ⴰⵙⴱⴻⴷⴷⵉ ⵏ ⴱⴰⵔⵍⴰⵎⴰⵏ ⴰⵎⴻⵣⵡⴰⵔⵓ ⵏ ⵡⴰⵔⵔⴰⵛ ⴰⵣⵣⴰⵢⵔⵉ , ⴷ ⵜⵉⵔⵎⵉ ⴰⵍⵎⴻⵏⴷ ⵏ ⵓⵔⴻⵙⵙⵉ ⵓⴷⵉⵡⵏⵉ

ⵍⴱⴰⵔⵍⴰⵎⴰⵏ  ⴰⵣⵣⴰⵢⵔⵉ ⴰⵎⴻⵣⵡⴰⵔⵓ ⵏ ⵢⵉⴳⴻⵔⴷⴰⵏ ⵢⴻⵜⵜⵡⴰⵔⵥⴻⵎ ⴰⵙⵙ-ⴰ, ⵍⴻⵜⵏⵉⵢⴻⵏ, ⴷⴷⴰⵡ ⵜⵇⵓⴱⴱⴻⵜ ⵏ ⵓⵙⴻⵇⵇⴰⵎⵓ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵙ ⵢⵉⵙⵡⵉ ⵏ ⵓⵙⵙⴻⴱⵖⴻⵙ ⵏ ⵢⵉⴳⴻⵔⴷⴰⵏ ⴰⴽⴽⴻⵏ ⴰⴷ ⵊⴻⵔⴱⴻⵏ ⵜⵉⴽⵜⵉⵡⵉⵏ ⵏ ⵓⴷⵉⵡⴻⵏⵏⵉ, ⵏ ⵜⵎⴰⵙⵉⵜ, ⴷ ⵓⵜⵜⴻⴽⴽⵉ ⴷⴻⴳ ⵢⵉⵡⴻⵥⵍⴰ ⵉⵏⴰⴳⴷⵓⴷⴻⵏ. ⵜⴰⴼⵓⴳⵍⴰ-ⴰ ⵏ ⵓⵕⵥⵥⵓⵎ ⵜⴻⵍⵍⴰ-ⴷ ⵙ ⵜⵉⵍⵉⵜ ⵏ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⵄⴻⵣⵣⵧⵓⵣ ⵏⴰⵙⵔⵉ .

ⴰⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵉⴱⵔⴰⵀⵉⵎ ⴱⵓⴳⵀⴰⵍⵉ; ⵜⴰⵙⵍⵡⴰⵢⵜ ⵏ ⵜⵏⴼⵔⵓⵜ ⵜⴰⵎⵏⴹⴰⵡⵜ, ⵍⵉⵍⴰ ⴰⵙⵍⴰⵡⵉ; ⴰⵏⵖⵍⴰⴼ ⵏ ⵓⵙⴳⵎⵉ ⴰⵖⵍⵏⴰⵡ, ⵎⵓⵀⴰⵎⴷ ⵙⴳⵀⵉⵔ ⵙⴰⴰⴷⴰⵡⵉ; ⵜⴰⵏⴻⵖⵍⴰⴼⵜ ⵏ ⵡⴰⵙⵙⴰⵖⴻⵏ ⴷ ⵓⵎⵏⵉ, ⵏⴰⴷⵊⵉⴱⴰ ⴷⵊⵉⵍⴰⵏⵉ; ⴰⴽⴽⴻⴷ ⵜⵙⴻⵇⵇⴰⵎⵓⵜⵜ ⵜⴰⵖⴻⵍⵏⴰⵡⵜ ⵏ ⵓⵃⵓⴷⴷⵓ ⵏ ⵢⵉⵣⴻⵔⴼⴰⵏ ⵏ ⵓⴳⵔⵓⴷ, ⵎⴻⵔⵉⴻⵎ ⵛⵀⴻⵔⴼⵉ. ⴷⴻⴳ ⵢⵉⵏⴰⵡ-ⵏⵏⴻⵙ, ⴱⵧⵓⴳⵀⴰⵍⵉ ⵉⵀⴻⵏⵏⴰ ⵉⴱⴰⵔⵍⴰⵎⴰⵏⴻⵏ ⵉⵏⴻⵍⵎⴰⴷⴻⵏ ⵉⵎⵉ ⴰⵢ ⵡⵡⵉⵏ ⵍⴰⵎⴰⵏ ⵏ ⵢⵉⵎⴻⴷⴷⵓⴽⴰⵍ-ⵏⵙⴻⵏ ⴷⴻⴳ ⵜⴻⴼⵔⴰⵏⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵖⴻⵔⴱⴰⵣⴻⵏ-ⵏⵙⴻⵏ ⵏ ⵓⵙⵙⴻⴳⵎⵉ, ⴰⵎ ⵡⴰⴽⴽⴻⵏ ⴰⵢ ⵉⵀⴻⵏⵏⴰ ⵉⴳⴻⵔⴷⴰⵏ ⴰⵢ ⴷⵢⴻⴳⴳⴻⵏⵙⴻⵙⴻⵏ ⴰⵎⵖⵉⵡⴰⵏ ⴰⴷⵣⴰⵢⵔⵉ ⴷⴻⴳ ⵓⵣⵖⴰⵔ.

ⵢⴻⵔⵏⴰⴷ ⴷⴰⴽⴽⴻⵏ « ⴰⵎⵏⵉⴰ ⵢⴻⴼⴽⴰⴷ ⵜⴰⴳⵏⵉⵜ ⵢⴻⵙⵄⴰⵏ ⴰⵣⴰⵍ ⵉ ⵢⵉⵎⴻⵥⵍⴰ ⵏ ⵍⴱⴰⵔⵍⴰⵎⴰⵏ ⵉⴳⴻⵔⴷⴰⵏ ⴰⴽⴽⴻⵏ ⴰⴷ ⴼⴻⵀⵎⴻⵏ ⵜⵉⵎⵙⴰⵍ ⵏ ⵜⵎⴻⵜⵜⵉ, ⴰⴷ ⵜⵜⴻⴽⴽⵉⵏ ⵙ ⵜⵎⵓⵙⵙⵏⵉ ⴷⴻⴳ ⵜⴻⵎⵙⴰⵍ ⵜⵉⵏⴰⴳⴷⵓⴷⵉⵏ, ⵢⴻⵔⵏⵓ ⴰⴷ ⵍⴻⵎⴷⴻⵏ ⴰⵎⴻⴽ ⴰⵔⴰ ⵙⴱⴻⴷⴷⴻⵏ ⵜⵉⴽⵜⵉⵡⵉⵏ ⵖⴻⵔ ⵜⵎⵓⵖⵍⵉⵡⵉⵏ, ⵙⴰⴽⴽⵉⵏ ⵖⴻⵔ ⵢⵉⴳⵎⴰⴹ ». 

ⵢⴻⵙⴼⴻⵀⵎⴷ ⴷⴰⴽⴽⴻⵏ ⵄⵎⵏⵉ ⵏ ⵖⵉⴳⴻⵔⴷⴰⵏ « ⴷ ⴰⵙⴻⵏⵇⴻⵙ ⴰⴳⵎⴰⵡⵉ ⵏ ⴷⴷⵓⵕ ⵏ ⵢⵉⵖⴻⵔⴱⴰⵣⴻⵏ ⴷ ⵜⴻⵙⴷⴰⵡⵉⵢⵉⵏ ⵏ ⵓⵡⴰⵏⴰⴽ ⵜⴰⵣⵣⴰⵢⵔⵉⵜ ⴷⴻⴳ ⵓⵙⵙⴻⴱⵖⴻⵙ ⵏ ⵢⵉⴷⵍⴻⵙ ⵏ ⵓⵄⴻⵡⵡⴻⵍ ⴷ ⵓⵅⴻⴷⴷⵉⵎ ⵓⵇⵔⵉⴱ, ⴰⵙⵙⴻⴱⵖⴻⵙ ⵏ ⵜⵎⵓⵙⵙⵏⵉ ⵜⴰⴽⴰⴷⵉⵎⵉⵜ, ⴰⵙⵏⴻⵔⵏⵉ ⵏ ⵕⵕⵓⵃ ⵏ ⵜⵎⴻⵥⵍⴰ ⴷ ⵓⵙⵙⴻⵎⴳⴻⵔⵔⴰⴷ, ⴷ ⵓⵙⵏⴻⵔⵏⵉ ⵏ ⵡⴰⵣⴰⵍⴻⵏ ⵏ ⵓⵄⴰⵇⴻⴱ ». ⵢⴻⴱⴷⴻⵔⴷ ⴷⴰⵖ ⴷⴰⴽⴽⴻⵏ « Lⴻⵣⵣⴰⵢⴻⵔ, ⴷⴷⴰⵡ ⵜⵎⴻⵀⵍⴰ ⵏ Uⵙⴻⵍⵡⴰⵢ ⵏ ⵟⴻⴳⴷⵓⴷⴰ, Mⴰⵙⵙ ⵄⴱⴷⴻⵍⵎⴰⴷⵊⵉⴷ ⵟⴻⴱⴱoⵓⵏⴻ, ⵍⴰ ⵜⴻⵜⵜⴻⴷⴷⵓ ⵙ ⵍⴰⵎⴰⵏ ⵖⴻⵔ ⵓⵙⵙⴻⵊⵀⴻⴷ ⵏ ⵍⵍⵙⴰⵙ ⵏ Lⴻⵣⵣⴰⵢⴻⵔ ⵜⴰⵎⴰⵢⵏⵓⵜ, ⴰⵔⴰ ⵉⵔⴻⴱⵃⴻⵏ, ⵢⴻⵔⵏⵓ ⵍⴰ ⵜⴻⵜⵜⴳⴻⵏ ⴰⵣⴰⵍ ⵓⵙⵍⵉⴳ ⵉ ⵜⴻⵎⵥⵉ ⴷ ⴰⵥⵔⵓ ⵏ ⵢⴰⵍ ⴰⵙⴻⵏⴼⴰⵔ ⵏ ⵓⵙⵏⴻⴼⵍⵉ ⴷ ⵍⵍⵙⴰⵙ ⵏ ⵢⴰⵍ ⵜⴰⵖⵓⵍⵜ ⵏ ⵜⵓⴳⴷⵓⵜ ». 

ⴷⴻⴳ ⵢⵉⵡⴻⵏ ⵏ ⵢⵉⵏⴰⵡ ⵉ ⵢⵉⴳⴻⵔⴷⴰⵏ, ⵢⴻⵏⵏⴰⴷ Boⵓⴳⴰⵍⵉ: "ⵟⵉⵍⵉⵏⵏⵡⴻⵏ ⴷⴰⴳⵉ ⴰⵙⵙⴰ ⴷⴷⴰⵡ ⵏ ⵜⵇⵓⴱⴱⴰⵜ ⵏ ⵍⴱⴰⵔⵍⴰⵎⴰⵏⴰ ⴷ ⵜⴰⵙⵡⵉⵄⵜ ⵏ ⵜⵖⴰⵡⵙⵉⵡⵉⵏ ⵙ ⵡⴰⵣⴰⵍⵏⵙⴻⵏⵜ ⴷⴻⴳ ⵜⵉⴽⵍⵉⵏⵡⴻⵏ ⵏ ⵓⵙⵙⴻⴳⵎⵉ ⴷ ⵜⴰⵣⵡⴰⵔⴰ ⵏ ⵜⵉⴷⴻⵜ ⴷⴻⴳ ⵓⵙⵙⴻⴱⴷⴻⴷ ⵏ ⵜⵖⴰⵡⵙⵉⵡⵉⵏⵏⵡⴻⵏ ⵏ ⵜⵎⴻⵀⵍⴰ. ⵜⵉⴽⵛⵉ ⵏ ⵜⴻⵖⵜⴰⵙⵉⵏ ⵙ ⵜⵎⴰⵙⵉⵜ." 

ⵉⵡⴻⴽⴽⴻⴷⴷ ⴷⴰⴽⴽⴻⵏ « ⵜⴰⵣⵔⴰⵡⵜⴰ ⵜⴻⵙⵙⴻⵔⵙ ⵉⵎⴹⴻⴱⴱⵔⴻⵏ ⵏ ⵍⴱⴰⵔⵍⴰⵎⴰⵏ ⵉⴳⴻⵔⴷⴰⵏ ⴷⴻⴳ ⵡⵓⵍ ⵏ ⵜⵖⴰⵡⵙⵉⵡⵉⵏ ⵏ ⵜⵓⴳⴷⵓⵜ ⵢⴻⵍⵀⴰⵏ ⵢⴻⵔⵏⵓ ⵜⴻⵙⴱⴻⴷⴷⴷ ⴰⵙⵙⴰⵖⴻⵏ ⵏ ⵜⴷⵓⴽⵍⵉ ⴳⴰⵔ ⵢⵉⵖⴻⵔⵎⴰⵏⴻⵏ ⴷ ⵜⴻⵙⴷⴰⵡⵉⵢⵉⵏⵏⵙⴻⵏ ⵏ ⵓⵡⴰⵏⴰⴽ, ⵢⴻⵔⵏⴰ ⵜⵜⵡⴰⴱⵏⴰⵏ ⵖⴻⴼ ⵍⴰⵎⴰⵏ, ⴰⵜⵜⴻⴽⴽⵉ ⴻⴷ ⵓⵙⵙⴻⵎⵔⴻⵙ ». ⵙⴻⴳ ⵢⵉⴷⵉⵙⵏⵏⴻⵙ, ⴰⵏⴻⵖⵍⴰⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⵢⴻⵙⵙⴻⴱⵖⴻⵙ ⵜⴰⵣⵔⴰⵡⵜⴰ ⴰⵢ ⵢⴻⵖⵍⵉⵏ ⴷⴻⴳ ⵓⴽⴰⵜⴰⵔ ⵏ ⵜⵎⵓⵖⵍⵉ ⵏ ⵓⵡⴰⵏⴰⴽ ⴰⵢ ⵢⴻⵙⵄⴰⵏ ⵉⵙⵡⵉ ⵏ ⵓⵙⵙⴻⴱⵖⴻⵙ ⵏ ⵜⴻⵎⵥⵉ ⴷ ⵓⵙⵏⴻⵔⵏⵉ ⵏ ⵓⵜⵜⴻⴽⴽⵉ ⵏ ⵢⵉⵏⴻⵍⵎⴰⴷⴻⵏ ⴷⴻⴳ ⵜⵓⴷⴻⵔⵜ ⵜⴰⵖⵓⵔⴱⵉⵣⵜ ⴷ ⵜⴻⵙⴷⴰⵡⵉⵜ, ⵢⴻⵔⵏⵓ ⵙ ⵡⴰⵢⴰ, ⵢⴻⵜⵜⴻⴽⴽⴰ ⴷⴻⴳ ⵓⵙⵙⴻⴱⴷⴻⴷ ⵏ ⵜⵙⵓⵜⴰ ⴰⵢ ⵢⴻⵙⵙⵏⴻⵏ ⴰⵣⴰⵍ ⵏ ⵟⴻⴳⴷⵓⴷⴰ ⵢⴻⵔⵏⵓ ⵜⴻⵙⵄⴰ ⵉⴷⵍⴻⵙ ⵏ ⵓⴷⵉⵡⴻⵏⵏⵉ ⴷ ⵜⵎⴰⵙⵉⵜ. ⵉⵡⴻⴽⴽⴻⴷⴷ ⴷⴰⴽⴽⴻⵏ ⴰⵖⵍⵉⴼ ⵢⴻⴼⵔⴻⵏⴷ ⵉⵏⴻⵍⵎⴰⴷⴻⵏⵏⵏⴻⵙ ⵉⵎⴻⵣⵡⵓⵔⴰ, ⵡⵉⴷ ⵢⴻⵙⵄⴰⵏ ⵜⵍⴻⵎⵎⴰⵙⵜ ⵏ 17 ⴷ ⴰⵙⴰⵡⴻⵏ, ⴰⴽⴽⴻⵏ ⴰⴷ ⴷⴳⴻⵏⵙⴻⵙⴻⵏ ⴰⴽⴽⴻⵏ ⵉⵡⴰⵜⴰ ⵉⴳⴻⵔⴷⴰⵏ ⵉⵣⵣⴰⵢⵔⵉⵢⴻⵏ ⴰⵏⴷⴰ ⵎⴰ ⵍⵍⴰⵏ ⴷⴻⴳ ⵓⵎⵏⵉ.

ⵢⴻⵔⵏⴰ-ⴷ ⴷⴰⴽⴽⴻⵏ 126 ⵏ ⵢⵉⴱⴰⵍⵎⵓⴷⴻⵏ ⵏ ⵜⴻⵙⵏⴰⵡⵉⵜ, 275 ⵏ ⵢⵉⴱⴰⵍⵎⵓⴷⴻⵏ ⴰⵍⴻⵎⵎⴰⵙⴻⵏ, ⵙⵉⵏ ⵏ ⵢⵉⴱⴰⵍⵎⵓⴷⴻⵏ ⵢⴻⵙⵄⴰⵏ ⵉⵎⴻⵄⴷⴰⵕ, ⴷ ⵢⵉⵡⴻⵏ ⵏ ⵓⴱⴰⵍⵎⵓⴷ ⵙⴻⴳ ⵓⵖⴻⵔⴱⴰⵣ ⴰⴳⵔⴰⵖⵍⴰⵏ ⴰⴷⵣⴰⵢⵔⵉ ⴷⴻⴳ ⴼⵕⴰⵏⵙⴰ ⴰⵢ ⵢⴻⵜⵜⵡⴰⴼⴻⵔⵏⴻⵏ ⴰⴽⴽⴻⵏ ⴰⴷ ⴷ-ⴳⴻⵏⵙⴻⵏ ⴰⵔⵔⴰⵡ ⵏ ⵜⵎⴻⵜⵜⵉ ⵜⴰⵣⵣⴰⵢⵔⵉⵜ ⴷⴻⴳ ⵓⵣⵖⴰⵔ. 

ⴷⴻⴳ ⵢⵉⵏⴰⵡⵉⵙ, ⴰⵖⴻⵍⵍⴰ ⵏ ⵍⴱⵉⵔⵓⵡⴰⵜ ⵏ ⵓⵄⴹⵉⵍ ⵏ ⵓⵎⵏⵉ ⴰⵣⵣⴰⵢⵔⵉ ⵏ ⵢⵉⴳⴻⵔⴷⴰⵏ, ⴰⴱⴷⴰⵍⵍⴰⵀ ⵔⴰⵇⴰⴱⵉ, ⵢⴻⵏⵏⴰⴷ ⴷⴰⴽⴽⴻⵏ ⴰⵛⵉⵔⵉ ⵏ ⵜⴰⵍⵍⵉⵜ ⵜⴰⵎⴻⵣⵡⴰⵔⵓⵜ ⵏ ⵓⵎⵏⵉ ⴰⵣⵣⴰⵢⵔⵉ ⵏ ⵢⵉⴳⴻⵔⴷⴰⵏ ⴰⴷ ⵢⴻⴵⴵ ⴰⵙⵉⵡⴻⴹ ⵏ ⵡⵓⴳⵓⵔⴻⵏ ⵏ ⵢⵉⴳⴻⵔⴷⴰⵏ ⵉⵣⵣⴰⵢⵔⵉⵢⴻⵏ, ⴰⵎ ⵡⴰⴽⴽⴻⵏ ⴰⵔⴰ ⴷⵙⵙⵉⵡⴹⴻⵏ ⵉⴳⴻⵔⴷⴰⵏ ⵏ ⵜⵎⴻⵜⵜⵉ ⵜⴰⵣⵣⴰⵢⵔⵉⵜ ⵉ ⵓⵏⴰⴱⴰⴹ. ⴷⴻⴳ ⵜⴻⴷⵡⵉⵍⵜⴰ, ⵢⴻⵜⵜⵡⴰⵖⵔⴰ ⵢⴻⵔⵏⴰ ⵢⴻⵜⵜⵡⴰⵇⴱⴻⵍ ⵡⵓⵎⵓⵖ ⵏ ⵢⵉⵄⴻⴳⴳⴰⵍⴻⵏ ⵏ ⵡⴻⵎⵏⵉ ⵉ ⵜⴰⵍⵍⵉⵜ ⵏ 2025/2027. 

ⵉⵍⵓⴳⴰⵏ ⵏ ⴷⴰⵅⴻⵍ ⵏ ⵡⴻⵎⵏⵉ ⵜⴻⵖⵔⴰⵜⴻⵏ ⴷⴰⵖ ⵢⴰⵙⵎⵉⵏⴰ ⴱoⵓⴽⴻⴼoⵓⵙⵙⴰ, ⴷ ⵜⴰⵖⵔⵓⴷⵜ ⵢⴻⵙⵄⴰⵏ ⵍⵎⴻⵄⵇⵓⵍ, ⵢⴻⵔⵏⴰ ⵢⵉⵡⴻⵏ ⵙⴻⴳ ⵢⵉⵎⴰⴳⵔⴰⴷⴻⵏⵏⵏⴻⵙ ⵢⴻⵏⵏⴰⴷ ⴷⴰⴽⴽⴻⵏ « ⴰⵎⵏⵉⴰ ⴷ ⵜⴰⵍⵍⵓⵏⵜ ⵏ ⵓⴷⵉⵡⴻⵏⵏⵉ ⴷ ⵓⵙⵎⴻⴽⵜⵉ ⵉⵍⴻⵍⵍⵉ ⵏ ⵜⵎⵓⵖⵍⵉⵡⵉⵏ ⵏ ⵢⵉⴳⴻⵔⴷⴰⵏ ⴷ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵙ ⵜⵖⵉⵎⵉⵢⵉⵏ ⵜⵉⵏⴰⴳⴷⵓⴷⵉⵏ ».