ⵙ ⵓⵇⴰⴷⴻⵔ ⵏ ⵍⴻⵡⵚⴰⵢⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏ, ⵜⴻⴼⵔⴰ-ⴷ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵍⵀⵓ ⴷ ⵓⵙⵏⴻⴼⵍⵉ ⵏ ⵜⵏⴻⵣⴷⵓⵖⵜ (AADL) 80.000 ⵏ ⵜⵏⴻⵣⴷⵓⵖⵉⵏ ⵙ ⵓⵇⴰⴷⴻⵔ ⵏ ⵓⵖⴰⵡⴰⵙ ⵏ ⵓⴽⵔⴰ ⵏ ⵜⵏⴻⵣⴷⵓⵖⵜ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ 26 ⵏ ⵜⵡⵉⵍⴰⵢⵉⵏ, ⴷⴻⴳ ⵓⴽⴰⵜⴰⵔ ⵏ ⵓⵙⴻⴹⵔⵓ ⵏ ⵡⴰⵀⵉⵍ ⵏ AADL3'.
ⵖⴻⴼ ⵢⵉⵡⴻⵏ ⵏ ⵡⴻⵍⵖⵓ ⴰⵢ ⴷⵜⴻⵙⵙⵓⴼⴼⴻⵖ ⵜⵏⴻⴳⴳⴰⴰ ⴰⵙⵙ ⵏ ⵜⵜⵍⴰⵜⴰ. ⴰⵖⴱⴰⵍⵓⴰ ⴷⴰⵖⴻⵏ ⵢⴻⵙⵙⴻⴼⵀⴻⵎⴷ ⴷⴰⴽⴽⴻⵏ « ⵙ ⵡⵓⵙⵙⵉⵙⴻⵏⴰ ⴰⵢ ⵍⴰ ⵢⴻⵜⵜⴽⴻⵎⵎⵉⵍⴻⵏ », ⵜⴻⵙⵙⴰⵡⴻⴹ AADL « ⴰⴷ ⵜⴻⵣⴳⴻⵔ ⵍⴻⵡⵚⴰⵢⴰⵜ ⴷ ⵍⵎⴻⵄⵇⵓⴷⴰⵜ ⴰⵢ ⴷⵢⴻⵜⵜⵡⴰⵀⴻⵢⵢⴰⵏ », ⵢⴻⵔⵏⴰ ⴰⵎⴹⴰⵏ ⵏ ⵢⵉⴼⴻⵔⴷⵉⵙⴻⵏ ⵏ « AADL 3 » ⴰⵢ ⵢⴻⵜⵜⵡⴰⵡⴻⵀⵀⴰⵏ ⵢⴻⵡⵡⴻⴹ ⴰⵔⵎⴰ ⴷ 80.105 ⴰⵔ ⴰⵙⵙⴰ. ⴰⵢⴰ ⵢⴻⵙⵙⴽⴰⵏⴰⵢⴷ « ⵍⴻⴱⵖⵉ ⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ ⴰⴽⴽⴻⵏ ⴰⴷ ⵙⴼⴻⴹⴹⴻⵏ ⵜⵉⴽⵍⵉ ⵏ ⵓⵙⵙⴻⴼⵔⴻⴽ ⵢⴻⵔⵏⵓ ⴰⴷ ⴹⴻⵎⵏⴻⵏ ⴰⴽⴻⵎⵎⴻⵍ ⵏ ⵢⵉⵙⴻⵏⴼⴰⵔⴻⵏ ⵏ ⵜⵏⴻⵣⴷⵓⵖⵜ ⴷⴻⴳ ⵡⴰⴽⵓⴷⵏⵙⴻⵏ ».
ⵜⴰⵖⴱⴰⵍⵓⵜⴰ ⵜⴻⴱⴷⴻⵔⴷ ⴷⴰⵖⴻⵏ ⵜⵉⵔⵣⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⴼ ⵇⵙⴻⵏⵟⵉⵏⴰ ⴰⵙⵙ ⵏ 20 ⵡⴰⵎⴱⴻⵔ 2025, ⴰⵏⴷⴰ ⴰⵢ ⴷⵢⴻⴱⴷⴰ ⴰⴽⴰⵍⴰ ⵏ ⵓⵙⵙⴻⴼⵔⴻⴽ ⵏ ⵡⴰⵀⵉⵍ ⵏ « AADL 3 » ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⵙ ⵓⵙⵙⴻⴼⵔⴻⴽ ⴰⵎⴻⵣⵡⴰⵔⵓ ⵏ 46.000 ⵏ ⵜⵏⴻⵣⴷⵓⵖⵉⵏ, ⴳⴰⵔⴰⵙⴻⵏⵜ 8.050 ⵏ ⵜⵏⴻⵣⴷⵓⵖⵉⵏ ⴷⴻⴳ ⵡⴰⵀⵉⵍ ⴰⵎⴻⵣⵡⴰⵔⵓ ⵏ ⵡⴰⵎⵎⴰⵙ ⵏ ⵜⴻⵎⴷⵉⵏⵜ ⵏ ⵙⵉⵙⵙⴰⵡⵉ, ⴰ."
ⵜⴰⵣⵎⴻⵔⵜ ⵏ ⵍⴻⴱⵏⵉ ⵜⴻⵍⵍⴰⴷ ⵙ ⵜⵖⴰⵡⵍⴰ ⵙ ⵍⵎⴻⵏⴷⴰⴷ ⵏ ⵍⴻⵡⵚⴰⵢⴰⵜ ⵏ ⵡⴻⵖⵍⵉⴼ ⵏ ⵜⵏⴻⵣⴷⵓⵖⵜ, ⴰⵀⴻⵢⵢⵉ ⵏ ⵜⴻⵎⴷⵉⵏⵜ ⴷ ⵓⵙⵏⴻⴼⵍⵉ ⴷ ⵓⴹⴼⴰⵔ ⵏ ⵜⴽⴻⵎⵎⵉⵍⵜ ⵙⵖⵓⵔ ⵢⵉⵅⴻⴷⴷⴰⵎⴻⵏ ⵏ ⵜⵎⴻⵀⵍⴰⴰ. ⴷⴻⴳ ⵓⴽⴰⵜⴰⵔ-ⴰ, ⵢⴻⴱⴷⴻⵔ-ⴷ ⵓⵍⵖⵓ-ⴰ ⴷⴰⴽⴽⴻⵏ ⴰⵙⵙ ⵏ 15 ⴷⵓⵊⴻⵎⴱⴻⵕ 2025, ⵢⴻⵙⵙⴻⵔⵙ ⵓⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ, ⴰⵀⴻⵢⵢⵉ ⴰⵎⴷⵉⵏⴰⵏ ⴷ ⵓⵙⵏⴻⴼⵍⵉ, ⵎⵓⵀⴰⵎⴻⴷ ⵜⴰⵔⴻⴽ ⴱⴻⵍⴰⵔⵉⴱⵉ, ⴰⵥⵔⵓ ⵏ ⵍⵍⵙⴰⵙ ⵉ ⵍⴻⴱⵏⵉ ⵏ 20.000 ⵏ ⵜⵏⴻⵣⴷⵓⵖⵉⵏ ⴷⴻⴳ ⵡⴰⵀⵉⵍ ⵏ « AADL 3 » ⴷⴻⴳ ⵡⴰⵎⵎⴰⵙ ⴰⵎⴷⵉⵏⴰⵏ ⵏ ⵙⵉⴷⵉ ⵀⴻⵍⵓ ⴷⴻⴳ ⴱⵓⵎⴻⵔⴷ.
ⴰⵙⴻⵏⴼⴰⵔⴰ ⵢⴻⵍⵍⴰ ⴳⴰⵔ ⵜⵏⴻⵣⴷⵓⵖⵉⵏ ⵜⵉⵎⴻⵇⵔⴰⵏⵉⵏ ⴰⵢ ⴷⵢⴻⵜⵜⵡⴰⵀⴻⵢⵢⴰⵏ ⵙ ⵡⴰⵀⵉⵍⴰ. ⴰⴷ ⴷⵏⴻⵙⵎⴻⴽⵜⵉ ⴷⴰⴽⴽⴻⵏ ⴰⵙⴰⴹⵓⴼ ⵏ ⵜⴻⴷⵔⵉⵎⵜ ⵏ 2025 ⵢⴻⵍⵍⴰ ⴷⴻⴳⵙ ⵡⴰⵀⵉⵍ ⵏ 200.000 ⵏ ⵜⵏⴻⵣⴷⵓⵖⵉⵏ, ⵎⴰ ⴷ ⴰⵙⴰⴹⵓⴼ ⵏ ⵜⴻⴷⵔⵉⵎⵜ ⵏ 2026 ⵢⴻⵙⵙⴻⴼⵔⴰⴷ ⵍⴻⴱⵏⵉ ⵏ 300.000 ⵏ ⵜⵏⴻⵣⴷⵓⵖⵉⵏ ⵏⵉⴹⴻⵏ, ⴷⵖⴰ ⴷ ⴰⵢⴰ ⴰⵢ ⴷⵢⴻⵙⵙⴽⴰⵏⴰⵢⴻⵏ ⴷⴰⴽⴽⴻⵏ ⴰⵊⴻⵎⵎⴰⵍ ⵏ ⵜⴻⴷⵔⵉⵎⵜ ⴰⵔⴰ ⵢⴻⵜⵜⵡⴰⴼⴻⵔⵇⴻⵏ ⴰⴷ ⵢⴻⴵⴵ ⵍⴻⴱⵏⵉ ⵏ ⵓⵣⴳⴻⵏ ⵏ ⵓⵎⴻⵍⵢⵓⵏ ⵏ ⵜⵏⴻⵣⴷⵓⵖⵉⵏ ⴷⴻⴳ ⵓⵙⴻⴳⴳⴰⵙⴰ.
ⴰⵔⵏⵓ ⵖⴻⵔ
