ⵉⵙⵙⴻⴽⵏⴻⴷ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴷⴷⵉⵏ ⴷ ⵍⵡⴻⵇⴼ, ⴰⴷⵓⴽⵜⵓⵔ ⵢⵓⵓⵛⴻⴼ ⴱⴻⵍⵎⴻⵀⴷⵉ, ⵉ ⵢⴻⵍⵍⴰⵏ ⴷ ⴰⵙⴻⵍⵡⴰⵢ ⵏ ⵓⴱⵉⵕⵓ ⵏ ⵜⴻⵎⵙⴰⵍ ⵏ ⵢⵉⵃⵓⴶⴶⴰⴶ ⵏ ⵍⴻⵣⵣⴰⵢⴻⵔ, ⴰⵣⴰⵍ ⵏ ⵓⵙⴰⵍⵉ ⵏ ⵓⵙⵡⵉⵔ ⵏ ⵓⵀⴻⴳⴳⵉ ⴷ ⵓⵜⴻⴽⴽⵉ ⵙ ⵍⴻⴽⵎⴰⵍ ⴷⴻⴳ ⵜⴰⵍⵍⵉⵜ-ⴰⴳⵉ ⵉⵡⴻⵄⵔⴻⵏ ⵏ ⵍⵃⴻⴶ . ⵜⴰⵍⵍⵉⵜ-ⴰⴳⵉ ⵜⴻⵙⵙⵓⵜⵜⵓⵔ ⵓⵎⵙⴰⵙⴻⵢ ⵉⵕⴻⵙⵙⴰⵏ ⴷ ⵜⵉⴳⴳⴰⵡⵜ ⵏ ⵡⴰⵏⵏⴰⵔ ⵉ ⵉⵜⴻⴷⴷⵓⵏ ⵙⴻⴳ ⵢⴰⴽⴽ ⵉⵎⴰⵙⵍⴰⴷⴻⵏ ⵏ ⵜⵎⴰⵣⴰⵏⵜ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵍⵍⵀⵓ ⴷ ⵜⵎⴰⵏⴻⴳⵜ ⵏ ⵢⵉⵃⵓⴶⴶⴰⴶ ⵍⴻⵣⵣⴰⵢⵔⵉⵢⴻⵏ ⵓ ⴰⴷ ⵅⴻⴷⵎⴻⵏ ⵜⵉⴳⴳⴰⵜⵉⵏ-ⵏⵙⴻⵏ ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ.
ⵎⴰⵙⵙ ⴱⴻⵍⵎⴻⵀⴷⵉ, ⴷⴻⴳ ⵜⴰⵍⵍⵉⵜ ⵏ ⵜⵙⴻⵍⵡⵉⵜ-ⵉⵙ ⵏ ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵜⴰⵎⴰⵜⵓⵜ ⵉ ⵢⴻⵙⴷⵓⴽⴽⵍⴻⵏ ⵉⵎⴰⵙⵍⴰⴷⴻⵏ ⵏ ⵓⴱⵉⵕⵓ ⵏ ⵜⴻⵎⵙⴰⵍ ⵏ ⵢⵉⵃⵓⴶⴶⴰⴶ ⴷⴻⴳ ⴽⵔⴰⴷ ⵏ ⵢⵉⴼⵓⵔⴽⴰⵏ-ⵉⵙ, ⵉⵙⵙⴻⴼⵀⴻⵎ-ⴷ ⴰⵀⵉⵍ ⵏ ⵓⵙⴻⴷⴱⴻⵔ ⵏ ⵜⴰⵍⵍⵉⵜ ⵏ "ⵢⵉⵎⵓⴽⴰⵏ ⵓⴼⵔⵉⵏⴻⵏ" (ⵎⴰⵛⵀⴰ'ⵉⵔ). ⵉⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⵇⴰⴷⴻⵔ ⵉⵕⴻⵙⵙⴰⵏ ⵏ ⵡⴰⵀⵉⵍ ⵏ ⵓⵎⴰⵀⵉⵍ ⵢⴻⵜⵜⵡⴰⵙⴻⵔⵙⴻⵏ, ⴷ ⵓⵎⴰⵀⵉⵍ ⵙ ⵔⵔⵓⵃ ⵏ ⵢⵉⵡⴻⵜ ⵏ ⵜⴰⵔⴱⴰⵄⵜ, ⵙ ⵓⵙⴻⴶⵀⴻⴷ ⵏ ⵜⴻⵢⵡⴰⵍⵜ ⵉ ⵉⵜⴻⴷⴷⵓⵏ ⴳⴰⵔ ⵜⵙⴻⴷⴷⴰⵔⵉⵏ ⵏ ⵡⴰⵏⵏⴰⵔ ⵉ ⵓⴼⵔⵓⵔⴻⵢ ⵏ ⵡⵓⴳⵓⵔⴻⵏ ⵉ ⵉⵣⴻⵎⵔⴻⵏ ⴰⴷ ⴷ-ⴰⴼⴻⵏ ⵢⵉⵃⵓⴶⴶⴰⴶ ⴷⴻⴳ ⵜⵎⴻⵣⴷⵓⵖⵜ-ⵏⵙⴻⵏ ⵏⴻⵖ ⴷⴻⴳ ⵜⵉⴷⴷⵉ-ⵏⵙⴻⵏ ⴷⴻⴳ ⵢⵉⵎⵓⴽⴰⵏ ⵓⴼⵔⵉⵏⴻⵏ.
ⵜⵉⵎⵍⵉⵍⵉⵜ ⵜⴻⵡⵡⵉ-ⴷ ⴷⴰⵖⴻⵏ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⵓⴷⴷⴻⵙ ⵢⴻⵄⵏⴰⵏ ⵓⴼⵔⴰⵇ ⵏ ⵜⵙⴻⴷⴷⴰⵔⵉⵏ ⵏ ⵡⴰⵏⵏⴰⵔ ⴷⴻⴳ ⵢⵉⵎⵓⴽⴰⵏ ⵏ ⵓⵃⵔⴰⵣ ⴷ ⵜⴰⵔⵔⴰⵢⵉⵏ ⵏ ⵓⵎⵙⴰⵙⴻⵢ ⴷ ⵢⵉⵎⴹⴻⴱⴱⵔⴻⵏ ⵏ ⵙⵙⵄⵓⴷⵉⵢⴰ, ⵔⵏⵉ-ⴷ ⴼⴻⵍⵍ-ⴰⵙⴻⵏⵜ ⴰⵙⴱⴰⴷⵓ ⵏ ⵡⴰⵍⵍⴰⵍⴻⵏ ⵏ ⵓⵙⴼⵓⵍⴻⵍ ⵏ ⵢⴰⵍ ⴰⵙⵙ ⴷ ⵓⵙⴰⵍⵉ ⵏ ⵢⵉⵙⵉⵢⴰⴷⴻⵏ ⵢⴻⵄⵏⴰⵏ ⴰⴷⴷⴰⴷ ⵏ ⵓⵃⵔⴰⵣ ⵏ ⵢⵉⵃⵓⴶⴶⴰⴶ.
ⴰⵏⴻⵖⵍⴰⴼ ⵉⵙⵙⵉⵡⴻⵍ ⵉ ⵢⵉⵎⴰⵙⵍⴰⴷⴻⵏ ⵏ ⵜⵎⴰⵣⴰⵏⵜ ⵉⵡⴰⴽⴽⴻⵏ ⴰⴷ ⵙⵄⵓⵏ ⵍⵃⵉⵙ ⵏ ⵜⵎⴰⵙⵉⵜ ⴷ ⵓⵏⴹⵉⴱⴰⵜ ⵓ ⴰⴷ ⴷ-ⵙⵎⴻⴽⵜⵉⵏ ⴰⵎⴰⵀⵉⵍ-ⵏⵙⴻⵏ ⵏ ⵜⴰⵍⵙⴰ ⴷⴻⴳ ⵓⵎⴻⵥⵍⵓ ⵏ ⵢⵉⵎⴱⵔⵓⴽⴻⵏ ⵏ ⵕⴻⴱⴱⵉ. ⵉⵙⵙⴻⴽⵏⴻⴷ ⴱⴻⵍⵍⵉ ⵔⵔⴻⴱⴻⵃ ⵏ ⵜⴰⵍⵍⵉⵜ ⵏ ⵢⵉⵎⵓⴽⴰⵏ ⵓⴼⵔⵉⵏⴻⵏ ⵉⵛⵓⴷⴷ ⵙ ⵍⵇⴻⴷⴷ ⵏ ⵓⵙⵓⴷⴷⴻⵙ ⴷ ⵓⴷⵓⴽⴽⴻⵍ ⴳⴰⵔ ⵢⵉⵎⵉⴳⴰⵡⴻⵏ ⵎⴻⵕⵕⴰ.
ⵜⵉⵎⵍⵉⵍⵉⵜ-ⴰⴳⵉ ⵜⵓⵙⴰ-ⴷ ⴷ ⵜⴰⵍⵍⵉⵜ ⵜⴰⵎⴻⵏⵣⵡⴰⵔⵓⵜ ⵓⵇⴱⴻⵍ ⴰⵙⴱⴻⴷⴷⵉ ⵏ ⵜⵉⴳⴳⴰⵜⵉⵏ ⵏ ⵍⵃⴻⴶ , ⴷⴻⴳ ⵓⵣⴻⵏⵣⵉⵖ ⵏ ⵜⵙⴻⵎⵎⵓⵏⵜ ⵏ ⵜⵉⵎⵍⵉⵍⵉⵢⵉⵏ ⵏ ⵓⵙⴻⵏⵄⴻⵜ ⵉ ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴼⵓⵍⴻⵍ ⵉⵕⴻⵙⵙⴰⵏ ⵏ ⵢⵉⵃⵓⴶⴶⴰⴶ ⵏ ⵍⴻⵣⵣⴰⵢⴻⵔ ⴷⴻⴳ ⵜⴰⵍⵍⵉⵜ ⵏ ⵍⵃⴻⴶ 1447ⵀ / 2026ⵎ.
ⴷⴻⴳ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ, ⵙⵙⵓⵜⵜⵔⴻⵏ ⴷⴻⴳ ⵕⴻⴱⴱⵉ ⵉⵡⴰⴽⴽⴻⵏ ⴰⴷ ⵉⵄⴰⵡⴻⵏ ⵉⵎⴰⵙⵍⴰⴷⴻⵏ ⵏ ⵜⵎⴰⵣⴰⵏⵜ ⴷⴻⴳ ⵓⵎⴰⵀⵉⵍ-ⵏⵙⴻⵏ, ⵓ ⴰⴷ ⵢⴻⴼⴽ ⵉ ⵢⵉⵃⵓⴶⴶⴰⴶ ⵏ ⵍⴻⵣⵣⴰⵢⴻⵔ ⵍⵃⴻⴶ ⴰⵎⴻⵣⵣⴰⵣⵓ , ⵓ ⴰⴷ ⵉⵃⵔⴻⵣ ⵍⴻⵣⵣⴰⵢⴻⵔ, ⵉⵎⴹⴻⴱⴱⵔⴻⵏ-ⵉⵙ ⴷ ⵓⵖⵔⴻⴼ-ⵉⵙ, ⴷⴻⴳ ⵜⵎⴰⵏⴻⴳⵜ ⴷ ⵡⵓⵔⴰⴽⵓ ⵉ ⵉⵜⴻⴷⴷⵓⵏ.
ⴰⵔⵏⵓ ⵖⴻⵔ
