ⵜⵉⵍⵉⵥⵔⵉ ⵜⴰⴳⴷⵓⴷⴰⵏⵜ ⵜⴰⵣⵣⴰⵢⵔⵉⵜ ⵜⴻⵡⵡⵉ ⵢⵉⵡⴻⵏ ⵏ ⵓⵙⵜⴻⵏⵢⴻⵏ ⵉⵕⴻⵙⵙⴰⵏ ⴷⴻⴳ ⵓⴱⵔⵉⴷ ⵏ ⵢⵉⵎⴰⵍⴰⵙⴻⵏ ⵏ ⵓⵙⴼⴻⴳⴳⴻⵔ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵡⴳⵍⴰ ⵏ ⵡⴰⵍⵍⴰⵖ ⵏ ⵓⵙⴻⴳⴳⴰⵙ 2026. ⵜⴻⵡⵡⵉ ⴰⵣⴰⵎⵓⵍ ⵏ "ⵓⵎⵙⴻⵇⴷⴻⵛ ⴰⵎⴰⵙⴰⵢ" ⵢⴻⵄⵏⴰⵏ ⵜⵉⵎⵓⵙⵏⵉⵡⵉⵏ ⵉ ⵉⵇⴰⴷⵔⴻⵏ ⵢⵉⵣⴻⵔⴼⴰⵏ ⵏ ⵓⵎⴻⵙⴽⴰⵔ, ⴰⵢⴰⴳⵉ ⴷ ⴰⵙⴰⵜⵉⴳ ⵏ ⵜⵓⵛⵛⵉⵜ-ⵉⵙ ⴷⴻⴳ ⵓⵇⴰⴷⴻⵔ ⵏ ⵢⵉⵣⴻⵔⴼⴰⵏ ⵏ ⵢⵉⵙⵏⵓⵍⴼⴰⵢⴻⵏ ⴷ ⵓⵙⴻⵎⵔⴻⵙ ⴰⵎⴰⵙⴰⵢ ⵏ ⵢⵉⵎⴰⵀⵉⵍⴻⵏ ⵏ ⵓⵙⵏⵓⵍⴼⵓ.
ⴰⵔⵔⴰⵣ-ⴰⴳⵉ ⵢⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵜⵎⴻⵖⵔⴰ ⵉ ⴷ-ⵜⴻⵙⵙⵓⴷⴷⴻⵙ ⵜⴰⵙⵏⵉⴼⴻⵔⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵣⴻⵔⴼⴰⵏ ⵏ ⵓⵎⴻⵙⴽⴰⵔ ⴷ ⵢⵉⵣⴻⵔⴼⴰⵏ ⵉ ⴷ-ⵢⴻⵣⵣⵉⵏ (ONDA), ⵜⴰⵙⴻⴱⴱⵃⵉⵜ ⵏ ⵡⴰⵙⵙ-ⴰ, ⴷⴻⴳ ⵓⴼⵔⴰⴳ ⵏ ⵢⵉⴷⵍⴻⵙ “ⵎⵓⴼⴷⵉ ⵣⴰⴽⴰⵔⵉⴰ”, ⵙ ⴷⴷⴰⵡ ⵏ ⵜⵎⵓⵖⵍⵉ ⵏ ⵜⵏⴻⵖⵍⴰⴼⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ, ⵎⴰⵙⵙⴰ ⵎⴰⵍⵉⴽⴰ ⴱⴻⵏⴷⵓⵓⴷⴰ, ⵙ ⵜⵉⵍⵉⵜ ⵏ ⵢⵉⵎⴹⴻⴱⴱⵔⴻⵏ ⵏ ⵓⵡⴰⵏⴰⴽ ⴷ ⵢⵉⵎⴰⵣⴰⵏ ⵏ ⵜⵎⵓⵙⵏⵉⵡⵉⵏ ⵜⴰⵖⴻⵍⵏⴰⵡⵉⵏ ⴷ ⵢⵉⵎⵉⴳⴰⵡⴻⵏ ⵏ ⵓⵏⵏⴰⵔ ⵏ ⵢⵉⴷⵍⴻⵙ, ⴰⵙⴰⵍⴰⵏ ⴷ ⵡⴰⴷⴷⴰⵍ.
ⴷⴻⴳ ⵜⵎⴻⵙⵍⴰⵢⵜ-ⵉⵙ, ⵜⴻⵙⵙⴻⴽⵏⴻⴷ ⵜⵏⴻⵖⵍⴰⴼⵜ ⴱⴻⵍⵍⵉ ⴰⴳⵍⴰ ⵏ ⵡⴰⵍⵍⴰⵖ ⴷ ⴰⵙⴰⵜⵉⴳ ⵏ ⵍⵀⵉⴱⴰ ⵏ ⵡⴰⵍⵍⴰⵖ ⵏ ⵓⵎⴷⴰⵏ ⴷ ⵓⵟⵎⴰⵏ ⵏ ⵢⵉⵣⴻⵔⴼⴰⵏ ⵏ ⵢⵉⵙⵏⵓⵍⴼⴰⵢⴻⵏ. ⵜⴻⵙⵙⴻⵃⵔⴻⵙ ⴱⴻⵍⵍⵉ ⴷ ⵍⵍⵙⴰⵙ ⵉ ⵓⵃⵔⴰⵣ ⵏ ⵓⴳⴻⵔⵔⵓⵊ ⴷ ⵓⵙⴻⴶⵀⴻⴷ ⵏ ⵓⵙⵏⵓⵍⴼⵓ ⴷⴻⴳ ⵜⴰⵍⵍⵉⵜ ⵏ ⵓⴱⴻⴷⴷⴻⵍ ⴰⵇⵎⵉ (transformation numérique).
ⴰⵙⵜⴻⵏⵢⴻⵏ ⵏ ⵜⵉⵍⵉⵥⵔⵉ ⵜⴰⴳⴷⵓⴷⴰⵏⵜ ⴳⴰⵔ ⵜⵎⵓⵙⵏⵉⵡⵉⵏ ⵉ ⴷ-ⵓⵡⵢⴻⵏ ⴰⵔⵔⴰⵣ-ⴰⴳⵉ, ⵉ ⴷⴻⴳ ⵜⴻⵍⵍⴰ ⴷⴰⵖⴻⵏ ⵔⵔⴰⴷⵢⵓ ⵜⴰⵖⴻⵍⵏⴰⵡⵜ ⴷ ⵜⵓⴷⴷⵙⴰ ⵏ ⵢⵉⴷⵍⴻⵙ ⴷ ⵓⵙⴰⵍⴰⵏ (ONCI), ⵉⵙⴽⴰⵏ-ⴷ ⵜⵓⵛⵛⵉⵜ-ⵉⵙ ⵉ ⵓⵕⵓⵚⵓ ⵏ ⵜⵎⴰⴳⵉⵜ ⵏ ⵓⵇⴰⴷⴻⵔ ⵏ ⵢⵉⵣⴻⵔⴼⴰⵏ ⵏ ⵓⵎⴻⵙⴽⴰⵔ, ⴰⵎⴰ ⴷⴻⴳ ⵓⴼⴰⵔⵉⵙ ⵏ ⵚⵚⵓⵜ ⴷ ⵜⵎⵓⵖⵍⵉ ⵏⴻⵖ ⴷⴻⴳ ⵓⴼⵔⴰⵇ ⴷ ⵓⵄⴰⵡⴻⴷ ⵏ ⵓⵙⴻⵎⵔⴻⵙ ⵏ ⵢⵉⵎⴰⵀⵉⵍⴻⵏ.
ⵜⴻⴳⴳⴰⵡⴻⵜ-ⴰⴳⵉ ⵜⵣⴻⵔ ⴷⴰⵖⴻⵏ ⵓⵙⵜⴻⵏⵢⵉ ⵏ ⴽⵔⴰⴷ (3) ⵏ ⵢⵉⵎⵜⴰⵡⴰⵏ ⵏ ⵓⵎⵢⴻⵛⵛⴻⵔ ⴷ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵓⴳⴻⵔⵔⵓⵊ ⴰⵖⴻⵍⵏⴰⵡ (Archives), ⴷ ⵓⵖⴻⵔⴱⴰⵣ ⵓⵏⵉⴳ ⵏ ⵜⵏⴻⵖⵎⴰⵙⵜ ⴷ ⵜⵓⵙⵙⵏⵉⵡⵉⵏ ⵏ ⵓⵙⴰⵍⴰⵏ, ⴷ ⵜⴻⵙⴰⵍⵜ ⵜⴰⵇⵎⵉⵜ "Dropzik", ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵏⴼⴰⵄ ⵏ ⵓⵃⵔⴰⵣ ⵏ ⵢⵉⵎⴰⵀⵉⵍⴻⵏ ⴷ ⵓⴷⴻⴳⴳⴻⵔ ⵏ ⵜⴷⴰⵎⵙⴰ ⵏ ⵓⵙⵏⵓⵍⴼⵓ ⴷⴻⴳ ⵍⴻⵣⵣⴰⵢⴻⵔ.
ⴷⴻⴳ ⵓⵏⵏⴰⵔ ⵏ ⵓⵎⵓⴱⴱⴰⴷⴷⴻⵍ ⵏ ⵢⵉⵔⵎⵉⵜⴻⵏ, ⵜⴻⵜⵜⴻⴽⴽⵉ ⵜⵉⵍⵉⵥⵔⵉ ⵜⴰⵖⴻⵍⵏⴰⵡⵜ ⴷⴻⴳ ⵢⵉⵡⴻⵜ ⵏ ⵜⵎⵓⵖⵍⵉ ⵜⴰⵎⴻⵣⴷⴰⵢⵜ ⵉ ⴷ-ⵢⵉⵍⵍⴰⵏ ⵉ ⵡⴰⵏⵏⴻⵛⵜ-ⴰ, ⵙ ⵜⴰⵎⴰ ⵏ ⵢⵉⵎⵓⵣⵣⴰⴳⴻⵏ ⴷⴻⴳ ⵡⴰⵟⴰⵙ ⵏ ⵢⵉⵏⵏⴰⵔⴻⵏ. ⴷⴻⴳ-ⵙ ⵇⴻⵔⴷⵛⴻⵏ ⵜⴻⵎⵙⴰⵍ ⵉⵕⴻⵙⵙⴰⵏⴻⵏ ⴰⵎ ⵢⵉⵣⴻⵔⴼⴰⵏ ⵏ ⵓⴼⵔⴰⵇ ⴰⵃⵔⴰⵣ ⵏ ⵢⵉⵙⴰⵍⴰⵏ ⴷⴻⴳ ⵜⴰⵡⵏⵏⴰⴹⵜ ⵜⴰⵇⵎⵉⵜ, ⴷ ⵢⵉⴽⴰⵢⴰⴷⴻⵏ ⵏ ⵡⴳⵍⴰ ⵏ ⵡⴰⵍⵍⴰⵖ ⴷⴻⴳ ⵓⵏⵏⴰⵔ ⵏ ⵡⴰⴷⴷⴰⵍ ⴷ ⵢⵉⴷⵍⴻⵙ ⴰⵎⵉⵔⴰⵏⵜ.
ⴰⵔⵏⵓ ⵖⴻⵔ
