ⵢⴻⵜⵜⵡⴰⵇⵇⴻⵔ ⵓⵙⴻⵔⵙ ⵏ 13 ⵏ ⵢⵉⵎⵛⴻⴽⴽⵓⵜⴻⵏ (ⴰⵛⵛⵓⵙéⵙ) ⴷⴰⵅⴻⵍ ⵏ ⵍⵀⴻⴱⵙ ⵉ ⵍⵡⴻⵇⵜ (ⴷéⵜⴻⵏⵜⵉⵓⵏ ⵃⵔⵓⵠⵉⵙⵓⵉⵔⴻ) ⴷ ⵓⵙⴻⵔⵙ ⵏ 28 ⵏⵏⵉⴹⴻⵏ ⵙ ⴷⴷⴰⵡ ⵏ ⵓⴹⴼⴰⵔ ⵏ ⵍⵇⴰⵏⵓⵏ, ⴷⴻⴳ ⵜⴰⵎⵙⴰⵍⵜ ⵢⴻⵇⵇⵏⴻⵏ ⵖⴻⵔ ⵓⵙⴻⵎⵔⴻⵙ ⵏ ⴷⵉⵔⵉ ⵏ ⵓⵎⴻⵀⵍⴰⵏ, ⵓⵙⴻⵎⵔⴻⵙ ⵏ ⵍⵯⴻⵀⴷ ⵉ ⵜⵓⵛⵟⴰ, ⵓⴼⵔⵓⵔⵉ ⵏ ⵢⴻⴷⵔⵉⵎⴻⵏ ⵏ ⴱⴰⵢⵍⴻⴽ, ⴷ ⵓⵥⴻⵢⵢⴻⵔ ⵏ ⵢⵉⵍⵓⴳⴰⵏ ⵏ ⵜⵣⴻⵎⵎⵉⵍⵉⵏ ⵏ ⴱⴰⵢⵍⴻⴽ ⴷ ⵓⵙⵙⵉⵣⴷⴻⴳ ⵏ ⵢⴻⴷⵔⵉⵎⴻⵏ, ⴷⴻⴳ ⵓⵏⴰⴳⵔⴰⵡ ⵏ ⵓⵎⴻⵀⵍⴰⵏ ⵏ ⵓⵙⵙⴻⴽⵛⴻⵎ ⵏ ⵢⵉⵙⴼⵍⴻⵏ ⵏ ⵍⵄⵉⴷ ⵏ ⵜⵙⴻⵎⵎⵓⵙⵜ (ⴰⴷⵀⴰ) ⵏ ⵓⵙⴻⴳⴳⴰⵙ 2026. ⴰⵢⴰⴳⵉ ⵉ ⴷ-ⵢⴻⵏⵏⴰ ⵡⴰⵙⵙ-ⴰ ⵏ ⵙⵙⴻⴱⵜ ⵓⵏⴱⴻⴷⴷⴰⴷ ⴰⵎⴰⵜⵓ (ⵃⵔⵓⵛⵓⵔⴻⵓⵔ ⴳéⵏéⵔⴰⵍ) ⵏ ⵓⵙⵇⴰⵎⵓ ⵏ ⵜⴻⵖⴷⴻⵎⵜ ⵏ ⵍⴻⵣⵣⴰⵢⴻⵔ, ⵎⴰⵙⵙ ⵎⵓⵀⴰⵎⴻⴷ ⴻⵍ ⴽⴰⵎⴰⵍ ⴱⴻⵏ ⴱⵓⵓⴷⵉⴰⴼ.
ⴷⴻⴳ ⵜⵣⵢⴰⵔⵜ ⵏ ⵢⵉⵙⴰⵍⵍⴻⵏ, ⵉⵙⴻⴳⵣⵉ-ⴷ ⴱⴻⵍⵍⵉ 41 ⵏ ⵢⵉⵎⴷⴰⵏⴻⵏ ⵉ ⵢⴻⵜⵜⵡⴰⵃⵙⴻⴱⴻⵏ ⵜⵜⵡⴰⵙⴻⵏⴽⴻⵏ ⵣⴷⴰⵜ ⵏ ⵓⵎⵓⵍⴰⵙ ⵏ ⵜⴻⴳⴷⵓⴷⴰ ⵏ ⵓⴳⴻⵞⴷⵉ ⵏ ⵜⴷⴰⵎⵙⴰ, ⴷⴻⴳ ⵜⴰⵎⵙⴰⵍⵜ ⵏ ⵜⵓⵛⵟⴰ ⴷⴻⴳ ⵓⵙⵙⴻⴽⵛⴻⵎ ⵏ ⵓⵎⴻⵍⵢⵓⵏ ⵏ ⵢⵉⵣⴰⵎⴰⵔⴻⵏ. ⵙⴷⴻⴼⴼⵉⵔ ⵓⴽⴰⵢⴰⴷ ⵏ ⵓⵏⴰⴷⵉ, ⵇⴰⴷⵉ ⵢⴻⵏⵏⴰ-ⴷ ⴰⴷ ⴷ-ⵢⵉⵍⵉ ⵓⵙⴻⵔⵙ ⵏ 13 ⴷⴰⵅⴻⵍ ⵏ ⵍⵀⴻⴱⵙ, ⵎⴰ ⴷ ⵡⵉⵢⴰⴹ ⵙ ⴷⴷⴰⵡ ⵏ ⵓⴹⴼⴰⵔ ⵏ ⵍⵇⴰⵏⵓⵏ.
ⵓⵏⴱⴻⴷⴷⴰⴷ ⴰⵎⴰⵜⵓ ⵢⴻⵏⵏⴰ-ⴷ ⴱⴻⵍⵍⵉ ⵉⵏⴰⴷⵉⵢⴻⵏ ⴱⴷⴰⵏ ⴰⵎⴻⵀⵍⴰⵏ-ⵏⵙⴻⵏ ⵙⴷⴻⴼⴼⵉⵔ ⵎⴰ ⵡⴰⵍⴰⵏ ⵢⵉⴳⵎⴰⴷ ⵓⵔ ⵏⵓⵙⵙⵍⵉⴼ ⴰⵔⴰ ⴷⴻⴳ ⵓⴱⵔⵉⴷ ⵏ ⵓⵙⵙⴻⴽⵛⴻⵎ ⵏ ⵢⵉⵙⴼⵍⴻⵏ. ⴰⵏⴰⴷⵉ ⵉⵙⴱⴻⴳⴳⴻⵏ-ⴷ ⵜⵓⵛⵟⵉⵡⵉⵏ ⴷⴻⴳ ⵙⵉⵏ ⵏ ⵢⵉⵃⵔⵉⵛⴻⵏ:
- ⴰⵃⵔⵉⵛ ⵏ ⵙⵙⴻⵃⵃⴰ: ⵙⵙⵓⴽⵙⴻⵏ-ⴷ 1.002.332 ⵏ ⵢⵉⵣⴰⵎⴰⵔⴻⵏ, ⵍⴰⵎⴻⵄⵏⴰ ⴷⴻⴳ ⵓⵙⴰⴳⵡⴻⵏ ⵏ ⴱⴳⴰⵢⴻⵜ, ⵜⴰⵎⴻⵚⴼⴰⵢⵜ ⵏ ⵜⴻⵙⵏⵉⵊⵊⵉⵜ ⵏ ⵢⵉⵖⴻⵔⵙⵉⵡⴻⵏ ⵜⵓⵔⴰ-ⴷ ⵉⵙⴰⵍⵉ ⵖⴻⴼ "ⵢⵉⵜⵎⴰⵜⴻⵏ ⵏ ⵡⴰⵟⴰⵏ ⵉⵅⴻⵚⵚⴻⵏ". ⴰⵢⴰⴳⵉ ⵢⴻⴳⵍⴰ-ⴷ ⵙ ⵍⵎⵓⵜ ⵏ 3615 ⵏ ⵢⵉⵣⴰⵎⴰⵔⴻⵏ ⴷ ⵜⵎⴻⵣⵍⵉⵡⵜ ⵏ 10.727 ⵏⵏⵉⴹⴻⵏ.
- ⴰⵃⵔⵉⵛ ⵏ ⵢⴻⴷⵔⵉⵎⴻⵏ: ⵓⴼⴰⵏ-ⴷ ⵉⵏⴰⴳⴰⵏ ⵏ ⵍⵯⴻⵀⴷ ⵖⴻⴼ ⵓⵄⴻⴷⴷⵉ ⵖⴻⴼ ⵢⵉⵍⵓⴳⴰⵏ ⵏ ⵓⵎⵉⵣⵣⵡⴻⵔ ⴷ ⵜⵣⴻⵎⵎⵉⵍⵉⵏ ⵏ ⴱⴰⵢⵍⴻⴽ. ⵎⵓⴷⴷⵓⵏ ⴰⵎⵓⵔ ⴰⵎⴻⵇⵇⵔⴰⵏ ⵏ ⵜⵣⴻⵎⵎⵉⵍⵜ ⵉ ⴽⵓⵣ (04) ⵏ ⵢⵉⵎⴰⵙⵡⴰⵢⴻⵏ ⴽⴰⵏ.
ⴷⴰⵖⴻⵏ, ⵓⴼⴰⵏ-ⴷ ⴰⵙⵡⵉⵔ ⵏ ⵙⵙⵓⵎⴰ ⵓⵔ ⵏⴻⵓⵣⵉⵏ ⴰⵔⴰ, ⵎⴰ ⴷ ⵉⵣⵉⵎⴻⵔ ⵉ ⴷ-ⵢⵓⵣⵍⴻⵏ ⵙ ⵓⴱⵔⵉⴷ ⵏ ⵜⴳⵏⴰⵡⵜ (ⴰⵠⵉⵓⵏ) ⵉⵡⵡⴹ-ⴻⴷ ⵙⵙⵓⵎⴰ-ⵙ 900 ⴻⵓⵔⵓ. ⵉⵏⴰⴷⵉⵢⴻⵏ ⵍⵎⴻⵏⵜ ⵉⵎⴷⴻⴱⴱⵔⴻⵜ ⵏ ⵜⴽⴻⴱⴱⴰⵏⵉⵜ ⵏ ⵍⴻⵣⵣⴰⵢⴻⵔ ⵉ ⵡⴻⴽⵙⵓⵎ ⴰⵣⴻⴳⴳⴰⵖ (ⴰⵍⵠⵉⴰⵔ).
ⴷⴻⴳ ⵜⴰⴳⴳⴰⵔⴰ, ⵎⴰⵙⵙ ⴱⴻⵏ ⴱⵓⵓⴷⵉⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵖⴷⴻⵎⵜ ⴰⴷ ⵜⵅⴷⴻⵎ ⵙ ⵍⵯⴻⵀⴷ ⵎⴳⴰⵍ ⵜⴰⵎⵙⴰⵍⵜ-ⴰⴳⵉ ⴰⵛⴽⵓ ⵜⵜⴻⴽⴽⵉ ⴷⴻⴳ-ⵙ ⵜⴷⵔⵉⵎⵜ ⵜⴰⵎⴻⵇⵇⵔⴰⵏⵜ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
