ⵙⵙⴰⵡⴹⴻⵏ ⵢⵉⵎⴻⵣⵍⴰ ⵏ ⵜⵎⴻⵙⵜⵍⴻⵍⵜ ⵜⴰⵖⴻⵍⵏⴰⵡⵜ ⵏ ⴱⴰⵛⵛⴰⵔ, ⴷⴻⴳ ⴷⴷⵓⵔⵜ ⵉ ⵉⵄⴻⴷⴷⴰⵏ, ⴰⴷ ⵙⵙⴻⴼⵙⴻⵅⴻⵏ ⵢⵉⵡⴻⵜ ⵏ ⵜⴳⵔⵓⵎⵎⴰ ⵢⴻⵍⵀⴰⵏ ⴷⴻⴳ ⵓⵣⵏⵓⵣ ⵓⴼⵔⵉⵖ ⵏ ⵍⴻⵀⵢⵓⴼ, ⵢⴻⵔⵏⴰ ⵟⵟⴼⴻⵏ ⴰⴳⴰⵔ ⵏ 1 ⵍⵇⴻⵏⵟⴰⵔ ⴷ 75 ⵏ ⴽⵉⵍⵓ ⵏ ⵍⴽⵉⴼ ⵉⵎⴰⵙⵏⴻⵏ ⵉ ⴷ-ⵢⴻⴽⴽⴰⵏ ⵙⵉ ⵍⵎⴻⵔⵔⵓⴽ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵓⵎⴻⵣⵍⴰ-ⴰⴳⵉ ⵏ ⵜⴰⵏⴰⴼⵓⵜ ⴰⵙⵙ ⵏ ⵓⵙⵉⵏⴰⵙ.
ⵉⴱⴻⴳⴳⴻⵏ-ⴷ ⵓⵖⴱⴰⵍⵓ-ⴰⴳⵉ ⴱⴻⵍⵍⵉ "ⵉⵄⴻⴳⴳⴰⵍⴻⵏ ⵏ ⵜⵎⴻⵙⵜⵍⴻⵍⵜ ⵏ ⵜⴻⵣⵣⴻⵔⵜ ⵏ ⵍⵡⵉⵍⴰⵢⴰ ⵏ ⴱⴰⵛⵛⴰⵔ ⵙⵙⴰⵡⴹⴻⵏ, ⴷⴻⴳ ⴷⴷⵓⵔⵜ ⵉ ⵉⵄⴻⴷⴷⴰⵏ, ⴰⴷ ⵙⵏⴻⴳⵔⴻⵏ ⵜⵓⵙⴽⵉⵡⵜ ⵜⴰⴽⵔⵉⴹⴰⵏⵜ ⵏ ⵜⴳⵔⵓⵎⵎⴰ-ⴰⴳⵉ ⵢⴻⵜⵜⴻⴽⴽⵉⵏ ⴷⴻⴳ ⵓⵣⵏⵓⵣ ⵏ ⵍⵎⵓⵇⴻⴷⴷⵉⵔⴰⵜ, ⵟⵟⴼⴻⵏ 3 ⵏ ⵢⵉⵎⴷⴰⵏⴻⵏ ⵙⴻⴳ-ⵙ, ⵢⴻⵔⵏⴰ ⴽⴽⵙⴻⵏ-ⴷ ⴰⴳⴰⵔ ⵏ 175 ⵏ ⴽⵉⵍⵓ ⵏ ⵍⴽⵉⴼ ⵉ ⴷ-ⵢⴻⴽⴽⴰⵏ ⵙⵉ ⵍⵎⴻⵔⵔⵓⴽ".
ⵜⴻⵍⵍⴰ-ⴷ ⵜⴻⵊⵔⴰ-ⴰⴳⵉ ⵙ ⵢⵉⴼⴰⵙⵙⴻⵏ ⵏ "ⵜⵔⴰⴱⴱⵓⵜ ⵏ ⵓⵎⴻⵏⵏⵓⵖ ⵎⴳⴰⵍ ⵍⵎⵓⵇⴻⴷⴷⵉⵔⴰⵜ, ⴰⵏⵉⴷⴰ ⵉ ⵟⵟⴼⴻⵏ ⵜⴰⵔⵔⵓⵏⵜ ⵜⴰⵎⴻⵣⵡⴰⵔⵓⵜ ⵏ ⵍⴽⵉⴼ ⵍⵇⴻⴷⵔ-ⵉⵙ 50 ⵏ ⴽⵉⵍⵓ ⴷ 80 ⵏ ⴳⵔⴰⵎ, ⵜⴻⵍⵍⴰ ⵜⴼⴻⵔ ⴷⴻⴳ ⵢⵉⵡⴻⵏ ⵡⵓⵎⴷⵉⵇ ⵓⴼⵔⵉⵖ ⴷⴻⴳ ⵢⵉⵡⴻⵜ ⵏ ⵜⴽⴻⵔⵔⵓⵙⵜ, ⵟⵟⴼⴻⵏ-ⵜⵜ ⴷⴻⴳ ⵜⴻⴱⴱⵓⵔⵜ ⵜⴰⴳⴰⴼⴰⵏⵜ ⵏ ⵜⵎⴰⴷⵉⵏⵜ ⵏ ⴱⴰⵛⵛⴰⵔ. ⵜⴰⵣⵔⴰⵡⵜ ⵜⵓⵙⴷⵉⴷⵜ ⵜⴻⵙⵙⴰⵡⴻⴹ ⴰⴷ ⴷ-ⵜⴰⴼ ⴽⴻⵎⵎⵉⵢⴰ ⵏⵏⵉⴹⴻⵏ ⵏ ⵙⵙⵎⵓⵎ-ⴰⴳⵉ ⵍⵇⴻⴷⵔ-ⵉⵙ 1 ⵍⵇⴻⵏⵟⴰⵔ ⴷ 25 ⵏ ⴽⵉⵍⵓ ⴷⴻⴳ ⵢⵉⵡⴻⵜ ⵏ ⵜⴼⵉⵔⵎⴰⵏⵜ ⵉ ⵜⴻⵙⵙⴻⵇⴷⴰⵛ ⵜⴳⵔⵓⵎⵎⴰ-ⴰⴳⵉ ⵉⵡⴰⴽⴽⴻⵏ ⴰⴷ ⴼⴼⵔⴻⵏ ⵙⵙⵎⵓⵎ-ⵏⵏⵉ".
ⵜⴻⴼⵔⴰ ⵜⴻⵊⵔⴰ-ⴰⴳⵉ, ⵉ ⴷ-ⵢⴻⵍⵍⴰⵏ ⴷⴷⴰⵡ ⵓⵙⴻⵍⵃⵓ ⵏ ⵜⵏⴻⵀⵀⴰⵍⵜ ⵉ ⴷ-ⵢⴻⵍⵀⴰⵏ, ⵙ ⵓⵙⵜⴻⵔⵊⴻⵄ ⵏ 3 ⵏ ⵜⴽⴻⵔⵔⵓⵙⵉⵏ ⵢⴻⵎⴳⵉⵔⵔⴷⴻⵏ, ⵉ ⵙⵙⴻⵇⴷⴰⵛⴻⵏ ⵉ ⵓⵙⴰⵢⴷⴻⵔ ⴷ ⵓⵏⴻⵇⵇⴻⵍ ⵏ ⵙⵙⵎⵓⵎ-ⵏⵏⵉ. ⵡⵡⵉⵏ ⵢⵉⵎⴷⴰⵏⴻⵏ-ⵏⵏⵉ ⵖⴻⵔ ⵡⴻⴽⴽⵉⵍ ⵏ ⵜⴳⴷⵓⴷⴰ ⴷⴻⴳ ⵓⵇⵡⴰⵔ ⵏ ⵜⴻⵣⵣⴻⵔⵜ ⵓⴼⵔⵉⵔ ⴷⴻⴳ ⵡⴻⵀⵔⴰⵏ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.
