ⵉⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵓⵙⵙⴻⴳⵎⵉ ⴰɛⵍⴰⵢⴰⵏ ⴷ ⵓⵙⵏⴰⴷⵉ ⵓⵙⵙⵏⴰⵏ, ⵅⴰⵎⴻⵍ Bⴰⴷⴷⴰⵔⵉ, ⴰⵙⵙ-ⴰ ⵏ ⵜⵍⴰⵜⴰ, ⵉⵔⵎⵓⴷⴻⵏ ⵏ ⵓⴳⵔⴰⵡ ⵡⵉⵙ ⵙⴹⵉⵙ ⴳⴰⵔ ⵢⵉⵃⵔⵉⵞⴻⵏ ⵉ ⴷ-ⵢⴻⵜⵜⵡⴰⵙⴻⴱⴷⴻⵏ ⵉ ⵓⵙⵙⴻⴼⵇⴻⴷ ⵏ ⵓⵙⵙⴻⴱⴷⵓⴷ ⵏ ⵜⴰⵙⵜⵔⴰⵜⵉⵊⵉⵜ ⵜⴰⵖⴻⵍⵏⴰⵡⵜ ⵏ ⵓⴼⴼⵉⵔ ⴰⵎⵙⴻⴱⵔⴻⵔ, ⵙ ⵢⵉⵙⴰⵍⵍⴻⵏ ⵉ ⴷ-ⵢⴻⵡⵡⵉⵏ ⵓⵍⵉⵖ ⵏ ⵜⵏⴻⵖⵍⴰⴼⵜ.
ⵉⵙⵙⴻⴼⴻⵀ-ⴷ ⵓⵖⴱⴰⵍⵓ-ⵏⵏⵉ ⴷⴰⴽⴽⴻⵏ ⵢⴻⵍⵍⴰ-ⴷ ⴷⴻⴳ ⵓⴳⵔⴰⵡ-ⴰ ⵓⵙⵙⴻⴽⵙ ⵏ "ⵓⵙⵏⵉⴼⴻⵍ ⵏ ⵜⵎⴰⵀⵍⵉⵡⵉⵏ ⵏ ⵜⵉⵙⵇⴰⵎⵓⵢⵉⵏ ⵉ ⴷ-ⵢⴻⵜⵜⵡⴰⵙⴻⴱⴷⴻⵏ ⵙ ⵢⵉⵙⴰⴳⵓⵔⴻⵏ ⵉⵎⴻⵧⵕⴰⵏⴻⵏ ⵏ ⵜⴰⵙⵜⵔⴰⵜⵉⵊⵉⵜ".
ⴷⴻⴳ ⵓⵏⵏⴰⵔ ⵏ ⵢⵉⵙⴰⵍⵍⴻⵏ ⴷ ⵢⵉⵙⴰⴳⵓⵔⴻⵏ ⵍⴰⵙⴻⵚ, ⵢⴻⵜⵜⵡⴰⵙⴻⴱⴷⴻⴷ "ⴰⵀⵉⵍ ⵏ ⵓⵙⵙⴻⴱⴷⵓⴷ ⵓⵣⵣⵉⴳ ⵏ ⵓⵙⴰⴳⵓⵔ ⵏ ⵢⵉⵙⴰⵍⵍⴻⵏ ⴷ ⵓⵙⵙⴻⴼⴻⵖ ⵏ ⵢⵉⵙⴰⴳⵓⵔⴻⵏ ⵍⴰⵙⴻⵚ ⵉ ⵉⵙⵙⴻⴼⴽ, ⴰⵏⴷⴰ ⵉ ⴷ-ⵢⴻⵜⵜⵡⴰⵙⴻⴱⴷⴻⴷ ⵙ ⵜⴻⵖⵣⵉ ⴰⴽⴽ ⵜⵎⴰⵀⵍⵉⵡⵉⵏ, ⵢⵉⵙⴰⴳⵓⵔⴻⵏ ⵏ ⵓⵙⵙⴻⵎⵎⴻⴷ ⴷ ⵢⵉⴼⴻⵞⵞⵓⵢⴻⵏ ⵏ ⵓⵙⵙⴻⴼⵇⴻⴷ ⴷ ⵜⵎⴰⵀⵍⵉ, ⵉ ⵖⴻⴼ ⴰⴷ ⴷ-ⵢⵉⵍⵉ ⵓⵙⵙⴻⴱⴷⵓⴷ ⵙⴻⴳ 11 ⵡⴰⵎⴱⴻⵔ ⵉ ⴷ-ⵢⴻⴷⴷⵓⵏ".
ⴰⵎ ⴰⴽⴽⴻⵏ ⵉ ⴷ-ⵢⴻⵜⵜⵡⴰⵙⴻⴼⵇⴻⴷ ⵜⴰⵍⴳⴰ ⵏ ⵜⵓⵜⵍⴰⵢⵜ ⵜⴰⵎⵧⵕⴰⵏⵜ ⵙ "ⵓⵙⵙⴻⴽⵙ ⵏ ⵓⵙⵏⵉⴼⴻⵍ ⵏ ⵓⵙⵙⴻⴱⴷⵓⴷ ⵏ ⵜⴰⵍⴳⴰ ⵏ ⵜⵓⵜⵍⴰⵢⵜ ⵉ ⵓⵍⵓⵖ ⴰⵏⴻⴱⴱⴰⵜ ⴰⴷⵣⴰⵢⵔⵉ, ⴰⵏⴷⴰ ⵉ ⴷ-ⵢⴻⵜⵜⵡⴰⵞⵓⵍ 98% ⵙⴻⴳ ⵢⵉⵙⴻⴼⵔⴰⵔⴻⵏ ⵓⵙⴰⴹⵓⴼⴰⵏ ⴷ ⵢⵉⵏⴻⵙⴼⴰⵔⴻⵏ ⵉ ⵉⵞⵓⴷⴷⴻⵏ".
ⴷⴻⴳ ⵓⵎⵓⵍⵍⵉ-ⴰ, -ⵢⴻⵔⵏⴰ-ⴷ ⵓⵍⵉⵖ-ⵏⵏⵉ- ⵉⵃⵓⵣ ⵓⴳⵔⴰⵡ ⴰⵙⴰⴳⵓⵔ ⵏ ⵓⴷⵓⴽⵜⵓⵔⴰ ⴷⴻⴳ ⵓⴼⴼⵉⵔ ⴰⵎⵙⴻⴱⵔⴻⵔ, ⵙ "ⵓⵙⵙⴻⵇⵓⴷⴷⴻⵙ ⴰⵎⴻⵣⵡⴰⵔⵓ ⵏ ⵜⵎⵓⵖⵍⵉⵡⵉⵏ ⵏ 46 ⵏ ⵜⵙⵓⴷⴷⵡⵉⵏ ⵜⴰⵙⴻⴷⴷⴰⵡⴰⵏⵉⵏ ⵉ ⵉⵙⵙⴻⴼⵔⴰⵢⴻⵏ ⴰⴷ ⵜⴻⴽⴽⵉⵏ ⴷⴻⴳ ⵓⵙⴻⵏⴼⴰⵔ ⵏ ⵜⴰⵖⴻⵔⴱⴰ ⵏ ⵓⴷⵓⴽⵜⵓⵔⴰ ⴷⴻⴳ ⵓⴼⴼⵉⵔ ⴰⵎⵙⴻⴱⵔⴻⵔ, ⴷ ⵜⵉⵖⴻⵔⴱⴰⵜⵉⵏ ⵏ ⵓⴷⵓⴽⵜⵓⵔⴰ ⴷⴻⴳ ⵢⵉⵙⵡⵉⵢⴻⵏ ⵉ ⵉⵃⵓⵣⴰⵏ ⵉⵙⴼⴻⵔⵜⵉⵢⴻⵏ, ⵉ ⴰⴷ ⴷ-ⵢⴻⴼⵔⵓ ⵢⵉⵖⴻⴱⵍⴰⵏ ⵉⴳⴻⵊⴷⴰⵏⴻⵏ ⵏ ⵢⴰⵍ ⴰⵃⵔⵉⵞ".
ⴷⴻⴳ ⵓⴽⴰⵜⴰⵕ-ⴰ, "ⵢⴻⵜⵜⵡⴰⵔⴰ ⴰⴷ ⴷ-ⵢⵉⵍⵉ ⵓⵙⵙⴻⵎⵎⴻⴷ ⵏ ⵓⵙⵙⴻⴼⴻⵖ ⵏ ⵓⵙⴻⵏⴼⴰⵔ ⵏ ⵓⵖⵔⴰⵙ ⵏ ⵓⵜⵜⴻⴽⴽⵉ ⴷⴻⴳ ⵓⵙⵙⴻⴳⵎⵉ ⴷⴻⴳ 15 ⵏ ⵢⵉⵙⵙⴰⵏ ⴷ ⵓⵙⵙⴻⴼⴻⵖ ⵏ ⵓⵣⴻⵎⵣ ⵏ ⵓⵙⵙⴻⴼⵙⵉⵔ ⵏ ⵓⵏⴰⵣⴰⴳ", ⵙ ⵢⵉⵙⴰⵍⵍⴻⵏ ⵏ ⵓⵖⴱⴰⵍⵓ-ⵏⵏⵉ.
ⴰⵔⵏⵓ ⵖⴻⵔ
