ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⴷ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⵜⴻⵎⵙⴰⵍ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵃⵎⴻⴷ ⴰⵟⵟⴰⴼ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ, ⵉ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ, ⵜⴰⴼⵔⴰⵏⴽⵓⴼⵓⵏⵉⵜ ⴷ ⵢⵉⴽⵓⵏⴳⵓⵍⵉⵢⴻⵏ ⵏ ⴱⴻⵕⵕⴰ, ⵎⴰⵙⵙ ⴽⵓⵏⵙⵜⵓ ⵙⴰⵔⴶ ⴱⵓⵏⴷⴰ. ⴰⵎⴻⴳⴳⴰⵔⵉ-ⴰⴳⵉ ⵢⵓⵙⴰ-ⴷ ⴷⴻⴳ ⵢⵉⵡⴻⵜ ⵏ ⵜⵉⵔⵣⵉ ⵜⵓⵏⵚⵉⴱⵜ ⵖⴻⵔ ⵍⴻⵣⵣⴰⵢⴻⵔ ⵉⵡⴰⴽⴽⴻⵏ ⴰⴷ ⵉⵙⴻⵍⵍⴻⵎ ⵢⵉⵡⴻⵜ ⵏ ⵜⴻⴱⵔⴰⵜⵜ ⵢⵓⵔⴰⵏ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵙ ⵜⴰⵎⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⴽⵓⵏⴳⵓ, ⵎⴰⵙⵙ ⴷⴻⵏⵉⵙ ⵙⴰⵙⵙⵓⵓ ⵏⴳⵓⴻⵙⵙⵓ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴱⴻⵍⵍⵉ ⴷⴻⴳ ⵜⴰⵍⵍⵉⵜ-ⴰⴳⵉ "ⴰⵏⴻⵖⵍⴰⴼ ⴰⵃⵎⴻⴷ ⴰⵟⵟⴰⴼ ⵉⵄⴰⵡⴻⴷ ⵉⵙⵙⴻⴱⵕⴻⴽ (ⵉⵙⴱⴻⵕ) ⴰⵏⵉⵍⵖⴰⴼ-ⵉⵙ ⴰⴽⵓⵏⴳⵓⵍⵉ ⵙⴻⵍⴷ ⵎⵉ ⵢⴻⵜⵜⵡⴰⵙⴱⴻⴷⴷ ⴷ ⵓⵇⴻⵔⵔⵓ ⵏ ⵜⴷⵉⵒⵍⵓⵎⴰⵙⵉⵜ ⵏ ⵜⵎⵓⵔⵜ-ⵉⵙ". ⴷⴰⵖⴻⵏ, ⵉⵙⵇⴻⵔⴷⴻⵛ ⵢⵉⴷ-ⴻⵙ "ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵓⵎⵢⴻⵛⵛⴻⵔ ⵉ ⵢⴻⵙⴷⵓⴽⴽⵍⴻⵏ ⵙⵏⴰⵜ ⵏ ⵜⵎⵓⵔⴰ ⵜⵉⵙⵏⵉⵡⵉⵏ, ⴷ ⵜⴰⵔⵔⴰⵢⵉⵏ ⵉ ⵓⵙⴻⴶⵀⴻⴷ-ⵏⵙⴻⵏ, ⵍⴰⴷⵖⴰ ⴷⴻⴳ ⵢⵉⵏⵏⴰⵔⴻⵏ ⵉⵕⴻⵙⵙⴰⵏⴻⵏ ⵉ ⵙⵏⴰⵜ ⵏ ⵜⴰⵎⵉⵡⵉⵏ, ⴰⵎ ⵜⵎⴻⵔⵔⵉ (énergie), ⵉⵖⴰⵍⴰⴷⴻⵏ (ⵎⵉⵏⴻⵙ), ⵜⵉⴼⴻⵔⴽⵉ, ⵓⵣⵓⵏⴻⵢ ⵏ ⵓⵙⴰⴼⴰⴳ ⴷ ⵓⵙⴻⵍⵎⴻⴷ ⵓⵏⵉⴳ".
ⵙⴻⴳ ⵜⴰⵎⴰ ⵏ ⵏⵏⵉⴹⴻⵏ, ⵙⵉⵏ ⵏ ⵢⵉⵏⴻⵖⵍⴰⴼⴻⵏ ⵎⵓⴱⴱⴰⴷⴷⴻⵍⴻⵏ ⵜⵎⵓⵖⵍⵉⵡⵉⵏ ⵖⴻⴼ "ⵜⴻⵎⵙⴰⵍ ⴷ ⵜⴻⵎⵎⴰⵜⵉⵏ ⵏ ⵜⵓⵔⴰ ⴷⴻⴳ ⵜⵎⴻⵏⵏⴰⵟ ⵏ ⵜⴻⴼⵔⵉⵇⵜ, ⵍⴰⴷⵖⴰ ⵜⴰⵍⵓⴼⵜ ⵏ ⵍⵉⴱⵢⴰ ⵙ ⵜⵎⵓⵖⵍⵉ ⵏ ⵍⵎⴻⴶⵀⵓⴷⴰⵜ ⵉ ⵜⴻⵜⵜⴻⴳⴳⴻⵏ ⵜⴻⵙⵇⴰⵎⵓⵜ ⵏ ⵜⴷⵓⴽⵍⵉ ⵏ ⵜⴻⴼⵔⵉⵇⵜ ⵏ ⵓⵙⵡⵉⵔ ⵉⵄⵍⴰⵢⴻⵏ ⵖⴻⴼ ⵍⵉⴱⵢⴰ, ⵙ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⴽⵓⵏⴳⵓ, ⵎⴰⵙⵙ ⴷⴻⵏⵉⵙ ⵙⴰⵙⵙⵓⵓ ⵏⴳⵓⴻⵙⵙⵓ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴰⵔⵏⵓ ⵖⴻⵔ
