ⵢⴻⵙⵜⴻⵇⴱⴻⵍ ⵓⵏⴻⵖⵍⴰⴼ ⵏ ⵓⴷⴰⴱⵓ, ⵓⵏⴻⵖⵍⴰⴼ ⵏ ⵢⵉⵀⵉⴷⵔⵓⴽⴰⵔⴱⵓⵔⴻⵏ, ⵎⴰⵙⵙ Mohamed Arkab, ⴰⵙⵙ-ⴰ ⵏ ⵓⵙⴰⵎⴰⵙ (ⵍⴻⵅⵎⵉⵙ) ⴷⵉ ⴷⵣⴰⵢⴻⵔ ⵜⴰⵎⴰⵏⴰⵖⵜ, ⴰⵏⴻⵖⵍⴰⴼ ⵏ ⵜⴻⵣⵎⴻⵔⵜ ⵜⴰⵍⵍⴻⵖⵜ ⴷ ⵓⵎⵡⴰⵙ ⵏ ⵜⴻⴳⴷⵓⴷⴰ ⵏ ⵜⴻⴼⵔⵉⵇⵜ ⵏ ⵡⴰⴷⴷⴰ, ⵎⴰⵙⵙ Ronald Lamola, ⵉ ⵉ-ⵢⴻⵜⵜⴰⴳⴻⵏ ⵜⵉⵔⵣⴰ ⵏ ⵓⵅⴻⴷⴷⵉⵎ ⵖⴻⵔ ⴷⵣⴰⵢⴻⵔ, ⴰⵏⴷⴰ ⵉ ⵙⴷⵓⵜⵜⴻⵏ ⵙⵉⵏ ⵢⵉⴷⵉⵙⵉⵢⴻⵏ ⵜⴰⵔⵔⴰⵢⵉⵏ ⵏ ⵓⵙⴻǧⵀⴻⴷ ⵏ ⵓⵎⵡⴰⵙ ⴰⴷⵙⴰⵍⴰⵏ ⴷⴻⴳ ⵓⴳⵣⵓⵎ ⵏ ⵢⵉⵀⵉⴷⵔⵓⴽⴰⵔⴱⵓⵔⴻⵏ ⴷ ⵓⵙⴰⵍⵉ ⵏ ⵜⴳⵏⵉⵜⵉⵏ ⵏ ⵓⵙⴻⵏⴼⴰⵍⵉ ⴷ ⵜⴷⵓⴽⵍⵉ ⴳⴰⵔ ⵙⵉⵏ ⵜⵎⵓⵔⴰ.
ⴰⵏⴻⵊⵎⵓⵄ-ⴰ, ⵉ ⵢⴻⵍⵍⴰⵏ ⵙ ⵜⵜⴻⵖⵍⴰⵜ ⵏ ⵢⵉⵙⵏⴰⵙⴰⵢⴻⵏ ⵏ ⵙⵉⵏ ⵜⵎⵓⵔⴰ ⴷ ⴽⵔⴰ ⵏ ⵢⵉⵎⴰⵣⵣⴰⵢⴻⵏ ⵏ ⵙⵉⵏ ⵢⵉⴷⵉⵙⵉⵢⴻⵏ, ⵢⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵓⵙⴱⴰⴹ ⵏ ⵜⴻⴳⵏⵉⵜ ⴷ ⵢⵉⵙⵡⴰⵏ ⵏ ⵓⵎⵡⴰⵙ ⴷⴻⴳ ⵓⴳⵣⵓⵎ ⵏ ⵢⵉⵀⵉⴷⵔⵓⴽⴰⵔⴱⵓⵔⴻⵏ, ⴷ ⵓⵏⴰⴷⵉ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⴰⵍⵉ ⵏ ⵜⴷⵓⴽⵍⵉ ⵜⴰⴷⴰⵎⵙⴰⵏⵜ ⴷ ⵜⴰⵜⵉⴽⵏⵉⴽⵉⵜ, ⵙ ⵓⵙⵙⴻⴼⵜⵉ ⵏ ⵢⵉⴳⵎⵓⵎⴻⵏ ⵏ ⵜⵉⵔⵣⴰ ⵏ ⵜⴻⴳⴷⵓⴷⴰ ⵉ ⵢⵉⴳⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵜⴻⴼⵔⵉⵇⵜ ⵏ ⵡⴰⴷⴷⴰ, ⵎⴰⵙⵙ Cyril Ramaphosa, ⵖⴻⵔ ⴷⵣⴰⵢⴻⵔ ⴷⵉ ⴷⵓⴰⵎⴱⴻⵔ 2024, ⵙ ⵓⵙⵓⵜⴻⵔ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ Abdelmadjid Tebboune.
ⵉⵡⵎⵉⵍ-ⴷ ⵡⴰⵡⴰⵍ ⴷⴻⴳ ⵢⵉⵎⴻⵙⵍⴰⵢⴻⵏ ⵖⴻⴼ ⵜⴳⵏⵉⵜⵉⵏ ⵏ ⵓⵎⵡⴰⵙ ⴷⴻⴳ ⴰⴽⴽ ⵜⵙⴻⴷⴷⴰⵔ ⵏ ⵜⴰⵙⴰⵔⵓⵜ ⵏ ⵡⴰⵣⴰⵍ ⵏ ⵜⴰɣⴰⵡⵙⴰ ⵏ ⵣⵣⵉⵜ ⴷ ⴳⴰⵙ, ⵍⴰⴷɣⴰ ⵓⵏⴰⴷⵉ, ⴰⵙⵏⵓⵍⴼⵓ ⵏ ⵢⵉⴳⵔⴰⵏ, ⴰⴼⴰⵔⴰⵙ, ⴰⵚⴼⵉ ⴷ ⵜⵉⴱⵉⵜⵔⵓⴽⵉⵎⵉⵢⵉⵏ ⴷ ⵓⵙⵏⵣ ⵏ ⴳⴰⵙ ⴰⴳⴰⵎⴰ ⵉⵢⵙⵙⵔⴰⵏ ⴷ ⴳⴰⵙ ⵏ ⵣⵣⵉⵜ, ⵙ ⵓⵎⴰⵜⴰ ⴷ ⵓⵙⴰⵍⵉ ⵏ ⵓⵣⴰⴷⴷⵓⵞ ⴷ ⵓⴱⴻⴷⴷⴻⵍ ⵏ ⵜⵎⵓⵙⵏⵉ ⴷ ⵓⵜⵜⴻⴽⴽⵉ ⵏ ⵜⴰⵜⵉⴽⵏⵓⵍⵓⵊⵉⵜ, ⴰⴽⴽⴻⵏ ⴰⴷ ⵢⴻǧⵀⴻⴷ ⵓⵙⴻⵏⴼⴰⵍⵉ ⴰⵎⴷⵓⴽⴽⴰⵍ ⴷ ⵓⵙⴷⵓⴽⴻⵍ ⴰⵙⴻⴷⴷⴰⵏ ⴳⴰⵔ ⵙⵉⵏ ⵜⵎⵓⵔⴰ.
ⴰⴽⴽⴻⵏ ⵉ ⵙⴷⵓⵜⵜⴻⵏ ⵙⵉⵏ ⵢⵉⴷⵉⵙⵉⵢⴻⵏ ⵜⴰⵔⵔⴰⵢⵉⵏ ⵏ ⵓⵙⴰⵍⵉ ⵏ ⵜⴷⵓⴽⵍⵉ ⴳⴰⵔ ⵓⵙⵓⴷⴷⵉⵙ ⵏ Sonatrach ⴷ ⵜⵙⵓⴷⴷⵓⵡⵜ ⵜⴰⵖⴻⵍⵏⴰⵡⵜ ⵏ ⵣⵣⵉⵜ ⵜⴰⴼⵔⵉⵍⵓⵜ ⵏ ⵡⴰⴷⴷⴰ (SANPC), ⴷ ⵓⵙⵙⴻⴼⵜⵉ ⵏ ⵓⴱⴻⴷⴷⴻⵍ ⴳⴰⵔ ⵜⵙⵓⴷⴷⵓⵡⵉⵏ ⵢⴻⵜⵜⵎⴰⵀⵍⴻⵏ ⴷⴻⴳ ⵓⴳⵣⵓⵎ, ⴷ ⵓⵙⴻǧⵀⴻⴷ ⵏ ⵓⵎⵡⴰⵙ ⴰⵙⵓⴷⴷⵉⵙⴰⵏ ⴷ ⵓⵜⵉⴽⵏⵉⴽⵉ ⴳⴰⵔ ⵜⵏⴻⴱⴷⴰⴷⵉⵜ ⵜⴰⵖⴻⵍⵏⴰⵡⵜ ⵏ ⵓⴼⵔⴰⵙ ⵏ ⵢⵉⵖⴱⵓⵍⴰ ⵏ ⵢⵉⵀⵉⴷⵔⵓⴽⴰⵔⴱⵓⵔⴻⵏ (ALNAFT), ⵜⴰⵏⴻⴱⴷⴰⴷⵉⵜ ⵏ ⵓⵙⵙⴻⴼⵜⴻⵜ ⵏ ⵢⵉⵀⵉⴷⵔⵓⴽⴰⵔⴱⵓⵔⴻⵏ (ARH) ⴷ ⵜⵏⴻⴱⴷⴰⴷⵉⵜ ⵜⴰⴼⵔⵉⵍⵓⵜ ⵏ ⵡⴰⴷⴷⴰ ⵏ ⵣⵣⵉⵜ (PASA).
ⴷⴻⴳ ⵓⴱⵍⴻⵖ-ⴰ, ⵜⵜⵡⴰⵙⴻⴷⵀⴻⵎ ⵡⴰⵣⴰⵍ ⵏ ⵓⵙⵙⴻⵏⴽⴻⴷ ⵏ ⵜⴳⵏⵉⵜⵉⵏ ⵏ ⵓⵙⴻⵏⴼⴰⵍⵉ ⴷ ⵜⴰⵍⵍⴻⵍⵜ ⵢⴻⵍⵍⴰⵏ ⴷⵉ ⴷⵣⴰⵢⴻⵔ, ⴷ ⵓⵙⵙⴻⴱⴳⴰⵙ ⵏ ⵜⵙⵓⴷⴷⵓⵡⵉⵏ ⵜⵉⴼⵔⵉⵍⵓⵢⵉⵏ ⵏ ⵡⴰⴷⴷⴰ ⴰⴷ ⵜⵜⴻⴽⴽⵉⵢⵏⵜ ⴷⴻⴳ ⵓⴼⵔⴰⵏ ⵏ ⵓⵙⵓⵜⴻⵔ ⴰⵣⴰⵢⵔⵉ ⵏ ⵓⵙⴻⴳⴳⴰⵙ 2026 (Algeria Bid Round 2026), ⴷ ⵓⵙⴻǧⵀⴻⴷ ⵏ ⵓⵎⵡⴰⵙ ⴷⴻⴳ ⵓⴳⵣⵓⵎ ⵏ ⵓⵙⵉⵍⴻⵖ ⴷ ⵓⵙⴰⵍⵉ ⵏ ⵜⴻⵣⵎⴻⵔⵜ ⴷ ⵓⴱⴻⴷⴷⴻⵍ ⵏ ⵜⵎⵓⵙⵏⵉ ⴷ ⵢⵉⵙⴰⵍⴰⵏ, ⵙ ⵓⵙⵙⴻⵇⴷⴻⵛ ⵏ ⵜⵎⵓⵙⵏⵉ ⵏ ⵓⵙⵓⴷⴷⵉⵙ ⴰⵣⴰⵢⵔⵉ ⵏ ⵣⵣⵉⵜ (IAP).
ⴷⵉ ⵜⴰⴳⵏⵉⵜ-ⴰ, ⵢⴻⵙⵙⴻⴷⵀⴻⵎ ⵎⴰⵙⵙ Arkab ⴰⵣⴰⵍ ⵏ ⵓⵙⵙⴻⵖⵍⵉ ⵏ ⵜⴷⵓⴽⵍⵉ ⵜⴰⵙⴻⵔⵜⴰⵏⵜ ⴳⴰⵔ ⵙⵉⵏ ⵜⵎⵓⵔⴰ ⴷ ⵓⵙⴻǧⵀⴻⴷ ⵏ ⵓⵎⵡⴰⵙ ⵡⴰⴷⴷⴰ-ⵡⴰⴷⴷⴰ, ⵓ ⵢⴻⵡⵡⴻⴹ-ⴷ ⴰⴷⴻⴱⴱⵉ ⵏ ⵓⴳⵣⵓⵎ ⵏ ⵢⵉⵀⵉⴷⵔⵓⴽⴰⵔⴱⵓⵔⴻⵏ ⵉ ⵓⵎⵡⴰⵙ ⵏ ⵜⵙⵓⴷⴷⵓⵡⵉⵏ ⴷ ⵜⵙⵓⴷⴷⵓⵡⵉⵏ ⵜⵉⴼⵔⵉⵍⵓⵢⵉⵏ ⵏ ⵡⴰⴷⴷⴰ ⵉ ⵢⴻⴱⵖⴰⵏ ⴰⴷ ⵙⴻⵏⴼⴰⵍⵉⵢⵏⵜ ⴷⵉ ⴷⵣⴰⵢⴻⵔ, ⴷ ⵓⵙⵙⴻⵏⴽⴻⴷ ⵏ ⵜⴰⵍⵍⴻⵍⵜ ⵉ ⵢⴻⵙⵙⵔⴰⵏ ⵉ ⵓⵙⴰⵍⵉ ⵏ ⵢⵉⵙⴻⵏⴼⴰⵔⴻⵏ ⵉⵎⴷⵓⴽⴽⵍⴻⵏ ⵢⴻⵙⵙⴰⵏ ⴰⵣⴰⵍ ⴰⵎⴻⵇⵇⵔⴰⵏ.
ⵙⴻⴳ ⵢⵉⴷⵉⵙ-ⵉⵙ, ⵢⴻⵙⵙⴻⵏⴷ ⵎⴰⵙⵙ Lamola ⴰⴷⴻⴳ ⵏ ⴷⵣⴰⵢⴻⵔ ⴷⴻⴳ ⵓⴳⵣⵓⵎ ⵏ ⵢⵉⵀⵉⴷⵔⵓⴽⴰⵔⴱⵓⵔⴻⵏ ⴷ ⵜⴰⵎⵍⵉⵍⵜ-ⵉⵙ ⴷⴻⴳ ⵓⵙⵡⵉⵔ ⴰⴼⵔⵉⵇⵉ ⴷ ⵓⵎⴰⴹⴰⵍⴰⵏ, ⵓ ⵢⴻⵙⵙⴽⴻⵏ-ⴷ ⵍⴻⴱɣⵉ ⵏ ⵜⵎⵓⵔⵜ-ⵉⵙ ⴷⵉ ⵓⵙⴻǧⵀⴻⴷ ⵏ ⵓⵎⵡⴰⵙ ⴷ ⴷⵣⴰⵢⴻⵔ ⴷ ⵓⵙⴰⵍⵉ ⵏ ⵜⴷⵓⴽⵍⵉⵡⵉⵏ ⵜⵉⴷⵙⴰⵍⵏⵉⵢⵉⵏ ⴷⴻⴳ ⵢⵉⴳⵣⵓⵎⴻⵏ ⵏ ⵣⵣⵉⵜ ⴷ ⴳⴰⵙ, ⴰⴽⴽⴻⵏ ⴰⴷ ⵢⴻǧⵀⴻⴷ ⵜⵉⵖⴰⵡⵉⵏ ⵜⵉⴷⴰⵎⵙⴰⵏⵉⵏ ⴷ ⵓⵍⴷⴰⵢ ⵏ ⵢⵉⵙⵡⴰⵏ ⵉⵎⴰⵢⵏⵓⵜⴻⵏ ⵏ ⵓⵙⴻⵏⴼⴰⵍⵉ ⴷ ⵓⵎⵡⴰⵙ ⴳⴰⵔ ⵙⵉⵏ ⵜⵎⵓⵔⴰ.
ⴰⵔⵏⵓ ⵖⴻⵔ
