ⴰⴷ ⴷ-ⵢⵉⵍⵉ ⵡⴰⴳⵔⴰⵡ ⵏ ⵓⵙⵇⴰⵎⵓ ⵏ ⵜⵖⵍⵍⵉⵙⵜ ⵏ ⵢⵖⵍⴰⵏⵏ ⵢⴷⴷⵓⴽⴽⵍⵏ (ONU), ⴰⵣⴽⴽⴰ ⵏ ⵍⵜⵏⵉⵢⵏ, ⴷ ⵢⵉⵡⵜ ⵏ ⵜⵖⵉⵎⵉⵜ ⵏ ⵓⴱⴳⴳⵏ ⵢⵍⴷⴰⵏ, ⴰⴷ ⴷ-ⴹⴼⵔⵏ-ⵜ ⵜⵉⵎⵛⵛⵉⵡⵔⵉⵏ ⵉⵖⵍⵇⵏ ⵖⴼ ⵍⵉⵃⴰⵍⴰ ⵏ ⵜⵎⵓⵔⵜ ⵏ ⵜⴼⵔⵉⵇⵜ ⵜⴰⵍⵎⵎⴰⵙⵜ.
ⵜⴰⵎⴰⵙⵍⴰⴷⵜ ⵜⴰⵎⵓⵣⵣⵉⴳⵜ ⵏ ⵓⵏⵎⴰⵔⵓ ⴰⵎⴰⵜⵓ ⴷⴳ ⵜⴼⵔⵉⵇⵜ ⵜⴰⵍⵎⵎⴰⵙⵜ ⴷ ⵜⵉⵏ ⵉ ⴷ-ⵢⵜⵜⴰⵍⵍⵏ ⵜⴰⵎⴰⵙⵉⵜ ⵏ ⵍⴱⴰⵄⵜⴰ ⵏ "MINUSCA", ⴼⴰⵍⵏⵜⵉⵏ ⵔⵓⴳⵡⴰⴱⵉⵣⴰ, ⴰⴷ ⴷ-ⵜⴼⴽ ⵢⵉⵡⵜ ⵏ ⵜⵣⵎⵉⵍⵜ ⵙ ⵜⵜⴰⵡⵉⵍ ⵏ ⵍⴼⵉⴷⵢⵓ. ⴰⵢⴰ ⴰⴷ ⵢⴱⵏⵓ ⵖⴼ ⵜⵣⵎⵉⵍⵜ ⵜⴰⵏⴳⴳⴰⵔⵓⵜ ⵏ ⵓⵏⵎⴰⵔⵓ ⴰⵎⴰⵜⵓ ⵉ ⴷ-ⵢⴼⴼⵖⵏ ⴷⴳ 13 ⵏ ⴼⵓⵔⴰⵔ, ⵉ ⴷ-ⵢⵀⴽⴰⵏ ⵖⴼ ⵡⴰⵢⵏ ⵉ ⴷ-ⵢⴹⵔⴰⵏ ⵙⴳ 1 ⵏ ⴽⵜⵓⴱⵔ 2025.
ⴷⴳ ⵡⴰⵡⴰⵍ-ⵉⵙ, ⵔⵓⴳⵡⴰⴱⵉⵣⴰ ⴰⴷ ⴷ-ⵜⵎⵎⵙⵍⴰⵢ ⵖⴼ ⵜⴰⵍⵍⵍⵜ ⵉ ⵜⴼⴽⴰ "MINUSCA" ⵉ ⵓⵙⵓⴷⴷⵙ ⵏ ⵜⵉⴼⵔⴰⵏⵉⵏ, ⴰⵎⴰ ⴷ ⵜⴰⵍⵍⴰⵍⵜ ⵜⴰⵍⵓⵊⵉⵙⵜⵉⵜ ⵏⵖ ⴷ ⵜⵜⵉⵇⵏⵉⵢⴰ, ⵔⵏⵓ ⵖⵔ ⵡⴰⵢⴰ ⵍⵇⴷⵉⵛ ⵏ ⵓⵙⴼⵀⵎ ⵏ ⵍⵖⴰⵛⵉ ⴷ ⵓⵃⴰⴷⵔ ⵏ ⵜⵉⴼⵔⴰⵏⵉⵏ ⵍⵡⴰⵃⵉⴷ ⴷ ⵍⵄⵙⴽⵔ ⴷ ⵍⴱⵓⵍⵉⵙ ⵏ ⵜⵎⵓⵔⵜ-ⵏⵏⵉ.
ⵜⴰⵎⴰⵙⵉⵜ-ⴰⴳⵉ ⵏ ONU ⴰⴷ ⴷ-ⵜⵙⵙⵉⵡⴹ ⴷⴰⵖⵏ ⴰⵢⵏ ⵉ ⵜⵙⵙⵏⵎⴰⵔ ⵉⵡⴰⴽⴽⵏ ⴰⴷ ⵃⴰⴷⵔⵏ ⵉⵣⵔⴼⴰⵏ ⵏ ⵓⵎⴷⴰⵏ ⴷⴳ ⵜⵎⵓⵔⵜ-ⵏⵏⵉ. ⴷⴰⵖⵏ ⴰⴷ ⴷ-ⵜⵎⵎⵙⵍⴰⵢ ⵖⴼ ⵍⵉⵃⴰⵍⴰ ⵏ ⵢⴷⵔⵉⵎⵏ ⵏ ⵍⴱⴰⵄⵜⴰ-ⴰⴳⵉ, ⵉ ⴷ-ⵢⵓⵙⴰⵏ ⴷ ⵜⵉⵏ ⵉⵡⵄⵔⵏ, ⴰⵢⴰ ⵢⵊⵊⴰ-ⵜⵏ ⴰⴷ ⵚⵔⴼⵏ ⵙ ⵍⵃⵉⵙⴰⴱ ⵎⴱⵍⴰ ⵎⴰ ⴹⵢⵢⵄⵏ.
ⴰⵔⵏⵓ ⵖⴻⵔ
