ⴰⵙⵇⴰⵎⵓ ⵏ ⵜⵖⴻⵍⵍⵉⵙⵜ ⴰⴳⵔⴻⵖⵍⴰⵏ ⵉⵅⴻⴱⴱⴻⵔ-ⴷ ⴱⴻⵍⵍⵉ ⴰⴷ ⴷ-ⵉⵙⵏⴻⵊⵎⴰⵄ ⵙ ⵍⵃⴻⵔⵙ ⴰⵣⴻⴽⴽⴰ ⵏ ⵍⴻⵜⵏⵉⵢⴻⵏ ⵉⵡⴰⴽⴽⴻⵏ ⴰⴷ ⴷ-ⵢⴰⵡⴰⵍ ⵖⴻⴼ ⵜⵉⴳⴳⴰⵡⵜ ⵜⴰⵙⴻⵔⴷⴰⵙⵜ ⵉ ⵜⴻⵅⴷⴻⵎ ⵎⴰⵔⵉⴽⴰⵏ ⴷⴻⴳ ⵜⵎⵓⵔⵜ ⵏ ⴼⴻⵏⴻⵣⵓⴻⵍⴰ, ⵉ ⴷⴻⴳ ⵟⵟⴼⴻⵏ ⴰⵙⴻⵍⵡⴰⵢ ⵏⵉⴽⵓⵍⴰⵙ ⵎⴰⴷⵓⵔⵓ ⴷ ⵜⵎⴻⵜⵜⵓⵜ-ⵉⵙ ⴷⴻⴳ ⵜⵎⴰⵏⴰⵖⵜ ⴽⴰⵔⴰⴽⴰⵙ.
ⵜⴰⵎⵙⵉⵡⴻⵍⵜ ⵏ ⵜⵎⴻⵔⵜ ⵏ ⵚⵓⵎⴰⵍ ⴷⴻⴳ ⵜⵎⵓⵔⴰ ⵢⴻⴷⴷⵓⴽⴽⵍⴻⵏ, ⵅⴰⴷⵉⵊⴰ ⴰⵃⵎⴻⴷ, ⵜⴻⵏⵏⴰ-ⴷ ⴱⴻⵍⵍⵉ ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵡⴰⴳⴳⵓⵔ ⵏ ⵢⴻⵏⵏⴰⵢⴻⵔ, ⵉ ⵜⴻⵙⵙⴻⴳⵔⴰⵢ ⵚⵓⵎⴰⵍ, ⵢⴻⵖⵜⴻⵙ ⴰⴷ ⴷ-ⵉⵙⵏⴻⵊⵎⴰⵄ ⵙ ⵍⵃⴻⵔⵙ ⴰⵣⴻⴽⴽⴰ ⵏ ⵍⴻⵜⵏⵉⵢⴻⵏ ⵏ ⵚⵚⴱⴻⵃ ⴷⴻⴳ ⵜⵎⴻⵔⵡⵉⵏ (10:00) ⵏ ⵚⵚⴱⴻⵃ ⵙ ⵡⴰⴽⵓⴷ ⵏ ⵏⴻⵡ ⵢⵓⵔⴽ.
ⴰⵙⵓⵜⴻⵔ ⵏ ⵓⵏⴻⵊⵎⴰⵄ-ⴰⴳⵉ ⵏ ⵍⵃⴻⵔⵙ ⵢⵓⵙⴰ-ⴷ ⵙ ⵍⵎⴻⵏⴷⴰⴷ ⵏ ⴼⴻⵏⴻⵣⵓⴻⵍⴰ ⵉ ⴷ-ⵜⴻⵙⵙⴰⵡⴻⴹ ⴽⵓⵍⵓⵎⴱⵢⴰ, ⵢⴻⵔⵏⴰ ⴰⵏⴻⵊⵎⴰⵄ-ⴰⴳⵉ ⵢⵓⵙⴰ-ⴷ ⴷⴻⴳ ⵢⵉⵡⴻⵏ ⵏ ⵍⵡⴻⵇⵜ ⵏ ⵓⵎⵔⴻⵣⴳⵉ ⴰⵎⴻⵇⵇⵔⴰⵏ ⴷⴻⴳ ⴷⴷⵓⵏⵉⵜ ⵎⴻⵔⵔⴰ ⵙⴻⴳ ⵡⴰⵙⵎⵉ ⵉ ⵜⴻⵅⴷⴻⵎ ⵎⴰⵔⵉⴽⴰⵏ ⵜⵉⴳⴳⴰⵡⵜ-ⴰⴳⵉ ⵜⴰⵙⴻⵔⴷⴰⵙⵜ ⵏ ⴷⴻⵇⵇⴰⵙ.
ⵢⴻⵙⵙⴻⴼⴽ ⴰⴷ ⴷ-ⵏⴻⵎⵎⴻⴽⵜⵉ ⴱⴻⵍⵍⵉ ⴰⵙⴻⵍⵡⴰⵢ ⵏⵉⴽⵓⵍⴰⵙ ⵎⴰⴷⵓⵔⵓ ⴷ ⵜⵎⴻⵜⵜⵓⵜ-ⵉⵙ ⵟⵟⴼⴻⵏ-ⵜⴻⵏ ⵢⵉⵙⴻⵔⴷⴰⵙⴻⵏ ⵏ ⵎⴰⵔⵉⴽⴰⵏ ⵢⴻⵔⵏⴰ ⵡⵡⵉⵏ-ⵜⴻⵏ ⵙ ⵍⵟⴰⵢⴰⵔⴰ ⵖⴻⵔ ⴱⴻⵕⵕⴰ ⵏ ⵜⵎⵓⵔⵜ ⵏ ⴼⴻⵏⴻⵣⵓⴻⵍⴰ ⴰⵙⵙ ⵏ ⵙⵙⴻⴱⵜ ⵉⵄⴻⴷⴷⴰⵏ, ⴰⴽⴽⴻⵏ ⵉ ⴷ-ⵏⵏⴰⵏ ⵢⵉⵙⴰⵍⵍⴻⵏ ⵉ ⴷ-ⵢⵓⵙⴰⵏ ⵙ ⵖⵓⵔ ⵓⵙⴻⵍⵡⴰⵢ ⵏ ⵎⴰⵔⵉⴽⴰⵏ ⴷⵓⵏⴰⵍⴷ ⵜⵔⵓⵎⴱ.
ⴰⵔⵏⵓ ⵖⴻⵔ
