ⵢⴻⵏⵏⴰ-ⴷ ⵓⵙⵇⴰⵎⵓ ⵏ ⵡⴰⵍⴰⵢ, ⴷⴻⴳ ⵢⵉⵡⴻⵏ ⵓⵙⵉⵡⴻⵍ ⴰⵙⵙ-ⴰ ⵏ ⵍⵃⴻⴷ, ⴱⴻⵍⵍⵉ ⵢⴻⴼⴼⴻⵖ-ⴷ ⵡⴰⵍⵖⵓ-ⵢⵉⵏⴻⵙ ⵏ ⵓⵙⴻⴳⴳⴰⵙ 2025.
ⴰⴼⴼⵓⵖ ⵏ ⵡⴰⵍⵖⵓ-ⵢⵉⵏⴻⵙ ⵢⵓⵙⴰ-ⴷ "ⵉⵍⵎⴻⵏⴷ ⵏ ⵓⵎⴰⴳⵔⴰⴷ 199 ⵏ ⵜⵎⴻⵏⴹⴰⵡⵜ", ⵢⴻⵔⵏⴰ ⵢⴻⵜⵜⵡⴰⵀⴻⵢⵢⴰ "ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵎⵓⵔ ⵓⵟⵟⵓⵏ 95-20 ⵏ 17 ⵢⵓⵍⵢⵓ 1995 ⵢⴻⵄⵏⴰⵏ ⴰⵙⵇⴰⵎⵓ ⵏ ⵡⴰⵍⴰⵢ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴻⵍ.
ⴰⵍⵖⵓ-ⴰⴳⵉ ⵢⴻⵡⵡⵉ-ⴷ ⵖⴻⴼ ⵢⵉⴳⴻⵎⵎⴰⴹⴻⵏ ⵉⵎⴻⵇⵇⵔⴰⵏⴻⵏ ⵏ ⵍⴻⵇⴷⵉⵛ ⵏ ⵓⵙⴻⵏⵇⴻⴷ ⵉ ⴷ-ⵢⴻⵅⴷⴻⵎ ⵓⵙⵇⴰⵎⵓ ⴷⴻⴳ ⵡⴰⵀⵉⵍ-ⵉⵙ ⵏ ⵓⵙⴻⴳⴳⴰⵙ, ⵢⴻⵔⵏⴰ ⵢⴻⴷⴷⴰ-ⴷ ⵢⵉⴷ-ⴻⵙ ⵢⵉⵙⵓⵎⴻⵔ ⴷ ⵜⵔⵉⵔⵉⵜ ⵏ ⵢⵉⵎⴰⵙⴰⵢⴻⵏ ⴷ ⵢⵉⵎⴻⵏⴷⴰⵢⴻⵏ ⵉⵇⴰⵏⵓⵏⵉⵢⴻⵏ ⴷ ⵜⵏⴻⵀⵍⴰⵡⵉⵏ ⵢⴻⵄⵏⴰⵏ.
ⵉⵙⵡⵉ ⵏ ⵢⵉⵙⴻⵏⵇⴻⴷⵏ ⴷ ⵓⵙⴻⴳⵣⴻⵍ ⵉ ⴷ-ⵢⴻⵍⵍⴰⵏ ⴷⴻⴳ ⵡⴰⵍⵖⵓ ⴷ "ⴰⵙⵏⴻⵔⵏⵉ ⵏ ⵓⵙⴻⴷⴷⵓ ⵢⴻⵍⵀⴰⵏ ⴷ ⵓⴹⵎⴰⵏ ⵏ ⵓⵙⴻⵇⴷⴻⵛ ⵏ ⵢⵉⴷⵔⵉⵎⴻⵏ ⵏ ⴱⴰⵢⵍⴻⴽ ⵙ ⵜⴼⴻⵃⵍⵉⵜ", ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓ-ⵏⵏⵉ.
ⴰⵍⵖⵓ-ⴰⴳⵉ ⵏ ⵓⵙⴻⴳⴳⴰⵙ ⵢⴻⵙⵄⴰ 13 ⵏ ⵜⵍⴰⵜⵉⵏⵉ ⴷ 38 ⵏ ⵢⵉⵙⵓⵎⴻⵔ, ⵢⴻⴱⴹⴰ ⵖⴻⴼ ⴽⵔⴰⴷ (3) ⵏ ⵢⵉⵃⵔⵉⵛⴻⵏ: ⵜⵉⴷⴻⴱⴱⴻⵔⵉⵏ ⵏ ⴷⴷⴻⵡⵍⴰ, ⵜⵉⴳⵔⴰⵡⵉⵏ ⵜⵓⵔⴰⵖⴰⵏⵉⵏ ⴷ ⵜⵎⴻⵔⵙⴻⵍⵜ ⵜⵓⵔⴰⵖⴰⵏⵉⵏ. ⴷⴻⴳ ⵡⴰⵃⵔⵉⵛ ⵡⵉⵙ ⴽⵓⵥ (4), ⴰⵙⵇⴰⵎⵓ ⵏ ⵡⴰⵍⴰⵢ ⵢⴻⴼⴽⴰ-ⴷ ⴰⵙⴻⴽⵏⴻⵢ ⵖⴻⴼ ⵓⵙⴻⵇⴷⴻⵛ ⵏ ⵢⵉⴷⵔⵉⵎⴻⵏ-ⵉⵙ ⴷ ⵢⵉⵎⴷⴰⵏⴻⵏ-ⵉⵙ ⴷ ⵍⴻⵇⴷⵉⵛ-ⵉⵙ ⴷⴻⴳ ⵜⵡⵉⵣⴰ ⵜⴰⴳⵔⴻⵖⵍⴰⵏⵜ.
ⴷⴻⴳ ⵡⴰⵃⵔⵉⵛ ⵏ ⵜⴷⴻⴱⴱⴻⵔⵉⵏ ⵏ ⴷⴷⴻⵡⵍⴰ, ⵡⴰⵍⵖⵓ ⵢⴻⵙⵙⴻⴱⴳⴻⵏ-ⴷ ⵉⴳⴻⵎⵎⴰⴹⴻⵏ ⵏ ⵓⵙⴻⵏⵇⴻⴷ ⵖⴻⴼ ⵜⴻⵣⵎⴻⵔⵜ ⵏ ⵓⵏⴰⴳⵔⴰⵡ ⵏ ⵜⴷⴰⵡⵙⴰ ⴰⵖⴻⵍⵏⴰⵡ, ⵡⴰⵀⵉⵍ ⴰⵖⴻⵍⵏⴰⵡ ⵏ ⴽⴰⵏⵙⴻⵔ 2015-2019, ⴰⵙⴰⵍⵉ ⵏ ⵢⵉⴼⵔⴰⵏ ⵏ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵙⵎⴰⵢⵏⵓⵜ ⵏ ⵜⴷⴻⴱⴱⴻⵔⵜ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵜⵉⴳⵔⴰⵡⵉⵏ ⵜⵓⵔⴰⵖⴰⵏⵉⵏ, ⴰⵍⵖⵓ ⵢⴻⴼⴽⴰ-ⴷ ⴰⵙⵉⴹⴻⵏ ⵏ ⵓⵙⴻⴷⴷⵓ ⵏ ⵡⴰⵟⴰⵙ ⵏ ⵜⵖⵉⵡⴰⵏⵉⵏ ⴷ ⵓⵙⵏⴻⵔⵏⵉ ⵏ ⵍⴻⴱⵏⵉ, ⴰⵡⴻⴹ ⵏ ⵓⵎⴷⴰⵏ ⵖⴻⵔ ⵍⵅⴻⴷⵎⴰ ⵏ ⴱⴰⵢⵍⴻⴽ, ⴰⵀⴻⵢⵢⵉ ⵏ ⵢⵉⵥⴻⴹⵡⴰⵏ ⵏ ⵡⴰⵎⴰⵏ, ⴷ ⵡⴰⵀⵉⵍ ⵏ ⵟⵟⴰⵇⴰ ⵜⴰⵊⴷⵉⵜ.
ⵎⴰ ⴷ ⵜⵉⵎⴻⵔⵙⴻⵍⵜ ⵜⵓⵔⴰⵖⴰⵏⵉⵏ, ⴰⵍⵖⵓ ⵢⴻⵙⵙⴻⴱⴳⴻⵏ-ⴷ ⵉⴳⴻⵎⵎⴰⴹⴻⵏ ⵏ ⵓⵙⴻⵇⴷⴻⵛ ⵏ ⵢⵉⴳⴻⵎⵎⴰⴹⴻⵏ ⵏ ⵓⵏⴰⴷⵉ ⵓⵙⵙⵏⴰⵏ ⴷ ⵓⵙⴻⴷⴷⵓ ⵏ ⵜⵎⴻⵀⵍⴰ ⴰⵖⴻⵍⵏⴰⵡⴻⵜ ⵏ ⵔⵔⵉⴼ ⵏ ⵍⴻⴱⵃⴻⵔ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴻⵍ ⵏ ⵓⵙⵇⴰⵎⵓ ⵏ ⵡⴰⵍⴰⵢ.
ⴰⵔⵏⵓ ⵖⴻⵔ
