ⵜⴻⵙⵙⴻⵍⵡⵉ ⵜⴰⵎⴰⵙⵡⴰⵢⵜ ⵜⴰⵖⴻⵍⵏⴰⵡⴻⵜ ⵉ ⵓⵃⵓⴷⴷⵓ ⵏ ⵍⵍⵓⴼⴰⵏ, ⵎⴰⵔⵢⴻⵎ ⵛⴻⵔⴼⵉ, ⴰⵙⵙ-ⴰ ⵏ ⵍⵃⴻⴷ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴰⵙⵍⵓⵍⵍⵓ ⵏ ⵢⵉⵡⴻⵏ ⵡⴰⴷⵡⵉⵔ ⵏ ⵓⵙⵙⵉⵍⴻⵖ ⵖⴻⴼ ⵢⵉⵣⴻⵔⴼⴰⵏ ⵏ ⵍⵍⵓⴼⴰⵏ ⴷ ⵜⵎⵓⵣⵣⴰⵜ ⵏ ⵓⵎⵢⴰⵡⴰⴹ ⴷ ⵜⵏⴰⴼⴰ-ⵢⴰⴳⵉ, ⵉ ⵢⵉⵏⴰⵥⵓⵔⴻⵏ ⵉⵎⴻⴷⴷⵓⴽⴽⴰⵍ ⵏ ⵡⴰⵔⵔⴰⵛ.
ⴷⴻⴳ ⵓⵍⴷⴰⵢ ⵏ ⵜⵙⵓⵜⴻⵏⵜ-ⴰⴳⵉ ⵉ ⴷ-ⵜⵀⴻⵢⵢⴰ ⵜⴷⵓⴽⴽⵍⴰ ⵜⴰⵖⴻⵍⵏⴰⵡⴻⵜ ⵉ ⵓⵙⵏⴻⵔⵏⵉ ⵏ ⵢⵉⵣⴻⵔⴼⴰⵏ ⵏ ⵍⵍⵓⴼⴰⵏ ⵉ ⵢⵉⵏⴰⵥⵓⵔⴻⵏ, ⵍⴰⴷⴰⵖⴰ ⵡⵉⴷ ⵉⵅⴻⴷⴷⵎⴻⵏ ⴷⴻⴳ ⵓⵏⵏⴰⵔ ⵏ ⵓⵎⴻⵣⴳⵓⵏ ⴷ ⵜⵙⴻⴽⵍⴰ ⵏ ⵍⵍⵓⴼⴰⵏ, ⵎⴰⵙ ⵛⴻⵔⴼⵉ ⵜⴻⵙⵙⴻⴱⴳⴻⵏ-ⴷ ⵍⵎⴻⵊⵀⵓⴷⴰⵜ ⵏ ⵜⵎⵓⵔⵜ ⵉ ⵓⵃⵓⴷⴷⵓ ⴷ ⵓⵙⵏⴻⵔⵏⵉ ⵏ ⵍⵍⵓⴼⴰⵏ, ⵢⴻⵔⵏⴰ ⵜⴻⵙⵙⴻⴽⵜⴰ-ⴷ ⵉⵙⴻⴹⵓⴼⴻⵏ ⴷ ⵡⴰⵢⴻⵏ ⵎⴰⵔⵔⴰ ⵉ ⴷ-ⵢⴻⴹⵔⴰⵏ ⴷⴻⴳ ⵓⵏⵏⴰⵔ-ⴰ.
ⵜⴻⵏⵏⴰ-ⴷ ⴷⵉⵖⴻⵏ ⴱⴻⵍⵍⵉ ⵜⴰⵙⵓⵜⴻⵏⵜ-ⴰⴳⵉ, ⵉ ⵢⴻⵡⵡⵉⵏ ⵖⴻⴼ "ⵜⵉⴽⵍⵉ ⵢⴻⵍⵀⴰⵏ ⵉ ⵡⴻⴽⵙⴻⴱ ⵏ ⵜⵎⵓⵣⵣⴰⵜ ⵏ ⵓⵎⵢⴰⵡⴰⴹ ⴷ ⵓⴷⵉⵡⴻⵏ ⴷ ⵡⴰⵔⵔⴰⵛ", ⵜⴻⵍⵍⴰ ⴷⴻⴳ ⵡⴰⵀⵉⵍ ⵏ ⵜⵙⵓⵜⴻⵏⵜ ⵉ ⴷ-ⵢⴻⵜⵜⵉⵍⵉⵏ ⵙ ⵜⵡⵉⵣⴰ ⴷ ⵢⵉⵎⴰⵏⴷⵉⵜⴻⵏ ⵏ ⵓⵏⵏⴰⵔ ⵏ ⵍⵍⵓⴼⴰⵏ.
ⵙⴻⴳ ⵜⴰⵎⴰ-ⵙ, ⴰⵙⴻⵍⵡⴰⵢ ⵏ ⵜⴷⵓⴽⴽⵍⴰ ⵜⴰⵖⴻⵍⵏⴰⵡⴻⵜ ⵉ ⵓⵙⵏⴻⵔⵏⵉ ⵏ ⵢⵉⵣⴻⵔⴼⴰⵏ ⵏ ⵍⵍⵓⴼⴰⵏ, ⴱⴰⵢ ⵓⵎⴰⵔ ⵃⵓⵙⵉⵏ ⵖⴰⵣⵉ, ⵢⴻⵙⵙⴻⴽⵜⴰ-ⴷ ⴰⵣⴰ ⵏ ⵡⴰⵏⴰⵡ-ⴰ ⵏ ⵓⵙⵉⵍⴻⵖ ⵉ ⵓⵙⵏⴻⵔⵏⵉ ⵏ ⵜⵎⵓⵙⵏⵉ ⴷⴻⴳ ⵢⵉⵣⴻⵔⴼⴰⵏ ⵏ ⵍⵍⵓⴼⴰⵏ ⴷ ⵓⵙⴻⴱⴳⴻⵏ ⵏ ⵡⴰⵍⵍⴰⵍⴻⵏ ⵉ ⵓⵃⵓⴷⴷⵓ ⵏ ⵜⵏⴰⴼⴰ-ⵢⴰⴳⵉ ⴷⴻⴳ ⵜⵎⴻⵜⵜⵉ.
ⵉⵍⴰⵇ ⴰⴷ ⵏⴻⵏⵏⵉ ⴱⴻⵍⵍⵉ ⵡⴰⵀⵉⵍ ⵏ ⵜⵙⵓⵜⴻⵏⵜ-ⴰⴳⵉ ⵉ ⴰⵔⴰ ⵢⴻⵍⵃⵓⵏ ⵖⴻⴼ ⵙⵏⴰⵜ ⵏ ⵡⵓⵙⵙⴰⵏ, ⵙ ⵜⴰⵍⵍⴻⵍⵜ ⵏ ⵢⵉⵙⴻⵍⵎⴰⴷⴻⵏ ⴷ ⵢⵉⵎⵓⵣⴰⵢⴻⵏ ⴷ ⵢⵉⴱⵙⵉⴽⵓⵍⵓⴳⴻⵏ, ⵢⴻⵙⵄⴰ ⵡⴰⵟⴰⵙ ⵏ ⵢⵉⴼⴻⵔⴷⵉⵙⴻⵏ, ⴳⴰⵔ-ⴰⵙⴻⵏ: "ⵍⵇⴰⵏⵓⵏ ⵢⴻⵄⵏⴰⵏ ⵢⵉⵣⴻⵔⴼⴰⵏ ⵏ ⵍⵍⵓⴼⴰⵏ", "ⴰⵍⵍⴰⵍⴻⵏ ⵏ ⵓⵙⴰⵍⵉ ⵏ ⵍⵎⵓⵏⴽⴻⵔ", "ⵜⵎⵓⵣⵣⴰⵜ ⵏ ⵓⵎⵢⴰⵡⴰⴹ ⴷ ⵡⴰⵔⵔⴰⵛ" ⴰⴽⴽⴻⴷ "ⵜⵉⵇⵏⵉⵇⵉⵏ ⵏ ⵓⴼⵓⵙⵙⵜ ⴷ ⵜⵥⵓⵔⵉ ⵏ ⵓⵡⴻⵀⵉ", ⵔⵏⵓ ⵖⴻⵔ-ⵙⴻⵏ ⴰⵙⴻⴼⵀⴻⵎ ⵖⴻⴼ ⵍⴻⵇⴷⵉⵛ ⵏ ⵜⵎⴻⵔⵙⴻⵍⵜ ⵜⴰⵖⴻⵍⵏⴰⵡⴻⵜ ⵉ ⵓⵃⵓⴷⴷⵓ ⴷ ⵓⵙⵏⴻⵔⵏⵉ ⵏ ⵍⵍⵓⴼⴰⵏ.
ⴰⵔⵏⵓ ⵖⴻⵔ
