ⵙⴻⵔⵙⴻⵏ ⵢⵉⵎⴻⵥⵍⴰ ⵏ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵜⴰⴳⴻⵏⵙⴰⵏⵜ ⴷ ⵓⵙⵉⵙⴻⵖ ⵏ ⵙⵙⵓⵇ ⴰⵖⴻⵍⵏⴰⵡ ⵢⵉⵡⴻⵏ ⵏ ⵡⴰⵀⵉⵍ ⵓⵣⵣⵉⴳ ⵉ ⵓⴹⵎⴰⵏ ⵏ ⵓⵙⴻⵞⵞⴻⵡ ⴰⵏⴰⵎⴽⵓⴷ ⵏ ⵢⵉⵖⵉⵡⴰⵏⴻⵏ ⵙ ⵢⵉⵙⵓⴼⴰⵔ ⴷ ⵜⵏⴻⴼⴼⵓⵜⵉⵏ ⵢⴻⵟⵟⵓⵇⵜⴻⵏ ⵓⵙⴻⵇⴷⴻⵛ, ⴷⵖⴰ ⵖⴻⴼ ⵜⵎⴻⵖⵔⴰ ⵏ ⵍⵄⵉⴷ ⵏ ⵍⴼⴻⵟⵔ ⵢⴻⴱⴱⵓⵔⴽⴻⵏ ⵏ ⵓⵙⴻⴳⴳⴰⵙ 2026, ⵙ ⵡⴰⴽⴽⴻⵏ ⵉ ⴷ-ⵢⴻⵡⵡⵉ ⵓⵍⵖⵓ ⵏ ⵜⵖⴻⵍⴼⵜ.
ⵖⴻⴼ ⵡⴰⵢⴰ, ⵜⴻⵙⵙⴻⴱⴳⴻⵏ-ⴷ ⵜⵖⴻⵍⴼⵜ ⴷⴻⴳ ⵡⵓⵍⵖⵓ-ⴰ ⴱⴻⵍⵍⵉ ⵢⴻⵜⵜⵡⴰⵀⴻⴳⴳⴰ "2865 ⵏ ⵢⵉⵄⴻⵡⵡⴰⵏⴻⵏ ⵏ ⵓⵙⴻⴼⵔⴰⴽ (agents de contrôle) ⵖⴻⴼ ⵜⴻⵖⵣⵉ ⵏ ⵡⴰⴽⴰⵍ ⴰⵖⴻⵍⵏⴰⵡ ⵎⴻⵕⵕⴰ ⵉ ⵡⴰⴽⴽⴻⵏ ⴰⴷ ⴹⴻⴼⵔⴻⵏ ⴰⵙⴻⵍⴽⴻⵎ ⵏ ⵡⴰⵀⵉⵍ ⵏ ⵢⵉⴱⴻⴷⴷⵉⵢⴻⵏ (mudauma), ⵉ ⵡⵓⵎⵉ ⴷ-ⵜⵜⵡⴰⵙⴻⵔⵙⴻⵏ 55.743 ⵏ ⵢⵉⵎⴻⵣⵣⴰⵏⴻⵏ, ⴳⴰⵔ-ⴰⵙⴻⵏ 6617 ⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ ⵏ ⵜⴻⵎⵅⵓⴱⵣⴰ, 30.538 ⴷⴻⴳ ⵓⵃⵔⵉⵛ ⵏ ⵍⵇⵓⵜ ⴰⵎⴰⵜⵓ ⴰⴽⴽⴻⴷ ⵍⵅⴻⴷⵔⴰ ⴷ ⵍⴼⴰⴽⵢⴰ, 18.042 ⴷⴻⴳ ⵓⵃⵔⵉⵛ ⵏ ⵢⵉⵔⵎⵓⴷⴻⵏ ⵉⵎⵅⴰⵍⵍⴰⴼⴻⵏ, ⴰⴽⴽⴻⴷ 546 ⵏ ⵜⵎⴻⵍⵍⴰⵍⵉⵏ ⵏ ⵓⴼⴰⵔⴻⵙ (154 ⵏ ⵜⴻⵎⵍⴰⴱⴱⴰⵏⵉⵏ, 345 ⵏ ⵜⵉⵙⵢⴰⵔ, ⴷ 47 ⵏ ⵜⵎⴻⵍⵍⴰⵍⵉⵏ ⵏ ⵓⴼⴰⵔⴻⵙ ⵏ ⵡⴰⵎⴰⵏ ⵉⵎⵉⵏⵉⵔⴰⵍⴻⵏ)".
ⵖⴻⴼ ⵡⴰⵢⴰ, ⵜⴻⵖⵔⴰ-ⴷ ⵜⵖⴻⵍⴼⵜ, ⵉ ⴷ-ⵢⴻⵔⵏⴰ ⵡⵓⵍⵖⵓ, "ⵉⵖⵉⵡⴰⵏⴻⵏ ⵉ ⵡⴰⴽⴽⴻⵏ ⴰⴷ ⵙⵇⴻⴷⵛⴻⵏ ⴰⵙⵏⴰⵙ ⴰⵍⵉⴽⵟⵔⵓⵏⵉ "ⵎⵓⵔⴰⴼⴻⵇ ⴽⵓⵎ" ⵉ ⵡⴰⴽⴽⴻⵏ ⴰⴷ ⵡⴰⵍⵉⵏ ⵓⵎⵓⵖ ⵏ ⵢⵉⵎⴻⵣⵣⴰⵏⴻⵏ ⵢⴻⵍⵍⴰⵏ ⴷⴻⴳ ⵓⴱⴻⴷⴷⵉ ⴷⴻⴳ ⵡⵓⵙⵙⴰⵏ ⵏ ⵍⵄⵉⴷ, ⴷ ⵡⴰⵎⴻⴽ ⴰⵔⴰ ⴷ-ⴰⴼⴻⵏ ⵉⵎⵓⴽⴰⵏ-ⵏⵙⴻⵏ ⵙ ⵙⵙⴻⵀⴰⵍⴰ, ⴰⵢⴻⵏ ⴰⵔⴰ ⵜⴻⵏ-ⵢⴻⴻⵏ ⴰⴷ ⴰⵡⵉⵏ ⵉⵙⵓⴼⴰⵔ ⴷ ⵜⵏⴻⴼⴼⵓⵜⵉⵏ ⵢⴻⵍⵣⵎⴻⵏ ⴷⴻⴳ ⵡⴻⵎⴽⴰⵏ ⵉ ⴷ-ⵉⵇⴻⵔⴱⴻⵏ ⵖⵓⵕ-ⵙⴻⵏ".
ⵜⴻⵖⵔⴰ-ⴷ ⴷⴰⵖⴻⵏ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵜⴰⴳⴻⵏⵙⴰⵏⵜ ⴷ ⵓⵙⵉⵙⴻⵖ ⵏ ⵙⵙⵓⵇ ⴰⵖⴻⵍⵏⴰⵡ "ⵎⴻⵕⵕⴰ ⵉⵎⵙⴻⴹⵔⵓⵢⴻⵏ ⵉⴷⴰⵎⵙⴰⵏⴻⵏ ⵉ ⴷ-ⵢⴻⵄⵏⴰ ⵍⵃⴰⵍ ⵉ ⵡⴰⴽⴽⴻⵏ ⴰⴷ ⵜⵜⴻⴽⴽⵉⵏ ⵙ ⵡⵓⴷⴻⵎ ⵓⴼⵔⵉⵏ ⴷⴻⴳ ⵓⵙⴻⵙⵍⴻⴽ ⵏ ⵡⴰⵀⵉⵍ ⵏ ⵓⴱⴻⴷⴷⵉ, ⴰⵎ ⵡⴰⴽⴽⴻⵏ ⵉ ⴷ-ⵜⴻⵙⵎⴻⴽⵜⴰⵢ ⴷⴻⴳ ⵍⵡⴻⵇⵜ-ⵏⵏⵉ ⴷⴰⵖⴻⵏ ⵙ ⵜⵓⵖⴰⵍⵉⵏ ⵢⴻⵍⵣⵎⴻⵏ ⵖⴻⵔ ⵓⵔⵎⵓⴷ ⴰⵏⴻⵣⵣⴰⵏ ⵙⵔⵉⴷ ⴷⴻⴼⴼⵉⵔ ⵢⵉⵎⵓⵔⴰⵙ ⵏ ⵍⵄⵉⴷ ⵏ ⵍⴼⴻⵟⵔ ⵢⴻⴱⴱⵓⵔⴽⴻⵏ, ⵖⴻⴼ ⵍⴻⵃⵙⴰⴱ ⵏ ⵢⵉⵙⵓⴹⴰⴼ ⵉⵙⵓⴷⴷⴻⵙⴻⵏ ⵉⵎⵓⵔⴰⵙ ⴷⴻⴳ ⵜⵎⴻⵖⵔⵉⵡⵉⵏ ⵜⵉⵖⴻⵍⵏⴰⵡⵉⵏ ⴷ ⵜⴷⴰⵢⴰⵏⵉⵏ, ⵉ ⵓⴹⵎⴰⵏ ⵏ ⵜⴽⴻⵎⵎⵉⵍⵜ ⵏ ⵓⵙⴻⵞⵞⴻⵡ ⵏ ⵙⵙⵓⵇ ⴰⵖⴻⵍⵏⴰⵡ ⴷ ⵓⵇⴰⴷⴻⵔ ⵏ ⵡⴰⵢⴻⵏ ⵙⵔⴰⵏ ⵢⵉⵖⵉⵡⴰⵏⴻⵏ".
ⴷⴻⴳ ⵜⴰⴳⴰⵔⴰ, ⵜⴻⵙⵙⴻⴷⵀⴰ-ⴷ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵜⴰⴳⴻⵏⵙⴰⵏⵜ ⴱⴻⵍⵍⵉ "ⵉⵎⴻⵥⵍⴰ-ⵉⵏⴻⵙ ⴰⴷ ⵇⵇⵉⵎⴻⵏ ⴷ ⵉⴱⴻⴷⴷⴰⴷⴻⵏ ⵖⴻⴼ ⵜⴻⵖⵣⵉ ⵏ ⵍⵡⵉⵍⴰⵢⴰⵜ ⵏ ⵜⵎⵓⵔⵜ ⵎⴻⵕⵕⴰ ⵉ ⵓⴹⴼⴰⵕ ⵏ ⵓⵙⴻⵍⴽⴻⵎ ⵏ ⵡⴰⵀⵉⵍ-ⴰ ⴷ ⵓⴹⵎⴰⵏ ⵏ ⵜⵉⴽⵍⵉ ⵢⴻⵍⵀⴰⵏ ⵏ ⵢⵉⵔⵎⵓⴷⴻⵏ ⵉⵏⴻⵣⵣⴰⵏⴻⵏ ⴷⴻⴳ ⵜⴻⴳⵏⵉⵜ-ⴰ ⵜⴰⴷⴰⵢⴰⵏⵜ, ⵉ ⵓⴹⵎⴰⵏ ⵏ ⵓⵙⵉⵍⴻⵖ ⵏ ⵢⵉⵙⵓⴼⴰⵔ ⴷ ⵜⵏⴻⴼⴼⵓⵜⵉⵏ ⵉ ⵢⵉⵖⵉⵡⴰⵏⴻⵏ ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ ⴰⴽⴽ".
ⴰⵔⵏⵓ ⵖⴻⵔ
