ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⴷ ⵜⵙⴻⴽⵉⵡⵉⵏ ⵏ ⵍⵍⵙⴰⵙ, ⵎⴰⵙⵙ ⴰⴱⴷⴻⵍⴽⴰⴷⴻⵔ ⴷⵊⴻⵍⵍⴰⵓⵓⵉ, ⵜⴰⵙⴻⴱⴱⵃⵉⵜ ⵏ ⵡⴰⵙⵙ-ⴰ ⵏ ⵍⵀⴻⴷ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ, ⵜⵉⵖⵉⵎⵉⵜ ⵏ ⵓⵎⵙⴰⵙⴻⵢ ⵏ ⵜⵎⴻⵏⵏⴰⵟ ⵜⵉⵙ ⵅⴻⵎⵙⴰ (05). ⵜⵉⵖⵉⵎⵉⵜ-ⴰⴳⵉ ⵜⴻⵍⵍⴰ-ⴷ ⵉ ⵜⴻⴳⵔⵓⵎⵎⴰ ⵜⵉⵙ ⵙⵏⴰⵜ ⵏ ⵜⵡⵉⵍⴰⵢⵉⵏ ⵏ ⵓⵎⴰⵍⵓ ⵏ ⵜⵎⵓⵔⵜ, ⵙ ⵜⵉⵍⵉⵜ ⵏ ⵢⵉⵎⴹⴻⴱⴱⵔⴻⵏ ⵏ ⵜⵏⴻⵖⵍⴰⴼⵜ ⴷ ⵢⵉⵎⴻⵏⴻⵀⵍⵉⵢⴻⵏ (directeurs) ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⵏ ⵜⵡⵉⵍⴰⵢⵉⵏ-ⴰⴳⵉ: ⵍⴱⴻⵢⴻⴹ, ⵙⵉⴷⵉ ⴱⴻⵍⵄⴻⴱⴱⴰⵙ, ⵏⴰⵄⴰⵎⴰ ⴷ ⵜⵍⴻⵎⵙⴰⵏ.
ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵀⵍⴰⴼⵜ, ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⵉ ⵓⵙⴰⵜⵉⴳ ⵏ ⵍⵇⴻⴷⴷ ⵏ ⵓⵙⴻⵍⴽⴻⵎ ⵏ ⵢⵉⵙⴻⵏⴼⴰⵔⴻⵏ ⵏ ⵡⴰⵀⵉⵍ ⵏ ⵓⵙⴻⴳⴳⴰⵙ 2026, ⴷ ⵓⵙⴼⵓⵍⴻⵍ ⵏ ⵜⵉⴷⴷⵢ ⵏ ⵜⵎⵓⵀⴰⵍ ⵉ ⵉⵜⴻⴷⴷⵓⵏ. ⴷⴰⵖⴻⵏ, ⵇⴻⵔⴷⵛⴻⵏ ⵢⵉⵙⵓⵎⵔⴻⵏ ⵢⴻⵄⵏⴰⵏ ⴰⵀⵉⵍⴻⵏ ⵏ ⵢⵉⵙⴻⴳⴳⴰⵙⴻⵏ 2027, 2028 ⴷ 2029, ⵙ ⵍⵃⴻⵔⵙ ⵖⴻⴼ ⵢⵉⵙⴻⵏⴼⴰⵔⴻⵏ ⵉⵙⵔⴰⵜⵉⴷⵊⵉⵢⴻⵏ ⴷ ⵡⵉⴷ ⵏ ⵜⵉⵙⴻⴽⵉⵡⵉⵏ. ⵉⵎⴰⵀⵉⵍⴻⵏ ⵡⵡⵉⵏ-ⴷ ⴷⴰⵖⴻⵏ ⴰⵙⵉⵣⴷⴻⴳ ⵏ ⵡⵓⵎⵓⵖ ⵏ ⵢⵉⵙⵙⴻⵜⵎⴰⵔⴻⵏ ⵏ ⵓⵏⵏⴰⵔ ⵉⵡⴰⴽⴽⴻⵏ ⴰⴷ ⵏⴻⵔⵏⵉⵏⵜ ⵜⴰⵔⵔⴰⵢⵉⵏ ⵏ ⵓⵙⴼⵓⵍⴻⵍ ⴷ ⵓⵚⴻⴳⴳⴻⵎ ⵏ ⵜⵉⵙⵉⴷⵔⴰⵔ (ⴷéⵒⴻⵏⵙⴻⵙ) ⵜⵉⴳⴷⵓⴷⴰⵏⵉⵏ.
ⴷⴻⴳ ⵜⴰⵍⵍⵉⵜ ⵏ ⵜⴻⵎⵍⵉⵍⵉⵜ-ⴰⴳⵉ, ⴰⵏⴻⵖⵍⴰⴼ ⵢⴻⴼⴽⴰ-ⴷ ⵢⵉⵡⴻⵜ ⵏ ⵜⴻⴳⵔⵓⵎⵎⴰ ⵏ ⵜⵓⵔⴰⴹ ⴷ ⵜⵉⵡⴰⵍⵍⵉⵣⵉⵏ ⵉ ⵢⴻⴱⵖⴰⵏ ⴰⴷ ⴼⵙⵉⵙⴻⵏⵜ ⵜⵉⴷⴷⵢ ⵏ ⵢⵉⵎⴰⵀⵉⵍⴻⵏ ⴷⴻⴳ ⵜⵡⵉⵍⴰⵢⵉⵏ-ⴰⴳⵉ. ⵉⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⵙⴱⴻⴷⴷⵉ ⵏ ⵢⴰⴽⴽ ⵢⵉⵙⴻⵏⴼⴰⵔⴻⵏ ⵏ ⵓⵙⴻⴳⴳⴰⵙ 2026 ⴷⴻⴳ ⵡⴰⴽⵓⴷⴻⵏ ⵉⵕⴻⵙⵙⴰⵏⴻⵏ, ⵓ ⵉⵡⴰⴽⴽⴻⵏ ⴰⴷ ⴷ-ⵜⴻⵜⵜⵓⵏⴻⴼⴻⴽ ⵜⴰⵣⵡⴰⵔⵜ (ⵒⵔⵉⵓⵔⵉⵜé) ⵉ ⵢⵉⵙⴻⵏⴼⴰⵔⴻⵏ ⵉ ⴷ-ⵉⵟⵟⴰⴽⴻⵏ ⵏⴼⴰⵄ ⵓⵙⵔⵉⴷ ⵖⴻⴼ ⵓⵙⵏⴻⴼⵍⵉ. ⵔⵏⵉ-ⴷ ⵖⴻⵔ ⵡⴰⵏⵏⴻⵛⵜ-ⴰ ⴰⵙⴻⴶⵀⴻⴷ ⵏ ⵓⵎⵙⴰⵙⴻⵢ ⴳⴰⵔ ⵢⵉⵎⵉⴳⴰⵡⴻⵏ ⵎⴻⵕⵕⴰ ⵉ ⵓⵟⵎⴰⵏ ⵏ ⵓⵙⴼⵓⵍⴻⵍ ⵍⵇⴰⵢⴻⵏ ⵏ ⵢⵉⵙⴻⵏⴼⴰⵔⴻⵏ ⵉⵡⴰⴽⴽⴻⵏ ⴰⴷ ⴼⵓⴽⴽⴻⵏⵜ ⴷⴻⴳ ⵡⴰⴽⵓⴷ ⵏ ⵓⵎⵜⴰⵡⴰ.
ⵜⵉⵎⵍⵉⵍⵉⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⴽⴻⵎⵎⴻⵍ ⵏ ⵡⴰⵀⵉⵍ ⵏ ⵓⵎⵙⴰⵙⴻⵢ ⴷ ⵓⵙⴰⵜⵉⴳ ⵏ ⵜⵏⴻⵀⵍⴰⴼⵜ ⵉ ⴷ-ⵢⴻⴱⴷⴰⵏ ⴷⴻⴳ 19 ⵎⴰⵢⵓ ⵓ ⴰⴷ ⵉⴷⵓⵎ ⴰⵔⵎⵉ ⴷ 03 ⵢⵓⵏⵢⵓ ⵉ ⴷ-ⵉⵜⵜⴻⴷⴷⵓⵏ, ⵉⵡⴰⴽⴽⴻⵏ ⴰⴷ ⴷ-ⵜⴻⵜⵜⵓⵏⴻⵎⵍ ⵍⵃⴰⵍⴰ ⵏ ⵓⵙⴻⵍⴽⴻⵎ ⵏ ⵡⴰⵀⵉⵍⴻⵏ ⵏ ⵓⵏⵏⴰⵔ ⴷ ⵓⵙⵏⴻⵔⵏⵉ ⵏ ⵏⴼⴰⵄ ⵏ ⵓⵎⴰⵀⵉⵍ ⴷⴻⴳ ⵡⴰⵏⵏⴰⵔ.
ⴰⵔⵏⵓ ⵖⴻⵔ
