ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴹⴼⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⴷⴻⴳ ⵉ ⴷ-ⵢⴻⵙⵙⵉⴳ ⴷⴻⴳ ⵡⴰⵙⵙ ⵏ ⵓⵢⵏⴰⵙ ⴷⴻⴳ ⵓⴳⴻⵎⵎⵉⵡ ⵏ ⵓⵖⵍⴰⵏ ⴷⴻⴳ ⵓⵣⴰⵎⴱⵉ ⴰⵡⵍⴰⵍ (ⴷⵣⴰⵢⴻⵔ ⵜⴰⵎⴰⵏⴻⵖⵜ), ⵖⴻⴼ ⵓⵍⴷⴰⵢ ⵏ ⵜⴻⵥⵔⵉⴳⵜ ⵜⵉⵙ 57 ⵏ ⵜⵎⵓⴳⴻⵔⵜ ⵏ ⴷⵣⴰⵢⴻⵔ ⵜⴰⴳⵔⴰⵖⵍⴰⵏⵜ, ⴰⵙⵓⵎⴻⵔ ⵉ ⵜⴻⵙⵙⵎⴰⵀⵉ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵜⴰⵡⴻⵔⴷⴰⵏⵉⵜ ⴷ ⵓⵙⵏⴰⵎ ⵏ ⵓⵍⵣⵓⵣ, ⵎⴰⵙⵙⴰ ⴰⵎⴰⵍ ⴰⴱⴷⴻⵍⵍⴰⵜⵉⴼ, ⵖⴻⴼ ⵓⵣⴻⵟⵟⴰ ⴰⴷⴰⵎⵙⴰⵏ ⴰⵖⴻⵍⵏⴰⵡ, ⵜⴳⴰⵔⴰ ⵏ ⵡⵓⴷⴷⵓⵏⴻⵏ ⴷ ⵢⵉⵣⴻⵡⵍⴻⵏ ⵢⴻⵄⵏⴰⵏ ⵜⵓⵎⴰⵏⵜ-ⴰⵢⴰ ⵜⴰⴷⴰⵎⵙⴰⵏ, ⴰⴽⴽⴻⴷ ⴰⴱⴻⵢⵢⴻⵏ ⵏ ⵢⵉⵙⵓⵔⵉⴼⴻⵏ ⵉ ⴷ-ⵢⴻⴱⴱⵉ ⵓⴳⵣⵓⵎ ⴰⵎⴳⵓⵔⴰⵏ ⴷⴻⴳ ⴷⵣⴰⵢⴻⵔ ⴷⴻⴳ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ.
ⴰⵙⵓⵎⴻⵔ-ⴰⵢⴰ ⵢⴻⵄⵏⴰ ⴰⴱⴻⵟⵟⵓ ⵏ ⵓⵣⴻⵟⵟⴰ ⴰⴷⴰⵎⵙⴰⵏ ⵎⵖⵉⵔ 17 ⴷⴻⴳ ⵢⵓⵏⵢⵓ-ⴰⵢⴰ, ⴷ ⵓⵎⵀⴰⵣ ⵏ ⵓⵎⴹⴰⵏ ⵏ ⵢⵉⵙⴻⴽⵍⴰⵙⴻⵏ ⵉⵏⴻⵣⵣⴰⵏⴻⵏ, ⵜⴳⴰⵔⴰ ⵏ ⵓⵎⵀⴰⵣ ⵏ ⵓⵎⴹⴰⵏ ⵏ ⵢⵢⴰⵢ ⵢⴻⵜⵜⵡⴰⴽⴻⵍⵙⴻⵏ ⴷⴻⴳ ⵢⵉⵔⵎⴰⴷ ⵏ ⵓⴼⴰⵔⴻⵙ ⴷ ⵢⵉⵎⴻⵥⵍⴰ ⵙⴻⴳ ⵜⵎⵓⴳⴻⵔⵜ ⵏ ⵓⴼⴰⵔⴻⵙ ⴰⴳⵔⴰⵖⵍⴰⵏ ⵢⴻⵜⵜⵡⴰⵙⵓⴷⴷⵙⴻⵏ ⴷⴻⴳ ⵊⴻⵎⴱⴻⵔ ⵉⵄⴻⴷⴷⴰⵏ.
ⵢⴻⵏⵏⴰ-ⴷ ⵓⵙⵓⵎⴻⵔ-ⴰⵢⴰ ⴱⴻⵍⵍⵉ ⵜⴰⵎⴳⵓⵔⵉ ⵜⴰⵖⴻⵍⵏⴰⵡⵜ ⵜⵓⴳⵉⵔ ⵙⴻⴳ ⵓⵙⴻⴳⴷⴻⵔ ⵏ ⵓⴼⴰⵔⴻⵙ ⵖⴻⵔ ⵜⵎⴻⵚⴽⵉⵡⵜ ⵏ ⵜⵏⴰⵢⴰ ⵜⴰⴷⴰⵎⵙⴰⵏⵜ, ⴷⴻⴳ ⵉ ⵜⴻⵙⵙⴻⴹⵔⴻⵡ ⵉⴳⵀⵎⴰⴹ ⵉⵎⴻⵇⵇⵔⴰⵏⴻⵏ, ⵍⴰⴷⵖⴰ ⴷⴻⴳ ⵜⵉⵔⵉⵔⵜ ⵖⴻⴼ ⵢⵉⵃⴰⵡⵊⵉⵢⴻⵏ ⵏ ⵓⵍⵣⵓⵣ ⴰⵖⴻⵍⵏⴰⵡ, ⴷ ⵓⵙⵉⴵⴵⴻⵡ ⴷⴻⴳ ⵍⴰⴱⴰⵙ ⵏ ⵜⵖⵓⵍⵉⵏ ⵢⴻⵎⴳⴻⵔⵔⴰⴷⴻⵏ.
ⴰⴽⵜⴰⵎⵓⵔ ⵏ ⵓⴼⴰⵔⴻⵙ ⴰⵖⴻⵍⵏⴰⵡ ⴷⴻⴳ ⵢⵉⴳⵣⵓⵎⴻⵏ-ⴰⵢⴰ ⵢⴻⵅⵍⴻⴹ ⵖⴻⵔ 50 ⴷ 80%, ⵎⴰ ⴷ ⵇⵍⵉ ⵏ ⵢⵉⴼⴰⵔⵉⵙⴻⵏ ⵙⵙⴻⴹⵔⵔⵓⵏ ⴰⵙⴼⵓⵍⵎⴻⵏ ⵙ 100%.
ⴷⴻⴳ ⵜⴻⵥⵔⵉⴳⵜ-ⴰⵢⴰ ⵏ ⵜⵎⵓⴳⴻⵔⵜ ⵏ ⴷⵣⴰⵢⴻⵔ ⵜⴰⴳⵔⴰⵖⵍⴰⵏⵜ, ⵜⵜⴱⴰⵏⴻⵏ ⵉⴳⵎⴰⴹ ⵏ ⵜⵙⴻⵔⵜⵉⵜ ⵜⴰⵎⴳⵓⵔⴰⵏⵜ ⵜⴰⵖⴻⵍⵏⴰⵡⵜ ⴷⴻⴳ ⵓⵙⵎⴰⵀⵉ ⵏ ⵢⵉⴼⴰⵔⵉⵙⴻⵏ ⵉⴷⵣⴰⵢⵔⵉⵢⴻⵏ ⵉ ⴷ-ⵜⵜⵓⵙⵏⵓⵍⴼⵓⵏ ⴷⴻⴳ ⵓⵙⵡⵉⵔ ⴰⴷⵉⴳⴰⵏ ⴷⴻⴳ ⵉ ⴷ-ⵍⵍⴰⵏ ⵣⵉⴽ ⵜⵜⴰⴷⴼⴻⵏ ⵙⴻⴳ ⵓⵣⵖⴰⵔ.
ⴷⴻⴳ ⵍⴰⴱⴰⵙ ⵏ ⵢⵉⵓⵙⴻⵏⴼⴰⵔⴻⵏ ⵢⴻⵍⵍⴰⵏ ⴷⴻⴳ ⵓⵙⵓⵎⴻⵔ-ⴰⵢⴰ, ⵡⴻⴽⴽⴷⴻⵏ ⴱⴻⵍⵍⵉ ⴰⴳⵓⵎⴹ-ⴰⵢⴰ ⵢⴻⵜⵜⴱⴻⵢⵢⴰⵏ ⴰⵍⴽⴰⵜ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⴷⴻⴳ ⵓⵙⴻⴳⴷⴻⵔ ⵏ ⵓⴼⴰⵔⴻⵙ ⴰⵖⴻⵍⵏⴰⵡ ⴷ ⵓⵙⴻⵎⵥⵉ ⵏ ⵜⵓⵇⵇⵏⴰ ⵖⴻⵔ ⵡⴰǧǧⴰⵡ ⴷ ⵓⵎⴻⵙⵏⵉ ⵏ ⵜⴰⵙⵏⵜⴰⵡⵉⵍⵉⵏ ⴷ ⵓⵙⴻⵖⵏⴻⵡ ⵏ ⵡⴰⵏⵙⴰⵜⴻⵏ ⵏ ⵓⵅⴻⴷⴷⵉⵎ ⴰⴽⴽⴻⴷ ⴰⵙⵉⵍⵉ ⵏ ⵢⵉⵙⵉǧǧⵡⴻⵏ ⵎⴻⴱⵍⴰ ⴰⴳⵣⵓⵎ ⵏ ⵜⵎⴻⵔⵖⴰ.
ⴰⵙⵓⵎⴻⵔ-ⴰⵢⴰ ⵢⴻⵙⵄⴰ ⵉⵣⵡⵉⵍⴻⵏ ⵖⴻⴼ ⵜⴻⵥⵔⵉⴳⵜ ⵜⵉⵙ 57 ⵏ ⵜⵎⵓⴳⴻⵔⵜ ⵏ ⴷⵣⴰⵢⴻⵔ ⵜⴰⴳⵔⴰⵖⵍⴰⵏⵜ ⵢⴻⵍⵍⴰⵏ ⵢⴻⵥⵔⴰ ⴰⴷⵔⴰⵡ ⵏ 36 ⵏ ⵢⵉⵡⴰⵏⴰⴽⴻⵏ ⴷ 781 ⵏ ⵜⴻⵔⵎⵉⵚⵉⵏ ⵜⵉⵎⵣⵉⴽⴽⵏⵉⵏ, ⵙⴻⴳ-ⵙⴻⵏ 202 ⵏ ⵜⴻⵔⵎⵉⵚⵉⵏ ⵜⵉⵡⴻⵔⴷⴰⵏⵉⵢⵉⵏ ⴷ 579 ⵏ ⵜⴻⵔⵎⵉⵚⵉⵏ ⵜⵉⵖⴻⵍⵏⴰⵡⵉⵏ.
ⴰⵔⵏⵓ ⵖⴻⵔ
