ⵜⵓⵔⴰ-ⴷ ⵡⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵓⵙⵇⴰⵎⵓ ⵏ ⵓⵏⵉⴳ, ⵉⵎⴰⵀⵉⵍⴻⵏ ⵏ ⵢⵉⵡⴻⵏ ⵏ ⵡⴻⴳⵔⴰⵡ ⴰⴱⴰⵔⵍⴰⵎⴰⵏ ⵙ ⵢⵉⵙⴻⵎ: "ⵜⵓⴷⴻⵔⵜ ⵙ ⵜⴷⵓⴽⵍⵉ ⴷⴻⴳ ⵍⴻⵀⵏⴰ: ⴰⵜⵜⴻⴽⴽⵉ ⵏ ⵢⵉⵎⵓⵅⵅⴰⵎⴻⵏ (penseurs) ⵍⴻⵣⵣⴰⵢⵔⵉⵢⴻⵏ ⴷⴻⴳ ⵜⴰⵍⵍⵉⵢⵉⵏ ⵏ ⵓⵎⴻⵣⵔⵓⵢ". ⴰⵢⴰⴳⵉ ⵢⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴼⴻⴳⴳⴻⵔ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵓⴷⴻⵔⵜ ⵙ ⵜⴷⵓⴽⵍⵉ ⴷⴻⴳ ⵍⴻⵀⵏⴰ, ⵉ ⴷ-ⵢⴻⵜⵜⴰⵙⴻⵏ ⴷⴻⴳ 16 ⵎⴰⵢⵓ ⵏ ⵢⴰⵍ ⴰⵙⴻⴳⴳⴰⵙ.
ⴷⴻⴳ ⵜⵎⴻⵙⵍⴰⵢⵜ ⵉ ⴷ-ⵢⴻⵡⵡⵉ ⴷⴻⴳ ⵓⵍⴷⴰⵢ ⵏ ⵢⵉⵎⴰⵀⵉⵍⴻⵏ ⵏ ⵡⴻⴳⵔⴰⵡ-ⴰⴳⵉ, ⵉ ⴷⴻⴳ ⵍⵍⴰⵏ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ, ⵎⴰⵙⵙ ⴱⵔⴰⵀⵉⵎ ⴱⵓⵓⴳⵀⴰⵍⵉ, ⴷ ⵢⵉⵎⴰⵙⵍⴰⴷⴻⵏ ⵏ ⵓⵏⴰⴱⴰⴹ, ⴷ ⵢⵉⵎⴹⴻⴱⴱⵔⴻⵏ ⵏ ⵜⵎⵓⵙⵏⵉⵡⵉⵏ ⵜⴰⵖⴻⵍⵏⴰⵡⵉⵏ ⴷ ⵓⵙⴻⵍⵡⴰⵢ ⵏ ⵓⴱⴻⵔⵍⴰⵎⴰⵏ ⴰⴼⵔⵉⴽⴰⵏ, ⵎⴰⵙⵙ ⴼⴰⵜⴻⵃ ⴱⵓⵓⵟⴱⵉⵇ, ⵉⵙⵙⴻⴽⵏⴻⴷ-ⴷ ⵎⴰⵙⵙ ⵏⴰⵚⵔⵉ ⴱⴻⵍⵍⵉ ⵓⵡⵡⵉ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ONU) ⵉ ⵜⵉⴳⴳⴰⵡⵜ ⵏ ⵍⴻⵣⵣⴰⵢⴻⵔ ⵖⴻⴼ "ⵡⴰⵙⵙ ⴰⵎⴰⴹⵍⴰⵏ ⵏ ⵜⵓⴷⴻⵔⵜ ⵙ ⵜⴷⵓⴽⵍⵉ ⴷⴻⴳ ⵍⴻⵀⵏⴰ" ⴷ "ⵓⵕⵓⵚⵓ ⴰⴳⵔⴻⵖⵍⴰⵏ" ⵉ ⵓⵎⴰⵀⵉⵍ ⵏ ⵍⴻⵣⵣⴰⵢⴻⵔ ⴰⵎ ⵜⵣⴻⵎⵎⴰⵔ ⵏ ⵓⵙⵓⵎⴻⵔ (proposition) ⴰⴷⵉⵒⵍⵓⵎⴰⵙⵉ. ⵍⴻⵣⵣⴰⵢⴻⵔ ⵜⴻⵙⵙⴰⵡⴻⴹ ⴰⴷ ⵜⴻⵔⵔ ⴰⴳⴻⵔⵔⵓⵊ-ⵉⵙ ⵏ ⵓⵎⴻⵣⵔⵓⵢ ⵉⵕⴻⵙⵙⴰⵏ ⵙ ⵓⵔⵎⵉⵜ (expérience) ⵏ ⵓⵎⵜⴰⵡⴰ ⵏ ⵍⴻⵀⵏⴰ ⴷ ⵜⵓⵙⵎⵉⵔⵜ ⵜⴰⵖⴻⵍⵏⴰⵡⵜ ⴷ ⴰⵎⴻⴷⵢⴰ ⵓⴼⵔⵉⵏ ⵓ ⴷ ⴰⵍⵍⴰⵍ ⵉ ⵓⵙⴻⴶⵀⴻⴷ ⵏ ⵍⴻⵀⵏⴰ ⴷⴻⴳ ⵓⵎⴰⴹⴰⵍ.
ⵙ ⵜⵉⴳⴳⴰⵡⵜ-ⴰⴳⵉ, ⵍⴻⵣⵣⴰⵢⴻⵔ ⵜⴻⵙⵙⴰⵡⴻⴹ ⴰⴷ ⴷ-ⵜⴻⵙⵙⵉⵡⴻⴹ ⵜⴰⵎⵓⵖⵍⵉ ⵏ ⵜⵓⴷⴻⵔⵜ ⵙ ⵜⴷⵓⴽⵍⵉ ⵙⴻⴳ ⵡⴰⵣⴰⵍ-ⵉⵙ (valeur) ⴽⴰⵏ ⵖⴻⵔ ⵓⵙⵡⵉⵔ ⵏ ⵜⵓⵛⵛⵉⵜ ⵏ ⵜⵎⵓⵙⵏⵉⵡⵉⵏ ⴳⴰⵔ ⵡⴰⵟⴰⵙ ⵏ ⵜⴰⵎⵉⵡⵉⵏ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵎⴰⵙⵙ ⵏⴰⵚⵔⵉ.
ⵉⵙⴼⵓⵍⴻⵍ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵏⵉⴳ ⴱⴻⵍⵍⵉ ⴰⵙⴰⵍⵉ ⵏ ⵜⵉⵍⵓⴼⴰ (crises) ⵉ ⵉⵜⴻⴷⴷⵓⵏ ⵙ ⵓⵖⵉⵡⴻⵍ ⵉⵙⵙⵓⵜⵜⵓⵔ ⵓⴳⴰⵔ ⵏ ⵢⴰⵍ ⵜⵉⴽⴽⴻⵍⵜ ⴰⴷ ⴷ-ⵜⵉⵍⵉ ⵜⵎⴰⴳⵉⵜ ⵏ ⵜⵓⴷⴻⵔⵜ ⵙ ⵜⴷⵓⴽⵍⵉ ⴰⵎ ⵓⴳⵓⵍⴼⵓⵍ (bouclier) ⵣⴷⴰⵜ ⵏ ⴱⴻⵟⵟⵓ ⴷ ⵓⵖⴻⵍⵍⵓ, ⵉⵎⵉ ⵓⵎⴰⴹⴰⵍ ⵏ ⵜⵓⵔⴰ ⵢⴻⵙⵔⴰ ⵙ ⵍⴶⴻⵀⴷ ⵉ ⵡⴰⵣⴰⵍⴻⵏ ⵏ ⵓⵙⴻⴼⵔⴻⴽ ⵢⴻⵍⵀⴰⵏ (bonne gouvernance), ⵜⵓⴷⴻⵔⵜ ⵙ ⵜⴷⵓⴽⵍⵉ ⴷ ⵓⵎⴹⴰⵎⴰⵏ ⵏ ⵜⴰⵍⵙⴰ ⵉⵡⴰⴽⴽⴻⵏ ⴰⴷ ⵜⴻⵜⵜⵡⴰⵃⵔⴻⵣ ⵜⵓⴷⴻⵔⵜ ⵏ ⵢⵉⵎⴷⴰⵏⴻⵏ ⴷⴻⴳ ⵢⵉⵎⴰⵍ.
ⴰⵔⵏⵓ ⵖⴻⵔ
