ⵡⵡⴹⴻⵏ ⵉⵙⴰⴳⴰⵜⴻⵏ ⵏ ⵍⴻⵣⵣⴰⵢⴻⵔ ⵉ ⴷ-ⵢⴻⴽⴽⴰⵏ ⵙⴻⴳ ⵓⵙⵉⵡⴻⴹ ⵏ ⵉⵎⴻⵀⵔⵓⵇⴻⵏ ⴰⵔ 37.5 ⵏ ⵉⵎⵉⵍⵍⵉⵢⴰⵔⴻⵏ ⵏ ⵉⴷⵓⵍⴰⵔ ⴳⴰⵔ ⵢⴻⵏⵏⴰⵢⴻⵔ ⴷ ⵜⴰⴳⴳⴰⵔⴰ ⵏ ⵙⵜⴻⵎⴱⴻⵔ 2026, ⴰⵎ ⴰⴽⴽⴻⵏ ⵉ ⵜ-ⵉⴷ-ⵉⵙⴻⴳⵣⴰ ⴰⵙⵙ-ⴰ ⵏ ⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⵓⵏⴻⵖⵍⴰⴼ ⵏ ⵓⵡⴰⵏⴽ, ⴰⵏⴻⵖⵍⴰⴼ ⵏ ⵉⵎⴻⵀⵔⵓⵇⴻⵏ, ⵎⵓⵀⴰⵎⴻⴷ ⴰⵔⴽⴰⴱ.
ⵉⵙⴻⴳⵣⴰ-ⴷ ⴰⵔⴽⴰⴱ, ⴷⴻⴳ ⵓⵙⴻⵏⴽⴻⵏ ⵉ ⴷ-ⵢⴻⴼⴽⴰ ⵣⴷⴰⵜ ⵏ ⵜⴻⵙⵎⵉⵍⵜ ⵏ ⵜⴷⴰⵎⵙⴰ ⴷ ⵜⵎⴻⵙⴱⴰⵖⵓⵔ ⴷⴻⴳ ⵓⴳⵔⴰⵡ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⴷⴻⴳ ⵓⴽⴰⵜⴰⵔ ⵏ ⵓⴼⴻⵇⵇⵓⴻⴷ ⴷ ⵓⵙⴷⵉⵡⴻⵍ ⵏ ⵓⵙⴻⵏⴼⴰⵔ ⵏ ⵓⵙⴰⴹⵓⴼ ⵏ ⵜⵙⴻⵔⵜⵉⵜ ⵏ ⵜⴰⴷⵔⵉⵎⵜ 2027, ⵙ ⵜⵉⵏⵏⴰⴳⵍⴰ ⵏ ⵜⵏⴻⵖⵍⴰⴼⵜ ⵏ ⵡⴰⵙⵙⴰⵖⴻⵏ ⴰⴽⴽⴻⴷ ⵓⵎⵙⴻⵇⵇⴰⵎⵓ, ⵏⴻⴷⵊⵉⴱⴰ ⴷⵊⵉⵍⴰⵍⵉ, ⴱⴻⵍⵍⵉ ⵉⵙⴰⴳⴰⵜⴻⵏ-ⴰ ⴽⴽⴰⵏ-ⴷ ⵙ ⵡⴰⵍⵍⴰⵖ ⵏ ⵡⴰⵜⴰⵢ ⵏ ⵡⴰⵜⴰⵢ ⴰⵎⴰⵜⵓ ⵏ ⵓⵣⴰⵢⵓⵔ ⴰⴱⴻⵔⵔⴰⵏ ⴰⵣⵣⴰⵢⵔⵉ ⵙ 37 ⴷⴻⴳ ⵜⵛⴰⵡⵉⵜ (%), ⵎⴳⴰⵍ ⵜⴰⵏⵣⴰⴳⵜ-ⵏⵏⵉ ⵏ ⵓⵙⴻⴳⴳⴰⵙ 2025.
ⴷⴻⴳ ⵓⴽⴰⵜⴰⵔ-ⴰ, ⵢⴰⴱⴷⴻⵔ-ⴷ ⵓⵏⴻⵖⵍⴰⴼ ⵏ ⵓⵡⴰⵏⴽ ⴱⴻⵍⵍⵉ ⴰⵜⴰⵢ ⴰⵎⴰⵜⵓ ⵏ ⵓⵣⴰⵢⵓⵔ ⴰⴱⴻⵔⵔⴰⵏ ⴰⵣⵣⴰⵢⵔⵉ ⵢⴻⵡⵡⴻⴹ ⴰⵔ ⵡⴰⵣⴰⵍ ⵏ 97 ⵏ ⵉⴷⵓⵍⴰⵔ ⵉ ⵓⴱⴰⵔⵎⵉⵍ, ⵎⴳⴰⵍ 11.3 ⵏ ⵉⴷⵓⵍⴰⵔ ⵉ ⵢⴰⵍ ⴰⵎⵉⵍⵍⵉⵢⵓⵏ ⵏ ⵜⵓⵏⵉⵏ ⵜⵉⵙⴻⵎⵙⴰⵏⵉⵏ ⵜⵉⴱⵔⵉⵟⴰⵏⵉⵢⵉⵏ ⵉ ⵓⵣⴰⵢⵓⵔ ⵏ ⵍⴳⴰⵣ ⴰⵣⵣⴰⵢⵔⵉ ⵉ ⴷ-ⵉⵡⵡⴹⴻⵏ ⴰⵔ ⵓⵍⵓⴳ.
ⵙ ⵡⴰⴽⴽⴰ -ⵉ ⴷ-ⵢⴻⵔⵏⴰ ⵓⵏⴻⵖⵍⴰⴼ- ⵉⵙⴰⴳⴰⵜⴻⵏ ⵏ ⵜⴱⴻⵣⵜ ⵏ ⵓⵣⴰⵢⵓⵔ ⵙⵙⴰⵡⴹⴻⵏ ⴰⵔ 2841 ⵏ ⵉⵎⵉⵍⵍⵉⵢⴰⵔⴻⵏ ⵏ ⵉⴷⵉⵏⴰⵔ ⴰⵣⵣⴰⵢⵔⵉ, ⵡⴰⴳⵉ ⴷ ⴰⵢⴻⵏ ⵢⴻⴳⴷⴰⵏ ⴰⵣⴰⵍ ⵏ 105 ⴷⴻⴳ ⵜⵛⴰⵡⵉⵜ ⵙⴻⴳ ⵉⵙⴻⵇⵙⵉⵢⴻⵏ ⵉ ⴷ-ⵉⵜⵜⵡⴰⵇⴻⴱⵍⴻⵏ ⴷⴻⴳ ⵓⵙⴰⴹⵓⴼ ⵏ ⵜⵙⴻⵔⵜⵉⵜ ⵏ ⵜⴰⴷⵔⵉⵎⵜ ⵏ ⵓⵙⴻⴳⴳⴰⵙ 2026, ⵉ ⵢⴻⵍⵍⴰⵏ ⵙ ⵡⴰⵣⴰⵍ ⵏ 2698 ⵏ ⵉⵎⵉⵍⵍⵉⵢⴰⵔⴻⵏ ⵏ ⵉⴷⵉⵏⴰⵔ ⴰⵣⵣⴰⵢⵔⵉ.
ⴰⵔⵏⵓ ⵖⴻⵔ
