ⵢⴻⵙⵙⴰⵡⴻⵍ ⵓⵏⴻⵖⵍⴰⴼ ⵏ ⵢⴻⴷⵔⵉⵎⴻⵏ, ⵎⴰⵙⵙ ⴰⴱⴷⴻⵍⴽⵔⵉⵎ ⴱⵓⵓⴰⵍⵣⴻⵔⴻⴷ, ⵙⴻⴳ ⵏⴻⵡ ⵢⵓⵔⴽ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵔⵔⴰⵢ ⴰⵎⴰⵢⵏⵓⵜ ⴷⴻⴳ ⵓⴼⵔⴰⵖ ⵏ ⵜⵏⴻⴼⵍⵉ, ⵉ ⴷⴻⴳ ⵜⵉⵙⵓⴷⴰ ⵜⵉⴷⵔⵉⵎⴰⵏⵉⵏ ⵜⴰⴳⵔⴰⵖⵍⴰⵏⵉⵏ ⴰⴷ ⴷ-ⴰⵡⵉⵏⵜ ⵜⵎⴰⵙⵉⵜ-ⵏⵙⴻⵏⵜ ⵙ ⵜⵉⴷⴻⵜ ⵉⵡⴰⴽⴽⴻⵏ ⴰⴷ ⴷ-ⴼⴼⵖⴻⵏ ⵙⴻⴳ ⵜⴻⴳⵏⵉⵜ-ⴰⴳⵉ ⵉ ⴷⴻⴳ ⵜⵉⵎⵓⵔⴰ ⵉ ⴷ-ⵉⵜⵜⴰⵡⵉⵏ ⴰⵃⵔⵉⵛ ⴰⵎⴻⵇⵇⵔⴰⵏ ⵏ ⵡⵓⴳⵓⵔⴻⵏ ⵏ ⵓⴼⵔⴰⵖ ⵖⴰⵙ ⵍⵓⴽⴰⵏ ⵉⴳⵎⴰⴹ-ⵉⵙ ⴷⵔⵓⵙ-ⵉⵜ, ⴷ ⴰⵢⴻⵏ ⵉ ⴷ-ⵢⵓⴱⴷⴻⵔ ⵓⵏⴻⵖⵍⴰⴼ ⴷ "ⴰⵢⴻⵏ ⵓⵔ ⵏⴻⴷⴷⵉⵍ ⴰⵔⴰ ⵢⴻⵔⵏⴰ ⵓⵔ ⴷ-ⵉⵡⵡⵉ ⴰⵔⴰ ⵍⵃⴻⵇⵇ".
ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵜⵜⴻⴽⴽⵉ ⵏ ⵓⵏⴻⵖⵍⴰⴼ ⴷⴻⴳ ⵡⴰⴳⵔⴰⵡ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⵓⵏⵓ) ⵉ ⵓⴼⵔⴰⵖ ⵏ ⵜⵏⴻⴼⵍⵉ ⵉ ⴷ-ⵢⴻⵍⵍⴰⵏ ⵙⴻⴳ 20 ⴰⵔ 24 ⵢⴻⴱⵔⵉⵔ ⴷⴻⴳ ⵏⴻⵡ ⵢⵓⵔⴽ, ⴷⴰⴳⵉ ⵉ ⴷ-ⵢⴻⴼⴽⴰ ⴰⵡⴰⵍ ⵖⴻⴼ ⵡⵓⴳⵓⵔⴻⵏ ⵉ ⴷ-ⵢⴻⵍⵍⴰⵏ ⴷⴻⴳ ⵓⵏⴰⴳⵔⴰⵡ ⵏ ⵓⴼⵔⴰⵖ ⴰⴳⵔⴰⵖⵍⴰⵏⵜ ⵏ ⵜⵏⴻⴼⵍⵉ.
ⵉⵙⴱⴻⴳⴳⴻⵏ-ⴷ ⵓⵏⴻⵖⵍⴰⴼ ⴱⴻⵍⵍⵉ "ⴰⵎⵙⵉⵣⵡⴻⵔ ⵓⵔ ⵢⵓⵖⴰⵍ ⴰⵔⴰ ⴷⴻⴳ ⵍⵇⴻⴷⴷ ⵏ ⵢⴻⴷⵔⵉⵎⴻⵏ, ⵎⴰⵛⴰ ⴷⴻⴳ ⵏⴼⴰⵄ-ⵏⵙⴻⵏ", ⵉⵙⴻⴳⵣⵉ-ⴷ ⴱⴻⵍⵍⵉ "ⵜⵉⵎⵓⵔⴰ ⵉ ⴷ-ⵢⴻⵜⵜⵏⴻⵔⵏⵉⵏ ⵎⴰⵣⴰⵍ-ⴰⵙⴻⵏⵜ ⴷⴻⴳ ⵡⵓⴳⵓⵔⴻⵏ ⵏ ⵣⵉⴽ ⵖⴰⵙ ⵍⵓⴽⴰⵏ ⵍⵍⴰⵏ ⴰⵟⴰⵙ ⵏ ⵡⴰⵍⵍⴰⵍⴻⵏ ⵏ ⵓⴼⵔⴰⵖ", ⴰⵢⴰⴳⵉ ⵢⴻⵙⵙⵓⵜⵓⵔ "ⴰⵍⵍⵓⵙ ⵏ ⵜⵎⵓⵖⵍⵉ ⴷⴻⴳ ⵡⴰⵍⵍⴰⵍⴻⵏ ⵏ ⵓⵅⴻⴷⴷⵉⵎ ⵏ ⵓⵏⴰⴳⵔⴰⵡ ⴰⴷⵔⵉⵎⴰⵏ ⴰⴳⵔⴰⵖⵍⴰⵏⵜ". ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ "ⵉⵍⴰⵇ ⴰⴷ ⴷ-ⵢⵉⵍⵉ ⵓⴷⴻⵎ ⵉⵞⴻⵀⴷⴻⵏ ⵉ ⵜⵎⵓⵔⴰ ⵉ ⴷ-ⵢⴻⵜⵜⵏⴻⵔⵏⵉⵏ ⴷⴻⴳ ⵔⵔⴰⵢ ⵉⵡⴰⴽⴽⴻⵏ ⴰⴷ ⴷ-ⵜⴻⵜⵜⵡⴰⵙⴻⴼⵔⴻⵣ ⵜⴰⵔⵔⴰⵢⵜ ⵏ ⵍⵃⴻⵇⵇ ⴷⴻⴳ ⴷⴷⵓⵏⵉⵜ".
ⵎⴰⵙⵙ ⴱⵓⵓⴰⵍⵣⴻⵔⴻⴷ ⵉⴱⴷⴻⵔ-ⴷ ⴷⴰⵖⴻⵏ ⵍⵯⴻⵀⴷ ⵏ ⵍⴻⵣⵣⴰⵢⴻⵔ ⴷⴻⴳ ⵜⴰⵍⵍⴻⵍⵜ ⵏ ⵜⴷⴰⵎⴻⵏⵜ ⵜⴰⴳⵔⴰⵖⵍⴰⵏⵜ, ⵙ ⵓⴼⵓⵙ ⵏ ⵓⵙⵉⵣⴷⴻⴳ ⵏ ⴷⴷⵢⵓⵍ ⵏ ⴰⵟⴰⵙ ⵏ ⵜⵎⵓⵔⴰ ⴷ ⵓⵀⴻⴳⴳⵉ ⵏ ⵜⵎⴰⴼⴽⵉⵢⵉⵏ ⵜⵉⴷⵔⵉⵎⴰⵏⵉⵏ ⵉ ⵜⵎⵓⵔⴰ ⵢⴻⵄⵢⴰⵏ, ⴰⴽⴽⴻⴷ ⵓⵙⴰⵍⵉ ⵏ ⵜⴰⵏⵎⴻⵀⵍⴰ ⵜⴰⵖⴻⵍⵏⴰⵡⵜ ⵏ ⵓⵏⵢⵓⴷⴷⵓ ⴰⴳⵔⴰⵖⵍⴰⵏⵜ ⵉ ⵜⵏⴻⴼⵍⵉ ⵙ ⵓⵔⴰⵙⵎⴰⵍ ⵏ ⵢⵉⵡⴻⵏ (1) ⵏ ⵓⵎⴻⵍⵢⴰⵔ ⵏ ⴷⵓⵍⴰⵔ ⵉ ⵓⴹⵎⴰⵏ ⵏ ⵢⵉⵙⴻⵏⴼⴰⵔⴻⵏ ⵏ ⵜⵏⴻⴼⵍⵉ, ⵍⴰⴷⵖⴰ ⴷⴻⴳ ⵜⴻⴼⵔⵉⵇⵜ.
ⴷⴻⴳ ⵜⴰⴳⴳⴰⵔⴰ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵉⵍⴰⵇ "ⵓⵄⴻⴷⴷⵉ ⵙⴻⴳ ⵔⵔⴰⵢ ⵏ ⵓⴼⵔⴰⵖ ⵖⴻⵔ ⵔⵔⴰⵢ ⵏ ⵢⵉⴳⵎⴰⴹ, ⴷ ⵓⴱⴻⴷⴷⴻⵍ ⵏ ⵜⵎⴰⵙⵉⵜ ⵙⴻⴳ ⵜⵉⵏ ⵏ ⵢⵉⵡⴻⵏ ⵖⴻⵔ ⵜⵉⵏ ⵢⴻⴷⴷⵓⴽⴽⵍⴻⵏ, ⵉⵡⴰⴽⴽⴻⵏ ⴰⴷ ⵢⴻⵏⴻⵔⵏⵉ ⵏⴼⴰⵄ ⴷ ⵍⵃⴻⵇⵇ ⴷⴻⴳ ⵓⵏⴰⴳⵔⴰⵡ ⴰⴷⵔⵉⵎⴰⵏ ⴰⴳⵔⴰⵖⵍⴰⵏⵜ".
ⴰⵔⵏⵓ ⵖⴻⵔ
