ⵉⵙⵙⵓⴼⴼⴻⵖ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⴰⵙⵙ-ⴰ ⵏ ⵍⵀⴻⴷ, ⴷⴻⴳ ⵜⴰⵍⵍⵉⵜ ⵏ ⵜⵙⴻⵍⵡⵉⵜ-ⵉⵙ ⵏ ⵜⵖⵉⵎⵉⵜ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⵢⵉⵡⴻⵜ ⵏ ⵜⵉⵖⵔⵉ (appel) ⵉ ⵢⴰⴽⴽ ⵡⴰⵔⵔⴰⵡ ⵏ ⵍⴻⵣⵣⴰⵢⴻⵔ ⴳⴰⵔ ⵉⴶⵓⴶⴰ ⵏ ⵜⵓⵙⵙⵏⴰ ⴷⴻⴳ ⵓⵎⴰⴹⴰⵍ ⵎⴻⵕⵕⴰ, ⵉⵡⴰⴽⴽⴻⵏ ⴰⴷ ⵜⵜⴻⴽⴽⵉⵏ ⵓ ⴰⴷ ⴷ-ⴼⴽⴻⵏ ⴰⴼⵓⴷ-ⵏⵙⴻⵏ ⴷⴻⴳ ⵓⵙⴻⵏⴼⴰⵔ ⵏ ⵓⵙⴻⴷⴷⴻⵔ ⵏ ⵜⵎⵓⵔⵜ (le projet de renaissance) ⵉ ⵓⵡⴻⵣⵣⵉ ⵏ ⵓⵙⵡⵉⵔ ⵏ ⵜⵎⵓⵔⴰ ⵢⵓⵏⴼⴻⵍⴻⵏ, ⴰⵢⴰⴳⵉ ⵙ ⵓⵏⴼⴰⵄ ⵙⴻⴳ ⵢⵉⵔⵎⵉⵜⴻⵏ-ⵏⵙⴻⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ.
ⴰⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵙⵜⵔⴻⴼ ⴰⵙⴱⴻⴷⴷⵉ ⵏ ⵓⵙⵇⴰⵎⵓ ⵓⵏⵉⴳ ⵏ ⵜⵓⴽⴽⵉⵙⵜ ⵜⴰⵎⴰⵙⵙⴰⵏⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ, ⵉ ⵢⴻⵍⵍⴰⵏ ⴷ ⵜⴰⵎⵓⵙⵙⵏⵉ ⵏ ⵓⵎⵛⴻⵡⵡⴻⵔ (organe consultatif) ⵢⴻⵟⵟⴰⴼⴰⵔⴻⵏ ⵜⴰⵙⴻⵍⵡⵉⵜ ⵏ ⵜⴻⴳⴷⵓⴷⴰ, ⵢⴻⵔⵏⴰ ⵜⴻⵍⵍⴰ ⴷ ⵜⵉⵍⴻⵍⵍⵉⵜ ⴷⴻⴳ ⵓⵏⵏⴰⵔ ⵏ ⵜⴻⴷⵔⵉⵎⵜ ⴷ ⵓⴷⴱⴻⵍ.
ⴷⴻⴳ ⵓⵣⴻⵏⵣⵉⵖ-ⴰⴳⵉ, "ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵙⵙⵓⴼⴼⴻⵖ-ⴷ ⵜⵉⵖⵔⵉ ⵉ ⵢⴰⴽⴽ ⵡⴰⵔⵔⴰⵡ ⵏ ⵍⴻⵣⵣⴰⵢⴻⵔ ⴳⴰⵔ ⵉⴶⵓⴶⴰ ⵏ ⵜⵓⵙⵙⵏⴰ ⴷⴻⴳ ⵓⵎⴰⴹⴰⵍ, ⵉⵡⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵓⵙⴻⵏⴼⴰⵔ ⵏ ⵓⵙⴻⴷⴷⴻⵔ ⵏ ⵜⵎⵓⵔⵜ ⵉ ⵓⵡⴻⵣⵣⵉ ⵏ ⵓⵙⵡⵉⵔ ⵏ ⵜⵎⵓⵔⴰ ⵢⵓⵏⴼⴻⵍⴻⵏ, ⵙ ⵓⵏⴼⴰⵄ ⵙⴻⴳ ⵜⵎⵓⵣⵏⵉⵡⵉⵏ-ⵏⵙⴻⵏ".
ⴷⴰⵖⴻⵏ, "ⵎⴰⵙⵙ ⴰⵙⴻⵍⵡⴰⵢ ⵉⵙⵙⴻⴽⵏⴻⴷ ⵏⵏⴻⴼⵅⴰ ⵏ ⵓⵖⵔⴻⴼ ⴰⵣⵣⴰⵢⵔⵉ ⵙ ⵜⵣⴻⵎⵎⴰⵔ-ⵉⵙ ⵏⴼⵉⵜ ⴰⵏⵉⴷⴰ ⵎⴰ ⵍⵍⴰⵏ ⴷⴻⴳ ⵓⵎⴰⴹⴰⵍ, ⵓ ⵢⴻⵙⵜⴻⵏⵢⴰ ⵓⵍⴷⴰⵢ ⵏ ⵜⴻⵡⵡⵓⵔⴰ ⵏ ⵜⵉⵍⴻⵍⵍⵉ ⵉⵡⴰⴽⴽⴻⵏ ⴰⴷ ⴷ-ⴼⴽⴻⵏ ⵜⴰⵎⵓⵙⵏⵉ-ⵏⵙⴻⵏ, ⵙ ⵜⴰⵎⴰ ⵏ ⵔⵔⵉⴼⴰⵇ-ⵏⵙⴻⵏ ⵏ ⴷⴰⵅⴻⵍ, ⵉ ⵓⵡⴻⵣⵣⵉ ⵏ ⵍⴻⵣⵣⴰⵢⴻⵔ ⵖⴻⵔ ⵓⵙⵡⵉⵔ ⵏ ⵜⵎⵓⵔⴰ ⵢⵓⵏⴼⴻⵍⴻⵏ".
ⴰⵔⵏⵓ ⵖⴻⵔ
