⵛⴻⵔ ⴷ ⵜⴷⵓⴽⵍⵉ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵜⵉⵙⵏⵉⵡⵉⵏ.
ⵢⴻⵍⵍⴰ ⴷⴻⴳ ⵓⵙⵙⴻⴱⵔⵓ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴷⴻⴳ ⵓⵙⴰⴳⴻⵏ ⵏ ⵓⵙⴰⴼⴰⴳ ⴰⴳⵔⴻⵖⵍⴰⵏ ⵏ ⵏ'ⴷⵊⴰⵎⴻⵏⴰ, ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⵙⴻⵍⵡⴰⵢ ⵏ ⵓⵏⴰⴱⴰⴹ ⵏ ⵜⵛⴰⴷ, ⵎⴰⵙⵙ ⴰⵍⵍⴰⵎⴰⵢⴻ ⵀⴰⵍⵉⵏⴰ, ⵢⴻⴷⴷⴰ ⴷ ⴽⵔⴰ ⵏ ⵢⵉⵎⴰⵙⵍⴰⴷⴻⵏ ⵏ ⵓⵏⴰⴱⴰⴹ ⵏ ⵜⵛⴰⴷ ⴷ ⵢⵉⵎⴹⴻⴱⴱⵔⴻⵏ ⵉⵄⵍⴰⵢⴻⵏ.
ⴷⴻⴳ ⵜⴰⵍⵍⵉⵜ ⵏ ⵜⵉⵔⵣⵉ-ⴰⴳⵉ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵢⴻⵙⵙⴻⵍⵡⴰⵢ, ⵢⴻⴷⴷⴰ ⴷ ⵓⵏⵉⵍⵖⴰⴼ-ⵉⵙ ⵏ ⵜⵛⴰⴷ, ⵉⵎⴰⵀⵉⵍⴻⵏ ⵏ ⵓⵙⵔⴰⵙ ⵏ ⵓⴱⵍⴰⴹ ⵏ ⵍⵍⵙⴰⵙ ⵏ ⵜⵀⵉⵛⴻⵜ ⵏ ⵓⴼⴰⵔⵉⵙ ⵏ ⵜⵔⵉⵙⵉⵜⵉ ⵏ "ⵓⵎⴹⴰⵎⴰⵏ ⴰⵣⵣⴰⵢⵔⵉ-ⴰⵜⵛⴰⴷⵉ" ⴷⴻⴳ ⵜⴻⵎⵏⴰⵟ ⵜⴰⵎⴳⵓⵔⵉⵢⴰⵏⵜ ⵏ ⴼⴰⵔⵛⵀⴰ ⴷⴻⴳ ⵏ'ⴷⵊⴰⵎⴻⵏⴰ. ⴰⵢⴰⴳⵉ ⵢⴻⵎⵎⴰⵍ-ⴷ ⵜⵓⵛⵛⵉⵜ ⵏ ⵙⵏⴰⵜ ⵏ ⵜⵎⵓⵔⴰ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴰⴷⴰⵎⵙⴰⵏ ⴷ ⵓⵙⵏⴻⴼⵍⵉ ⵉ ⵏⴼⴰⵄ ⵏ ⵢⵉⴳⵓⵔⴻⴼ ⵏ ⵙⵉⵏ.
ⵜⵉⵔⵣⵉ-ⴰⴳⵉ ⵜⴻⵙⵙⴻⵏⴽⴰⴷ ⵍⴻⴱⵖⵉ ⴰⵎⴻⵣⴷⴰⵢ ⵏ ⵍⴻⵣⵣⴰⵢⴻⵔ ⴷ ⵜⵛⴰⴷ ⵉ ⵓⵙⴻⴶⵀⴻⴷ ⵏ ⵜⴷⵓⴽⵍⵉ ⵏ ⵙⵉⵏ ⴷ ⵓⵙⵙⴻⵎⵖⴻⵔ ⵏ ⵢⵉⵏⵏⴰⵔⴻⵏ ⵏ ⵓⵎⵢⴻⵛⵛⴻⵔ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴷⴻⴳⴳⴻⵔ ⵏ ⵓⵙⵏⴻⴼⵍⵉ ⴷ ⵓⵙⵉⴷⵔⴻⵡ ⴰⴼⵔⵉⴽⴰⵏ ⴷ ⵓⵣⴻⴶⴶⴻⴷ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵓⵎⴹⴰⵎⴰⵏ ⴳⴰⵔ-ⴰⵙⴻⵏⵜ.
ⴰⵔⵏⵓ ⵖⴻⵔ
