ⴰⵙⴻⵍⵡⴰⵢ ⵏ ⵜⴳⴷⵓⴷⴰ, ⵎⴰⵙ ⵄⴰⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⵢⴻⵙⵙⴻⴽⵏ-ⵉⴷ ⴰⵣⴰⵍ ⵏ ⵓⵙⴻⴳⴳⴻⵎ ⴰⵜⵉⵇⵏⵉ ⵏ ⵜⵎⴻⵏⴹⴰⵡⵜ ⴷⴻⴳ ⵓⴱⵔⵉⴷ ⵏ ⵓⵙⴱⴻⴷⴷ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵃⴻⵇⵇⴰⵏⵉⵜ.
ⴷⴻⴳ ⵓⵎⵙⴰⵡⴰⵍ-ⵉⵙ ⴰⵎⴰⴳⵏⵓ ⴰⴽⴽⴻⴷ ⵜⵓⵖⵎⵉⵙⵉⵏ, ⴰⵙⴻⵍⵡⴰⵢ ⵢⴻⵏⵏⴰ-ⴷ ⴱⴻⵍⵍⵉ "ⴰⵙⴻⴳⴳⴻⵎ ⴰⵜⵉⵇⵏⵉ ⵏ ⵜⵎⴻⵏⴹⴰⵡⵜ ⵢⴻⵜⵜⵏⴰⴷⵉ ⴰⴷ ⵢⴻⵙⴱⴻⴷⴷ ⵜⴰⴷⵉⵎⵓⵇⵔⴰⵟⵉⵜ ⵜⴰⵃⴻⵇⵇⴰⵏⵉⵜ ⵉⴱⴻⴷⴷⴻⵏ ⵖⴻⴼ ⵍⵙⴰⵙ ⵏ ⵜⵎⴻⵏⴹⴰⵡⵜ ⴷ ⵜⵙⴻⵔⵜⵉⵜ". ⵢⴻⴱⴷⴻⵔ-ⴷ ⴱⴻⵍⵍⵉ ⵜⴰⵎⴻⵏⴹⴰⵡⵜ ⵏ 2020 ⵜⴻⵡⵡⵉ-ⴷ ⵉⵎⴰⴳⵔⴰⴷⴻⵏ ⵉⵎⴰⵢⵏⵓⵜⴻⵏ ⴰⵎ ⵓⵍⵖⵓ ⵏ ⵓⵎⴻⵏⵣⵓ ⵏ ⵡⵓⵏⴱⵉⵔ 1954, ⴰⵙⵇⴰⵎⵓ ⴰⵄⵍⴰⵢⴰⵏ ⵏ ⵢⵉⵍⵎⴻⵣⵢⴻⵏ ⴷ ⵓⵎⴻⵜⵜⵉ ⴰⵖⴰⵔⵉⵎ , ⵍⴰⴽⵉⵏ ⵍⵍⴰⵏ ⵢⵉⴼⴻⵜⵍⴰⵏ ⴷⴻⴳ ⵓⵙⵏⴻⴼⵙⴻⵙ ⵏ ⴽⵔⴰ ⵏ ⵢⵉⵎⴰⴳⵔⴰⴷⴻⵏ, ⴰⵎ ⵡⵉⵏ ⵢⴻⵄⵏⴰⵏ ⴰⵙⵎⴰⵢⵏⵓ ⵏ ⵢⵉⵄⴳⴰⵍⴻⵏ ⵏ ⵓⵙⵇⴰⵎⵓ ⵏ ⵍⵓⵎⵎⴰ.
ⵖⴻⴼ ⵡⴰⵢⴻⵏ ⵉ ⴷ-ⵇⵇⴰⵔⴻⵏ ⴽⵔⴰ ⵏ ⵢⵉⴷⵉⵙⴻⵏ ⴱⴻⵍⵍⵉ ⴰⵙⴻⴳⴳⴻⵎ-ⴰⴳⵉ ⵢⴻⵍⵍⴰ-ⴷ ⵉⵡⴰⴽⴽⴻⵏ ⴰⴷ ⵢⴻⵍⴷⵉ ⵜⵉⵡⴰⵍⵉⵡⵉⵏ ⵜⵉⵙⴻⵍⵡⴰⵢⴰⵏⵉⵏ (mandats), ⴰⵙⴻⵍⵡⴰⵢ ⵢⴻⵔⵔⴰ-ⴷ ⵢⴻⵏⵏⴰ: "ⵏⴻⴽⵏⵉ ⵏⴻⵅⴷⴻⵎ ⵙ ⵜⴰⵢⵔⵉ ⵏ ⵜⵎⵓⵔⵜ ⴷ ⵓⵙⴻⴳⴳⴻⵎ, ⵎⴰ ⴷ ⵡⵉⵢⴰⴹ-ⵏⵏⵉ ⴷ ⵡⵉⴷ ⵢⴻⵜⵜⵡⴰⵅⴻⵍⵙⴻⵏ ⵉⵡⴰⴽⴽⴻⵏ ⴰⴷ ⵙⴳⴻⵏⴷⵍⴻⵏ ⵜⴰⵎⵓⵔⵜ ⵢⴻⵔⵏⴰ ⴰⴷ ⴹⴼⴻⵔⵏ ⵉⵡⵉⵏⴰⵜⵏ ⵏ ⴱⴻⵕⵕⴰ".
ⴰⵙⴻⵍⵡⴰⵢ ⵢⴻⵡⵡⵉ-ⴷ ⴰⵡⴰⵍ ⴷⴰⵖⴻⵏ ⵖⴻⴼ ⵓⴷⵉⵢⴰⵍⵓⴳ ⴰⴽⴽⴻⴷ ⵢⵉⴽⴰⴱⴰⴱⴻⵏ ), ⵢⴻⵇⵇⴰⵔ-ⴷ ⴱⴻⵍⵍⵉ ⵢⴻⵜⵜⵏⴰⴷⵉ ⴰⴷ ⵢⴻⵙⴱⴻⴷⴷ "ⵜⴰⴷⵡⵉⵍⵜ ⵉⵊⴻⵀⴷⴻⵏ ⵓⵔ ⵏⴻⵜⵜⴼⴰⴽ ⴰⵔⴰ ⵎⴰ ⵄⴻⴷⴷⴰⵏ ⵢⵉⵔⴳⴰⵣⴻⵏ". ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⴳⴳⴻⵎ ⵏ ⵍⵇⴰⵏⵓⵏ ⵏ ⵢⵉⴽⴰⴱⴰⴱⴻⵏ ⴷ ⵜⴰⴳⴰⵡⵜ ⵜⴰⴷⵉⵎⵓⵇⵔⴰⵟⵉⵜ ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵙⵇⴻⵔⴷⴻⵛ ⵖⴻⴼ "ⵓⵙⴻⵏⴼⴰⵔ ⵏ ⵓⵎⴻⵜⵜⵉ"
ⴰⵔⵏⵓ ⵖⴻⵔ
