ⵉⵙⵙⴻⵖⵔⴻⵜ-ⴷ ⵓⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ, ⵓⵙⵙⴻⵎⵔⴻⵙ, ⵜⴰⵎⴷⵉⵏⵜ ⴷ ⵓⵙⵙⴻⵀⴻⴳⵉ ⵏ ⵜⴻⵎⵏⴰⴹⵜ, ⴰⵙⵙ-ⴰ ⵏ ⵓⵅⵎⵉⵙ, ⵖⴻⴼ ⵓⵊⴻⵔⵔⴻⴷ ⵏ 545 ⵏ ⵢⵉⴼⴰⴼ ⵏ ⵢⵉⵎⵓⴽⴰⵏ ⵏ ⵜⵏⴻⵣⴷⵓⵖⵜ ⵙ ⵡⴰⵟⴰⵙ ⵏ ⵢⵉⵙⴻⵏⵣⴰⴳⴻⵏ ⴷⴻⴳ ⵓⴽⴰⵜⴰⵕ ⵏ ⵓⵖⴰⵡⴰⵙ ⵏ ⵓⵙⴰⴹⵓⴼ ⵏ ⵜⴰⴷⵔⵉⵎⵜ ⵏ ⵓⵙⴻⴳⴳⴰⵙ ⵏ 2027, ⴷⴻⴳ-ⵙⴻⵏ 350 ⵏ ⵢⵉⴼⴰⴼ ⵏ ⵢⵉⵎⵓⴽⴰⵏ ⵙ ⵓⵏⴰⴳⵔⴰⵡ ⵏ ⵜⵏⴻⵣⴷⵓⵖⵜ ⵙ ⵜⵏⴻⵣⵣⵓⵜ ⴷ ⵓⴽⵉⵔⵉ "AADL 3", ⵙ ⵓⵜⵜⴻⵎⵎⴻⴷ ⵏ ⵓⵙⵙⴻⴼⵔⴻⵔ ⵏ 400 ⵏ ⵢⵉⴼⴰⴼ ⵏ ⵢⵉⵎⵓⴽⴰⵏ ⵏ ⵜⵏⴻⵣⴷⵓⵖⵜ ⴷⴻⴳ ⵜⴰⴳⴰⵔⴰ ⵏ ⵓⵙⴻⴳⴳⴰⵙ ⵏ 2026.
ⵉⵙⵙⴻⴼⴻⵀⵎ-ⴷ ⵓⵏⴻⵖⵍⴰⴼ, ⴷⴻⴳ ⵓⵙⴻⵏⴽⴻⴷ-ⵉⵙ ⵏ ⵢⵉⵣⵉⵔⵉⴳⴻⵏ ⵉⵎⴰⵜⴰⵡⴻⵏ ⴷ ⵜⴰⵣⵡⴻⵔ ⵏ ⵓⵃⵔⵉⵞ ⵉ ⵓⵙⴻⴳⴳⴰⵙ ⵏ 2027 ⵙⴷⴰⵜ ⵜⴻⵙⵇⴰⵎⵓⵜ ⵏ ⵜⴰⴷⵔⵉⵎⵜ ⴷ ⵜⴻⴷⵔⵉⵎⵜ ⴷⴻⴳ ⵓⵙⴱⵉⴹⴰⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⴷⴻⴳ ⵜⵉⵖⵉⵎⵉⵜ ⵉ ⵉⵙⵙⴻⵡⵙⴻⵢⵏ ⵏⵏⴻⴼ ⵏ ⵓⵙⴻⵍⵡⴰⵢ ⵏ ⵜⴻⵙⵇⴰⵎⵓⵜ, ⴰⴱⴷⴻⵍⵏⵓⵓⵔ ⴱⴻⵍⴰⵔⴱⵉ, ⵙ ⵓⵜⵜⴻⴽⴽⵉ ⵏ ⵜⵏⴻⵖⵍⴰⴼⵜ ⵏ ⵡⴰⵙⵙⴰⵖⴻⵏ ⴷ ⵓⴱⴰⵔⵍⴰⵎⴰⵏ, ⵏⴻⴷⵊⵉⴱⴰ ⴷⵊⵉⵍⴰⵍⵉ, ⴷⴻⴳ ⵓⴽⴰⵜⴰⵕ ⵏ ⵓⴷⵉⵡⴰⵍ ⵏ ⵓⵙⴻⵏⴼⴰⵔ ⵏ ⵓⵙⴰⴹⵓⴼ ⵏ ⵜⴰⴷⵔⵉⵎⵜ ⵏ ⵓⵙⴻⴳⴳⴰⵙ ⵉ ⴷ-ⵢⴻⴷⴷⵓⵏ, ⴷⴰⴽⴽⴻⵏ ⴰⵃⵔⵉⵞ-ⴰ ⵉⵙⵙⴻⴽⵍⴻⴼ ⵜⵉⵙⵉⵔⵉ ⵏ ⵓⵇⵇⴰⵙ ⵎ-ⵡⴰⵣⴰⵍ ⵏ 834,57 ⵏ ⵢⵉⴼⴰⵡⴻⵏ ⵏ ⴷⵉⵏⴰⵔ ⴰⴷⵣⴰⵢⵔⵉ ⴷ ⵓⵜⵓⴳ ⵏ ⵓⵙⴰⵍⴻⵍ ⵎ-ⵡⴰⵣⴰⵍ ⵏ 896 ⵏ ⵢⵉⴼⴰⵡⴻⵏ ⵏ ⴷⵉⵏⴰⵔ ⴰⴷⵣⴰⵢⵔⵉ.
ⵢⴻⵔⵏⴰ-ⴷ ⴷⴰⴽⴽⴻⵏ "ⵜⵉⵣⵢⵉⵡⵉⵏ ⵏ ⵜⴻⵣⵎⴻⵕⵜ ⵏ ⴷⵣⴰⵢⴻⵔ ⵍⵍⴰⵏ ⴷⴻⴳ ⵓⵙⵙⵙⵉⵜⵓ ⵏ ⵓⵎⵓⵔ ⴰⵎⴻⵇⵇⵔⴰⵏ ⵏ ⵢⵉⵙⴻⴱⵍⴰⵏ ⵏ ⵜⴻⴳⴷⵓⴷⴰ ⵖⴻⵔ ⵓⵙⵙⴻⴱⴷⵓⴷ ⵏ ⵓⵔⴽⴰⴽ ⴰⵎⴻⵜⵉ, ⴷⴻⴳ-ⵙⴻⵏ ⴰⵃⵔⵉⵞ ⵏ ⵜⵏⴻⵣⴷⵓⵖⵜ, ⵙ ⵓⵙⵙⴻⴽⵙ ⴷⴰⴽⴽⴻⵏ ⵜⴰⵎⵙⴰⴳⵓⵔⵜ ⵜⴰⵎⴻⵣⵣⵡⴰⵔⵓⵜ ⵜⴻⵍⵍⴰ ⴷⴻⴳ ⵓⵙⵙⴻⴱⴷⵓⴷ ⵏ ⵜⵏⴻⵣⴷⵓⵖⵜ ⵉⵀⵓⵙⴽⴰⵢⴻⵏ ⵉ ⵓⵖⴰⵔⵉⵎ".
ⵎⴰ ⴷ ⵖⴻⴼ ⵓⵖⴰⵡⴰⵙ ⵏ ⵢⵉⵙⴰⴳⵓⵔⴻⵏ ⵉⵎⴰⵜⴰⵡⴻⵏ ⵉ ⵓⵙⴻⴳⴳⴰⵙ ⵏ 2027, ⵉⵙⵙⴻⴽⵏ-ⴷ ⵓⵏⴻⵖⵍⴰⴼ ⵖⴻⵔ ⵓⵊⴻⵔⵔⴻⴷ ⵏ ⵓⵙⵙⴻⴱⴷⵓⴷ ⵏ 320 ⵏ ⵢⴰⵖⴻⵔⴱⴰⵣⴻⵏ ⵉⵎⴻⵣⵡⵓⵔⴰ, 140 ⵏ ⵢⴰⵖⴻⵔⴱⴰⵣⴻⵏ ⵉⵍⴻⵎⵎⴰⵙⴻⵏ, 91 ⵏ ⵢⵉⵙⵏⵉⵡⴻⵏ, ⵖⴻⵔ ⵢⵉⴷⵉⵙ ⵏ 30 ⵏ ⵢⵉⵅⵅⴰⵎⴻⵏ ⵏ ⵓⵙⵙⴰⵊⵉ ⴷ 40 ⵏ ⵡⴰⵎⵎⴰⵙⴻⵏ ⵏ ⵜⴰⵖⴻⵍⵍⵉⵙⵜ ⵏ ⵜⴻⵎⴷⵉⵏⵜ.
ⴰⵎ ⴰⴽⴽⴻⵏ ⵉ ⴷ-ⵉⵙⵙⴻⵖⵔⴻⵜ ⵖⴻⴼ ⵓⵙⵙⴻⴽⴻⵔ ⵏ ⵓⵙⴻⵏⵇⴻⴷ ⵏ ⵓⵙⵙⴻⴱⴷⵓⴷ ⵏ ⴽⵔⴰⴹ (3) ⵏ ⵢⵉⵙⴱⴻⴳⵏⴻⵏ ⵉⵙⴷⴰⵡⴰⵏⴻⵏ ⴷⴻⴳ ⵜⵡⵉⵍⴰⵢⵉⵏ ⵏ ⵚⵟⵉⴼ, ⵄⴻⵏⵏⴰⴱⴰ ⴷ ⵠⴳⴰⵢⴻⵜ.
ⵉⵙⵙⴻⵖⵔⴻⵜ ⵓⵏⴻⵖⵍⴰⴼ ⴷⴰⴽⴽⴻⵏ ⵉⵖⴰⵡⴰⵙⴻⵏ-ⴰ ⵙⵙⴻⴼⵍⴻⵏ ⴳⴻⵍⵍⴻⴼ ⵖⴻⵔ "ⵓⵙⵏⴻⵔⵏⵉ ⵏ ⵢⵉⵙⵡⵉⵔⴻⵏ ⵏ ⵜⵓⴷⴻⵔⵜ ⵏ ⵢⵉⵖⴰⵔⵉⵎⴻⵏ ⴷ ⵓⵙⵊⴻⵀⴻⴷ ⵏ ⵡⴰⵣⴰⵍ-ⵏⵙⴻⵏ ⴰⵎ ⴰⵎⵎⴰⵙ ⴰⴳⴻⵊⴷⴰⵏ ⴷⴻⴳ ⵜⵙⴻⵔⵜⵉⵢⵉⵏ ⵏ ⵓⵙⵏⴻⵔⵏⵉ".
ⵉⵙⵙⴻⴽⵏ-ⴷ ⴷⴻⴳ ⵓⴽⴰⵜⴰⵕ-ⴰ ⴷⴰⴽⴽⴻⵏ "ⴰⵙⵡⵉⵔ ⴰⵙⴻⵔⵜⴰⵏ ⵉⵙⵙⴻⴱⴷⵓⴷ ⵉⴷⵔⴰⵙⴻⵏ ⵉⵎⴻⵙⵙⵓⵔⴰ ⵉ ⵓⵙⵏⴻⵔⵏⵉ ⵏ ⵜⵉⵎⴷⵉⵏⵉⵏ, ⵢⵉⵎⵓⴽⴰⵏ ⴷ ⵢⵉⴳⴻⵎⵎⵓⴹⴻⵏ ⵏ ⵜⵏⴻⵣⴷⵓⵖⵜ ⵙ ⵢⵉⵙⵏⴻⴽⵏⵉⵢⴻⵏ ⵉⵎⴰⵢⵏⵓⵜⵉⵏ ⵉ ⵉⵣⴻⴳⵔⴻⵏ ⴰⵙⵏⴻⴼⵙⵉ ⴰⵎⴻⵏⵙⴰⵢ ⴷ ⵓⵎⵓⵇⵇⴻⵍ ⴰⴽⵍⴰⵛⵉⴽⵉ ⵏ ⵜⵏⴻⵣⴷⵓⵖⵜ".
ⴰⵔⵏⵓ ⵖⴻⵔ
