ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⴷ ⵜⵎⴻⵚⴽⵉⵡⵜ, ⴰⴱⴷⴻⵍⴽⴰⴷⴻⵔ ⴷⵊⴻⵍⵍⴰⵡⵉ, ⴷⴻⴳ ⵡⴰⵙⵙ ⵏ ⵓⵙⵉⴹⵢⴰⵙ, ⴷⴻⴳ ⵜⵡⵉⵍⴰⵢⵜ ⵏ ⵜⵉⵏⴷⵓⴼ, ⴰⵀⴻⴳⴳⵉ ⵏ ⵓⵙⴻⵏⴼⴰⵔ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⵏ ⵢⵉⵏⴰⵖⵣⴻⵏ ⵏ ⵓⵜⴰⵔⴰⵎ, ⴳⴰⵔⴰ ⴷⵊⴻⴱⵉⵍⴻⵜ (ⵜⵉⵏⴷⵓⴼ) - ⴱⴻⵏⵉ ⵄⴻⴱⴱⴰⵙ - ⴱⴻⵛⵛⴰⵔ, ⵙⴷⴰⵜ ⵜⴰⴳⴳⴰⵔⴰ ⵏ ⵓⵙⴻⴳⴳⴰⵙ ⵏ 2025.
ⴰⵏⴻⵖⵍⴰⴼ ⵢⴻⵅⴷⴻⵎ ⵜⵉⵔⵣⵉ ⵏ ⵓⵙⴻⴼⵇⴻⴷ ⵖⴻⴼ ⵜⵡⵉⵍⴰⵢⵜ ⵏ ⵜⵉⵏⴷⵓⴼ ⴰⴽⴽⴻⵏ ⴰⴷ ⵉⵥⴻⵔ ⴰⵎⴻⴽ ⵉ ⴷ-ⵢⴻⴳⴳⵓⵔ ⵓⵎⴰⵀⵉⵍ ⵉ ⴷ-ⵢⴻⵇⵇⵉⵎⴻⵏ ⵖⴻⴼ ⵓⵙⴻⵏⴼⴰⵔ-ⴰ ⴰⵎⴻⵇⵔⴰⵏ ⵢⴻⵔⵏⵓ ⴰⴷ ⴷ-ⵢⴻⵙⴷⵓⴽⴽⴻⵍ ⴰⴽⴽ ⵜⵉⵣⴻⵎⵎⴰⵔ ⴷ ⵡⴰⵍⵍⴰⵍⴻⵏ ⴰⴽⴽⴻⵏ ⴰⴷ ⵜ-ⵉⴷ-ⵙⴼⴰⵢⴷⵉⵏ ⴷⴻⴳ ⵡⴰⴽⵓⴷ ⴰⵢ ⴷ-ⵢⴻⵜⵜⵡⴰⴱⴻⴷⵔⴻⵏ, ⵙ ⵓⵇⴰⴷⴻⵔ ⵏ ⵍⴻⵡⵚⴰⵢⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ ⴱⴰⵛ ⴰⴷ ⵜ-ⵉⴷ-ⵢⴻⵙⵙⴻⵔⵙ ⴷⴻⴳ ⵓⵅⴻⴷⴷⵉⵎ ⴷⴻⴳ ⵓⴱⵓⴷⴷⵓ ⵏ 2026.
ⵢⴻⵙⵙⴻⴼⵇⴻⴷ ⵎⴰⵙⵙ ⴷⵊⴻⵍⵍⴰⵡⵉ ⵉⵙⴰⴽⵏⴻⵏ ⵏ ⵓⵙⴻⵏⴼⴰⵔ-ⴰ ⴷⴻⴳ ⵓⵣⴰⴷⵓⵔⵏ ⵜⵓⴷⴻⵔⵜ ⵏ ⵜⵉⵏⴷⵓⴼ, ⴰⵏⴷⴰ ⵉ ⴷⵢⴻⵙⵙⵖⴻⴷ ⵖⴻⵔ ⵓⵙⴻⴳⵣⵉ ⵖⴻⴼ ⵡⴰⴷⴷⴰⴷ ⵏ ⵓⵎⴰⵀⵉⵍ ⵉ ⴷ-ⵢⴻⵇⵇⵉⵎⴻⵏ. ⵉ ⵍⵎⴻⵏⴷ ⵏ ⵜⴻⴳⵏⵉⵜ-ⴰ, ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⵖⴻⴼ ⵡⴰⵣⴰⵍ ⴰⵖⴻⵍⵏⴰⵡ ⵏ ⵓⵥⴻⴹⴹⴰ-ⴰ ⴰⵢ ⴷ-ⵢⴻⵎⵎⴰⵍⴻⵏ ⴰⴳⴻⵔⵔⵓⵊ ⴰⴷⴰⵎⵙⴰⵏ ⴷ ⴰⵎⴻⵇⵔⴰⵏ ⵉⵎⵉ ⴰⵢ ⵢⴻⵙⵄⴰ ⵜⴰⵎⵍⵉⵍⵜ ⴷⴻⴳ ⵜⵓⵇⵇⵏⴰ ⵏ ⵜⴻⵎⵏⴰⴹⵉⵏ ⵏ ⵓⴼⴰⵔⴻⵙ ⵏ ⵢⵉⵏⴰⵖⵣⴻⵏ ⵖⴻⵔ ⵢⵉⵥⴻⴹⵡⴰⵏ ⵉⵎⴻⵇⵔⴰⵏⴻⵏ ⵏ ⵓⵎⴻⵙⵏⵉ ⴷ ⵓⵙⴻⴳⴷⴻⵔ ⵏ ⵓⵙⵏⴻⴳⵎⵓ ⴰⴷⴰⵎⵙⴰⵏ.
ⴷⴻⴳ ⵓⵃⴱⴰⵙ-ⵏⵏⴻⵙ ⴷⴻⴳ ⵜⴻⵖⵙⴻⵔⵜ ⵏ ⵜⵉⵏⴷⵓⴼ ⴷⴻⴳ ⵜⵏⴻⵇⴹⵉⵜ ⵜⵉⵙ 811 ⵏ ⵢⵉⴽⵉⵍⵓⵎⵉⵜⵔⴻⵏ, ⵢⴻⵙⵙⴻⴼⵇⴻⴷ ⵓⵏⴻⵖⵍⴰⴼ ⵜⵜⴰⵡⵉⵍⴰⵜ ⵉ ⴷ-ⵢⴻⵜⵜⵡⴰⴱⵏⴰⵏ ⴷⴻⴳ ⵓⴽⴰⵜⴰⵔ ⵏ ⵜⵎⴻⵚⴽⵉⵡⵜ-ⴰ ⵉ ⴷ-ⵢⴻⵙⵄⴰⵏ ⴰⵣⴰⵍ ⴰⵎⴻⵇⵔⴰⵏ, ⴰⵎ ⵡⴰⴽⴽⴻⵏ ⵉ ⴷ-ⵉⵡⴻⴽⴽⴻⴷ ⵖⴻⴼ ⵓⴹⴼⴰⵔ ⵏ ⵜⵖⴰⵡⵙⵉⵡⵉⵏ ⵜⵉⵙⵏⴰⵜⵡⵉⵍⴰⵏⵉⵏ ⴷ ⵢⵉⵍⵓⴳⴰⵏ ⵏ ⵜⵖⴰⵔⴰ ⵢⴻⵔⵏⵓ ⵉⴳⴻⵔ-ⴷ ⵜⵉⵖⵔⵉ ⵉ ⵓⵙⵙⴻⵍⵀⵓ ⵏ ⵍⴻⵇⴷⵉⵛ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵀⴻⴳⴳⵉ ⵏ ⵜⴻⵖⵙⴻⵔⵜ-ⴰ ⵖⴻⴼ ⵍⴻⵃⵙⴰⴱ ⵏ ⵡⴰⵀⵉⵍ ⵉ ⴷ-ⵢⴻⵜⵜⵡⴰⵙⴱⴻⴷⴷⴻⵏ.
ⵢⴻⵙⵙⴻⴼⵇⴻⴷ ⴷⴰⵖ ⴰⴱⵔⵉⴷ ⵏ ⵡⵓⵣⵣⴰⵍ ⴷⴻⴳ ⵓⵃⵔⵉⵛ ⵢⴻⵍⵍⴰⵏ ⴳⴰⵔ ⵜⵏⴻⵇⴹⵉⵏ ⵏ ⵢⵉⴽⵉⵍⵓⵎⵉⵜⵔⴻⵏ 805 ⴷ 785, ⴰⵏⴷⴰ ⴰⵢ ⴷ-ⵢⴻⴹⴼⴻⵔ ⵙ ⵜⵉⵎⵎⴰⴷ-ⵏⵏⴻⵙ ⵜⵉⵎⵀⴰⵍ ⵏ ⵓⵙⵙⴻⴱⴷⴻⴷ ⵏ ⵓⴱⵔⵉⴷ, ⵢⴻⵔⵏⵓ ⵢⴻⵙⵙⵓⴼⴼⴻⵖ-ⴷ ⵍⴻⵡⵚⴰⵢⴰⵜ ⵉⵇⴻⵙⵃⴻⵏ ⵉ ⵜⴽⴻⴱⴱⴰⵏⵉⵢⵉⵏ ⵉ ⴷ-ⵢⴻⵍⵀⴰⵏ ⵙ ⵍⴻⵄⵇⵓⴷⴰⵜ ⴰⴽⴽⴻⵏ ⴰⴷ ⵙⴱⴻⴷⴷⴻⵏⵜ ⴰⴽⴽ ⵜⵉⵖⴱⵓⵍⴰ ⵉ ⵢⴻⵍⵍⴰⵏ, ⵢⴻⵔⵏⵓ ⴰⴷ ⵔⴻⵣⴽⴻⵏ ⵡⴰⴽⵓⴷ ⵉ ⴷ-ⵢⴻⵜⵜⵡⴰⵡⴻⵀⵀⴰⵏ. ⵢⴻⵥⵔⴰ ⴷⴰⵖ ⵎⴰⵙⵙ ⴷⵊⴻⵍⵍⴰⵡⵉ ⴰⴽⴰⵍⴰ ⵏ ⵓⵙⵙⴻⵔⵙⵉ ⵏ ⵢⵉⴱⵔⵉⴷⴻⵏ ⴷⴻⴳ ⵜⴻⵏⵇⵉⴹⵉⵏ ⵏ ⵢⵉⴽⵉⵍⵓⵎⵉⵜⵔⴻⵏ ⵡⵉⵙ 787 ⴷ 769.
ⴰⵏⴻⵖⵍⴰⴼ ⵢⴻⵙⵙⴻⴼⵇⴻⴷ ⴰⵟⴰⵙ ⵏ ⵜⵎⴻⵚⴽⵉⵡⵉⵏ, ⵍⴰⴷⵖⴰ ⵜⵉⵇⴻⵏⴹⵔⵉⵏ ⵉ ⴷ-ⵜⵜⴳⴻⵏⵜ ⵜⴽⴻⴱⴱⴰⵏⵉⵢⵉⵏ ⵏ ⵢⵉⵅⴻⴷⴷⵉⵎⴻⵏ ⵉⵏⴰⴳⴷⵓⴷⴻⵏ ⵏ ⵛⵓⵙⵉⴷⴻⵔ, ⵙⴻⵔⵓⵔ, ⴷ ⵙⴰⵒⵜⴰⵀ. ⵖⴻⴼ ⵍⴻⵃⵙⴰⴱ ⵏ ⵜⴻⵙⵍⴻⴹⵜ ⴰⵢ ⴷ-ⵢⴻⵜⵜⵡⴰⴼⴽⴰⵏ, ⵙⴻⴳ ⴳⴰⵔ 45 ⵏ ⵜⵎⴻⵚⴽⵉⵡⵉⵏ ⴷ-ⵢⴻⵣⴳⴰⵏ ⴷⴻⴳ ⵓⴱⵔⵉⴷ ⵏ ⵡⵓⵣⵣⴰⵍ ⵏ ⵢⵉⵏⴰⵖⵣⴻⵏ ⵏ ⵓⴳⵎⵓⴹ ⵉ ⵢⴻⵙⵄⴰⵏ 20 ⵏ ⵢⵉⴽⵉⵍⵓⵎⵉⵜⵔⴻⵏ, 42 ⵙⴻⴳ-ⵙⴻⵏⵜ ⵜⵜⵡⴰⴽⴻⵎⵍⴻⵏⵜ ⵢⴻⵔⵏⵓ ⵜⵜⵡⴰⴼⴽⴻⵏⵜ. ⵍⴻⵇⴷⵉⵛ ⵖⴻⴼ ⴽⵔⴰⴹ ⵉ ⴷ-ⵢⴻⵇⵇⵉⵎⴻⵏ ⵢⴻⵍⵍⴰ ⴷⴻⴳ ⵓⵙⵡⵉⵔ ⵉⵎⴰⵀⵣⴻⵏ ⵍⴰⴱⴰⵙ, ⵢⴻⵔⵏⵉ ⵢⴻⵍⵣⴻⵎ ⴰⴷ ⵎⵎⵉⵔⴻⵏ ⴷⴻⴳ ⵓⵙⴻⵎⵎⴰⴷ-ⴰⵢⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵣⵉⵔⵉⴳ ⵏ ⵡⵓⵣⵣⴰⵍ ⵙ ⵜⵉⵎⵎⴰⴷ-ⵏⵏⴻⵙ, ⵉⵎⴻⵥⵍⴰ ⵉⵙⵏⴰⵜⵡⵉⵍⴰⵏⴻⵏ ⴱⴻⵢⵢⵏⴻⵏ-ⴷ ⴷⴰⴽⴽⴻⵏ 750 ⵏ ⵢⵉⴽⵉⵍⵓⵎⵉⵜⵔⴻⵏ ⵉ ⵢⴻⵜⵜⵡⴰⵡⴻⴽⴽⵍⴻⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵎⴰⵀⵉⵍ ⵢⴻⵜⵜⴽⴻⵎⵎⵉⵍ ⵙ ⵜⴰⵣⵣⵍⴰ ⵢⴻⵜⵜⵡⴰⵙⴼⴻⵄⵍⴻⵏ ⵖⴻⴼ 200 ⵏ ⵢⵉⴽⵉⵍⵓⵎⵉⵜⵔⴻⵏ ⴰⵢ ⴷ-ⵢⴻⵇⵇⵉⵎⴻⵏ ⴷⴻⴳ ⵜⴻⴳⵏⴰⵜⵉⵏ ⵜⵓⴷⴷⵙⴰⵏⵉⵏ ⴷ ⵜⴻⵙⵏⴰⵜⵡⵉⵍⴰⵏⵉⵏ ⵢⴻⵍⵀⴰⵏ.
ⵉⵡⴻⴽⴽⴻⴷ-ⴷ ⵎⴰⵙⵙ ⴷⵊⴻⵍⵍⴰⵡⵉ ⴷⴰⴽⴽⴻⵏ ⵙⵙⴻⵔⵙⴻⵏ 380 ⵏ ⵢⵉⴽⵉⵍⵓⵎⵉⵜⵔⴻⵏ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⴷⴻⴳ 45 ⵏ ⵡⵓⵙⵙⴰⵏ, ⵙ ⵓⴽⵜⴰⵎⵓⵔ ⵏ 8,7 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵡⴰⵙⵙ. ⴰⵢⴰ, ⵉ ⴷ-ⵢⴻⵏⵏⴰ, ⵢⴻⵙⵙⴽⴰⵏⴰⵢ-ⴷ ⴰⵣⴰⵍ ⴰⵢ ⴷ-ⵢⴻⵜⵜⵡⴰⵙⵙⴰⵡⴹⴻⵏ ⵙ ⵜⵜⴰⵡⵉⵍ ⵏ ⵜⵎⵓⵙⵙⵏⵉ ⵜⴰⵖⴻⵍⵏⴰⵡⵜ ⴰⵢ ⴷ-ⵢⴻⵜⵜⵡⴰⵙⵇⴻⴷⵛⴻⵏ. ⵢⴻⵔⵏⴰ-ⴷ ⴷⴰⴽⴽⴻⵏ ⴰⴷ ⴷ-ⵔⵏⵓⵏ 200 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ 40 ⵏ ⵡⵓⵙⵙⴰⵏ ⵙ ⵍⵎⴻⵏⴷⴰⴷ ⵏ ⵓⵙⵙⴻⴱⴷⴻⴷ ⵏ ⵡⴰⴽⴽ ⵜⵉⵣⴻⵎⵎⴰⵔ ⴷ ⵜⵜⴰⵡⵉⵍⴰⵜ ⵉⵖⴻⵍⵏⴰⵡⴻⵏ.
ⵜⵉⵔⵣⵉ ⵏ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⴷ ⵜⵎⴻⵚⴽⵉⵡⵜ ⵖⴻⴼ ⵜⵡⵉⵍⴰⵢⵜ ⵏ ⵜⵉⵏⴷⵓⴼ ⵡⴻⵔⵄⴰⴷ-ⵉⵜⵜ ⵜⴻⵜⵜⴽⴻⵎⵎⵉⵍ ⵙ ⵓⵙⵙⴻⴼⵇⴻⴷ ⵏ ⵍⴰⴱⴰⵙ ⵏ ⵢⵉⵃⵔⵉⵛⴻⵏ ⵏ ⵓⵙⴻⵏⴼⴰⵔ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⵏ ⵢⵉⵏⴰⵖⵣⴻⵏ ⵏ ⵓⵜⵔⵉⵎ.
ⴰⵔⵏⵓ ⵖⴻⵔ
