ⴰⵙⴰⵢⴻⵙ ⴰⴳⵔⴻⵖⵍⴰⵏ ⵏ ⵜⴻⵎⵎⴻⵔⵔⵉⵜ ⴷ ⵢⵉⵏⵉⴳⴻⵏ: ⵜⴰⵣⵡⴰⵔⴰ ⵏ ⵜⵙⴻⵎⵎⵓⵏⵜ ⵜⵉⵙ 25 ⴰⵣⴻⴽⴽⴰ ⵏ ⵍⴻⵜⵏⵉⵢⴻⵏ ⵙ ⵓⵜⴻⴽⴽⵉ ⵏ ⵢⵉⵎⵙⴻⵏⴽⴰⵢⴻⵏ ⵙⴻⴳ 41 ⵏ ⵜⵎⵓⵔⴰ
ⴰⴷ ⴷ-ⵢⴻⴱⴷⵓ ⴰⵣⴻⴽⴽⴰ ⵏ ⵍⴻⵜⵏⵉⵢⴻⵏ, ⴷⴻⴳ ⵓⴼⵔⴰⴳ ⵏ ⵢⵉⵙⴰⵢⴻⵙⴻⵏ (SAFEX) ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉⵎⴰⵀⵉⵍⴻⵏ ⵏ ⵜⵙⴻⵎⵎⵓⵏⵜ ⵜⵉⵙ 25 ⵏ ⵓⵙⴰⵢⴻⵙ ⴰⴳⵔⴻⵖⵍⴰⵏ ⵏ ⵜⴻⵎⵎⴻⵔⵔⵉⵜ ⴷ ⵢⵉⵏⵉⴳⴻⵏ, ⵙ ⵓⵜⴻⴽⴽⵉ ⵏ 41 ⵏ ⵜⵎⵓⵔⴰ, ⴰⵏⵉⴷⴰ ⵜⴰⴳⴷⵓⴷⴰ ⵏ ⵜⵛⴰⴷ ⴰⴷ ⵜⵉⵍⵉ ⴷ ⵉⵏⴻⴱⴳⵉ ⵏ ⵍⵃⴻⵔⵎⴰ.
ⴰⵎⴹⴻⴱⴱⴻⵔ ⵏ ⵓⵙⴰⵢⴻⵙ ⴰⴳⵔⴻⵖⵍⴰⵏ, ⵎⴰⵙⵙ ⵊⴰⵄⴼⴰⵔ ⴱⵓⵓⵙⵍⵉⵎⴰⵏⵉ, ⵉⵙⵙⴻⴽⵏⴻⴷ-ⴷ ⴱⴻⵍⵍⵉ ⵜⴰⵙⴻⵎⵎⵓⵏⵜ-ⴰⴳⵉ ⴰⵔⴰ ⴷ-ⵢⵉⵍⵉⵏ ⵙ ⵓⵣⴻⵏⵣⵉⵖ "ⵍⴻⵣⵣⴰⵢⴻⵔ.. ⵜⴰⵎⵎⴻⵔⵔⵉⵜ ⵏ ⵍⴰⵙⴻⵍ ⴷ ⵓⵙⵏⴻⴼⵍⵉ ⵉⵕⴻⵙⵙⴰⵏ", ⴰⴷ ⵜⵉⵍⵉ ⴷ ⵜⵉⵏ ⵓⴼⵔⵉⵏⴻⵏ, ⵉⵎⵉ ⵓⵎⴹⴰⵏ ⵏ ⵢⵉⵎⵙⴻⵏⴽⴰⵢⴻⵏ ⵉⵣⴳⴻⵔ 450 ⵏ ⵢⵉⵎⵉⴳⴰⵡⴻⵏ ⵙⴻⴳ ⴷⴰⵅⴻⵍ ⴷ ⴱⴻⵕⵕⴰ ⵏ ⵜⵎⵓⵔⵜ.
ⴷⴻⴳ ⵓⵏⵏⴰⵔ-ⴰⴳⵉ, ⵎⴰⵙⵙ ⴱⵓⵓⵙⵍⵉⵎⴰⵏⵉ ⵉⵙⵙⴻⴽⵜⵉ-ⴷ ⴱⴻⵍⵍⵉ ⵓⵇⴱⴻⵍ ⴰⴷ ⴷ-ⵢⴻⴱⴷⵓ ⵓⵙⴰⵢⴻⵙ ⴰⵔⴰ ⵢⵉⴷⵓⵎⴻⵏ ⴰⵔⵎⵉ ⴷ 21 ⴷⴻⴳ ⵡⴰⴳⴳⵓⵔ-ⴰⴳⵉ, ⵜⴻⵍⵍⴰ-ⴷ ⵢⵉⵡⴻⵜ ⵏ ⵜⵉⵏⵉⴳ ⵏ ⵓⴼⵡⴰⴷ ⵉ ⵢⵉⵎⴰⵣⴰⵏ ⵏ 59 ⵏ ⵜⵎⵓⵔⴰ, ⴳⴰⵔ-ⴰⵙⴻⵏ ⵢⵉⵏⴻⵖⵎⴰⵙⴻⵏ ⴷ ⵢⵉⵎⵉⴳⴰⵡⴻⵏ ⵏ ⵓⵏⵏⴰⵔ ⵏ ⵜⴻⵎⵎⴻⵔⵔⵉⵜ, ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⴽⵔⴰ ⵏ ⵢⵉⴳⴻⵔⵔⵓⵊⴻⵏ ⵏ ⵓⵎⴻⵣⵔⵓⵢ ⴷⴻⴳ ⵍⴻⵣⵣⴰⵢⴻⵔ, ⵄⴻⵏⵏⴰⴱⴰ, ⵡⴰⵀⵔⴰⵏ ⴷ ⵜⵍⴻⵎⵙⴰⵏ, ⵉⵙⵡⵉ-ⵉⵙ ⴷ ⴰⵙⴻⵏⵎⴻⵔ ⵏ ⵍⴻⵣⵣⴰⵢⴻⵔ ⴰⵎ ⵡⴻⵎⴽⴰⵏ ⵏ ⵜⴻⵎⵎⴻⵔⵔⵉⵜ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⵀⵉⵍ, ⴱⵓⵓⵙⵍⵉⵎⴰⵏⵉ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⴰⴷ ⵜⵣⴻⵔ ⵓⵜⴻⴽⴽⵉ ⵏ 50 ⵏ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ (startups) ⵉ ⵢⴻⵄⵏⴰⵏ ⴰⵙⴻⵏⵎⴻⵔ ⴰⵇⵎⵉ ⵏ ⵢⵉⴼⴰⵔⴰⵙⴻⵏ ⵏ ⵜⴻⵎⵎⴻⵔⵔⵉⵜ ⵏ ⵍⴻⵣⵣⴰⵢⴻⵔ. ⴰⵢⴰⴳⵉ ⴷ ⵏⴼⴰⵄ ⴰⵎⴻⵇⵇⵔⴰⵏ ⵉ ⵓⵙⴰⵢⴻⵙ, ⴰⵏⵉⴷⴰ ⵜⵎⵓⵙⵏⵉⵡⵉⵏ-ⴰⴳⵉ ⴰⴷ ⴷ-ⵙⵏⴻⴽⴷⴻⵏⵜ ⵜⴰⵔⵔⴰⵢⵉⵏ ⵜⵉⵎⴰⵢⵏⵓⵜⴻⵏ ⵉ ⵢⵉⵎⴹⴻⴱⴱⵔⴻⵏ ⵏ ⵓⵏⵏⴰⵔ.
ⴷⴻⴳ ⵓⵙⴻⴳⴳⴰⵙ-ⴰⴳⵉ, ⵜⴰⵎⵓⵀⴰⵡⵜ ⵏ ⵓⵙⴰⵢⴻⵙ ⵜⵙⴻⵎⵔⴻⵙ ⵢⵉⵡⴻⵜ ⵏ ⵜⴻⵙⴰⵍⵜ ⵜⴰⵇⵎⵉⵜ (ⵒⵍⴰⵜⴻⴼⵓⵔⵎⴻ ⴷⵉⴳⵉⵜⴰⵍⴻ) ⴷⴻⴳ ⵡⴻⵎⴽⴰⵏ ⵏ ⵓⵙⵎⴻⵍ ⴰⵎⴰⵏⵙⴰⵢ (site classique), ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴷⵉⵡⴻⵏⵏⵉ ⵓⵙⵔⵉⴷ ⴳⴰⵔ ⵢⵉⵎⵙⴻⵏⴽⴰⵢⴻⵏ ⴷ ⵜⵙⵏⵓⵔⴻⴼⵉⵏ ⵏ ⵜⴻⵎⵎⴻⵔⵔⵉⵜ ⴷ ⵢⵉⵏⵉⴳⴻⵏ, ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵉⵍⵍⵉⵏⵜ ⵜⴷⵓⴽⵍⵉⵡⵉⵏ ⴷⴻⴳ ⵢⵉⵎⴰⵍ.
ⵜⴰⵙⴻⵎⵎⵓⵏⵜ-ⴰⴳⵉ ⵜⵉⵙ 25 ⴰⴷ ⵜⴻⵙⵙⴻⴽⵏⵉ ⴷⴰⵖⴻⵏ ⵢⵉⵏⴻⵎⵍⴰⵢⴻⵏ ⵏ ⵜⴻⵎⵎⴻⵔⵔⵉⵜ ⵉ ⵢⴻⵜⵜⵓⵙⵉⵍⵖⴻⵏ ⵙ ⵓⵣⴻⵏⵣⵉⵖ ⵏ ⵓⵎⵜⴰⵡⴰ ⴳⴰⵔ ⵜⵏⴻⵖⵍⴰⴼⵜ ⵏ ⵜⴻⵎⵎⴻⵔⵔⵉⵜ ⴷ ⵜⴻⵎⴳⵓⵔⵉ ⵏ ⵓⴼⵓⵙ ⴷ ⵜⵉⵏ ⵏ ⵓⵙⵉⵍⴻⵖ ⴷ ⵓⵙⴻⵍⵎⴻⴷ ⵉⵎⴻⵣⵣⵓⵍⴰⵏⴻⵏ. ⵢⵉⵏⴻⵎⵍⴰⵢⴻⵏ-ⴰⴳⵉ ⴰⴷ ⵄⵉⵡⵏⴻⵏ ⴷⴻⴳ ⵓⵙⴻⵏⵎⴻⵔ ⵏ ⵓⴳⴻⵔⵔⵓⵊ ⵏ ⵜⵎⵓⵔⵜ ⴷⴻⴳ ⵢⴰⴽⴽ ⵡⵓⵙⵙⴰⵏ ⵏ ⵓⵙⴰⵢⴻⵙ.
ⴷⴻⴳ ⵜⴰⴳⴳⴰⵔⴰ, ⴰⴷ ⴷ-ⵉⵍⵍⵉⵏⵜ ⵜⵓⴽⴽⵉⵙⵉⵡⵉⵏ ⵏ ⵜⴻⵎⵎⴻⵔⵔⵉⵜ ⵙ ⵙⵙⵓⵎⴰⵜ ⵉⵡⴻⵣⵏⴻⵏ ⵉ ⵓⵎⵣⵉⵣⵡⴻⵔ, ⵉ ⵏⴼⴰⵄ ⵏ ⵜⵡⴰⵛⵓⵍⵉⵏ ⴷ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ, ⴰⵢⴰⴳⵉ ⴷⴻⴳ ⵓⴱⵔⵉⴷ ⵏ ⵜⴰⵍⵍⵉⵜ ⵏ ⵓⵏⴻⴱⴷⵓ 2026.
ⴰⵔⵏⵓ ⵖⴻⵔ
