ⵢⴻⵙⵜⴻⵇⴱⴻⵍ ⵓⵎⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ, ⵎⴰⵙⵙ ⵉⴱⵔⴰⵀⵉⵎ ⴱⵓⵖⴰⵍⵉ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⵜⴰⵔⴱⴰⵄⵜ ⵏ ⵓⴳⵔⴰⵡ ⴰⵖⴻⵍⵏⴰⵡ ⵏ ⵜⴳⴷⵓⴷⴰ ⵏ ⴱⵉⵍⴰⵔⵓⵙ, ⵙ ⵏⵏⵡⴰⵢⴰ ⵏ ⵎⴰⵙⵙ ⴽⵓⵙⵉⴳⵉⵏ ⵔⵓⵙⵍⴰⵏ, ⴰⵎⵙⴻⵍⵡⴰⵢ ⵏ ⵜⵔⴰⴱⵄⵜ ⵏ ⵓⵎⴰⵀⵉⵍ ⵢⴻⵔⵣⴰⵏ ⴰⵎⵢⴻⵍⵍⴻⵍ ⴷ ⵍⴱⴰⵔⵍⴰⵎⴰⵏ ⵏ ⵍⵣⵣⴰⵢⴻⵔ.
ⴷⴻⴳ ⵜⵣⵡⴰⵔⴰ ⵏ ⵜⵎⵍⵉⵍⵉⵜ, ⵎⴰⵙⵙ ⴱⵓⵖⴰⵍⵉ ⵢⴻⴼⴽⴰ ⴰⵣⴰⵍ ⴰⵎⴻⵇⵇⵔⴰⵏ ⵉ ⵜⵎⴷⵓⴽⴽⵍⵉ ⵉⵊⴻⵀⴷⴻⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ-ⴰⴳⵉ. ⵢⴻⵏⵏⴰ-ⴷ ⴱⴻⵍⵍⵉ ⵍⵣⵣⴰⵢⴻⵔ ⴷ ⴱⵉⵍⴰⵔⵓⵙ ⴱⵯⴰⵏⵜ ⴰⴷ ⵙⵊⴻⵀⴷⴻⵏⵜ ⴰⵎⵢⴻⵍⵍⴻⵍ ⴷⴻⴳ ⵜⴷⴰⵎⵙⴰ ⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ ⵓⵙⵡⵉⵔ ⵏ ⵜⵎⵉⵙⴰⵍ ⵏ ⵙⵙⵢⴰⵙⴰ ⵢⴻⵜⵜⵏⴻⴼⵍⴰⵢⴻⵏ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵢⴻⵍⵀⴰ ⴰⴷ ⴷ-ⵢⵉⵍⵉ ⵓⵙⵏⴻⴼⵍⴰⵢ ⵏ ⵓⵎⵢⴻⵍⵍⴻⵍ ⴷⴻⴳ ⵡⴰⵟⴰⵙ ⵏ ⵢⵉⵃⵔⵉⵛⴻⵏ ⴰⵎ ⵜⵎⴻⴳⵓⵔⵉ, ⵜⴰⴼⵍⴰⵃⵜ, ⵜⴰⵎⵉⴽⴰⵏⵉⴽⵜ, ⵙⵙⴻⵏⵄⴰ ⵏ ⵓⵃⴰⴷⴰⵔ ⴷ ⵡⴰⵍⵍⴰⵍⴻⵏ ⵏ ⵓⵙⴰⴼⴰⵔ.
ⵓⵎⵙⴻⵍⵡⴰⵢ ⵏ ⵓⴳⵔⴰⵡ ⵢⴻⵏⵏⴰ-ⴷ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⴷ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⵏⴰⴷⵉⵏ ⵉⴱⵔⵉⴷⴻⵏ ⵏ ⵓⵙⵓⵎⴻⵔ ⴷ ⵓⴱⴻⴷⴷⴻⵍ ⵏ ⵜⵎⵓⵙⵏⵉⵡⵉⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ. ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴳⵔⴰⵡ ⵏ ⵢⵉⵎⴱⴻⵇⵇⴰⵙ, ⴱⵓⵖⴰⵍⵉ ⵢⴻⵙⵙⴻⴽⵜⴰ-ⴷ ⴱⴻⵍⵍⵉ ⵢⴻⵍⵀⴰ ⴰⴷ ⵢⵉⵍⵉ ⵓⵎⵙⴰⵡⴰⴹ ⴳⴰⵔ ⵜⵔⴰⴱⵄⵉⵏ ⵏ ⵜⵎⴷⵓⴽⴽⵍⵉ ⵉ ⵡⴰⴽⴽⴻⵏ ⴰⴷ ⴷⴷⵓⴽⴽⵍⴻⵏ ⵡⴰⵡⴰⵍⴻⵏ ⴷⴻⴳ ⵜⵎⵉⵙⴰⵍ ⵏ ⵓⵎⴰⴹⴰⵍ ⴷ ⵜⵎⴻⵏⵏⴰⴹⵜ.
Seg ⵍⵊⵉⵀⴰ-ⵙ, ⵎⴰⵙⵙ ⴽⵓⵙⵉⴳⵉⵏ ⵔⵓⵙⵍⴰⵏ ⵢⴻⴼⴽⴰ ⵜⴰⵢⵏⵉⵜ ⵉ ⵡⴰⴽⴽⴻⵏ ⵉ ⵜ-ⵙⵜⴻⵇⴱⵍⴻⵏ ⵙ ⵓⴼⵔⴰⵃ. ⵢⴻⵏⵏⴰ-ⴷ ⴱⴻⵍⵍⵉ ⵜⴰⵎⵓⵔⵜ-ⵉⵙ ⵡⴻⵊⵊⴷⴻⵜ ⴰⴷ ⵜⴻⵙⵊⴻⵀⴻⴷ ⴰⵎⵢⴻⵍⵍⴻⵍ ⴷ ⵍⵣⵣⴰⵢⴻⵔ ⴷⴻⴳ ⵢⵉⵙⴻⵏⴼⴰⵔⴻⵏ ⵏ ⵜⵜⴻⴽⵏⵓⵍⵓⵊⵢⴰ, ⵜⴰⴼⵍⴰⵃⵜ ⴷ ⵜⵎⵉⴽⴰⵏⵉⴽⵜ, ⵉ ⵡⴰⴽⴽⴻⵏ ⴰⴷ ⴹⵎⴻⵏⵏ ⵍⴰⵎⴰⵏ ⵏ ⵜⵓⵜⵛⵉⵜ ⵉ ⵢⵉⵎⴻⵣⴷⴰⵖ.
ⵜⴰⴳⴳⴰⵔⴰ, ⵜⴰⵔⴱⴰⵄⵜ ⵏ ⴱⵉⵍⴰⵔⵓⵙ ⵜⴻⵅⴷⴻⵎ ⵢⵉⵡⴻⵜ ⵏ ⵜⵓⵣⵣⵢⴰ ⴷⴻⴳ ⵓⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ, ⵡⴰⵍⴰⵏ ⵜⵉⵣⴻⵇⵇⴰ ⵏ ⵜⵉⵎⵍⵉⵍⵉⵢⵉⵏ ⴷ ⵜⵣⴻⵇⵇⴰ ⵏ ⵢⵉⵙⴰⵔⴰⴳⴻⵏ ⵏ "ⵔⴰⴱⴰⵃ ⴱⵉⵟⴰⵟ".
ⴰⵔⵏⵓ ⵖⴻⵔ
