ⴰⵏⴻⵖⵍⴰⴼ ⵏ ⵜⴱⴰⴹⵏⵉⵜ ⴷ ⵜⴻⵖⵡⴰⵍⵜ, ⵙⵉⴷ ⴰⵍⵉ ⵣⴻⵔⵔⵓⴽⵉ, ⵢⴻⴹⴼⴻⵔ ⴰⵙⵙ ⵏ ⵍⵃⴻⴷⴷ, ⴷⴻⴳ ⵓⵡⴰⵏⴰⴽ ⵏ ⵙⴽⵉⴽⴷⴰ, ⴰⵙⴻⵔⵙⵉ ⵏ ⵓⵥⵔⵓ ⵏ ⵍⵍⵙⴰⵙ ⵉ ⵓⴽⴻⵎⵎⴻⵍ ⵏ ⵜⵏⴻⵇⵇⵉⴹⵜ ⵏ ⵓⵖⴻⵍⵍⵓⴳ ⵏ ⵓⵥⴻⴹⴹⴰ ⵏ ⵍⴼⵉⴱⴻⵔ optik ⵏ ⴷⴷⴰⵡ ⵢⵉⵍⴻⵍ « Medusa » ⴷⴻⴳ ⵜⵖⵉⵡⴰⵏⵜ ⵏ ⴻⵍ ⴽⴰⵍⴰ, ⵖⴻⴼ ⵡⴰⴽⴽⴻⵏ ⴰⵢ ⴷⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵓⵖⵍⵉⴼ.
".
ⵢⴻⵔⵏⴰ ⵢⴻⵏⵏⴰ-ⴷ ⵓⵍⵖⵓ-ⴰ ⴷⴰⴽⴽⴻⵏ "ⴰⵙⴻⵏⴼⴰⵔ-ⴰ ⴰⵙⵜⵔⴰⵜⵉⵊⵉ, ⵉ ⵢⴻⴱⴷⴰ ⵍⴻⴱⵏⵉ-ⵏⵏⴻⵙ ⴷⴻⴳ ⵜⵓⴱⴻⵕ ⵢⴻⵣⵔⵉⵏ ⵙⴻⴳ ⵓⵙⴰⴳⴻⵏ ⵏ ⵍⴷⵣⴰⵢⴻⵔ, ⵢⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵓⵙⴻⵊⵀⴻⴷ ⵏ ⵜⴷⵓⵎⵚⵓⴽⵉⵏ ⵜⵉⵖⴻⵍⵏⴰⵡⵉⵏ ⵏ ⵜⵉⵍⵉⴼⵓⵏ ⴷ ⵓⵄⴰⵡⴻⵏ ⵏ ⵜⵓⵇⵇⵏⴰ ⵜⴰⴳⵔⴰⵖⵍⴰⵏⵜ ⵢⴻⵙⵄⴰⵏ ⵜⴰⵣⵎⴻⵔⵜ ⵜⴰⵎⴻⵇⵔⴰⵏⵜ". ⵖⴻⴼ ⵍⴻⵃⵙⴰⴱ ⵏ ⵡⴻⵍⵖⵓⴰ, ⴰⵥⴻⴹⴹⴰ ⵏ Medusa « ⵢⴻⵙⵄⴰ ⵓⴳⴰⵔ ⵏ 8.700 ⵏ ⵢⵉⴽⵉⵍⵓⵎⵉⵜⵔⴻⵏ, ⵢⴻⵔⵏⴰ ⵢⴻⵇⵇⴻⵏ ⵓⴳⴰⵔ ⵏ 10 ⵏ ⵜⵎⵓⵔⴰ ⴷⴻⴳ ⵢⵉⵍⴻⵍ ⴰⴳⵔⴰⴽⴰⵍ, ⵢⴻⵔⵏⴰ ⵢⴻⵙⵄⴰ ⵜⴰⵣⵎⴻⵔⵜ ⵏ ⵓⵙⵙⴻⵇⴷⴻⵛ ⵏ ⵡⴰⵣⴰⵍ ⵏ 20 ⵏ ⵢⵉⵜⴻⵔⴰⴱⵉⵜⴻⵏ ⴷⴻⴳ ⵜⴻⵙⴷⵉⴷⵜ, ⴷⵖⴰ ⴷ ⴰⵢⴰ ⴰⵢ ⵜⵢⴻⴵⴵⴰⵏ ⴰⴷ ⵢⵉⵍⵉ ⴷ ⵢⵉⵡⴻⵏ ⵙⴻⴳ ⵢⵉⵙⴻⵏⴼⴰⵔⴻⵏ ⵉⵎⴻⵇⵔⴰⵏⴻⵏ ⴰⴽⴽ ⵏ ⵓⵥⴻⴹⴹⴰ ⵏ ⴷⴷⴰⵡ ⵢⵉⵍⴻⵍ ⴷⴻⴳ ⵜⴻⵎⵏⴰⴹⵜⴰ ».
ⴰⵙⴻⵏⴼⴰⵔ-ⴰ, ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⵏⵏⵉ, ⵢⴻⵍⵍⴰ ⴷⴻⴳ-ⵙ « ⵙⵏⴰⵜ ⵏ ⵜⵏⴻⵇⵇⵉⴹⵉⵏ ⵏ ⵓⵖⴻⵍⵍⴻⵜ ⴷⴻⴳ ⵍⴷⵣⴰⵢⴻⵔ, ⵢⵉⵡⴻⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵜⴰⵢⴻⴹ ⴷⴻⴳ ⴻⵍ ⴽⴰⵍⴰ, ⵙ ⵜⵓⵇⵇⵏⴰ ⵜⵓⵙⵔⵉⴷⵜ ⵖⴻⵔ ⵜⴻⵖⵙⴰⵔ ⵏ ⵓⵏⵥⵓⵍ ⵏ ⵜⵓⵕⵓⴼⵜ ». ⵜⴰⵖⴱⴰⵍⵓⵜⴰ ⵜⴻⵙⵙⴽⴰⵏⴰⵢⴷ ⴷⴰⴽⴽⴻⵏ ⴰⵙⴻⵏⴼⴰⵔⴰ ⵢⴻⵙⵄⴰ ⵉⵙⵡⵉ ⵏ « ⵓⵙⵙⴻⴹⵔⵓ ⵏ ⵓⵙⵓⵜⴻⵔ ⴰⵢ ⵍⴰ ⵢⴻⵜⵜⵉⵎⵖⵓⵔⴻⵏ ⵏ ⵢⵉⵡⴻⵥⵍⴰ ⵏ ⵉⵏⵜⴻⵔⵏⴻⵜ ⵙ ⵜⵖⴰⵡⵍⴰ, ⵍⴰⴷⵖⴰ 5ⵖ ⴷ ⵓⵙⴻⵍⴽⵉⵎ ⵏ ⵢⵉⴳⴻⵏⵏⵉ, ⴷ ⵓⵙⵏⴻⵔⵏⵉ ⵏ ⵜⵖⴻⵍⵍⵉⵙⵜ ⴷ ⵜⴽⴻⵎⵎⵉⵍⵜ ⵏ ⵢⵉⵥⴻⴹⵡⴰⵏ ⵉⵎⴰⴹⵍⴰⵏⴻⵏ ⵙ ⵓⵙⵙⴻⵎⵖⴻⵔ ⵏ ⵢⵉⴱⴻⵔⴷⴰⵏ ⵏ ⵢⵉⵥⴻⴹⵡⴰⵏ ⵉⵎⴰⴹⵍⴰⵏⴻⵏ, ⵙ ⵡⴰⵢⴰ, ⴰⴷ ⵜⴻⵙⵙⴻⵊⵀⴻⴷ ⵜⴰⵎⵍⵉⵍⵜ ⵏ ⴷ ⴰⵃⵔⵉⵛ ⴰⵙⵜⵔⴰⵜⵉⵊⵉ ⵏ ⵜⵓⵇⵇⵏⴰ ⵜⴰⵎⴰⴹⵍⴰⵏⵜ ⴳⴰⵔ Uⵔⵓⵒⴰ ⴷ ⵟⴻⴼⵔⵉⵇⵜ ⵓⵙⵔⵉⴷ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⵔⵉⵛ ⵏ ⵓⵙⵏⴻⵔⵏⵉ ⵏ ⵢⵉⵖⴱⵓⵍⴰ ⵏ ⵓⵙⵏⴻⴼⵍⵉ ⵏ ⵉⵏⵜⴻⵔⵏⴻⵜ." ⵜⴰⵖⴱⴰⵍⵓⵜⴰ ⵜⴻⴳⵣⴻⵎⴷ ⴷⴰⴽⴽⴻⵏ ⴰⴽⴰⵍⴰⴰ ⵢⴻⵖⵍⵉⴷ « ⴷⴻⴳ ⵢⵉⵡⴻⵏ ⵏ ⵡⴰⴽⵓⴷ ⴰⵢ ⴷⵢⴻⴱⴷⴰⵏ ⴷⴻⴳ 2020, ⵢⴻⵔⵏⴰ ⵢⴻⴹⴹⴻⴼⴷ ⵜⵉⴳⵏⴰⵜⵉⵏ ⵏ ⵜⴻⵣⵔⴰⵡⵜ ⴷ ⵍⴻⵄⵇⴻⴷ, ⵙⴰⴽⴽⵉⵏ ⴰⴷ ⴷⵜⴻⴹⴼⴻⵔ ⵜⵉⴳⵏⴰⵜⵉⵏ ⵏ ⵓⵙⵙⴻⴼⵔⴻⴽ ⴳⴰⵔ 2023 ⴷ 2026, ⵢⴻⵔⵏⵓ ⴰⴷ ⴷⵢⵉⵍⵉ ⵓⵃⵔⵉⵛ ⵏ ⵡⴻⴳⵎⵓⴹ ⵏ ⵓⵙⴻⵏⴼⴰⵔⴰ ⴷⴻⴳ ⵜⴳⴰⵔⴰ ⵏ 2026 ⵢⴻⵔⵏⵓ ⴰⴷ ⴷⵢⴻⴱⴷⵓ ⵙ ⵍⴻⴽⵎⴰⵍⵏⵏⴻⵙ ⴷⴻⴳ 2020 ».
ⴰⵔⵏⵓ ⵖⴻⵔ
