ⵢⴻⵖⵜⴻⵙ ⵓⵙⴻⵍⵡⴰⵢ ⵏ ⵟⴻⴳⴷⵓⴷⴰ, ⵎⴰⵙⵙ ⵄⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏ, ⴰⴷ ⴷ-ⵢⴻⴷⴽ ⴰⵎⵓⵔ ⵏⵉⴹⴻⵏ ⵙ ⵡⴰⵣⴰⵍ ⵏ 2.000 ⵏ ⵜⴻⴷⵍⵉⵙⵉⵏ ⵏ ⵍⵃⵉⵊ ⵉ ⵢⵉⵎⴷⴰⵏⴻⵏ ⵢⴻⵡⵡⴹⴻⵏ 70 ⵏ ⵢⵉⵙⴻⴳⴳⴰⵙⴻⵏ ⴷ ⴰⵙⴰⵡⴻⵏ ⵉ ⵢⴻⵙⵙⵉⴳⵣⴻⵏ ⵉⵎⴰⵏ-ⵏⵙⴻⵏ 10 ⵏ ⵜⵉⴽⴽⴰⵍ ⵏⴻⵖ ⵓⴳⴰⵔ ⴷⴻⴳ ⵢⵉⵍⴰⵏ ⵓⵏⵏⵉⵎ ⵎⴰⵛⴰ ⵓⵔ ⵙⵙⴰⵡⴹⴻⵏ ⴰⵔⴰ ⴰⴷ ⵎⵎⵓⵔⵙⴻⵏ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⴰⵙⵙ ⵏ ⵓⵙⵉⵏⴰⵙ (ⵜⵜⵍⴰⵜⴰ), ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵓⴳⴻⵏⵙⵓ, ⵏ ⵜⴻⵏⴱⴰⵣⵉⵢⵉⵏ ⵜⵉⴷⵉⴳⴰⵏⵉⵏ ⴷ ⵓⵎⴻⵙⵏⵉ.
ⵢⵓⵙⴰ-ⴷ ⴷⴻⴳ ⵓⵍⵖⵓ-ⴰ ⴷⴰⴽⴽⴻⵏ: “ⵄⵖⵍⵉⴼ ⵏ ⵓⴳⴻⵏⵙⵓ, ⵏ ⵜⴻⵏⴱⴰⵣⵉⵢⵉⵏ ⵜⵉⴷⵉⴳⴰⵏⵉⵏ, ⴷ ⵓⵎⴻⵙⵏⵉ ⵢⴻⵙⵙⴻⴳⵣⴰ-ⴷ ⵉ ⴰⴽⴽ ⵉⵖⴻⵔⵎⴰⵏⴻⵏ ⴷ ⵜⵖⴻⵔⵎⴰⵏⵉⵏ I ⵢⴻⵙⵙⵉⴳⵣⴻⵏ ⵉⵎⴰⵏ-ⵏⵙⴻⵏ ⴷⴻⴳ ⵢⵉⵍⴰⵏ ⵏ ⵍⵃⵉⵊ ⵏ ⵜⵙⴻⵎⵀⵓⵢⵜ 1447 /2026, ⵢⴻⵙⵄⴰⵏ ⴷⴻⴳ ⵍⴻⵄⵎⴻⵔ-ⵏⵙⴻⵏ 70 ⵏ ⵢⵉⵙⴻⴳⴳⴰⵙⴻⵏ ⴷ ⴰⵙⴰⵡⴻⵏ, ⵢⴻⵔⵏⴰ ⵡⵉⴷ ⵢⴻⵙⵙⵉⴳⵣⴻⵏ ⵉⵎⴰⵏ-ⵏⵙⴻⵏ 10 ⵏ ⵜⵉⴽⴽⴰⵍ ⵎⴰⵛⴰ ⵓⵔ ⵙⵙⴰⵡⴹⴻⵏ ⴰⵔⴰ ⴰⴷ ⵎⵎⵓⵔⵙⴻⵏ ⴷⴻⴳ ⵓⵉⵍⴰⵏ ⵓⵏⵏⵉⵎ ⵉ ⴷ-ⵢⴻⴹⵔⴰⵏ ⴰⵙⵙ ⵏ ⵓⵙⵉⴹⵢⴰⵙ (ⵙⵙⴻⴱⵜ), 22 ⵡⴰⵎⴱⴻⵔ 2025, ⴷⴰⴽⴽⴻⵏ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ ⵢⴻⵖⵜⴻⵙ ⴰⴷ ⴰⵙⴻⵏ-ⴷ-ⵢⴻⵔⵏⵓ 2.000 ⵏ ⵜⴻⴷⵍⵉⵙⵉⵏ ⵏ ⵍⵃⵉⵊ, ⵉ ⵍⵎⴻⵏⴷ ⵏ ⵜⵓⴽⵛⵉ ⵏ ⵜⴻⴳⵏⵉⵜ ⵎⴻⵇⵇⵔⴻⵏ ⵉ ⵜⴰⴳⴳⴰⵢⵜ-ⴰ ⵏ ⵢⵉⵖⴻⵔⵎⴰⵏⴻⵏ ⴰⴽⴽⴻⵏ ⴰⴷ ⴳⴻⵏ ⴻⴽⵎⵓⴷ ⵏ ⵍⵃⵉⵊ”.
ⵄⵖⵍⵉⴼ ⵢⴻⵙⵙⴻⴳⵣⴰ-ⴷ ⵉ ⵡⴰⴽⴽ ⵡⵉⴷ ⵜⴻⵔⵣⴰ ⵜⴻⵎⵙⴰⵍⵜ ⴷⴰⴽⴽⴻⵏ ⵉⵍⴰⵏ-ⵏⵙⴻⵏ ⴰⴷ ⴷ-ⵜⵉⵍⵉ ⴰⵙⵙ ⵏ ⵓⵙⵉⴹⵢⴰⵙ (ⵙⵙⴻⴱⵜ) 6 ⴷⵓⵊⴻⵎⴱⴻⵔ 2025, ⴷⴻⴳ ⵡⴻⵙⵡⵉⵔ ⵏ ⵜⴻⵙⵖⵉⵎⵉⵏ ⵏ ⵜⵡⵉⵍⴰⵢⵉⵏ ⵏⴻⵖ ⴷⴻⴳ ⴽⵔⴰ ⵏ ⵡⴰⴷⴻⴳ ⵏⵉⴹⴻⵏ ⵉⵡⴰⵜⴰⵏ ⵉ ⴷ-ⴼⴻⵔⵏⴻⵏ ⵢⵉⴷⵓⴱⴰ ⵉⴷⵉⴳⴰⵏⴻⵏ, ⵙ ⵜⵉⵀⴰⵡⵜ ⵏ ⵢⵉⴷⵉⵙⴰⵏ ⵉ ⵜⴻⵔⵣⴰ ⵜⴻⵎⵙⴰⵍⵜ ⵏⴻⵖ ⵏ ⵢⵉⴳⴻⵏⵙⴰⵙⴻⵏ-ⵏⵙⴻⵏ.
ⵉⵡⴻⴽⴽⴻⴷ-ⴷ ⵓⵖⵍⵉⴼ ⴷⴰⴽⴽⴻⵏ ⵉⵍⴰⵏ-ⴰ ⵢⴻⵇⵇⴻⵏ ⴽⴰⵏ ⵉ ⵢⵉⵖⴻⵔⵎⴰⵏⴻⵏ ⴰⵢ ⵉⴷⴻⴳ ⵍⵍⴰⵏⵜ ⵜⵉⵜⵡⵉⵍⵉⵏ ⵏ ⵍⴻɛⵎⴻⵔ ⴷ ⵓⵎⴹⴰⵏ ⵏ ⵢⵉⵙⴻⴳⵣⴰ ⵢⴻⵣⵔⵉⵏ ⵡⴰⵔ ⵎⴻⴷⴷⴻⵏ ⵓⵔ ⵜⵜⵡⴰⵃⴻⵙⴱⴻⵏ ⴰⵔⴰ ⵢⵉⵎⵙⵉⴳⵣⴻⵏ ⵏⵏⵉⴹⴻⵏ ⵎⴰ ⵢⴻⵍⵍⴰ ⵓⵔ ⵙɛⵉⵏ ⴰⵔⴰ ⵙⵏⴰⵜ-ⴰ ⵜⴻⵡⵜⵉⵍⵉⵏ.
ⴰⵔⵏⵓ ⵖⴻⵔ
