ⵜⴻⵍⵍⴰ-ⴷ ⵜⵏⴻⵖⵍⴰⴼⵜ ⵏ ⵓⵎⴹⴰⵎⴰⵏ ⴰⵖⴻⵍⵏⴰⵡ, ⵜⴰⵡⴰⵛⵓⵍⵜ ⴷ ⵢⵉⵣⴻⵔⴼⴰⵏ ⵏ ⵜⵎⴻⵟⵟⵓⵜ, ⵎⴰⵙⵙⴰ ⵙⵓⵔⴰⵢⴰ ⵎⵓⵓⵍⵓⵓⴷⵊⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⴱⴻⵛⵛⴰⵔ ⵉⵡⴰⴽⴽⴻⵏ ⴰⴷ ⵜⴻⵍⴷⵉ ⴰⵎⵎⴰⵙ ⵓⴼⵔⵉⵏ ⵉ ⵓⵃⵔⴰⵣ ⵏ ⵢⵉⵎⴷⴰⵏⴻⵏ ⵉ ⵢⴻⵃⵚⴻⵔ ⵡⴰⵟⵟⴰⵏ ⵏ ⵓⵜⵉⵣⵎ
ⵜⴻⵙⵙⴻⴽⵏⴻⴷ ⵜⵏⴻⵖⵍⴰⴼⵜ ⴷⴻⴳ ⵜⴰⴳⵏⵉⵜ-ⴰⴳⵉ ⴱⴻⵍⵍⵉ ⵓⵡⴰⵏⴰⴽ ⵓⵔ ⵢⴻⴶⴶⵉ ⴰⵔⴰ ⵍⵎⴻⴶⵀⵓⴷ ⵉ ⵓⵙⴻⴶⵀⴻⴷ ⵏ ⵜⴰⵍⵍⴻⵍⵜ ⵏ ⵢⵉⴳⴻⵔⴷⴰⵏ ⵏ ⵓⵜⵉⵣⵎ, ⵙ ⵓⵇⴰⴷⴻⵔ ⵏ ⵜⵎⵓⵖⵍⵉ ⵓⴼⵔⵉⵏⴻⵏ ⵉ ⵉⵟⵟⴰⴽ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵜⴻⴳⵔⵓⵎⵎⴰ-ⴰⴳⵉ.
ⵉⵙⵙⴻⴽⵜⵉ-ⴷ ⴱⴻⵍⵍⵉ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⴼⴽⴰ ⵜⵓⵔⴰⴹ ⴷⴻⴳ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵓⵎⴻⵣⵡⴰⵔ ⵏ ⵢⵓⵏⵢⵓ 2025 ⵉ ⵓⵙⴱⴻⴷⴷⵉ ⵏ ⵢⵉⵡⴻⵏ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵜⵉⵣⵎ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⴰⵎⵎⴰⵙⴻⵏ ⵓⴼⵔⵉⵏⴻⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⴰⵎ ⵜⵉⵒⴰⵣⴰ, ⵜⴱⴻⵙⵙⴰ, ⵡⴰⵀⵔⴰⵏ, ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⴷ ⴱⴻⵛⵛⴰⵔ.
ⵜⴻⵏⵏⴰ-ⴷ ⵎⵓⵓⵍⵓⵓⴷⵊⵉ ⴱⴻⵍⵍⵉ ⵢⴰⴽⴽ ⵜⵓⴷⴷⵙⵉⵡⵉⵏ-ⴰⴳⵉ ⴰⴷ ⵉⵍⵉⵏⵜ ⵜⴻⵡⵊⴻⴷ ⵉ ⵓⵎⴰⵀⵉⵍ ⵙⴻⴳ ⵜⴰⵍⵍⵉⵜ ⵏ ⵓⵏⴻⴽⵛⵓⵎ ⵏ ⵓⵖⴻⵔⴱⴰⵣ 2026-2027, ⵙ ⵓⵎⵙⴰⵙⴻⵢ ⴷ ⵢⵉⵎⴹⴻⴱⴱⵔⴻⵏ ⴰⴷⵉⴳⴰⵏⴻⵏ. ⵉⵙⵡⵉ ⵏ ⵜⵓⴷⴷⵙⵉⵡⵉⵏ-ⴰⴳⵉ — ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ — ⴷ ⵓⵟⵎⴰⵏ ⵏ ⵓⵃⵔⴰⵣ ⴰⵎⴰⵜⵓ ⴷ ⵓⴼⵔⵉⵏ, ⵙ ⵓⵙⴻⵏⵏⴻⴷ ⵖⴻⴼ ⵡⴰⵀⵉⵍⴻⵏ ⵏ ⵓⵙⴻⵍⵎⴻⴷ ⵉⵎⴰⵢⵏⵓⵜⴻⵏ ⵉⵕⴻⵙⵙⴰⵏ ⵖⴻⴼ ⵜⵓⵙⵙⵏⴰ ⵜⴰⵎⴰⴹⵍⴰⵏⵜ, ⵙ ⵓⵙⵉⴷⵔⴻⵡ ⵏ ⵓⵙⴼⵓⵍⴻⵍ ⵏ ⵜⵡⴰⵛⵓⵍⵜ ⴷ ⵓⴷⴻⴳⴳⴻⵔ ⵏ ⵜⵏⴻⴼⵙⵉⵜ ⴷ ⵜⵎⴻⵜⵜⵉ ⵉ ⵢⵉⵎⴷⴰⵏⴻⵏ-ⴰⴳⵉ.
ⵜⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵜⵉⵣⵎ, ⵉ ⴷ-ⵢⴻⴼⴼⵖⴻⵔ ⵓⵙⴰⴷⵓⴼ-ⵉⵙ ⵏ ⵓⵙⴱⴻⴷⴷⵉ ⴷⴻⴳ ⵢⴻⵏⵏⴰⵢⴻⵔ 2026, ⴰⴷ ⵢⵓⵔⴰⵔ ⴰⵎⴰⵀⵉⵍ ⴰⵙⵔⴰⵜⵉⴷⵊⵉ ⴷⴻⴳ ⵓⵙⴻⵍⴽⴻⵎ ⴷ ⵓⵙⴼⵓⵍⴻⵍ ⴷ ⵓⵙⴰⵜⵉⴳ ⵏ ⵡⴰⵀⵉⵍ ⴰⵖⴻⵍⵏⴰⵡ ⵉ ⵢⴻⵄⵏⴰⵏ ⴰⵟⵟⴰⵏ-ⴰⴳⵉ. ⴰⴷ ⴷ-ⵢⵉⵍⵉ ⴷⴰⵖⴻⵏ ⴷ ⴰⵎⴰⵙⴰⵢ ⵖⴻⴼ ⵜⴻⵣⵔⴰⵡⵉⵏ ⴷ ⵓⵙⵉⵍⴻⵖ ⴷ ⵓⵏⴰⴷⵉ, ⵙ ⵓⵟⵎⴰⵏ ⵏ ⵓⵎⵙⴰⵙⴻⵢ ⴳⴰⵔ ⵢⵉⵢⴻⵙⴽⵉⵔⴻⵏ ⵏ ⵜⵏⴻⵖⵍⴰⴼⵉⵏ ⵢⴻⵎⴳⴰⵔⴰⴷⴻⵏ.
ⵎⴰⵙⵙⴰ ⵎⵓⵓⵍⵓⵓⴷⵊⵉ ⵜⴻⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⴹⴼⴻⵔ ⵏ ⵢⵉⵡⴻⵜ ⵏ ⵜⴰⵔⵔⴰⵢⵜ ⵉ ⴷⴻⴳ ⵍⵍⴰⵏ ⴰⵟⴰⵙ ⵏ ⵡⵓⴷⵎⴰⵡⴻⵏ: ⴰⵙⴰⴼⴰⵔⴰⵏ, ⴰⵏⴰⴼⵙⴰⵏ, ⴰⵙⴻⵍⵎⴰⵢⴰⵏ ⴷ ⵓⵎⴻⵜⵜⴰⵢⴰⵏ. ⵉⵡⴰⵍⴰ ⴱⴻⵍⵍⵉ ⵔⵔⴻⴱⴻⵃ ⵏ ⵓⵃⵔⴰⵣ ⵓⵔ ⵉⵕⴻⵙ ⴰⵔⴰ ⴽⴰⵏ ⵖⴻⴼ ⵜⵓⴷⴷⵙⵉⵡⵉⵏ, ⵍⴰⵎⴻⵄⵏⴰ ⵓⵍⴰ ⵖⴻⴼ ⵓⵙⵉⵍⴻⵖ ⵓⴼⵔⵉⵏ ⴷ ⵓⴽⴻⵎⵎⵉⵍ ⵏ ⵢⵉⵎⵉⴳⴰⵡⴻⵏ.
ⴰⵎⵎⴰⵙ ⵏ ⴱⴻⵛⵛⴰⵔ ⵢⴻⵣⴳⴻⵔ ⵓⴳⴰⵔ ⵏ ⵢⵉⵡⴻⵏ ⵏ ⵓⵀⵉⴽⵜⴰⵔ, ⴷⴻⴳ-ⵙ 750 ⵏ ⵢⵉⵎⵉⵜⵔⴻⵏ ⵉⵎⴰⵔⴽⴰⵢⴻⵏ ⵏ ⵍⴻⴱⵏⵉ. ⵢⴻⵙⵄⴰ ⵜⴰⵣⵎⴻⵔⵜ ⵉ ⵓⵃⵔⴰⵣ ⵏ 80 ⵏ ⵢⵉⵎⴷⴰⵏⴻⵏ ⵙ ⵜⴰⵎⴰ ⵏ ⵢⵉⵡⴻⵏ ⵏ ⵓⵏⵣⴻⵍ (foyer) ⵉ ⴷⴻⴳ ⵍⵍⴰⵏ 60 ⵏ ⵢⵉⵙⵓⵙⵓⵡⴻⵏ (lits), ⵓ ⵅⴻⴷⴷⵎⴻⵏ ⴷⴻⴳ-ⵙ 23 ⵏ ⵢⵉⵎⵓⵣⵣⴰⴳⴻⵏ.
ⵎⴻⴱⵍⴰ ⵎⴰ ⵏⴻⵜⵜⵓ, ⵜⴰⵏⴻⵖⵍⴰⴼⵜ ⵢⴻⵍⵍⴰⵏ ⴷ ⵍⵡⴰⵍⵉ ⵏ ⴱⴻⵛⵛⴰⵔ, ⵎⴰⵙⵙ ⴰⵃⵎⴻⴷ ⴱⵉⵏ ⵢⵓⵓⵙⵙⴻⴼ, ⵜⴻⵍⴷⴰ ⴰⵙⵙ ⵏ ⵜⴻⵣⵔⴰⵡⵜ ⵢⴻⵄⵏⴰⵏ ⴰⵃⵔⴰⵣ ⵏ ⵢⵉⵎⴷⴰⵏⴻⵏ ⵏ ⵓⵜⵉⵣⵎ ⴷⴻⴳ ⵜⴻⵙⴷⴰⵡⵉⵜ "ⵟⴰⵀⵉⵔⵉ ⵎⵓⵀⴰⵎⴻⴷ". ⵓⵇⴱⴻⵍ ⴰⵏⵏⴻⵛⵜ-ⴰ, ⵎⵓⵓⵍⵓⵓⴷⵊⵉ ⵜⴻⵙⵙⴻⵔⵔⴻⵙ-ⴷ ⴰⴽⴻⵕⵡⴰⵏ ⴰⵙⴰⴼⴰⵔⴰⵏ ⵏ ⵓⵎⴹⴰⵎⴰⵏ ⵉ ⵏⴼⴰⵄ ⵏ ⵢⵉⵎⵖⴰⵔⴻⵏ ⴷⴻⴳ ⵜⴻⵎⵏⴰⴹⵉⵏ ⵉⵖⴰⴱⴻⵏ, ⵢⴻⵔⵣⴰ ⴷⴰⵖⴻⵏ ⵖⴻⵔ ⵓⵙⴰⵢⴻⵙ ⵏ ⵜⵍⴰⵡⵉⵏ ⵢⴻⵜⵜⴼⴰⵔⵉⵙⴻⵏ ⴷⴻⴳ ⴱⴻⵛⵛⴰⵔ, ⵓ ⵜⴻⵍⴷⴰ ⵍⵡⴻⵕⵛⴰ ⵏ ⵓⵙⵉⵍⴻⵖ ⵉ 12 ⵏ ⵜⵍⴰⵡⵉⵏ ⴷⴻⴳ ⵓⵅⵅⴰⵎ ⵖⴻⴼ ⵜⴰⵔⵔⴰⵢⵉⵏ ⵏ ⵜⴻⵎⴳⵓⵔⵉ ⵏ ⵓⵚⴰⴱⵓⵏ ⵏ ⵜⴼⵓⵍⴽⵉⵜ
ⴰⵔⵏⵓ ⵖⴻⵔ
