ⵜⴰⵎⵓⵙⵏⵉ ⵏ ⵓⵙⴰⴳⴻⵏ ⵏ ⵄⴻⵏⵏⴰⴱⴰ ⵜⴻⵙⵙⴻⵏⴽⴰⴷ ⵜⵉⵣⴻⵎⵎⴰⵔ-ⵉⵙ ⵜⵉⵎⵀⵉⵍⴰⵏⵉⵏ ⴷ ⵜⵓⴷⴷⵙⵉⵏⵉⵏ ⵙ ⵜⵎⵓⵀⴻⵍ ⵏ ⵙⵏⴰⵜ ⵏ ⵍⴱⴰⴱⵓⵜⴻⵏ ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ ⴷⴻⴳ ⵢⵉⵎⵎⴰⵙⴻⵏ ⵏ ⵓⵕⵚⵉⴼ (06) ⴷ (07), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵎⵓⵙⵏⵉ-ⴰⴳⵉ.
ⵢⵓⵙⴰ-ⴷ ⴷⴻⴳ ⵓⵙⵉⵡⴹ-ⵏⵏⵉ: "ⵙ ⵓⵇⴰⴷⴻⵔ ⵏ ⵜⵓⵔⴰⴹ ⵏ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⵉ ⵢⴻⴱⵖⴰⵏ ⴰⵙⴰⵍⵉ ⵏ ⵓⵙⵡⵉⵔ ⵏ ⵓⵎⴰⵀⵉⵍ ⴷ ⵏⴼⴰⵄ ⵏ ⵢⵉⵙⴰⴳⵏⴻⵏ ⵜⴰⵖⴻⵍⵏⴰⵡⴻⵏ ⴷ ⵓⵙⵎⴰⵢⵏⵓⵜ ⵏ ⵢⵉⵎⴻⵥⵍⴰ-ⵏⵙⴻⵏ, ⴷ ⵓⵙⴷⴻⴳⴳⴻⵔ ⵏ ⵓⵙⴼⵓⵍⴻⵍ ⵏ ⵡⴰⵏⵏⴰⵔ ⵉ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ, ⵍⴰⴷⵖⴰ ⵡⵉⴷ ⵉⵅⴻⴷⴷⵎⴻⵏ ⴷⴻⴳ ⵓⵙⵓⴼⴼⴻⵖ ⵓⴼⴼⵉⵔ ⵏ ⵢⵉⵎⴻⵔⵢⴰⵏ, ⵓ ⵙ ⵓⵙⴻⵍⴽⴻⵎ ⵏ ⵜⵎⵓⵖⵍⵉⵡⵉⵏ ⵏ ⵡⴰⵏⵏⴰⵔ ⵏ ⵓⵎⵓⵍⵍⵉ ⵏ ⵢⵉⵎⴻⵥⵍⴰ ⵏ ⵢⵉⵙⴰⴳⵏⴻⵏ (ⵙⴻⵔⵒⵓⵔⵜ), ⴰⵙⴰⴳⴻⵏ ⵏ ⵄⴻⵏⵏⴰⴱⴰ ⵉⵜⴻⴷⴷⵓ ⴷⴻⴳ ⵓⴱⵔⵉⴷ-ⵉⵙ ⵉⵕⴻⵙⵙⴰⵏ ⵉ ⵓⴷⴻⴳⴳⴻⵔ ⵏ ⵢⵉⵎⵓⴼⴼⴻⵖⴻⵏ ⵜⴰⵖⴻⵍⵏⴰⵡⴻⵏ ⴷ ⵓⵙⴻⴶⵀⴻⴷ ⵏ ⵓⵎⵣⵉⵣⵡⴻⵔ ⵏ ⵓⴼⴰⵔⵉⵙ ⴰⵣⵣⴰⵢⵔⵉ ⴷⴻⴳ ⵢⵉⴳⴻⴷⴻⵣⴻⵏ ⵉⴳⵔⴰⵖⵍⴰⵏⴻⵏ".
ⴷⴻⴳ ⵓⵏⵏⴰⵔ-ⴰⴳⵉ, ⴰⵙⴰⴳⴻⵏ ⵏ ⵄⴻⵏⵏⴰⴱⴰ ⵢⴻⵣⵔⴰ ⵜⴰⵎⵓⵀⴻⵍ ⵏ ⵙⵏⴰⵜ ⵏ ⵍⴱⴰⴱⵓⵜⴻⵏ ⵙ ⵜⴷⵓⴽⵍⵉ ⴷⴻⴳ ⵓⵕⵚⵉⴼ (06) ⴷ (07), ⴰⵢⴰⴳⵉ ⵉ ⵓⵟⵎⴰⵏ ⵏ ⵜⵉⴼⵙⵓⵙ ⵏ ⵜⵎⵓⵀⴰⵍ ⵏ ⵓⵄⴻⴱⴱⵉ ⴷ ⵓⵙⴰⴷⴻⵔ ⵏ ⵡⴰⴽⵓⴷ ⵏ ⵓⵃⴱⴰⵙ ⵏ ⵢⵉⴱⴰⴱⵓⵜⴻⵏ ⴷⴻⴳ ⵓⵙⴰⴳⴻⵏ, ⵙ ⵓⵏⴰⴳⵔⴰⵡ ⵏ ⵓⵎⴰⵀⵉⵍ ⵏ 24/24 ⵏ ⵜⵙⴰⵄⵜⵉⵏ ⴷ 7/7 ⵏ ⵡⵓⵙⵙⴰⵏ, ⵉⵡⴰⴽⴽⴻⵏ ⴰⴷ ⴷ-ⵢⴰⵡⴻⴹ ⵉ ⵜⵉⴷⴷⵢ ⵜⴰⴷⴰⵎⵙⴰⵏⵜ ⵏ ⵢⵉⵙⴰⴳⵏⴻⵏ ⵜⴰⵖⴻⵍⵏⴰⵡⴻⵏ.
ⴰⵙⴰⴳⴻⵏ ⵏ ⵄⴻⵏⵏⴰⴱⴰ ⵢⴰⵎⵎⴰⴳⴻⵔ, ⴰⵙⵙ ⵏ ⵙⵙⴻⴱⵜ 27 ⵢⵓⵏⵢⵓ 2026, ⵍⴱⴰⴱⵓ ⵉ ⵢⴻⵔⵙⴻⵏ ⴷⴻⴳ ⵓⵕⵚⵉⴼ ⵡⵓⵟⵟⵓⵏ (07), ⵉ ⵓⵄⴻⴱⴱⵉ ⵏ 30.500 ⵏ ⵢⵉⵟⵓⵏⵏⵓⵏⴻⵏ ⵏ ⵙⵙⵉⵎⴰⵜ ⵜⴰⵎⴻⵍⵍⴰⵍⵜ ⵢⴻⵜⵜⵡⴰⵄⴻⴱⴱⴰⵏ ⴷⴻⴳ ⵢⵉⵙⴰⴽⴽⴰⵙ ⵉⵎⴻⵇⵇⵔⴰⵏⴻⵏ ⵉ ⵏⴼⴰⵄ ⵏ ⵓⵎⵉⴳⴰⵡ ⴰⴷⴰⵎⵙⴰⵏ "SBC" ⵏ ⴱⵉⵙⴽⵔⴰ, ⵉ ⵉⵜⴻⴷⴷⵓ ⵖⴻⵔ ⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ (USA), ⵍⴰⴷⵖⴰ ⵖⴻⵔ ⵢⵉⵙⴰⴳⵏⴻⵏ ⵏ ⵒⵀⵉⵍⴰⴷⴻⵍⵒⵀⵉⴰ ⴷ ⵡⴻⵙⵜ ⵒⴰⵍⵎ ⴱⴻⴰⵛⵀ.
ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ ⴷ ⵍⴱⴰⴱⵓ-ⵏⵏⵉ ⵜⴰⵎⴻⵏⵣⵡⵓⵜ, ⵜⴻⵍⵍⴰ ⵜⵎⵓⵀⴻⵍ ⵏ ⵓⵄⴻⴱⴱ ⵏ ⵍⴱⴰⴱⵓ ⵏⵏⵉⴹⴻⵏ , ⵉ ⵢⴻⵔⵙⴻⵏ ⴰⵙⵙ ⵏ ⵍⵃⴻⴷ 28 ⵢⵓⵏⵢⵓ 2026 ⴷⴻⴳ ⵓⵕⵚⵉⴼ ⵡⵓⵟⵟⵓⵏ (06), ⵉ ⵓⵄⴻⴱⴱⵉ ⵏ 7.800 ⵏ ⵢⵉⵟⵓⵏⵏⵓⵏⴻⵏ ⵏ ⵙⵙⵉⵎⴰⵜ ⵜⴰⵎⴻⵍⵍⴰⵍⵜ ⵉ ⵏⴼⴰⵄ ⵏ ⵓⵎⵉⴳⴰⵡ ⴰⵔⴰ ⵉⵕⵓⵃⴻⵏ ⵖⴻⵔ ⵓⵙⴰⴳⴻⵏ ⵏ ⴰⵍⵎⴻⵔⵉⴰ ⴷⴻⴳ ⵜⴳⴻⵍⴷⴰ ⵏ ⵙⴱⴻⵏⵢⵓⵍ.
ⵙ ⵡⴰⵏⵏⴻⵛⵜ-ⴰ, ⵍⵇⴻⴷⴷ ⴰⵎⴰⵜⵓ ⵏ ⵙⵙⵉⵎⴰⵜ ⵜⴰⵎⴻⵍⵍⴰⵍⵜ ⵢⴻⵜⵜⵡⴰⵙⵓⴼⴼⵖⴻⵏ ⵙ ⵓⴱⵔⵉⴷ ⵏ ⵓⵙⴰⴳⴻⵏ ⵏ ⵄⴻⵏⵏⴰⴱⴰ ⴷⴻⴳ ⵙⵏⴰⵜ ⵏ ⵜⵎⵓⵀⴰⵍ-ⴰⴳⵉ ⵢⴰⵡⴻⴹ 38.300 ⵏ ⵢⵉⵟⵓⵏⵏⵓⵏⴻⵏ. ⴰⵢⴰⴳⵉ ⵢⴻⵎⵎⴰⵍ-ⴷ ⵜⵉⴷⴷⵢ ⵉ ⵉⵜⴻⴷⴷⵓⵏ ⵏ ⵓⵙⴰⴳⴻⵏ ⴷⴻⴳ ⵓⵙⴼⵓⵍⴻⵍ ⵏ ⵢⵉⵎⵓⴼⴼⴻⵖⴻⵏ ⴷ ⵓⵙⴻⴶⵀⴻⴷ ⵏ ⵜⵓⴼⴼⵖⴰ ⵏ ⵙⵙⴻⵍⵄⴰ ⵓⴼⴼⵉ ⵏ ⵢⵉⵎⴻⵔⵢⴰⵏ , ⵉⵡⴰⴽⴽⴻⵏ ⴰⴷ ⴷ-ⵜⴻⵕⵚⵓ ⵜⴷⴰⵎⵙⴰ ⵉⵕⴻⵙⵙⴰⵏ ⵢⴻⵔⵏⴰ ⴷ ⵜⴰⵎⴰⵜⵉⵜ
ⴰⵔⵏⵓ ⵖⴻⵔ
