ⵢⴻⵙⵙⴻⵍⵖⵓ-ⴷ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⴻⵙⵜⴰⵖⵜ, ⴷⴻⴳ ⵢⵉⵡⴻⵏ ⵏ ⵡⵓⵍⵖⵓ ⴰⵙⵙ-ⴰ ⵏ ⵍⵃⴻⴷⴷ, ⵖⴻⴼ ⵓⵙⵖⴻⵣⴻⴼ ⵏ ⵢⵉⵡⴻⵏ ⵏ ⵡⴰⴽⴰⵜⴻⵏ ⴰⵎⴰⵢⵏⵓⵜ ⵉ ⵢⴻⵙɛⴰⵏ ⵉⵙⵡⵉ ⵏ ⵓⵙⵉⵙⵀⴻⵍ ⵏ ⵜⵎⴻⵀⴻⵍⵜ ⵏ ⵓⵙⴻⵏⵜⴻⵎ ⵏ ⵡⴰⴷⴷⴰⴷ ⴰⵏⵎⴻⵜⵜⵉ ⵏ ⵢⵉⵎⴰⵡⵍⴰⵏ ⵏ ⵢⵉⵣⴻⵔⴼⴰⵏ ⵏ ⵜⵍⴰⵡⵉⵏ ⵉ ⵜⴻⵔⵣⴰ ⵜⴻⵎⵙⴰⵍⵜ ⵏ ⵍⴼⴰⵢⴷⴰ ⵙⴻⴳ ⵜⴻⵙⵜⴰⵖⵜ ⵢⴻⵜⵜⵡⴰⵣⴻⵏⴼⴻⵏ.
Ɛⵍⴰ ⵃⵙⴰⴱ ⵏ ⵡⴰⴽⴰⵜⴻⵏ-ⴰ ⴰⵎⴰⵢⵏⵓⵜ, ⵣⴻⵎⵔⴻⵏⵜ ⵜⵉⴷ ⵜⴻⵔⵣⴰ ⵜⴻⵎⵙⴰⵍⵜ ⴰⴷ ⴼⴽⴻⵏⵜ ⵢⵉⵡⴻⵏ ⵏ ⵓⵙⴻⵖⵔⵓ ⵏ ⵍⵃⴻⵔⵎⴰ ⵖⴻⴼ ⵡⴰⵔ ⵣⵣⵡⴰǧ ⵏⴻⵖ ⴰɛⵉⵡⴻⴷ ⵏ ⵣⵣⵡⴰǧ ⴷ ⵡⴰⵔ ⴰⵎⴰⵀⵉⵍ ⴰⵎⵙⴰⴷⵓⵔ ⵢⴻⵜⵜⵡⴰⵅⴻⵍⵍⵚⴻⵏ ⵏⴻⵖ ⵓⵔ ⵏⴻⵜⵜⵡⴰⵅⴻⵍⵍⴰⵚ ⴰⵔⴰ ⵢⴻⵜⵜⵡⴰⵣⴻⵎⵍⴻⵏ ⵙⵖⵓⵔ ⵜⵉⵏ ⵜⴻⵔⵣⴰ ⵜⴻⵎⵙⴰⵍⵜ ⵢⴻⵔⵏⴰ ⵢⴻⵜⵜⵡⴰⵙⴻⴷⴷⴻⵇ ⴷⴻⴳ ⵢⵉⵎⴻⵥⵍⴰ ⵏ ⵜⵖⵉⵡⴰⵏⵜ, ⴷ ⵜⴰⴼⵜⴰⵔⵜ ⵉ ⴷ-ⵢⴻⵇⵇⴰⵎⴻⵏ ⵉ ⵓⵙⴻⵏⵜⴻⵎ ⵏ ⵡⴰⴷⴷⴰⴷ-ⵏⵙⴻⵏⵜ ⴰⵏⵎⴻⵜⵜⵉ.
ⵢⵓⵙⴰ-ⴷ ⵡⴰⵢⴰ ⴷⴻⴳ ⵓⵎⴽⴰⵏ ⵏ ⵓⵙⵓⵜⴻⵔ ⵏ ⵜⵙⴻⵔⵜⵉⵢⵉⵏ ⵏ ⵡⴰⵔ ⵣⵣⵡⴰǧ ⵏⴻⵖ ⴰɛⵉⵡⴻⴷ ⵏ ⵣⵣⵡⴰǧ ⴷ ⵜⵙⴻⵔⵜⵉⵜ ⵏ ⵡⴰⵔ ⴰⵎⴰⵀⵉⵍ, ⵙ ⵜⵓⴽⴽⵙⴰ ⵏ ⵛⵛⴻⵔⵟ ⵏ ⵓⵃⴻⴹⴹⴻⵔ ⵏ ⵙⵉⵏ ⵏ ⵢⵉⵏⵉⴳⴰⵏ, ⴷ ⵡⴰⵢⴻⵏ ⵉ ⴷ-ⵢⴻⵜⵜⴰⵡⵉ ⵙⴻⴳ ⵡⵓⴳⵓⵔⴻⵏ ⴷ ⵢⵉⵙⴻⵎⵥⵉⵢⴻⵏ ⵉⴷⴻⴱⵍⴰⵏⴻⵏ, ⴰⴽⴽⴻⵏ ⵉ ⴷ-ⵢⴻⴷⴷⴰ ⴷⴻⴳ ⵡⵓⵍⵖⵓ.
ⵙⴻⴳ ⵢⵉⴷⵉⵙ ⵏⵏⵉⴹⴻⵏ, ⴰⴷ ⵜⵜⵡⴰⵊⴻⵀⴷⴻⵏⵜ ⵜⵎⴻⵀⴰⵍⵉⵏ ⵏ ⵓⵙⴻⵏⵇⴻⴷ ⵖⴻⴼ ⵜⵉⴷⴻⵜ ⵏ ⵢⵉⵙⴰⵍⵍⴻⵏ ⵉ ⴷ-ⵢⴻⵜⵜⵡⴰⵙⴻⵖⵔⵓⵏ, ⵙ ⵓɛⴻⴷⴷⵉ ⵏ ⵢⵉⵙⴻⴼⴽⴰ ⴰⴽⴽⴻⴷ ⵢⵉⵎⵓⴽⴰⵏ ⵓⵎⴹⵉⵏⴻⵏ ⵢⴻⵎⴳⴰⵔⴰⴷⴻⵏ ⵢⴻⵍⵍⴰⵏ ⴷ ⵓⵙⵎⴰⵢⵏⵓ ⵏ ⵡⴰⴷⴷⴰⴷⴻⵏ ⵉⵏⵎⴻⵜⵜⵉⵢⴻⵏ ⵎⵉ ⴰⵔⴰ ⵢⵉⵍⵉ ⵍⵃⴰⵍ.
ⵢⴻⵜⵜⴰⴽ-ⴷ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⴻⵙⵜⴰⵖⵜ ⵙ ⵓⵙⵎⴻⵍ-ⵉⵙ ⴰⵍⵉⴽⵜⵔⵓⵏⴰⵏ ⵜⴰⴳⵏⵉⵜ ⵏ ⵓⵙⴰⴷⴻⵔ ⵏ ⵜⴻⴼⵜⴰⵔⵉⵏ ⵉ ⵉⵡⵓⵍⵎⴻⵏ ⵙ ⵍⴱⴻɛⴷ, ⵡⴰⵔ ⵎⴰ ⵢⴻⵍⵍⴰ ⵍⵃⴰⵍ ⵉ ⵓɛⴻⴷⴷⵉ ⵖⴻⵔ ⵜⵏⴻⴳⴳⴰ ⵜⴰⴷⵉⴳⴰⵏⵜ.
ⵉⵡⴻⴽⴽⴻⴷ-ⴷ ⵓⵙⴻⵏⴷⵓⵇ ⴷⴻⴳ ⵡⵓⵍⵖⵓ-ⵉⵏⴻⵙ ⴰⴽⴻⵎⵎⴻⵍ ⵏ ⵡⵓⵙⵙⵉⵙⴻⵏ-ⵉⵙ ⵉ ⵢⴻⵙɛⴰⵏ ⵉⵙⵡⵉ ⵏ ⵓⵙⵎⴰⵢⵏⵓ ⵏ ⵢⵉⵎⴻⵥⵍⴰ ⴷ ⵓⵙⵉⵙⵀⴻⵍ ⵏ ⵡⴰⴽⴰⵜⴻⵏ ⵉⴷⴻⴱⵍⴰⵏⴻⵏ ⴷ ⵓⵙⵏⴻⵔⵏⵉ ⵏ ⵜⵖⴰⵔⴰ ⵏ ⵓⵎⴻⵥⵍⵓ ⴰⵣⴰⵢⴰⵣ, ⵙ ⵡⴰⵢⴻⵏ ⵉ ⴷ-ⵢⴻⵜⵜⴰⴽⴽⴻⵏ ⴰⵃⵔⴰⵣ ⵉⴼⴰⵣⴻⵏ ⵉ ⵢⵉⵎⴻⵙⵜⴰⵖⴻⵏ ⴷ ⵢⵉⵎⴰⵡⵍⴰⵏ ⵏ ⵢⵉⵣⴻⵔⴼⴰⵏ, ⵢⴻⵔⵏⴰ ⵢⴻⵙⵙⵊⴻⵀⴰⴷ ⴰⴱⵔⵉⴷ ⵏ ⵓⵙⵇⴻⵔⵔⴻⴱ ⵏ ⵜⴻⴷⴱⴻⵍⵜ ⵖⴻⵔ ⵓⵖⴻⵔⵎⴰⵏ, ⴷ ⴰⵢⴻⵏ ⵉ ⴷ-ⵢⴻⵍⵍⴰⵏ ⴷ ⴰⵙⴻⵍⴽⴻⵎ ⵉ ⵍⴻⵡⵚⴰⵢⴰⵜ ⵏ ⵓⵏⴻⵖⵍⴰⴼ ⵏ ⵓⵎⴰⵀⵉⵍ, ⴰⵙⴻⵎⵔⴻⵙ ⴷ ⵓⴹⵎⴰⵏ ⴰⵏⵎⴻⵜⵜⵉ.

