ⵢⴻⵅⴷⴻⵎ ⵓⵏⴻⵖⵍⴰⴼ ⵏ ⵓⵙⵙⴻⵡⵡⵉ ⵎⴰⵙⵙ ⵍⵓⵓⵏⴰⵙ ⴱⵓⵓⵣⴻⴳⵣⴰ, ⴰⵙⵙ-ⴰ ⵏ ⵜⵜⵍⴰⵜⴰ, ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵖⵉⵡⴻⵍ ⵖⴻⵔ ⴽⵔⴰ ⵏ ⵜⵓⴷⴷⵙⵉⵡⵉⵏ ⴷ ⵡⴰⵎⵎⴰⵙⴻⵏ ⵏ ⵓⵏⵏⴰⵔ-ⵉⵙ ⴷⴻⴳ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ. ⵉⵙⵡⵉ ⵏ ⵜⵉⴳⴳⴰⵡⵜ-ⴰⴳⵉ ⴷ ⴰⵙⴼⵓⵍⴻⵍ ⵏ ⵜⵉⴷⴷⵉ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⴷ ⵓⵣⴻⵟⵟⴻⴹ ⵏ ⵓⵀⴻⴳⴳⵉ ⵏ ⵜⵉⵙⴻⴽⵉⵡⵉⵏ ⵏ ⵡⴰⵎⴰⵏ, ⵍⴰⴷⵖⴰ ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⵡⴻⵣⵣⵉ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⴷ ⵓⵙⵉⵣⴷⴻⴳ, ⵉⵎⵉ ⵉ ⴷ-ⵢⴻⵇⵔⴻⴱ ⵍⵄⵉⴷ ⵏ ⵜⵎⴻⵖⵔⴰ ⴷ ⵜⴰⵍⵍⵉⵜ ⵏ ⵓⵏⴻⴱⴷⵓ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵀⵍⴰⴼⵜ.
ⵜⵉⵔⵣⵉ-ⴰⴳⵉ ⵜⴻⵡⵡⵉ-ⴷ ⵖⴻⴼ ⵡⴰⵎⵎⴰⵙ ⵏ ⵓⵙⵉⵣⴷⴻⴳ ⵏ ⵡⴰⵎⴰⵏ ⵢⴻⵜⵜⵓⵙⴻⵎⵔⴰⵙⴻⵏ ⴷⴻⴳ ⵔⵖⴰⵢⴰ, ⵔⵏⵉ-ⴷ ⴼⴻⵍⵍ-ⴰⵙ ⴰⵎⵎⴰⵙ ⵏ ⵓⴼⴰⵔⵉⵙ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⴷⴻⴳ ⵍⵃⴻⵔⵔⴰⵛ, ⴰⵏⵉⴷⴰ ⴰⵏⴻⵖⵍⴰⴼ ⵉⵡⴰⵍⴰ ⵢⴰⴽⴽ ⵜⵉⵡⵉⵍⴰ ⵏ ⵜⵎⵓⵀⴻⵍ ⴷ ⵜⴻⴳⵏⴰⵜⵉⵏ ⵏ ⵓⵎⴰⵀⵉⵍ ⴷⴻⴳ ⵜⵓⴷⴷⵙⵉⵡⵉⵏ-ⴰⴳⵉ ⵉⵕⴻⵙⵙⴰⵏⴻⵏ.
ⴷⴻⴳ ⵜⴰⵍⵍⵉⵜ ⵏ ⵜⵉⵔⵣⵉ-ⴰⴳⵉ, ⴰⵏⴻⵖⵍⴰⴼ ⵉⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⵟⵎⴰⵏ ⵏ ⵜⵏⴰⵜⵉⵜ (shift) ⵏ 24 ⵏ ⵜⵙⴰⵄⵜⵉⵏ ⵖⴻⴼ 24, ⵍⴰⴷⵖⴰ ⴷⴻⴳ ⵢⵉⵎⵓⴽⴰⵏ ⵏ ⵓⵣⴻⵟⵟⴻⴹ ⵏ ⵍⴻⴱⵄⵉⴷ. ⵉⵙⵔⴻⵚ ⴷⴰⵖⴻⵏ ⵖⴻⴼ ⵓⵟⵎⴰⵏ ⵏ ⵡⴰⵍⵍⴰⵍⴻⵏ ⴷ ⵜⵛⴻⵇⵇⴰⴼⵉⵏ ⵏ ⵓⴱⴻⴷⴷⴻⵍ ⵉⵡⴰⴽⴽⴻⵏ ⴰⴷ ⴷ-ⵎⵎⴰⴳⵔⴻⵏ ⵢⴰⵍ ⴰⵃⴱⵓⵙ ⵉ ⵉⵣⴻⵎⵔⴻⵏ ⴰⴷ ⵢⴻⵏⵏⴰⵍ ⵡⴰⵍⵍⴰⵍⴻⵏ ⵏ ⵓⵚⴻⵎⵎⵉ , ⴰⵢⴰⴳⵉ ⵉ ⵓⵟⵎⴰⵏ ⵏ ⵓⵡⴻⵣⵣⵉ ⵏ ⵡⴰⵎⴰⵏ ⵉ ⵢⵉⵎⴻⵣⴷⴰⵖ ⵙ ⵜⴰⵔⵔⴰⵢⵜ ⵉⵕⴻⵙⵙⴰⵏⴻⵏ.
ⴰⵎⴹⴻⴱⴱⴻⵔ ⴰⵎⴻⵣⵡⴰⵔⵓ ⵏ ⵓⵏⵏⴰⵔ-ⴰⴳⵉ ⵉⵙⵙⴻⴽⵏⴻⴷ ⴰⵣⴰⵍ ⵏ ⵓⵄⴻⵍⵍⴻⵎ ⵏ ⵢⵉⵎⴻⵣⴷⴰⵖ ⵓⵇⴱⴻⵍ ⴰⴷ ⴷ-ⵢⵉⵍⵉ ⵓⴱⴻⴷⴷⴻⵍ ⴷⴻⴳ ⵡⴰⵀⵉⵍⴻⵏ ⵏ ⵓⵡⴻⵣⵣⵉ ⵏ ⵡⴰⵎⴰⵏ ⵏⴻⵖ ⵜⵎⵓⵀⴰⵍ ⵏ ⵓⵙⵉⵣⵣⴻⴷ , ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵜⴼⴻⴼⴻⴼⴼⵉⵜ ⴷ ⵜⵖⴰⵔⴰ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⴷ ⵜⴻⵢⵡⴰⵍⵜ ⴷ ⵢⵉⵎⴻⵣⴷⴰⵖ.
ⴰⵔⵏⵓ ⵖⴻⵔ
