ⵜⴻⵙⵙⴻⵖⵔⴻⵜ-ⴷ ⵜⵏⴻⴱⴷⴰⴷⵜ ⵏ ⵓⵙⴳⵎⵉ ⴷ ⵓⵙⵙⴻⴳⵎⵉ ⴰⵔⴰⵣⴰⵏ, ⴰⵙⵙ-ⴰ ⵏ ⵓⵙⵙⴻⵎⵔⴻⵙ ⴷⴻⴳ ⵓⵍⵉⵖ-ⵉⵏⴻⵙ, ⵖⴻⴼ ⵓⵙⴼⴻⵖ ⵏ ⵓⵎⵓⵖ ⵏ ⵓⵙⴳⵎⵉ ⴷⴻⴳ ⵓⴽⴰⵜⴰⵕ ⵏ ⵓⵙⴻⵏⵣⴰⴳ «Sanɛa 2», ⵙ ⵓⵙⵙⴻⴽⵙ ⵏ ⵙⵏⴰⵜ (2) ⵏ ⵜⵏⴻⴼⵔⴰⵔⴻⵏ ⵜⵉⵔⴰⵣⴰⵏⵉⵏ ⵜⵎⴰⵢⵏⵓⵜⵉⵏ ⴷⴻⴳ ⵓⵙⵡⵉⵔ ⵏ ⵢⴰⵍ ⵜⴰⵡⵉⵍⴰⵢⵜ, ⴷⴻⴳ-ⵙⴻⵏⵜ ⵜⵉⵏⴻⴼⵔⴰⵔⴻⵏ ⵉ ⵢⴻⵜⵜⵡⴰⵚⴻⴷⴷⴻⵏ ⵉ ⵜⵓⵍⴰⵡⵉⵏ, ⵖⴻⵔ ⵢⵉⴷⵉⵙ ⵏ ⵚⴹⵉⵙ (6) ⵏ ⵜⵏⴻⴼⵔⴰⵔⴻⵏ ⵢⴻⵜⵜⵡⴰⵙⴻⴷⵀⵍⴻⵏ ⵙ-ⵣⵉⴽ, ⵉ ⵓⵙⵙⴻⴽⵙ ⵏ ⵓⵎⴳⴰⵔⴻⴷ ⵏ ⵢⵉⵙⴰⴳⵓⵔⴻⵏ ⵏ ⵓⵙⴳⵎⵉ ⴷ ⵓⵙⵙⴻⵎⵙⵉ-ⵏⵙⴻⵏ ⴷ ⵢⵉⵙⵡⵉⵔⴻⵏ ⵏ ⵢⴰⵍ ⵜⴰⵡⵉⵍⴰⵢⵜ ⴷ ⵢⵉⵙⵡⵉⵢⴻⵏ ⵏ ⵢⴻⵎⴳⴰⵔⴰⴷⴻⵏ ⵏ ⵢⵉⴳⵣⵓⵍⴻⵏ.
ⴰⵎ ⴰⴽⴽⴻⵏ ⵉ ⴷ-ⵢⴻⵡⵡⵉ ⵓⵍⵉⵖ-ⵏⵏⵉ, ⵜⵜⵎⴻⵢⵢⴻⵣⴻⵏⵜ ⵜⵏⴻⴱⴷⴰⴷⵉⵏ ⵏ ⵓⵙⴳⵎⵉ ⴷ ⵓⵙⵙⴻⴳⵎⵉ ⴰⵔⴰⵣⴰⵏ ⴷⴻⴳ ⵜⵡⵉⵍⴰⵢⵉⵏ ⵖⴻⴼ ⵓⵙⵙⴻⴽⵢⴻⴷ ⵏ ⵢⵉⵙⴰⵍⵍⴻⵏ ⵉ ⵉⵞⵓⴷⴷⴻⵏ ⵖⴻⵔ ⵜⵏⴻⴼⵔⴰⵔⴻⵏ ⵢⴻⵜⵜⵡⴰⵙⵓⵎⵔⴻⵏ, ⵉ ⵓⵙⵙⴻⵀⴻⴳⵉ ⵏ ⵜⵓⵇⵇⵏⴰ ⴷ ⵢⵉⵎⵙⴻⴽⵍⴻⵏ ⴷ ⵓⵙⵙⴻⴽⵙ ⵏ ⵢⵉⵙⵡⵉⵔⴻⵏ ⵏ ⵓⵜⵜⴻⴽⴽⵉ-ⵏⵙⴻⵏ ⴷⴻⴳ ⵓⵙⴳⵎⵉ.
ⵉⵙⵙⴻⴼⵍⴻⴼ ⵓⵙⴻⵏⵣⴰⴳ «Sanɛa 2» ⵉⴳⵣⵓⵍⴻⵏ ⵢⴻⵎⴳⴰⵔⴰⴷⴻⵏ ⵏ ⵢⵉⵙⴻⴳⴳⴰⵙⴻⵏ ⵙⴻⴳ 15 ⵏ ⵢⵉⵙⴻⴳⴳⴰⵙⴻⵏ, ⵙ ⵡⴰⵔ ⴰⵙⵙⴻⴱⴷⵓⴷ ⵏ ⵓⵙⵡⵉⵔ ⴰⵏⴻⴳⴳⴰⵔⵓ ⵏ ⵢⵉⵙⴻⴳⴳⴰⵙⴻⵏ, ⵢⴻⴼⴽⴰ-ⴷ ⵉ ⵢⵉⵎⴼⴰⵙⵍⵉⵢⴻⵏ ⴰⵜⵜⴻⴽⴽⵉ ⵙⴻⴳ 90 ⵏ ⵜⵙⵙⴰⵖⵜⵉⵏ ⵏ ⵓⵙⴳⵎⵉ ⴰⵎⴻⵙⵏⴰⵙ, ⵙ ⵓⵏⴰⴳⵔⴰⵡ ⴰⴱⵉⴷⴰⵖⵓⵊⵉ ⵢⴻⴱⵏⴰⵏ ⵖⴻⴼ ⵓⵙⵙⴻⵎⵔⴻⵙ ⵏ ⵓⵏⵏⴰⵔ ⴷ ⵓⵙⵙⴻⴳⵔⴻⵙ ⴰⵙⵔⵉⴷ ⵙⴻⴳ ⵢⵉⵎⵓⵣⵔⴰⵏⴻⵏ, ⴰⵢⴰⴳⵉ ⴰⴷ ⵢⴰⵍⵍⴻⴼ ⴷⴻⴳ ⵓⵙⵙⴻⵎⵙⵉ ⵏ ⵜⵎⵓⵙⵏⵉⵡⵉⵏ ⵜⵉⵔⴰⵣⴰⵏⵉⵏ ⵜⵎⴰⵢⵏⵓⵜⵉⵏ ⴷ ⵓⵙⵏⴻⵔⵏⵉ ⵏ ⵜⴻⵣⵎⴻⵕⵜⴰ ⵜⴰⵎⴻⵙⵏⴰⵙⵜ.
ⵢⴻⵜⵜⵡⴰⵚⴻⴷⴷ ⴰⴷ ⴷ-ⴰⴽⴽⴻⵔⴻⵏⵜ ⵜⵙⴻⵎⵢⵓⵔⵉⵏ ⵏ ⵓⵙⴳⵎⵉ ⵙⴻⴳ 2 ⵡⴰⵎⴱⴻⵔ 2026, ⴰⵏⴷⴰ ⵉ ⴷ-ⵢⴻⵍⵍⴰ ⵓⵊⴻⵔⵔⴻⴷ ⵙ ⵓⴱⵔⵉⴷ ⵏ ⵓⵣⴻⵟⵟⴰ ⵏ ⵓⵙⴰⴳⵓⵔ: https://takwin.dz/san3a
ⴰⵔⵏⵓ ⵖⴻⵔ
