ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴷⴷⵉⵏ ⴷ ⵍⵡⴻⵇⴼ, ⴰⵙⴻⵍⵡⴰⵢ ⵏ ⵓⴱⵉⵕⵓ ⵏ ⵜⴻⵎⵙⴰⵍ ⵏ ⵢⵉⵃⵓⴶⴶⴰⴶ ⵏ ⵍⴻⵣⵣⴰⵢⴻⵔ, ⵎⴰⵙⵙ ⵢⵓⵓⵛⴻⴼ ⴱⴻⵍⵎⴻⵀⴷⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵜⴻⵎⴷⵉⵏⵜ ⵜⴰⴱⴰⵕⴰⴽⵜ (Al-Madinah), ⵢⵉⵡⴻⵜ ⵏ ⵜⵉⵖⵉⵎⵉⵜ ⵏ ⵓⵎⵙⴰⵙⴻⵢ ⵉ ⵢⵉⵇⴻⵔⵔⴰⵢ ⵏ ⵢⵉⴼⵓⵔⴽⴰⵏ ⵏ ⵡⴰⵎⵎⴰⵙ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴼⵓⵍⴻⵍ ⵏ ⵓⵀⴻⴳⴳⵉ ⵢⴻⵄⵏⴰⵏ ⵜⴰⵍⵍⵉⵜ ⵏ ⵍⵃⴻⴶ ⴷ ⵓⵙⵏⴻⵔⵏⵉ ⵏ ⵓⵙⵡⵉⵔ ⵏ ⵓⵃⵔⴰⵣ ⵏ ⵢⵉⵃⵓⴶⴶⴰⴶ ⵍⴻⵣⵣⴰⵢⵔⵉⵢⴻⵏ. ⴷⴻⴳ ⵜⵖⵉⵎⵉⵜ-ⴰⴳⵉ, ⴰⵏⴻⵖⵍⴰⴼ ⵉⵙⵙⴻⵃⵔⴻⵙ ⵖⴻⴼ "ⵡⴰⵣⴰⵍ ⵏ ⵓⵇⴰⴷⴻⵔ ⵉⵕⴻⵙⵙⴰⵏ ⵏ ⵜⵓⵔⴰⴹ ⵏ ⵓⵙⵓⴷⴷⴻⵙ ⵢⴻⵄⵏⴰⵏ ⵜⴰⵍⵍⵉⵜ ⵏ ⵍⵃⴻⴶ , ⵙ ⵓⵙⴻⴶⵀⴻⴷ ⵏ ⵓⵎⵙⴰⵙⴻⵢ ⵉ ⵉⵜⴻⴷⴷⵓⵏ ⴳⴰⵔ ⵢⵉⵎⴰⵙⵍⴰⴷⴻⵏ ⵏ ⵜⵎⴰⵣⴰⵏⵜ, ⵉⵡⴰⴽⴽⴻⵏ ⴰⴷ ⴷ-ⵉⵍⵍⵉⵏⵜ ⵜⴻⴳⵏⴰⵜⵉⵏ ⵢⴻⵍⵀⴰⵏ ⵉ ⵜⵏⴻⵣⴷⵓⵖⵜ, ⵓⵞⵞⵉ ⴷ ⵜⵉⴷⴷⵉ ⵏ ⵢⵉⵃⵓⴶⴶⴰⴶ".
ⴷⴰⵖⴻⵏ, ⵉⵙⵙⵉⵡⴻⵍ ⵉ "ⵜⵔⵉⵔⵉⵜ ⵙ ⵜⴰⵣⵣⵍⴰ ⵖⴻⴼ ⵢⵉⵙⴰⵔⴰⵎⴻⵏ ⵏ ⵢⵉⵃⵓⴶⴶⴰⴶ ⴷ ⵓⵊⵊⴻⵢ ⵏ ⵜⴻⴳⵏⴰⵜⵉⵏ ⵏ ⴷⴷⵉⵇ ⵙ ⵏⴼⴰⵄ ⴷ ⵓⵎⴻⵣⵣⵓⵍ (professionnalisme)", ⵉⵎⵉ ⵓⵎⴻⵥⵍⵓ-ⵏⵙⴻⵏ ⴷ "ⵜⴰⵎⴰⵙⵉⵜ ⴷ ⵍⴰⵎⴰⵏ".
ⴳⴰⵔ ⵜⵓⵔⴰⴹ ⵉⵕⴻⵙⵙⴰⵏⴻⵏ ⵉ ⵢⴻⴼⴽⴰ ⵓⵏⴻⵖⵍⴰⴼ ⵉ ⵢⵉⵎⴹⴻⴱⴱⵔⴻⵏ ⵏ ⵜⵎⴰⵣⴰⵏⵜ ⵜⴰⵣⵣⴰⵢⵔⵉⵜ: "ⴰⵙⵏⴻⵔⵏⵉ ⵏ ⵜⵉⵍⵉⵜ ⴷⴻⴳ ⵡⴰⵏⵏⴰⵔ ⵉ ⵓⵙⴼⵓⵍⴻⵍ ⵏ ⵢⵉⵃⵓⴶⴶⴰⴶ ⵍⴰⴷⵖⴰ ⴷⴻⴳ ⵢⵉⵎⵓⴽⴰⵏ ⵓⴼⵔⵉⵏⴻⵏ (Mashair), ⴷ ⵓⵟⵎⴰⵏ ⵏ ⵜⵓⵞⵞⵉⵜ ⵜⴰⵎⴰⵜⵓⵜ ⴷⴻⴳ ⵓⵏⵏⴰⵔ ⵏ ⵓⵙⴻⵏⵄⴻⵜ ⴰⵙⴻⵔⴹⴰⵏ, ⴰⵃⵔⴰⵣ ⴰⵙⴰⴼⴰⵔⴰⵏ ⴷ ⵜⴰⵍⵍⴰⵍⵜ ⵜⴰⵜⵉⴽⵏⵉⴽⵜ".
ⵓⵇⴱⴻⵍ ⴰⵏⵏⴻⵛⵜ-ⴰ, ⴱⴻⵍⵎⴻⵀⴷⵉ ⵉⵙⵎⴻⵃⵙⴻⵍ ⵉ ⵢⵉⵙⴰⵍⴰⵏ ⵏ ⵓⵎⴹⴻⴱⴱⴻⵔ ⵏ ⵓⴱⵉⵕⵓ ⵏ ⵢⵉⵃⵓⴶⴶⴰⴶ, ⵎⴰⵙⵙ ⵟⴰⵀⴻⵔ ⴱⵔⴰⵉⴽ, ⴷ ⵓⵇⴻⵔⵔⵓ ⵏ ⵡⴰⵎⵎⴰⵙ ⵏ ⵜⵎⴰⵣⴰⵏⵜ ⴷⴻⴳ ⵜⴻⵎⴷⵉⵏⵜ ⵜⴰⴱⴰⵕⴰⴽⵜ, ⵎⴰⵙⵙ ⴱⴻⵍⴽⵀⴻⵉⵔ ⴱⵓⵓⴷⵔⴰⴰ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⵉⵇⴻⵔⵔⴰⵢ ⵏ ⵢⵉⴼⵓⵔⴽⴰⵏ. ⵉⵙⴰⵍⴰⵏ-ⴰⴳⵉ ⵡⵡⵉⵏ-ⴷ ⵖⴻⴼ ⵜⵉⴷⴷⵢ ⵏ ⵓⵎⴰⵀⵉⵍ ⴷ ⵢⵉⵎⴻⵥⵍⴰ ⵉ ⴷ-ⵉⵜⵜⵓⵏⴻⴼⴽⴻⵏ, ⴷ ⵢⵉⴽⴰⵢⴰⴷⴻⵏ ⵏ ⵡⴰⵏⵏⴰⵔ ⴷ ⵜⴰⵔⵔⴰⵢⵉⵏ ⵏ ⵓⵙⵏⴻⵔⵏⵉ ⵏ ⵓⵎⴰⵀⵉⵍ ⴳⴰⵔ ⵜⵙⴻⴷⴷⴰⵔⵉⵏ ⵎⴻⵕⵕⴰ. ⴷⴻⴳ ⵓⵏⵏⴰⵔ-ⴰⴳⵉ, ⴰⵏⴻⵖⵍⴰ ⵉⵙⵙⴻⴽⵏⴻⴷ "ⴰⵣⴰⵍ ⴰⵎⴻⵇⵇⵔⴰⵏ" ⵉ ⵜⴻⵜⵜⴰⴽ ⵍⴻⵣⵣⴰⵢⴻⵔ ⵉ ⵓⵙⵔⴻⴱⴻⵃ ⵏ ⵜⴰⵍⵍⵉⵜ ⵏ ⵍⵃⴻⴶ ⴷ ⵓⵟⵎⴰⵏ ⵏ ⵍⵉⵙⴻⵔ ⴷ ⵍⵎⴰⵏ ⵉ ⵢⵉⵃⵓⴶⴶⴰⴶ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⴱⴻⵍⵎⴻⵀⴷⵉ ⵢⴻⵔⵣⴰ ⵖⴻⵔ ⵡⴰⵎⵎⴰⵙ ⴰⵙⴰⴼⴰⵔⴰⵏ "ⴰⴳⴻⵍⵍⵉⴷ ⵙⴰⵍⵎⴰⵏ ⴱⵉⵏ ⵄⴻⴱⴷⴻⵍⵄⴰⵣⵉⵣ" ⵉⵡⴰⴽⴽⴻⵏ ⴰⴷ ⵉⵥⴻⵔ ⴰⴷⴷⴰⴷ ⵏ ⵜⴰⵣⵣⵉⵜ ⵏ ⵢⵉⵡⴻⵜ ⵏ ⵜⴰⵣⵣⴰⵢⵔⵉⵜ ⵉ ⵓⵊⵊⵉⵢⴻⵏ ⴷⵉⵏⵏⴰ. ⵉⵜⵜⵡⴰⵕⴶⴰ ⴰⴷ ⴷ-ⵜⴻⴼⴼⴻⵢ ⵙⴻⴳ ⵙⴱⵉⵜⴰⵔ ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ ⵉⵡⴰⴽⴽⴻⵏ ⴰⴷ ⵜⴻⵔⵏⵓ ⵖⴻⵔ ⵜⵎⴰⵣⴰⵏⵜ ⵜⴰⵣⵣⴰⵢⵔⵉⵜ ⴰⴷ ⵜⴻⵙⵙⵉⵡⴻⴹ ⵜⵉⴳⴳⴰⵜⵉⵏ ⵏ ⵍⵃⴻⴶ , ⵙ ⴷⴷⴰⵡ ⵏ ⵓⵙⴼⵓⵍⴻⵍ ⵏ ⵜⵙⴻⴷⴷⴰⵔⵜ ⵜⴰⵙⴰⴼⴰⵔⴰⵏⵜ.
ⴷⴻⴳ ⵜⴰⴳⴳⴰⵔⴰ, ⵉⵙⴰⵜⵉⴳ ⵍⵎⴻⴶⵀⵓⴷⴰⵜ ⵏ ⵜⵙⴻⴷⴷⴰⵔⵉⵏ ⵜⵉⵙⴰⴼⴰⵔⴰⵏⵉⵏ ⴷ ⵜⵉⴷ ⵜⵓⴷⴱⴻⵍⵉⵏ ⵏ ⵜⵄⵔⴰⴱⵜ ⵜⴰⵙⵄⵓⴷⵉⵜ, ⵎⵡⴰⵣⴰⵜ ⴷ ⵓⵙⴼⵓⵍⴻⵍ ⵏ ⵢⵉⵎⴰⵙⵍⴰⴷⴻⵏ ⵏ ⵜⵎⴰⵣⴰⵏⵜ ⵜⴰⵙⴰⴼⴰⵔⴰⵏⵜ ⵜⴰⵣⵣⴰⵢⵔⵉⵜ ⵉ ⵢⵉⵎⵓⴹⴰⵏ ⵍⴻⵣⵣⴰⵢⵔⵉⵢⴻⵏ.
ⴰⵔⵏⵓ ⵖⴻⵔ
