ⵍⵣⵣⴰⵢⴻⵔ ⵜⴰⵎⴰⵏⴻⵯⵜ – ⵜⴻⴹⵔⴰ-ⴷ ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵯⵜ, ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵏ ⵓⵜⴻⴽⵏⵉⴽ ⴳⴰⵔ ⵢⵉⵎⴷⴻⴱⴱⵔⴻⵏ ⵏ ⵜⵏⴻⵯⵍⴰⴼⵜ ⵏ ⵓⵙⵉⵍⴻⵯ ⴷ ⵓⵙⵍⵎⴻⴷ ⵏ ⵢⵉⵎⴻⵣⴳⵓⵏⴻⵏ ⴷ ⵢⵉⵎⵚⴰⵡⵉ-ⵏⵙⴻⵏ ⵏ ⵎⵎⵓⵊⵎⵎⵓⵄ ⵏ "ⵙⵓⵏⴰⵟⵔⴰⴽ". ⵎⵙⴰⴼⴰⵏ ⴷⴻⴳ-ⵙ ⴰⴽⴽⴻⵏ ⴰⴷ ⵇⴷⴻⵛⴻⵏ ⵢⴻⴷⴷⵓⴽⴽⴻⵍ ⵉ ⵡⴰⴽⴽⴻⵏ ⴰⴷ ⵙⵏⴻⴼⵍⴰⵢⴻⵏ ⵜⵉⵡⵙⴰⵜⵉⵏ ⵏ ⵓⵙⵉⵍⴻⵯ ⵉ ⴷ-ⵢⴻⵜⵜⴰⵙⴻⵏ ⴷ ⵓⴱⴻⴷⴷⴻⵍ ⴰⵜⴻⴽⵏⵓⵍⵓⵊⵉ ⴷ ⵡⵉⵏ ⵏ ⵜⵣⵎⴻⵔⵜ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵯⵓ ⵏ ⵜⵏⴻⵯⵍⴰⴼⵜ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵯⵓ-ⵏⵏⵉ, ⴷⴻⴳ ⵜⵉⵎⵍⵉⵍⵉⵜ-ⴰⴳⵉ ⵉ ⵢⴻⵙⵙⴻⵍⵡⴰⵢ ⵓⵎⴰⵔⴰ ⴰⵎⴰⵜⵓ ⵏ ⵜⵏⴻⵯⵍⴰⴼⵜ, ⵎⵙⴰⴼⴰⵏ ⵯⴻⴼ ⵓⴱⵔⵉⴷ ⵏ ⵓⵎⴰⵀⵉⵍ ⵢⴻⴷⴷⵓⴽⴽⵍⴻⵏ ⵉ ⵡⴰⴽⴽⴻⵏ ⴰⴷ: "ⵙⴱⴻⴹⴹⴻⵏ ⵜⵉⵡⵙⴰⵜⵉⵏ ⵏ ⵓⵙⵉⵍⴻⵯ ⵢⵓⴼⵔⴰⵔⴻⵏ ⵉ ⵢⴻⵜⵜⴻⴷⴷⵓⵏ ⴷ ⵓⴱⴻⴷⴷⴻⵍ ⵏ ⵜⵜⴻⴽⵏⵓⵍⵓⵊⵢⴰ ⴷ ⵜⵣⵎⴻⵔⵜ, ⴰⵙⵊⴻⵀⴻⴷ ⵏ ⵓⵙⵉⵍⴻⵯ ⴷⴻⴳ ⵡⴰⵏⵏⴰⵔ ⴷ ⵍ lⵃⵉⵔⴼⴰ ⴷⴰⵅⴻⵍ ⵏ ⵜⵎⴻⵔⵙⴻⵍⵉⵏ ⵏ ⵙⵓⵏⴰⵟⵔⴰⴽ, ⴰⵙⴻⴽⵛⴻⵎ ⵏ ⵢⵉⵎⵓⵙⵏⴰⵡⴻⵏ ⵏ ⵓⵎⴰⵀⵉⵍ ⴷⴻⴳ ⵓⵙⵙⴻⴳⴳⴻⵎ ⵏ ⵢⵉⵡⴰⵀⵉⵍⴻⵏ ⵏ ⵓⵍⵎⵎⵓⴷ, ⴷ ⵜⴰⵍⵍⴻⵍⵜ ⵉ ⵡⴰⵎⵎⴰⵙⴻⵏ ⵏ ⵓⴼⵔⴰⵣ ⴷⴻⴳ ⵜⵉⵡⵙⴰⵜⵉⵏ ⵉⵙⵜⵔⴰⵜⵉⵊⵉⵊⵉⵢⴻⵏ."
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⵉ ⵡⴰⴽⴽⴻⵏ ⴰⴷ ⵙⵊⴻⵀⴷⴻⵏ ⵢⵉⵙⵍⴰⵢⴻⵏ ⵏ ⵓⵎⵢⴻⵍⵍⴻⵍ ⴳⴰⵔ ⵓⵃⵔⵉⵛ ⵏ ⵓⵙⵉⵍⴻⵯ ⴷ ⵡⴰⵏⵏⴰⵔ ⵏ ⵜⴷⴰⵎⵙⴰ. ⵉⵙⵡⵉ-ⵙ ⴰⵎⴻⵇⵇⵔⴰⵏ ⴷ ⴰⵙⴻⵎⵙⴰⵙⴰ ⵏ ⵓⵙⵉⵍⴻⵯ ⴷ ⵍⴻⴱⵖⵉ ⵏ ⵓⵙⵓⵜⵜⴻⵔ ⵏ ⵓⵎⴰⵀⵉⵍ, ⵍⴰⴷⵯⴰ ⴷⴻⴳ ⵢⵉⵃⵔⵉⵛⴻⵏ ⵉⵊⴻⵀⴷⴻⵏ ⵏ ⵜⵣⵎⴻⵔⵜ, ⵓⵥⴰⵔⵓ ⴷ ⵓⴳⴰⵣ, ⴰⵙⴻⴳⴳⴻⵎ ⵏ ⵜⵎⴰⴽⵉⵏⵉⵏ ⵏ ⵜⵎⴻⴳⵓⵔⵉ, ⴰⵙⵙⴻⵎⴹⴻⵏ ⵏ ⵜⵎⴻⴳⵓⵔⵉ ⴷ ⵜⵣⵎⴰⵔ ⵜⵉⵎⴰⵢⵏⵓⵜⵉⵏ.
ⵜⴰⴳⴳⴰⵔⴰ, ⵜⴰⵏⴻⵯⵍⴰⴼⵜ ⵜⴻⵙⵙⴻⵊⴷⴻⴷ ⴱⴻⵍⵍⵉ ⵓⵙⵊⴻⵀⴻⴷ ⵏ ⵓⵎⵢⴻⵍⵍⴻⵍ-ⴰⴳⵉ ⴳⴰⵔ ⵓⵙⵉⵍⴻⵯ ⴷ ⵜⴷⴰⵎⵙⴰ ⵜⴰⵯⴻⵍⵏⴰⵡⵜ ⴷ ⵜⴰⵔⵉⵛⵜ ⵉⵙⴰⵙⵉⵜ ⵉ ⵡⴰⴽⴽⴻⵏ ⴰⴷ ⵢⴰⵍⵉ ⵓⵙⵡⵉⵔ ⵏ ⵢⵉⵎⴻⵔⴱⴰⵃⴻⵏ ⵢⴻⵔⵏⴰ ⴰⴷ ⴹⵎⴻⵏⵏ ⴰⵎⴽⴰⵏ ⵏ ⵓⵎⴰⵀⵉⵍ ⵙ ⵜⵖⴰⵡⵍⴰ, ⴰⵢⴰ ⴰⴷ ⵢⴻⴼⴽ ⵜⴰⵣⵎⴻⵔⵜ ⵉ ⵓⵏⴻⴼⵍⵓ ⵏ ⵍⵣⵣⴰⵢⴻⵔ.
ⴰⵔⵏⵓ ⵖⴻⵔ
