ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵍⵍⴰ-ⴷ, ⴰⵙⵙ ⵏ ⵍⵃⴻⴷⴷ, ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⴰⵖⵍⵉⴼⴰⵏⵜ ⵜⵓⵛⵔⵉⴽⵜ ⴳⴰⵔ ⵢⵉⵖⵍⵉⴼⴻⵏ ⵏ ⵢⵉⵀⵉⴷⵔⵓⴽⴰⵔⴱⵓⵔⴻⵏ ⴷ ⵜⴻⵥⵡⴻⵔⵜ ⴷ ⵜⴻⵥⵡⴰⵔ ⴷ-ⵢⴻⵜⵜⴻⵇⵇⴰⵍⴻⵏ. ⵜⵉⵎⵍⵉⵍⵉⵜ-ⴰ ⵜⴻⵔⵣⴰ ⴰⵙⴻⴽⵢⴻⴷ ⴷ ⵓⵙⴻⴽⵢⴻⴷ ⵏ ⵡⴰⵟⴰⵙ ⵏ ⵜⴻⵎⵙⴰⵍ ⵜⵓⵣⵡⵉⵔⵉⵏ, ⵍⴰⴷⵖⴰ ⵜⵉⴷ ⵢⴻⵇⵇⵏⴻⵏ ⵖⴻⵔ ⵓⴹⴼⴰⵔ ⵏ ⵓⵙⵙⴻⵇⴷⴻⵛ ⵏ ⵡⵓⵔⵔⵉⴳ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⴻⵥⵡⴻⵔⵜ ⴷ ⵜⴻⵥⵡⴰⵔ ⴷ-ⵢⴻⵜⵜⴻⵇⵇⴰⵍⴻⵏ. ⵜⵉⵎⵍⵉⵍⵉⵜ-ⴰ ⵙⵙⴻⵍⵡⵉⵜ-ⵜ ⵓⵏⴻⵖⵍⴰⴼ ⵏ ⵓⵡⴰⵏⴰⴽ ⴷ ⵓⵏⴻⵖⵍⴰⴼ ⵏ ⵢⵉⵀⵉⴷⵕⵓⴽⴰⵔⴱⵓⵏⴻⵏ, ⵎⵧⵀⴰⵎⴻⴷ ⴰⵔⴽⴰⴱ, ⴷ ⵓⵏⴻⵖⵍⴰⴼ ⵏ ⵜⴻⵥⵡⴻⵔⵜ ⴷ ⵜⴻⵥⵡⴰⵔ ⴷ-ⵢⴻⵜⵜⴻⵇⵇⴰⵍⴻⵏ, ⵎⵓⵓⵔⴰⴷ ⴰⴷⵊⴰⵍ, ⵢⴻⵔⵏⵓ ⵜⵜⴻⴽⴽⴰⵏ ⴷⴻⴳ-ⵙ ⵡⴰⵟⴰⵙ ⵏ ⵢⵉⵎⴹⴻⴱⴱⵔⴻⵏ ⵓⵏⵏⵉⴳⴻⵏ, ⴰⵎ ⵡⴰⴽⴽⴻⵏ ⴰⵢ ⵜⵜⴻⴽⴽⴰⵏ ⴷⴻⴳ-ⵙ ⵢⵉⴳⴻⵏⵙⴰⵙⴻⵏ ⵏ ⵜⴻⴳⵔⴰⵡⵉⵏ ⵏ ⵙⵧⵏⴰⵜⵔⴰⵛⵀ ⴷ ⵙⵧⵏⴻⵍⴳⴰⵣ. ⵜⵉⵎⵍⵉⵍⵉⵜ-ⴰ ⵜⴻⵍⵍⴰ-ⴷ ⵉ ⵓⴹⴼⴰⵔ ⵏ ⵓⵙⵙⴻⵇⴷⴻⵛ ⵏ ⵍⴳⴰⵣ ⴷ ⵓⵙⴻⵊⵀⴻⴷ ⵏ ⵓⵙⵙⴻⵎⵢⵓⴷⴷⴻⵙ ⴳⴰⵔ ⵙⵉⵏ-ⴰ ⵏ ⵢⵉⵖⵍⵉⴼⴻⵏ. ⴰⵖⴱⴰⵍⵓⴰ ⵢⴻⵙⵙⴻⴼⵀⴻⵎⴷ ⴷⴰⴽⴽⴻⵏ ⵜⵉⵎⵍⵉⵍⵉⵜⴰ ⵜⴻⵍⵍⴰⴷ ⵉ « ⵓⵙⴻⴽⵢⴻⴷ, ⵜⴰⵣⵔⴰⵡⵜ, ⴷ ⵓⵙⴽⴰⵙⵉ ⵏ ⵡⴰⵟⴰⵙ ⵏ ⵜⴻⵎⵙⴰⵍ ⵜⵉⵎⴻⵣⵡⵓⵔⴰ, ⵍⴰⴷⵖⴰ ⵜⵉⴷ ⵢⴻⵔⵣⴰⵏ ⴰⴹⴼⴰⵔ ⵏ ⵓⵙⴻⵇⴷⴻⵛ ⵏ ⵍⴳⴰⵣ, ⵉ ⵍⵎⴻⵏⴷ ⵏ ⵓⴹⵎⴰⵏ ⵏ ⵓⵙⵙⴻⴼⵔⴻⴽ ⵢⴻⵍⵀⴰⵏ ⵏ ⵢⵉⵖⴱⵓⵍⴰ ⵏ ⵜⴻⵥⵡⴻⵔⵜ ⴷ ⵓⵙⵙⵉⵡⴻⴹ ⵏ ⵍⵎⵉⵣⴰⵏ ⴳⴰⵔ ⵢⵉⵃⴻⵣⵣⵉⴱⴻⵏ ⵏ ⵓⵙⵙⵉⵡⴻⴹ ⴷ ⵢⵉⵃⴻⵣⵣⵉⴱⴻⵏ ⴰⵢ ⵍⴰ ⵢⴻⵜⵜⵉⵎⵖⵓⵔⴻⵏ ⵏ ⵢⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵜⴷⴰⵎⵙⴰ ». ⵜⵉⵎⵍⵉⵍⵉⵜ-ⴰ ⵜⵎⴻⵙⵍⴰⵢ-ⴷ ⴷⴰⵖ ⵖⴻⴼ ⵜⵓⵇⵇⵏⴰ ⵏ ⵜⴻⵖⵙⴻⵔⵜ ⵏ 1200 ⵏ ⵢⵉⵎⵉⴳⴰⵡⴰⵟⴻⵏ ⵏ ⵜⵔⵉⵙⵉⵜⵉ ⵏ ⵜⵡⵉⵍⴰⵢⵜ ⵏ ⴰⴷⵔⴰⵔ ⵖⴻⵔ ⵓⵥⴻⴹⴹⴰ ⴰⵖⴻⵍⵏⴰⵡ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵎⴻⵙⵍⴰⵢ ⵖⴻⴼ ⵢⵉⴷⵉⵙⴰⵏ ⵉⵜⵡⵉⵍⴰⵏⴻⵏ ⴷ ⵢⵉⵙⵍⵓⴳⴰⵏⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵙⴻⵏⴼⴰⵔ-ⴰ, ⵍⴰⴷⵖⴰ ⴰⴹⵎⴰⵏ ⵏ ⵓⴼⴰⴽⵉ-ⵏⵏⴻⵙ ⴷⴻⴳ ⵡⴰⴽⵓⴷ. ⴰⵢⴰ ⴰⴷ ⵢⴻⵙⵏⴻⵔⵏⵉ ⵜⴰⵣⵎⴻⵔⵜ ⵏ ⵓⴼⴰⵔⴻⵙ ⵏ ⵜⵔⵉⵙⵉⵜⵉ ⵢⴻⵔⵏⵓ ⴰⴷ ⵢⴻⵙⵙⴻⵊⵀⴻⴷ ⵜⴰⵖⴻⵍⵍⵉⵙⵜ ⵏ ⵜⴻⵥⵡⴻⵔⵜ, ⵍⴰⴷⵖⴰ ⴷⴻⴳ ⵜⵡⵉⵍⴰⵢⵉⵏ ⵏ ⵡⴻⵏⵥⵓⵍ, ⵖⴻⴼ ⵡⴰⴽⴽⴻⵏ ⴰⵢ ⴷⵢⴻⵔⵏⴰ ⵓⵍⵖⵓⴰ. ⵜⵉⵎⵍⵉⵍⵉⵜⴰ ⵜⴻⴼⴽⴰⴷ ⵜⴰⴳⵏⵉⵜ ⵉ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵎⵙⴻⴼⵀⴰⵎⴻⵏ ⵖⴻⴼ ⵜⵎⵓⵖⵍⵉⵡⵉⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⴼⵔⴰⵜ ⵉ ⵓⵙⵙⴻⵍⵀⵓ ⵏ ⵜⵖⴰⵔⴰ ⵏ ⵜⴻⵥⵡⴻⵔⵜ, ⴰⵙⵙⴻⵇⴷⴻⵛ ⵏ ⵜⵖⴰⵡⵙⵉⵡⵉⵏ ⵙ ⵜⵖⴰⵡⵍⴰ, ⴷ ⵓⴹⵎⴰⵏ ⵏ ⵓⵙⵙⴻⴼⵔⴻⴽ ⵢⴻⵍⵀⴰⵏ ⵏ ⵢⵉⴼⴰⵔⵉⵙⴻⵏ ⴰⵢ ⵢⴻⵍⵍⴰⵏ. ⴷⴻⴳ ⵜⴳⴰⵔⴰ, ⵡⴻⴽⴽⴷⴻⵏ-ⴷ ⵙⵉⵏ-ⴰ ⵏ ⵢⵉⵏⴻⵖⵍⴰⴼⴻⵏ ⵖⴻⴼ ⵡⴰⵣⴰⵍ ⵏ ⵓⴽⴻⵎⵎⴻⵍ ⵏ ⵓⵙⵙⴻⵎⵢⵓⴷⴷⴻⵙ ⴷ ⵓⵎⵛⵉⵡⴻⵕ ⴳⴰⵔ ⵙⵉⵏ-ⴰ ⵏ ⵢⴻⵃⵔⵉⵛⴻⵏ ⴷ ⵜⴻⴳⵔⴰⵡⵉⵏ ⵏ ⵙⵧⵏⴰⵜⵔⴰⵛⵀ ⴷ ⵙⵧⵏⴻⵍⴳⴰⵣ, ⴷ ⵓⴹⴼⴰⵔ ⴰⵍⵎⴻⵏⴷ ⵏ ⵜⴻⵎⵙⴰⵍ ⴰⵢ ⴷ-ⵢⴻⵜⵜⵡⴰⴱⴷⴻⵔⵏ. ⵡⴻⴽⴽⴷⴻⵏ-ⴷ ⴷⴰⵖ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⵢⴻⵙⵙⴻⴼⴽⴻⵏ ⵉ ⵓⵙⵙⴻⵄⵊⴻⵍ ⵏ ⵓⴼⴻⵔⵔⵓ ⵏ ⵢⵉⴷⵉⵙⴰⵏ ⵉⵜⵡⵉⵍⴰⵏⴻⵏ ⴷ ⵓⵙⵍⵓⴳⴰⵏ ⴰⵢ ⵢⴻⵇⵇⵏⴻⵏ ⵖⴻⵔ ⵡⴰⵢⴰ, ⵢⴻⵔⵏⵓ ⵙ ⵡⴰⵢⴰ, ⴰⴷ ⴷⵢⵉⵍⵉ ⵓⵙⵙⴻⵎⵢⵓⴷⴷⴻⵙ ⴳⴰⵔ ⵢⵉⵏⴰⴳⵔⴰⵡⴻⵏ ⵏ ⵓⴼⴰⵔⴻⵙ ⴷ ⵓⵎⴻⵙⵏⵉ ⵏ ⵢⵉⵀⵉⴷⵕⵓⴽⴰⵔⴱⵓⵔⴻⵏ ⴷ ⵓⴼⴰⵔⴻⵙ ⵏ ⵜⵔⵉⵙⵉⵜⵉ, ⴷ ⵓⵙⵙⴻⵊⵀⴻⴷ ⵏ ⵜⵖⴻⵍⵍⵉⵙⵜ ⵜⴰⵥⴻⵡⵔⴰⵏⵜ ⵜⴰⵖⴻⵍⵏⴰⵡⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ.
ⴰⵔⵏⵓ ⵖⴻⵔ
