ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⵎⴰⵙⵙ ⵎⵓⵀⴰⵎⴻⴷ ⵙⴻⵖⵉⵔ ⵙⴰⵄⴷⴰⵓⵓⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵢⵉⵡⴻⵜ ⵏ ⵜⵏⴻⵖⵎⴰⵙⵜ ⴰⵖⴻⵍⵏⴰⵡⵜ ⴷ ⵢⵉⵎⴻⵏⴻⵀⵍⵉⵢⴻⵏ ⵏ ⵓⵙⴻⴳⵎⵉ, ⵉⵡⴰⴽⴽⴻⵏ ⴰⴷ ⵉⵥⴻⵔ ⵜⵉⵙⴼⴻⵔⵉⵜ ⵜⵉⵏⵏⴻⴳⴳⵓⵔⴰ ⵏ ⵓⵙⵓⴷⴷⴻⵙ ⴷ ⵓⵒⵉⴷⴰⴳⵓⵊⵉ ⵢⴻⵄⵏⴰⵏ ⴰⴽⴰⵢⴰⴷ ⵏ ⵜⴳⴻⵔⴷⴰⵙⵜ ⵏ ⵓⵙⴻⵍⵎⴻⴷ ⴰⵍⴻⵎⵎⴰⵙ (ⴱⴻⵎ - ⵜⴰⵍⵍⵉⵜ ⵏ 2026), ⵓⵇⴱⴻⵍ ⴰⴷ ⵢⴻⴱⴷⵓ ⴰⵣⴻⴽⴽⴰ ⵏ ⵜⵜⵍⴰⵜⴰ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴷⴻⴳ ⵜⴰⵣⵡⴰⵔⴰ ⵏ ⵜⵏⴻⵖⵎⴰⵙⵜ-ⴰⴳⵉ ⵉ ⴷ-ⵢⵉⵍⵍⴰⵏ ⵙ ⵜⵜⴰⵡⵉⵍ ⵏ ⵓⴷⵉⵡⴻⵏⵏⵉ ⵙ ⵓⵙⴻⵍⴽⵉⵎ ⵏ ⵍⴻⴱⵄⵉⴷ, ⵙ ⵓⵜⴻⴽⴽⵉ ⵏ ⵢⵉⵎⴹⴻⴱⴱⵔⴻⵏ ⵏ ⵜⵏⴻⵀⵎⴰⵍⵜ ⵜⴰⵍⴻⵎⵎⴰⵙⵜ ⴷ ⵓⵎⴰⵏⴰⵢ ⴰⵎⴰⵜⵓ ⵏ ⵓⵙⵉⵔⴻⵎ ⴰⵖⴻⵍⵏⴰⵡ ⵏ ⵢⵉⴽⴽⴰⵢⴰⴷⴻⵏ ⴷ ⵜⴻⵎⵣⵉⵣⵍⵉⵏ, ⴰⵏⴻⵖⵍⴰⴼ ⵉⵙⵏⴻⴽⴻⴷ ⵍⵎⴻⴶⵀⵓⴷⴰⵜ ⵏ ⵢⵉⵢⴻⵙⴽⵉⵔⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⴷⴰⵅⴻⵍ ⵉ ⵉⵄⴰⵡⵏⴻⵏ ⴷⴻⴳ ⵓⵀⴻⴳⴳⵉ ⵏ ⵓⴽⴰⵢⴰⴷ-ⴰⴳⵉ ⴰⵖⴻⵍⵏⴰⵡ.
ⵉⵙⵙⴻⴽⵜⵉ-ⴷ ⴷⴻⴳ ⵓⵏⵏⴰⵔ-ⴰⴳⵉ ⴰⵣⴰⵍ ⵏ "ⵓⵟⵎⴰⵏ ⵏ ⵜⵎⴰⵏⴻⴳⵜ ⴷ ⵓⵎⵙⴰⵙⴻⵢ ⴷⴻⴳ ⵓⵡⵡⵉ ⵏ ⵢⵉⵙⴻⵏⵜⴰⵍ (ⵙⵓⵊⴻⵜⵙ) ⴷ ⵓⵃⵔⴰⵣ ⵏ ⵡⴰⵎⵎⴰⵙⴻⵏ ⵏ ⵓⴼⵔⴰⵇ, ⵏ ⵓⵙⵏⴻⵙ, ⵏ ⵓⴷⴻⴳⴳⴻⵔ ⴷ ⵓⵚⴻⴳⴳⴻⵎ (correction)", ⵙ ⵓⵣⴻⴶⴶⴻⴷ ⵖⴻⴼ ⵡⴰⵣⴰⵍ ⵏ "ⵓⴽⴻⵎⵎⴻⵍ ⵏ ⵜⴻⵢⵡⴰⵍⵜ ⵜⵓⵙⵔⵉⴷⵜ ⴷ ⵜⴰⵅⴻⵍⵡⵉⵜ ⵜⴰⵍⴻⵎⵎⴰⵙⵜ ⵉ ⵓⵙⴼⵓⵍⴻⵍ ⵏ ⵢⵉⴽⴽⴰⵢⴰⴷⴻⵏ".
ⴰⵏⴻⵖⵍⴰⴼ ⵏ ⵓⵙⴻⴳⵎⵉ ⵉⵙⵎⴻⵃⵙⴻⵍ ⵉ ⵢⵉⵔⵎⵉⵜⴻⵏ ⵏ ⵡⴰⵟⴰⵙ ⵏ ⵢⵉⵎⴻⵏⴻⵀⵍⵉⵢⴻⵏ, ⵍⴰⴷⵖⴰ ⴷⴻⴳ ⵜⵡⵉⵍⴰⵢⵉⵏ ⵏ ⴱⴻⵕⵕⴰ, ⵉ ⵉⵙⵙⴻⴽⵏⴻⴷⴻⵏ ⴱⴻⵍⵍⵉ "ⵢⴰⴽⴽ ⴰⵎⵎⴰⵙⴻⵏ ⴱⵉⴷⴷⴻⵏ, ⵙ ⵓⵟⵎⴰⵏ ⵏ ⵜⴻⴳⵏⴰⵜⵉⵏ ⵏ ⵓⵙⵓⴷⴷⴻⵙ ⴷ ⵜⵎⴰⵏⴻⴳⵜ ⵉⵕⴻⵙⵙⴰⵏⴻⵏ ⵉ ⵏⴼⴰⵄ ⵏ ⵢⵉⵏⴻⵍⵎⴰⴷⴻⵏ ⴷ ⵢⵉⵙⵉⵍⴻⵖⴻⵏ".
ⴷⴻⴳ ⵜⴰⴳⵏⵉⵜ-ⴰⴳⵉ, ⵙⴰⵄⴷⴰⵓⵓⵉ ⵉⵄⴰⵡⴻⴷ ⵉⵙⵔⴻⵚ ⵖⴻⴼ ⵡⴰⵣⴰⵍ ⵏ "ⵓⵟⵎⴰⵏ ⵏ ⵜⵉⵍⵉⵜ ⵏ ⵜⵎⴰⵍⴷⴰⵢⵉⵏ ⴷ ⵜⵓⴷⴷⵙⵉⵡⵉⵏ ⵉ ⵓⵎⵎⴰⴳⴻⵔ ⵏ ⵢⵉⵎⴻⵙⵜⵉⵔⴻⵏ (candidats) ⴷⴻⴳ ⵜⴰⵍⵍⵉⵜ ⵏ ⵓⴽⴰⵢⴰⴷ, ⵙ ⵓⵟⵎⴰⵏ ⵏ ⵜⵏⴻⵣⴷⵓⵖⵜ, ⵓⵣⵓⵏⴻⵢ, ⵡⵓⵞⵞⵉ ⴷ ⵓⵃⵔⴰⵣ ⵢⴻⵍⵀⴰⵏ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴽⴰⵢⴰⴷ ⴷⴻⴳ ⵜⴻⴳⵏⴰⵜⵉⵏ ⵉⴼⴰⵣⴻⵏ". ⴷⴰⵖⴻⵏ, ⵢⴻⴼⴽⴰ ⵜⵓⵔⴰⴹ ⵉ ⵓⵃⵔⴰⵣ ⵓⴼⵔⵉⵏ ⵏ ⵢⵉⵎⴻⵙⵜⵉⵔⴻⵏ ⵉⵕⴻⵙⵙⴰⵏ ⴷⴻⴳ ⵙⴱⵉⵜⴰⵔⴰⵜ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵙⴰⵄⴷⴰⵓⵓⵉ ⵎⵎⴻⵙⵍⴰⵢ-ⴷ ⵖⴻⴼ ⵜⴻⵎⵣⵉⵣⴻⵍⵜ ⵏ ⵓⵙⴻⴽⵛⴻⵎ ⵏ ⵢⵉⵙⴻⵍⵎⴰⴷⴻⵏ, ⵉⵙⵙⴻⴽⵏⴻⴷ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ "ⵜⴻⵜⵜⴻⴷⴷⵓ ⵙ ⵓⵇⴰⴷⴻⵔ ⵏ ⵡⴰⵀⵉⵍ ⵢⴻⵜⵜⵡⴰⵙⴻⵔⵙⴻⵏ", ⵉⵙⵙⴻⴽⵏⴻⴷ ⴱⴻⵍⵍⵉ "ⵜⵉⵄⵍⴻⵏⵜ ⵓⵏⵚⵉⴱ ⵏ ⵢⵉⴳⴻⵎⵎⴰⴹ ⴰⴷ ⴷ-ⵜⵉⵍⵉ ⴷⴻⴳ ⵢⵉⵡⴻⵜ ⵏ ⵍⵡⴻⵇⵜ ⴷⴻⴳ ⵜⵎⵓⵔⵜ ⵎⴻⵕⵕⴰ", ⴰⵢⴰⴳⵉ ⵉ ⵓⵟⵎⴰⵏ ⵏ ⵓⵎⵎⵉⵣⵉ ⵏ ⵜⵣⴻⵎⵎⴰⵔ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵜⵉⴳⴳⴰⵡⵜ ⵜⴰⵖⴻⵍⵏⴰⵡⵜ ⵏ ⵓⴳⴻⵎⵎⴻⵔ ⵏ ⵢⵉⴽⵔⴰⵔⴰⵙⴻⵏ ⵉ ⵓⵔⴻⵙⴽⴻⵍ, ⴰⵏⴻⵖⵍⴰⴼ ⵉⵙⵎⴻⴽⵜⵉ-ⴷ ⴰⵣⴰⵍ ⴰⵙⵏⴻⴼⵎⴰⵏ, ⴰⵜⴰⵡⵏⵏⴰⴹⴰⵏⵜ ⴷ ⵓⴷⴰⵎⵙⴰⵏ ⵏ ⵓⵙⴻⵏⴼⴰⵔ-ⴰⴳⵉ ⵉ ⵢⴻⴱⵖⴰⵏ "ⵓⵕⵓⵚⵓ ⵏ ⵜⵎⴰⴳⵉⵜ ⵏ ⵓⵔⴻⵙⴽⴻⵍ ⴳⴰⵔ ⵢⵉⵏⴻⵍⵎⴰⴷⴻⵏ ⴷ ⵓⵙⴻⴶⵀⴻⴷ ⵏ ⵜⵎⵓⵖⵍⵉ ⵏ ⵓⵖⵔⵉⵎ ⵏ ⵜⴰⵡⵏⵏⴰⴹⵜ ⴷⴻⴳ ⵓⵖⴻⵔⴱⴰⵣ".
ⴷⴻⴳ ⵜⴰⴳⴳⴰⵔⴰ, ⴰⵏⴻⵖⵍⴰⴼ ⵉⵄⴰⵡⴻⴷ ⵉⵙⵙⴻⵎⵍⴰⵍ ⵖⴻⴼ ⵡⴰⵣⴰⵍ ⵏ "ⵓⵃⵔⴰⵣ ⴷⴻⴳ ⵜⴰⵍⵍⵉⵜ ⵏ ⵢⵉⴽⴽⴰⵢⴰⴷⴻⵏ ⵓⵏⵚⵉⴱⴻⵏ", ⵉⵙⵙⴻⴽⵏⴻⴷ ⴱⴻⵍⵍⵉ "ⵢⴰⴽⴽ ⵉⵎⵓⴽⴰⵏ ⵏ ⵢⵉⴽⴽⴰⵢⴰⴷⴻⵏ ⵍⵍⴰⵏ ⴽⴰⵏ ⵉ ⵓⵎⴻⵥⵍⵓ-ⴰⴳⵉ ⴰⵖⴻⵍⵏⴰⵡ, ⵙ ⵓⵣⴻⴶⴶⴻⴷ ⵖⴻⴼ ⵜⵉⴷⴷⵉ ⵢⴻⵍⵀⴰⵏ ⵏ ⵢⵉⴽⴽⴰⵢⴰⴷⴻⵏ ⴷⴻⴳ ⵜⴰⵡⵏⵏⴰⴹⵜ ⵏ ⵓⵇⴰⴷⴻⵔ ⴷ ⵜⵎⴰⵙⵉⵜ".
ⴰⵔⵏⵓ ⵖⴻⵔ
