ⵢⴻⵔⵔⴰ ⵓⵙⴰⵢⴻⵙ ⵏ ⵍⴶⴰⵎⴻⵄ ⵏ ⵍⴻⵣⵣⴰⵢⴻⵔ, ⴰⵙⵙ-ⴰ ⵏ ⵜⵜⵍⴰⵜⴰ, ⵜⵙⴻⵎⵎⵓⵏⵜ-ⵉⵙ ⵜⵉⵙ ⵙⵏⴰⵜ ⵉ ⵓⵙⴻⵏⵜⴻⵍ ⵏ ⵓⵙⴻⴼⵔⴻⴽ ⵏ ⵡⴰⵎⴰⵏ ⵙ ⵜⵎⵓⵙⵏⵉ ⴷ ⵓⵙⴻⵎⵔⴻⵙ-ⵏⵙⴻⵏ ⵢⴻⵍⵀⴰⵏ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴻⴶⵀⴻⴷ ⴷ ⵓⴼⵔⴰⵇ ⵏ ⵍⵃⵉⵙ ⵖⴻⴼ ⵡⴰⵣⴰⵍ ⵏ ⵓⵃⵔⴰⵣ ⵏ ⵜⵉⴷⴷⴰⵙ ⵏ ⵡⴰⵎⴰⵏ.
ⵢⴻⵙⵙⴻⵍⵡⴰⵢ ⴰⵍⴷⴰⵢ ⵏ ⵢⵉⵎⴰⵀⵉⵍⴻⵏ ⵏ ⵓⵙⴰⵢⴻⵙ-ⴰⴳⵉ ⵉ ⴷ-ⵉⵜⵜⵓⵙⵓⴷⴷⵙⴻⵏ ⵙ ⵓⵣⴻⵏⵣⵉⵖ: "ⵓⵙⴻⴷⴱⴻⵔ ⵏ ⵡⴰⵎⴰⵏ ⴷ ⵓⵚⴻⴳⴳⴻⵎ ⵏ ⵜⴻⵎⴷⵉⵏⵜ.. ⵍⴶⴰⵎⴻⵄ ⵏ ⵍⴻⵣⵣⴰⵢⴻⵔ ⴷ ⴰⵎⴻⴷⵢⴰ", ⵓⵏⴻⵖⵍⴰⴼ ⵏ ⵓⵙⵙⴻⵡⵡⵉ , ⵎⴰⵙⵙ ⵍⵓⵏⴰⵙ ⴱⵓⵓⵣⴳⵣⴰ, ⴷ ⵓⵎⵖⴰⵔ ⵏ ⵍⴶⴰⵎⴻⵄ ⵏ ⵍⴻⵣⵣⴰⵢⴻⵔ, ⵛⵛⵉⵅ ⵎⵓⵀⴰⵎⴻⴷ ⴻⵍ ⵎⴰⵎⵓⵓⵏⴻ ⴻⵍ ⵇⴰⵛⵉⵎⵉ ⴻⵍ ⵀⴰⵙⵙⴰⵏⵉ.
ⴰⵙⴰⵢⴻⵙ-ⴰⴳⵉ ⵉ ⴷ-ⵢⴻⵍⵍⴰⵏ ⵙ ⵓⵎⵙⴰⵙⴻⵢ ⴷ ⵜⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵉ ⵓⵙⴻⴷⴱⴻⵔ ⵢⴻⴷⴷⵓⴽⴽⵍⴻⵏ ⵏ ⵜⵉⴷⴷⴰⵙ ⵏ ⵡⴰⵎⴰⵏ , ⵢⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴻⴶⵀⴻⴷ ⵏ ⵍⵃⵉⵙ ⵖⴻⴼ ⵡⴰⵣⴰⵍ ⵏ ⵓⵃⵔⴰⵣ ⵏ ⵡⴰⵎⴰⵏ ⴷ ⵓⵕⵓⵚⵓ ⵏ ⵍⵍⵙⴰⵙⴻⵏ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ . ⴰⵢⴰⴳⵉ ⵙ ⵓⵙⴻⴽⵏⴻⴷ ⵏ ⵢⵉⵔⵎⵉⵜⴻⵏ ⵜⴰⵖⴻⵍⵏⴰⵡⵉⵏ ⵓⴼⵔⵉⵏⴻⵏ ⴷⴻⴳ ⵓⵙⴻⴼⵔⴻⴽ ⵏ ⵡⴰⵎⴰⵏ, ⵉⵡⴰⴽⴽⴻⵏ ⴰⴷ ⴷ-ⵉⵍⵍⵉⵏⵜ ⵜⵉⵍⵉⵢⵉⵏ ⵏ ⵜⴻⵢⵡⴰⵍⵜ ⴷ ⵓⵎⵙⴰⵙⴻⵢ ⴳⴰⵔ ⵢⵉⵎⵉⴳⴰⵡⴻⵏ ⴷ ⵜⵎⵓⵙⵏⵉⵡⵉⵏ ⵎⴻⵕⵕⴰ.
ⴷⴻⴳ ⵜⵎⴻⵙⵍⴰⵢⵜ-ⵉⵙ, ⵛⵛⵉⵅ ⴻⵍ ⵇⴰⵛⵉⵎⵉ ⴻⵍ ⵀⴰⵙⵙⴰⵏⵉ ⵉⵙⵙⴻⴽⵏⴻⴷ-ⴷ ⵢⴰⴽⴽ ⵢⵉⴽⴰⵢⴰⴷⴻⵏ ⵏ ⵡⴰⵎⴰⵏ ⵉ ⴷ-ⵎⵎⴰⴳⵔⴻⵏ ⵢⵉⵎⴷⴰⵏⴻⵏ ⴰⵙⵙ-ⴰ ⵙ ⵙⴻⴱⴱⴰ ⵏ ⵢⵉⴱⴻⴷⴷⵉⵍⴻⵏ ⵏ ⵜⵉⴳⵏⴻⵡⵜ ⴷ ⵓⵙⵙⴻⵎⵖⴻⵔ ⵏ ⵍⴻⴱⵏⵉ ⵓⵔ ⵏⴻⵓⵣⵉⵏ ⴰⵔⴰ. ⵉⵡⴰⵍⴰ ⴱⴻⵍⵍⵉ ⵓⵖⴰⵍ ⵖⴻⵔ ⵜⵎⵓⵖⵍⵉ ⵏ ⵜⵖⴻⵔⵎⵉⵡⵉⵏ ⵉⵎⴻⵇⵇⵔⴰⵏⴻⵏ, ⴷⴻⴳ ⵓⵇⴻⵔⵔⵓ-ⵏⵙⴻⵏⵜ ⵜⴰⵖⴻⵔⵎⴰ ⵜⵉⵏⴻⵙⵍⴻⵎⵜ, ⴷ ⵍⵡⴰⴶⴻⴱ ⵏ ⵜⵎⵓⵙⵏⵉ ⴷ ⵜⵙⵔⴻⵟ
ⴷⴻⴳ ⵓⵏⵏⴰⵔ-ⴰⴳⵉ, ⴰⵎⵖⴰⵔ ⵏ ⵍⴶⴰⵎⴻⵄ ⵏ ⵍⴻⵣⵣⴰⵢⴻⵔ ⵉⵙⵔⴻⵚ ⴰⵣⴰⵍ ⵏ ⵓⵙⵓⴷⴷⴻⵙ ⵏ ⵓⵙⴰⵢⴻⵙ-ⴰⴳⵉ, ⵉ ⵢⴻⵙⴷⵓⴽⴽⵓⵍⴻⵏ ⵢⵉⵎⵓⵙⵙⵏⴰⵡⴻⵏ ⵏ ⵜⵓⵙⵙⵏⵉⵡⵉⵏ ⵏ ⴷⴷⵉⵏ, ⵢⵉⵎⵓⵣⵣⴰⴳⴻⵏ ⵏ ⵜⵀⴰⵏⴷⴻⵙⵜ ⴷ ⵜⵉⴷⴷⴰⵙ ⵏ ⵡⴰⵎⴰⵏ, ⴷ ⵢⵉⵎⵏⴰⴷⵉⵢⴻⵏ ⵏ ⵓⵎⴻⵣⵔⵓⵢ ⴷ ⵓⵚⴻⴳⴳⴻⵎ, ⵉⵡⴰⴽⴽⴻⵏ ⴰⴷ ⵎⵓⴱⴱⴰⴷⴷⴻⵍⴻⵏ ⵜⵉⴽⵜⵉⵏ ⵓ ⴰⴷ ⵇⴻⵔⴷⵛⴻⵏ ⵜⴰⵔⵔⴰⵢⵉⵏ ⵉⵕⴻⵙⵙⴰⵏⴻⵏ ⵉ ⵢⴻⵔⵔⴰⵏ ⴰⵎⴰⵏ ⴷ ⴰⵎⵎⴰⵙ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ, ⵓ ⵓⵚⴻⴳⴳⴻⵎ ⵏ ⵜⴻⵎⴷⵉⵏⵜ ⴷ ⴰⵎⴽⴰⵏ ⵉ ⵓⵃⵔⴰⵣ ⵏ ⵓⵎⴷⴰⵏ ⴷ ⵜⴰⵡⵏⵏⴰⴹⵜ ⴷⴻⴳ ⵢⵉⵡⴻⵜ ⵏ ⵍⵡⴻⵇⵜ.
ⴷⴻⴳ ⵜⴰⵍⵍⵉⵜ ⵏ ⵢⵉⵎⴰⵀⵉⵍⴻⵏ, ⵙⵏⴻⴽⴷⴻⵏ ⴰⵎⴽⴰⵏ ⵓⴼⵔⵉⵏ ⵉ ⵢⴻⵟⵟⴻⴼ ⵍⴶⴰⵎⴻⵄ ⵏ ⵍⴻⵣⵣⴰⵢⴻⵔ ⴰⵎ ⵓⵎⴻⴷⵢⴰ ⵏ ⵜⵖⴻⵔⵎⴰ ⵉ ⴷ-ⵢⴻⵎⵎⴰⵍⴻⵏ ⴰⵙⵏⴻⴼⵍⵉ ⵏ ⵍⴻⴱⵏⵉ ⴰⵎⴰⵢⵏⵓⵜ, ⵓ ⴷ ⴰⵙⴻⵍⴽⴻⵎ ⵏ ⵡⴰⵍⵍⴰⵍⴻⵏ ⵏⴼⴰⵄⴻⵏ ⵉ ⵓⵚⴻⴳⴳⴻⵎ ⵏ ⵓⵙⴻⵎⵔⴻⵙ ⵏ ⵡⴰⵎⴰⵏ ⴷ ⵓⵙⴻⴼⵔⴻⴽ-ⵏⵙⴻⵏ ⵉ ⵉⵜⴻⴷⴷⵓⵏ, ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⵢⴰⵡⴻⴹ ⵉ ⵜⵎⵓⵖⵍⵉⵡⵉⵏ ⵜⴰⵖⴻⵍⵏⴰⵡⵉⵏ ⵏ ⵓⵃⵔⴰⵣ ⵏ ⵜⴰⵡⵏⵏⴰⴹⵜ ⴷ ⵓⵙⴻⴶⵀⴻⴷ ⵏ ⵜⵎⴰⴳⵉⵜ ⵏ ⵜⴰⵏⴰⵜⵉⵜ
ⴰⵔⵏⵓ ⵖⴻⵔ
