ⴷⵣⴰⵢⴻⵔ ⵜⵄⴰⵡⴻⴷ-ⴷ ⴰⵙⵙ-ⴰ, ⴰⵙⵙ ⵏ ⵓⵙⵉⵏⴰⵙ, ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵄⴻⵡⵡⴻⵍ-ⵏⵏⴻⵙ ⵓⵔ ⵢⴻⵜⵜⴱⴻⴷⴷⵉⵍⴻⵏ ⴰⵔⴰ ⴰⴽⴽⴻⵏ ⴰⴷ ⵜⴻⵇⴰⴷⴻⵔ ⴰⵣⴰⵔⵓⴳ ⵏ ⵍⵉⴱⵢⴰ ⵜⴰⵏⴰⵢⴰ-ⵏⵏⴻⵙ, ⴷ ⵜⴷⵓⴽⵍⵉ-ⵏⵏⴻⵙ, ⴷ ⵜⴰⵍⵍⴻⵍⵜ-ⵏⵏⴻⵙ ⵉ ⵢⵉⵡⴻⵏ ⵏ ⵓⴽⴰⵍⴰ ⴰⵙⴻⵔⵜⴰⵏ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏ ⴰⴽⴽ ⵎⴻⴷⴷⴻⵏ, ⵢⴻⵔⵏⴰ ⴰⴷ ⵜ-ⵉⴷ-ⵙⴱⴻⴷⴷⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⵓ ⵉⵙⵡⵉ-ⵏⵏⴻⵙ ⴷ ⴰⵙⵉⵡⴻⴹ ⵏ ⵜⵉⴼⵔⴰⵜ ⵜⴰⵏⴻⴳⴳⴰⵔⵓⵜ ⵏ ⵜⴻⵣⵖⴻⵏⵜ ⴷⴻⴳ ⵜⵎⵓⵔⵜ-ⴰ.
ⴷⴻⴳ ⵡⴰⵡⴰⵍ-ⵏⵏⴻⵙ ⴷⴻⴳ ⵜⵉⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵖⴻⴼ ⵜⴰⴳⵏⵉⵜ ⴷⴻⴳ ⵍⵉⴱⵢⴰ, ⵉⴱⴻⵢⵢⴻⵏ ⵓⵎⴰⵙⵍⴰⴹ ⵏ ⵜⵓⵖⴷⴰⴹⵜ ⵏ ⴷⵣⴰⵢⴻⵔ ⵜⵓⵏⵣⵉⴳⵜ ⵖⴻⵔ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⴰⵊⴻⴷⴷⵉⵏⴻ ⵙⴰⵎⵉⵔ ⴱⵓⵙⵙⴰⵀⴻⵍ, ⴱⴻⵍⵍⵉ ⴷⵣⴰⵢⴻⵔ ⵜⴻⵜⵜⵡⴻⴽⴽⴻⴷ ⴰⵎⵉⵔⴻⵡ-ⵏⵏⴻⵙ ⵙ ⵓⵔⵣⴰⴽ ⵏ ⵓⵣⴰⵔⵓⴳ ⵏ ⵍⵉⴱⵢⴰ ⴷ ⵜⴰⵏⴰⵢⴰ-ⵏⵏⴻⵙ ⴷ ⵜⴰⵢⵓⵏⵜ-ⵏⵏⴻⵙ, ⵙ ⵓⵖⵔⴻⴼ ⴷ ⵜⵎⵓⵔⵜ, ⵜⴻⵔⵏⵉ ⵜⴻⴷⵀⴻⵍ ⴰⴽⴰⵍⴰ ⴰⵙⴻⵔⵜⴰⵏ ⴰⵍⵉⴱⵉ-ⴰⵍⵉⴱⵉ ⵢⴻⴷⴷⵓⴽⴽⵍⴻⵏ ⴷⴷⵡⵉ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵉⵙⵡⵉ-ⵏⵏⴻⵙ ⴷ ⴰⵙⵉⵡⴻⴹ ⵖⴻⵔ ⵜⵓⴼⵔⴰⵜ ⵜⴰⵏⴻⴳⴳⴰⵔⵓⵜ ⴷ ⴰⵎⴰⴽⴽⵉⵜ ⵉ ⵜⴻⵣⵖⴻⵏⵜ ⴷⴻⴳ ⵜⴰⵎⵓⵔⵜ-ⴰⵢⴰ ⵜⴰⵡⴻⵍⵜⵎⴰⵜ.
ⵢⴻⵔⵏⵉ ⵢⴻⴱⴷⴻⵔ ⴱⴻⵍⵍⵉ ⴰⵙⴻⴹⵔⴻⵡ ⵏ ⵜⴻⵖⴷⴻⵎⵜ ⴷⴻⴳ ⵜⴰⵎⵓⵔⵜ-ⴰⵢⴰ ⵢⴻⵇⵇⵉⵎ ⴷ ⴰⵙⵓⵜⴻⵔ ⴰⵖⴻⵍⵏⴰⵡ ⵓⵣⵔⵉⴼ, ⴷ ⵓⵣⵔⴻⴼ ⵓⵔ ⵢⴻⵜⵜⴱⴻⴷⴷⴰⵍⴻⵏ ⵛ ⵉⵍⵎⴻⵏⴷ ⵏ ⵜⵓⴳⵏⴰⵜⵉⵏ ⵜⵉⵡⴻⵔⴷⴰⵏⵉⵢⵉⵏ.
ⴷⴻⴳ ⵡⴰⵜⵜⴰⵍ-ⴰⵢⴰ , ⵉⴱⴻⵢⵢⴻⵏ ⵓⴷⵉⵒⵍⵓⵎⴰⵜⵉ ⴰⴷⵣⴰⵢⵔⵉ ⴱⴻⵍⵍⵉ ⵜⴰⵍⵍⵉⵜ ⵏ ⵜⵙⴻⵏⴱⴻⵔⵜ ⵜⴰⴳⵔⴰⵖⵍⴰⵏⵜ ⵖⴻⴼ ⵜⴰⴳⵏⵉⵜ ⴷⴻⴳ ⵍⵉⴱⵢⴰ, ⵢⴻⵍⵣⴻⵎ ⴰⴷ ⵜⴻⵙⵙⴻⵎⵔⴻⵙ ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵣⴰⵢ ⵏ ⵓⵎⴽⴻⵎⵎⴻⵍ ⵜⴳⴰⵔⴰ ⵏ ⵢⵉⴷⵓⴱⴰ ⵉⵖⴻⴷⵎⴰⵏⴻⵏ ⵉⵖⴻⵍⵏⴰⵡⴻⵏ, ⵢⴻⵅⴹⴰ ⵉⵍⵎⴻⵏⴷ ⵏ ⵓⵙⴻⵃⵇⴻⵔ-ⵏⵙⴻⵏ, ⵢⴻⵔⵏⵉ ⵢⴻⴱⴷⴻⵔ-ⴷ ⵜⴰⴹⵓⵍⵍⵉ ⵏ ⵓⵙⵓⵎⵎⴻⵙ ⵏ ⵡⵓⵙⵙⵉⵙⴻⵏ ⵖⴻⴼ ⵓⵙⴻⴳⴷⴻⵔ ⵏ ⵓⵏⵎⵉⵔⴻⴳ ⴷ ⵓⵙⴻⵎⵢⵓⴷⴷⴻⵙ ⵊⴰⵔ ⵢⵉⴷⵉⵙⴻⵏ ⵉⵖⴻⴷⵎⴰⵏⴻⵏ ⵉⵍⵉⴱⵉⵢⴻⵏ, ⴷ ⵊⴰⵔ ⵜⵙⴻⵏⴱⴻⵔⵜ ⵜⴰⵎⴻⵏⴹⴰⵡⴰⵏⵜ, ⵙ ⵎⴰⵜⵜⴰ ⴰⴷ ⵢⴻⵙⵙⴻⴹⵔⵓⵏ ⴰⵙⴻⵙⵜⴻⵏ ⴷⴻⴳ ⵓⴽⴽ ⵜⵉⵊⵔⵉⵎⵉⵏ ⴷ ⵢⵉⵔⴽⴰⴹⴻⵏ ⴷ ⵓⴹⵎⴰⵏ ⵏ ⵛⵛⵕⴻⵄ ⵓⵖⴷⵉⵎ.
ⵢⴻⵔⵏⵉ ⵢⴻⴱⴷⴻⵔ ⴱⴻⵍⵍⵉ ⴷⵣⴰⵢⴻⵔ ⵜⴻⴽⵍⴻⵙ ⵜⴰⵏⴻⵖⵙⵓⵜ ⵏ ⵓⵏⴰⴱⴰⴹ ⴰⵍⵉⴱⵉ ⴰⵇⴱⴰⵍ ⵏ ⵓⵎⵓⵣⵣⴻⴳ ⵏ ⵜⵙⴻⵏⴱⴻⵔⵜ ⵙ ⵢⵉⵎⴰⵏ-ⵏⵏⴻⵙ, ⴷ ⵜⴰⵏⴻⵖⵙⵓⵜ ⵢⴻⵜⵜⴱⴻⵢⵢⴰⵏⴻⵏ ⴰⵎⵉⵔⴻⵡ ⵏ ⵢⵉⴷⵓⴱⴰ ⵓⵏⵏⵉⴳⴻⵏ ⴷⴻⴳ ⵍⵉⴱⵢⴰ ⵙ ⵓⵙⴻⴹⵔⴻⵡ ⵏ ⵜⴻⵖⴷⴻⵎⵜ ⴷ ⵓⵙⴻⴳⴷⴻⵔ ⵏ ⵓⵙⴻⵙⵜⴻⵏ ⵖⴻⴼ ⵜⴻⵊⵔⵉⵎⵉⵏ ⴷ ⵢⵉⵔⴽⴰⴹⴻⵏ, ⵜⴻⵔⵏⵉ ⵜⴻⵙⵙⵏⴻⵎⵎⴻⵔ ⴰⵏⵎⵉⵔⴻⴳ ⵢⴻⵍⵀⴰⵏ ⵢⴻⵍⵍⴰⵏ ⵊⴰⵔ ⵢⵉⴷⵓⴱⴰ ⵉⵍⵉⴱⵉⵢⴻⵏ ⴷ ⵜⵙⴻⵏⴱⴻⵔⵜ ⵜⴰⴳⵔⴰⵖⵍⴰⵏⵜ, ⵙ ⵎⴰⵜⵜⴰ ⴰⴷ ⵢⴻⵙⵙⵖⴰⵡⵍⴻⵏ ⴰⵏⵢⴰ ⵏ ⵓⵙⴻⵙⵜⴻⵏ ⴰⵎⵉⵔⴰⵏ ⴷ ⵓⵙⵎⵉⵔⵉ-ⵏⵙⴻⵏ ⴷⴻⴳ ⵡⴰⴽⵓⴷ ⵉⵇⴻⵔⴱⴻⵏ.
ⵢⴻⵔⵏⵉ ⵉⵡⴻⴽⴽⴻⴷ ⴷⴻⴳ ⵡⴰⵜⵜⴰⵍ-ⴰⵢⴰ ⴱⴻⵍⵍⵉ ⴷⵣⴰⵢⴻⵔ ⵜⴻⵙⵙⴻⴷⴷⵉ ⵖⴻⴼ ⵜⴹⵓⵍⵍⵉ ⵏ ⵓⵔⴼⴰⴷ ⵏ ⵜⵎⴻⵜⵜⵉ ⵜⴰⴳⵔⴰⵖⵍⴰⵏⵜ ⵍⴰⴷⵖⴰ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⴰⵎⴰⵙⵉⵜ-ⵏⵙⴻⵏ ⴷⴻⴳ ⵓⴷⵀⴰⵍ ⵏ ⵓⴳⵣⵓⵎ ⵏ ⴻⵖⴷⴻⵎⵜ ⴷⴻⴳ ⵍⵉⴱⵢⴰ, ⴷⴻⴳ ⵓⵙⴻⴳⴷⴻⵔ ⵏ ⵡⴰⵀⵉⵍⴻⵏ ⵏ ⵓⵍⵎⴰⴷ ⴷ ⵓⴻⵙⴳⴷⴻⵔ ⵏ ⵜⵣⴻⵎⵎⴰⵔ, ⵙ ⵎⴰⵜⵜⴰ ⴰⴷ ⵢⴻⵙⵙⴳⴷⵔⴻⵏ ⴰⴳⵣⵓⵎ-ⴰⵢⴰ.
ⵉⴱⴻⵢⵢⴻⵏ ⴱⵓⵙⴰⵀⴻⵍ ⴱⴻⵍⵍⵉ ⵜⴰⵡⵉⵍⴰⵢⵜ ⵏ ⵜⵙⴻⴱⴻⵔⵜ ⵜⴰⴳⵔⴰⵖⵍⴰⵏⵜ ⴷⴻⴳ ⵍⵉⴱⵢⴰ ⵢⴻⵍⵣⴻⵎ ⵓⵔ ⵜⴻⵜⵜⴱⴻⴷⴷⴰ ⵛ ⴽⴰⵏ ⵖⴻⴼ ⵓⴹⴼⴰⵔ ⵏ ⵢⵢⴰ ⵉ ⴷ-ⵢⵓⴷⴼⴻⵏ ⴷⴻⴳ ⵜⴻⵊⵔⵉⵎⵉⵏ, ⵢⵓⵎⴰ ⴰⴷ ⵜⴻⵜⵜⵄⴻⴷⴷⴰ ⵖⴻⵔ ⵢⵉⴷⵉⵙⴻⵏ ⵉⵡⴻⵔⴷⴰⵏⵉⵢⴻⵏ ⵢⴻⵍⵍⴰⵏ ⴷⴻⵔⵡⴻⵏ ⴷⴻⴳ ⵓⵔⵓⵔⴽⴰⴷ ⵏ ⵓⵡⴰⵏⴰⴽ ⴰⵍⵉⴱⵉ ⵙ ⵓⴽⴽ ⵜⵓⴳⵏⴰⵜⵉⵏ ⵉⵍⴻⵣⵎⴻⵏ.
ⴷⴻⴳ ⵓⵏⴻⴳⴳⴰⵔⵓ ⵢⵓⵍⴻⵙ ⵖⴻⴼ ⵓⵍⴰⵖⵉ ⵏ ⴷⵣⴰⵢⴻⵔ ⵖⴻⵔ ⵓⴽⴻⵎⵎⴻⵍ ⵏ ⵜⵙⴻⴱⴻⵔⵜ ⵜⴰⴳⵔⴰⵖⵍⵏⵜ ⴷⴻⴳ ⵡⵓⵙⵙⵉⵙⴻⵏ-ⵏⵏⴻⵙ ⵖⴻⴼ ⵓⵙⴻⵙⵜⴻⵏ ⴷⴻⴳ ⵜⴻⵊⵔⵉⵎⵉⵏ ⵢⴻⵎⵎⵓⴳⴳⴻⵏ ⴷⴻⴳ ⵡⴰⵎⵎⴰⵙⴻⵏ ⵏ ⵓⵎⵢⴻⵏⴽⴰⴼ, ⵍⴰⴷⵖⴰ ⴼⴰⵍⴻⵙⵟⵉⵏ ⴷ ⵜⴻⵙⴼⵉⴼⵜ ⵏ ⵖⴻⵣⵣⴰ.
ⴰⵔⵏⵓ ⵖⴻⵔ
